عذابي سكون

𝚙𝚊𝚛𝚝 4

#عذابي_سكون

بـ قلم :- روز + نور

لتنسون المتابعة والتصويت والكومنت بين الفقرات 🪸.

البارت الرابع || بسم الله الرحمن الرحيم ..

اللهم صلِ على محمد وآل محمد 🦋.

●○●○●○●○●○●○●○●○●○●○●

فتحت أحد البطالة بصعوبة عطرتني ريحة مُقرفة صبيت كم كاس ورجعت أشتم صح الريحة مُقرفة بس أجاني فضول أشرب وأشوف شنو هذا ؟

قربتة ؏ شفايفي أشرب شوي دخلت بـ فمي نقطة نرعصت روحي لاكن سُرعان ما فززني صوت عالي ..

أثل :- عزااا عزااا بعيني ولك تريد تفضحني أنتَ ..

أردفت هالجُمل بسرعة بس أنتبهت إلها إيدي كامت ترجف من الخوف أردفت بخوف وتساؤل ..

- ها شسويت!

- وتسألني شسويت يمصخم يملطم هذااااا مو هسة تشربة أنتضر تكبر وأخليك تشبع منة

- هذا شنو ريحتة مو طيبة وطعمة خايس

ضربتني راشدي ..

- دام ريحتة مو طيبة شكو تريد تشرب منة

هستوني داكللها عبالي بس ريحتة هيج سمعت صوت رجولي ثَمل يصيحلها ، باوعت بأتجاه الباب تراقب

- أمشي أمشي ولي بالحديقة

- وغرفتي!

- أنتَ تروووح لو شلوون!

من غير هذا الصوت سمعت صوت المرة نفسها دتصيحلها!

سُعاد :- أثوولة هاي شنو الصياح

دفعتني للحديقة قفلت الباب أسمع بس أصوات الطرب والاغاني ضليت بـ ليلتها للـ صبح بـ الحديقة ، كعدت ثاني يومم الذبان يون بأذني والشمس شوتني شوي .. طرقت باب المطبخ إلي نفسة يطل ؏ الحديقة أكثر من مرة وماكو أستجابة! .. چنت كلش جوعان وبوقتها وأحس نفسي وسخ ضليت أطرق لحد ما مليت شعور موتني كمت أتلفت بـ الحديقة شفت حنفية مباشرةً فتحتها وجبت السطل سُرعان ما أمتلئ كمت أخذ وأشمر ؏ نفسي مي ..

أنفتح باب المطبخ طلعت منه المرة الغريبة إلي تلبس كلة ملابس فاضحة ضحكت ضحكة رنانة وأردفت ..

سُعاد :- أثل هذاا الولد نام هنااا

- اوي باع ابن منو نايم وين

- خطية هذا أمانة عندج

- باع منو يحجي بالامانة خاب دسكتي سكتي ام الامانة

- شنو شمسوية ومادري بروحي

- تذكرين لبنية لأهلها توفوا وعوود علساس أمانة خليتيها تشتغل وياج لحد ما أنتحرت البنية وبعد وبعد غير النصب إلي عن طريقة تخطفين بنات وهمين تشغليهم يمنا