عذابي سكون

𝚙𝚊𝚛𝚝 8

#عذابي_سكون

بـ قَلم :- روز + نور

لاتنسون المتابعة والتصويت والكومنت بين الفقرات..

اللهم صلِ على محمد وآل محمد الطيبين الطاهرين

«البارت الثامن»

«•»«•»«•»«•»«•»

مَريض نفسّي..
و تضنى بداء الهَم و السَقم نفسي
تعاطي الدواء المر يدمي بحبسي
و في الدهر مأساتي تراءت فواجعي
[و أحكي معاناتي لـ جني و إنسي]
كأني ضربت النفس بالسيف تشتهي
ملاكي إذا غاب الشياطين لمسي
وما عاد بدري النور يعطي نجومه

❏❏❏

محمد نايم وعذاب فوكة حاملّ سكين بأيدة مما أدى لـ صُراخ الموجودين كبار وصغار خوفهُم من أن عذاب يطعن محمد..

علي:- عذااااب كووم كوووم شنو تخبلت؟

عذاب:- خلي يسسكتتتت

محمد:- ليش اسكت؟ قابل مجذب؟

عبدالله:- حبيبي عذاب هذا اخوك عوفة

عذاب:- ما اعوفة اذا ما أخلي السچينة بنص قلبة..

اردف هالجملة وحط السكين بأتجاه قلب محمد تعالت صرخاتنا وخصوصاً ماما..

منار:- يمة عذاب كوم عوف اخوك وصاحبك هذا

عذاب:- صاحبي واخوي يعيرني مامااا !

منار:- بس عوفة عوفة لـ خاطري

عذاب:- هوَّ السبب يتحمل إلي يصير لأن بسببة

منار:- لا تتهور ماما نور تزعل منك

عذاب:- ماما نور ما زعلانة مني زعلانة منكُم أنتوا !

الدموع تلالي وتلمع بـ عيونة خصوصاً من يسمع بـ طاري أمة الله يرحمها، سكت الكُل سامحيلة بالكلام اما محمد ظل بنفس الوضعية بسبب تقييد عذاب إلة..

عذاب اصغر من محمد بس بُنيتة الجسدية او كيانة الشخصي كبير إلي يشوفة يگول هوَّ ومحمد نفس العمر..

عذاب:- نور زعلانة منكُم كلكم واحد واحد

علي:- ليش حبيبي ليش أبوية أنتَ!

عذاب:- بابا اخذني منا

علي:- كوم كوم اخذك

عذاب:- ما أدخل لـ بيوتهم بعد

علي:- صار

عذاب:- ابد ما أدخل!

علي:- أبد..

نهض من محمد عيونة شوي وتفقع من العصبية ملامحة متغيرة وتعبانة طلعوا من البيت وعيوننا تراقبهُم..

ماما ما سكتت من البچي لزمتها ميسون تبعدها من المُكان بس ماما أصرت تبقى، تقدموا بابا وخالو جعفر بأتجاه محمد يفهمون منة..