عذابي سكون

𝚙𝚊𝚛𝚝 14

#عذابي_سكون

بـ قلم : روز + نور

* ليس لدينا أي حساب بمواقع التوصل الاجتماعي.

لاتنسون التصويت + الكومنت بين الفقرات+
متابعة الحساب .

« البارت الـرابـع عشر »

اللهم صلِ على محمد وآل محمد الطيبين الطاهرين..

قراءة ممتعة..

ــــــــــــــــــــــــــــــــــ 🦅 ــــــــــــــــــــــــــــــــــ

ردت اكمل كلامي لزم راسي وباسني بعمق نسيت اتنفس من الصدمة ضل لازم راسي ومستمر خليت إيدي على كتفة ومن سوء حضي انفتح الباب ودخل شخص رفع راسة يشوف منو غمضت عيوني ودعيت من الله مايطلع محمد...

صمت لـ عدة لحظات جسمي بدة يتعرق من الخوف ليش عذاب ساكت وليش الي اجة همين ساكت؟ كومة استفهامات براسي!

وما أجتني الجرأة ولا واحد بالمية أرفع راسي وأشوفة منو بقيت داحسة راسي الطامة مو هنا كتمت نفسي ومن الخوف صعدت راسي لرقبتة..

-عذاب: مضيع شي هنا؟

-نزار: ههههه خاف قاطعتكم؟ ، ولو بعدكم بالبداية..

استوعبت هذا نزار رفعت راسي مصدومة من قلة الادب أجت عيني بعينة ركض بأتجاهي بسرعة لزم شعري يريد يملخني..

-عذاب: هااااا هاااااااا شكووو!

-نزار: تاكل خـ** حسك ما اسمعة ولك انيييييي تصاااحب خطيبتيييي

-سكون: بحلگك الخـ** يا ادبسز اعرفك تعرفني وخطيبتك؟؟

كام عذاب من مكانة تحرك بخفة صار ورا نزار لزم تيشيرتة وسحبة بقوة..

-عذاب: عود شقاوچي وتغار؟ شو تعال..

طاح بي دك بوكسيات ماعرُف المسبات والشتم منين يطلع كل واحد يغلط على الثاني بـ كلام يشيب الراس..

بقيت مصدومة صافنة عليهم هسة شسوي الحمدلله من أجة ببالي أطلع برا واصيح للولد حتى أخفي شاش أني چنت يم عذاب..

طلعت وهُمَّ مستمرين ما اسمع شي بس عياطهم واصل لسابع جار ومثل ماگلت واحد يسب الثاني وواحد يعيط على الثاني..

طلعت بسرعة هرولت بأتجاه البيت فتحت الباب وفتت للغرفة الي كاعدين بيها كلهم حچيتلهم كلشي أكيد ماگلت اني وعذاب چننا بوضع مُزري بس گلتلهم نزار وعذاب ديتعاركون..

طلعوا محمد ومُعاذ وكرار وعمر وراهم رحنا كلنا همين حاوطوني وردة وحياة يتفسرون مني ضليت ساكتة والدمعة بعيني هسة شگللهم؟..

حاولوا الولد يفاككوهم بقدر الامكان بس ماكو عذاب ونزار ثنينهم قافلين واحد يسحل بالثاني..
حياة تحاچيني تسألني وبالي ولا يمها مركزة وياهم..