إسكربتو

اسكربت1 "الديب ويب" "deepweb"

تعديل: في ناس بتوه في النص توضيحي لو حسيت نفسك هتوه اقراء بتمعن وانا بعمل حالياً علي تحسين السرد وتنظيم واكيد اللي كمل الأسكربتات هيلاقي في تحسن وتنظيم اتمني، لكم قراءة ممتعه. ♡

في مقدمه بسيطة هتعرفنا اي هو "دارك ويب" او"ديب ويب" بشكل مختصر قدر الامكان وبعديها نبدا الاسكربت واحنا فاهمين اي هو موضوعنا

في البداية عايزكم تعرفوا إن العالم الهادئ و اللطيف الحواليكم مش هو العالم الوحيد اللي إنتو عايشين في ، في عوالم تانيه كتيرة انت متعرفش عنها أي حاجة  ،
ومش معناها انك بتدخل علي الإنترنت كل يوم ، و بتقرأ في خبر حلو عن فوائد الزنجبيل،  و أضرار السجائر ، و ترسل رسالتين للكراش بتاعك ، ولا تخش يوتيوب و تحضر ليك فيديو تعليم اللغة الإنجليزية ،ولا أغنية بريئة من طيور الجنة ، ولا تعليم كيفية صناعة البيتزا ، ولا تحضر ليك مسلسل تركي مدبلج ، وعايش في دايره معظم اللي بيشاركوك فيها ناس حلوين و طيبين ، يبقي معناها الدنيا كلها حلوة كدا . .
لا أبداً
احمد ربنا انك عايش في امان انت واسرتك في مجتمع متماسك ومتواضع ، و بتحكمه الأعراف و التقاليد و الدين ، و أبسط إحتياجاتنا هي كهرباء و ماية واكل..
لانو والله اللي هتقراوه انهاردة هيخليك تشوف جانب تاني من العالم الأسود ، جانب كئيب ومادي و مرعب وكله دم و قتل وشر  . .

انهاردة  هأحكي ليكم عن "الديب ويب" ، نادي المجرمين والسفاحين وتجار البشر ،والمخدرات و السلاح وكل أشرار العالم ، الديب ويب هو أخطر مكان في العالم كله ،
المكان ده عبارة عن شبكة كبيرة من مواقع الويب ، ومن شدة سريتها مش هتقدر توصل ليها من خلال محرّكات البحث العادية زي "جوجل" و "ياهو" و"بينج" ، ومش هتقدر تدخل ليها عن طريق متصفحات الإنترنت زي جوجل كروم أو فاير فوكس ، لكن لو مصمم تدخل لقلب الجحيم يبقي لازم تعرف انو الديب ويب مش نتقدر تدخله إلا عن طريق إستخدام تقنيات تشفيرية و أكواد معقّدة شوية،  و بتتغير كل مرة علشان يبقي صعب تحديد ومعرفة أصحاب المواقع دي ،و تحديد مكان أو هوية المستخدمين .
أول حاجة لازم تعرف إن شبكة الويب العالمية بتنقسم لي 3 أجزاء:

▪️الجزء الأول: و هو "الإنترنت العادي"
اللي بنستخدمه كلنا بالمتصفحات العادية زي جوجل وياهو وفيسبوك و واتساب و إنستجرام والحاجات الجميلة بتاعة الناس المساكين اللي زينا   . . والانترنت العادي بتقدر بضغطة واحدة بس توصل لي أي حاجة إنت عايزها ، وبيسموه الإنترنت الطافي او الانتر نت النظيف ، وهو قابل للفهرسة ، وقابل للمراقبة ،

بس المعلومة المرعبة اللي  هتصدمك هي إن كل الانترنت وكل المواقع اللي في العالم دي بتمثل فقط 5% من إجمالي الانترنت الحقيقي والخفي اللي بيتم إستخدامه في العالم..

▪️الجزء الثاني: و هو "الديب الويب Deep Web "
أو الإنترنت الخفي أو الويب العميق، وهو مستوى أعمق من الإنترنت العادي , والديب ويب ما بتقدر تدخله بنفس محركات البحث العادية زي جوجل وكروم والمحركات بتاعتنا اللي متعودين عليها ، لكن في برامج ومحركات بحث مخصوصة علشان تقدر تدخله ، لكن محتاج يكون عندك معرفة كبيرة بالأكواد والشفرات علشان تعرف تتعامل معها، والغريب أنها ما عندها جهة بتملكها أو بتتحكم فيها، وللصفحات دي بروتوكولات خاصة، علشان كدا ما حا تلقى علي الديب ويب النظم المعروفة في الإنترنت العادي، زي .((com/، http ، http: .net/، ))
الديب ويب الأقل خطر أو الأقل شر وسواد ، موجود فيهو مواقع لي شركات بتاعة تجار بشر،  و تجار مخدرات ، وزعماء عصابات،  و شركات دعارة،  وغسيل أموال،  ووكالات مخابرات، وسياسيين وأشهر الصحافيين ، و فيه كمان مواقع خاصة بالحكومات في مختلف دول العالم .
وبيختار السياسيين و الصحافيين و الإعلاميين الديب ويب لأنه مشفر بالكامل وما بيخضع للرقابة ،ومفيش أي جهة في العالم تقدر تراقبه أو تتعقبه أو تصل لأصحاب المواد المنشورة فيه , علشان كدا هنلاقي الحكومات بتستخدمه علشان تبقي المعلومات المتبادلة بينهم سرية تماماً ومافي أي شخص يقدر يعرف أي شيء عنها , فأغلب السفارات في العالم بتستخدم "الديب ويب" في حالة الاتصال بينها وبين دول أخرى.