شرارة بين النار والماء

الحلقة الثامنة والثلاثون

﷽

____الكاتبة بحر_____

شـــرارة بين الــنار والـــماء

تقريبا 5500 كلمة
لا تضوجون من الاخطاء الاملائية
الموبايل اللي كتبت بي شلع گلبي بالگوة كملت البارت

________________________

علياء

مافهمت كلامها صفنت بفهاوة وهي فزت من شافت عباس نازل من الدرج

سحبتني بنتر دخلنا الغرفتي وتكلمت وهي تررجف

:فدوة اغديلج اسمعيني

:غالية شصابج خافنها وحدة من سوالفج

:لاالة وعلي احجي الصدك وراس ابوي ماا اجذب

:احجي فضيني

:امج امج اسمعهاا تخابر بخالج خلف

:خالي !!

:ايه ترريد منه راس مرة كالتله هاي اجتافي للعباس كون اجذب كالتله احفر كبر مررة مدرري منين بس رادت راسها تسوي سحر لبووج كالتله جابر صاير مايريدني وهددتهّّ تفضحه

:شتفضح جاا هو شعدة انوب خالي يخااف من امي

:بروح الحسين احلفنج لاا تجيبين طاريي وعلي تنهيني لو درت

:فووتي انتي روحي لحجرتج خلني اشووف شهالسالفة المجيرة

راحت تهرول وتتلفت على غرفة امي صعدت الدرج وانا عيني وراها

من كملت صعود رحت لغررفة جدتي لكيتها تسّبح

: جدة

:بهداي يواشج ولج

:ما ادري شحجيلج انا ما ادرري السالفة صدك لو جذب

:علياء جدة حيلي بايد ومالي حيلج ذبي احمولج خلني افهم

اقتربت منها جلست على سريره فاتحة عيوني فاهية محتارة منين ابدأ تكلمت كل كلامي دفعة واحدة ردت اخلص من هالسم الندس بداخلي

: امي تحاجي خالي خلف تگله يحفر كبر مرة يطلع راسها .. امي يجدة تريد تسوي عمل لبوي

:موش جديدة على چليثم بس ماضنيت خستها توصل عالمواصيل .. منين جبتي هالعلم ولج

:ما اكدر اكللج

نضرت بوسط عيني كل يقين بانها فهمت ان الخبر اجاني من غالية ما ضغطت علية تكلمت وهي تنضرلي بشك

:اذا ماعندج شي بعد روحي عني خلني اشوف دربي

عفتها وطلعت بدون كلام

رجعت لغرفتي وانا قهري صار بكلبي حسيت نغزة قوية قفلت الباب وتمددت وضليت اردد

اللهم صل على محمد وال محمد