_ඩේසි_

හිනාවකට හේතුවක්

දැක්කා නොයෙක් ජීවිත
ඒවා නම් හිනාව බලෙන්ම ඇඳගත්ත ජීවිත

සමහර තැන් වල තිබුණෙම
හිනාව පැලපදියන් වුණු ජීවිත
යාලුවො එක්කහු උන තැන තිබුණෙම
නවතින්නැති හිනාවක් පිරුණු ජීවිත

සමහර පාරවල් වල
හිටියා නැතිවුණු හිනාව හොයන ජීවිත
ඒ අස්සෙ හිටියා
හේතු නැතුවත් හිනාවෙන ජීවිත
ලොකු පුටු වල හිටියෙම
උද්දච්ච හිනා පිරුණු ජීවිත
ඒ අස්සෙ හිටියා
පෙම්පාට හිනාවක් ඇඳුණු ජීවිත

ඔය හැම තැනම හිටියා
හිනාවකට හේතුවක් උන ජීවිත..

#zaara