Lost you Forever《长相思》ဘာသာပြန်

အပိုင်း (၁၁) [၂/၃]

ကျွောင်းရွှီက သူ့နှုတ်ခမ်းဆီသို့ ပုလွေကို သယ်ဆောင်လာပြီး သံစဉ်ကို စတင်လိုက်သည်။ သံစဉ်သည် ခုနက ဗျက်ဆောင်းသံနှင့် အတူတူပင်ဖြစ်သည်၊ သို့သော် အပြောင်းအလဲများနှင့်အတူ ၎င်းသည် ပေါ့ပေါ့ပါးပါးနှင့် ပြည့်နှက်နေသော သံစဉ်တစ်ခုဖြစ်လာသည်။ ရှောင်းလျို့ ကဲ့သို့ ဂီတအတွေ့အကြုံမရှိသေးသူပင်လျှင် အံ့သြစရာကောင်းသည်ဟု ပြောနိုင်ပြီး ဗျက်စောင်းတီးခတ်သူကသတိထားမိကာဗျက်‌စောင်းသံကပိုမိုကျယ်လောင်လာပြီးပုလွေသံနှင့် လိုက်လျောညီထွေ ရောနှောနေသည်။။ နှစ်ယောက်သား တစ်ယောက်နဲ့တစ်ယောက် ပြိုင်တီးမှုတ်ရင်း တစ်ယောက် သံစဉ် နောက်တစ်ယောက်လိုက်နေကြသည်။မြူခိုးတွေကြား သံစဉ်တွေက ကခုန်နေပြီး နိမ့်တစ်ချီမြင့်တစ်လှည့်ဖြစ်နေသည်။ တဖြည်းဖြည်းနှင့် ဗျက်စောင်းသံက ပုလွေသံဖြင့် ပျော့သွားပုံရပြီး ပြီးပြည့်စုံသော ထပ်တူကျမှုဖြင့် လိုက်ဖက်သွားပါသည်။

အားညန် က ပိုပိုပြီး စိတ်ရှုပ်လာပြီး ပုလွေကို ရုတ်တရက် လှမ်းဖမ်းလိုက်သည်အသံက ရုတ်တရက်ရပ်သွားပေမယ့်‌ ကျွောင်းရွှီက စိတ်မဆိုးဘဲ "ဘာဖြစ်တာလဲ?"

ဗျက်စောင်းသံသည်ပုလွေကို ဆုံးရှုံးခဲ့ပြီး သူ၏တွဲဖက်ကို ရှာဖွေနေပုံရကာ မြူခိုးထဲတွင် အထီးကျန်နေလျက်ရှိသည်။

အားညန်ကက သူ့စိတ်တွေ မကျေမနပ်ဖြစ်ကာ "နားမထောင်ချင်တော့ဘူး" လို့ ပြောလိုက်သည်။ ရှောင်းလျို့ကခေါင်းငုံ့ပြီးပြုံးကာ ကဏန်းကိုဆက်စားနေလိုက်သည်။

ဗျက်စောင်းသည် အချိန်အနည်းငယ်ကြာအောင် တီးခတ်ပြီး ပုလွေသံမှ တုံ့ပြန်သံကို မကြားရသောအခါတွင် စိတ်အနှောင့်အယှက်ဖြစ်ကာရုတ်တရက် ရပ်သွားခဲ့သည်။

ကျွောင်းရွှီက ကဏန်းတစ်ကောင်ကိုယူပြီး အားညန်အတွက် အခွံခွာကာ သူ့ရှေ့မှာ တင်လိုက်သည်။ သူက ပြုံးပြီး ဝမ်းသာအားရနဲ့  ပလုတ်ပ‌‌လောင်း စားနေသောရှောင်းလျို့ကိုလည်း အလားတူလုပ်ပေးခဲ့ပြီး "ကဏန်းကို အရသာရှိအောင် ကိုယ်တိုင်စားရမှာကို" လို့ တိုးတိုးပြောလိုက်တယ်။