مَـهربـِي

الأسـتقـرار

السلام عليكم 🤍
عَذْلُ العَواذِلِ حَوْلَ قَلبي التّائِه
وَهَوَى الأحِبّةِ مِنْهُ في سَوْدائِهِ يَشْكُو
المَلامُ إلى اللّوائِمِ حَرَّهُ
وَيَصُدُّ حينَ يَلُمْنَ عَنْ بُرَحائِهِ

تروشت بماي حار لأن جسمها كان بارد حيل من المطر والهواء وطلعت من الحمام لكن لما وقفت عند باب الحمام حست بدوخه مو طبيعيه جتها فجاء وسندت راسها على باب الحمام شوي لين تخف الدوخه لكن ما قدرت وقعدت على الارض
ضلت جالسه كم دقيقه بعدين وقفت وقعدت على السرير طبيعي تحاول تتجاهل صداعها
جسمها كان كله احمر من حرارة الماي 
كانت لافه الفوطه على جسمها من تحت ومطلعه يدينها حاطتها على فخذها
قعدت تستنى لارا
نست انها قالت لها تناديها
لكن لارا حست انه مارلين تأخرت فراحت للغرفه وفعلاً شافت مارلين قاعده تحوس بيدها طبعاً واول ما فتحت الباب رفعت مارلين راسها وقعدت تناظر لارا وهي تتفحصها من بعيد وحست بحرارة جسمها رغم المسافه الي بينهم
قربت منها شوي وقالت لها وهي تناظر بعينها: شرايك تختارين بجامه تلبسينها الحين وبكرا نقعد نتكلم براحه اكثر؟
مارلين ناظرت للأرض ثواني بعدين رفعت راسها وناظرت بلارا مره ثانيه وقالت بصوت خفيف: ابي ثوبي..
لارا فهمت اي ثوب تقصد وهزت راسها وراحت للصاله تطلع لها الثوب من الكيس عشان تلبسه
طلعته لها لكن لاحظت انه ماعندها ملابس داخليه
لكن تجاهلت الموضوع وراحت للغرفه عشان تعطيها ثوبها
فتحت باب الغرفة وكالعاده ناظرت فيها مارلين وقربت لارا عشان تعطيها ثوبها وفعلا خذته ولبسته
الثوب كان ابيض مايل للأصفر بسبب كثره الاستخدام وشعر مارلين كان مبلل ولهذا السبب نقط الماي على الثوب من قدام وصار جزأها الفوقي يبان كله من خلال الثوب
لكن هي ما انتبهت وطلعت للصاله عشان لارا تعرف انها لبست خلاص
فتحت باب الغرفة وشافت لارا قاعده على الكنب تاكل زي المكسرات
لارا ضلت دقيقه ما شافتها لأنها كانت مفهيه تفكر ايش ممكن تسوي مع مارلين
ناظرت فيها لارا بعد ما انتبهت لها ونزلت عينها بسرعة على تحت وقالت بصوت شوي عالي: يماما ثوبك غطيي
مارلين ما فهمت وش تقصد وناظرت بثوبها وبعدين شافت انه جسمها مبين ورجعت للغرفه وسكرت الباب لكن ما قفلته
لارا لما سمعت تسكيره الباب رفعت عينها وقعدت تضحك بصوت خفيف عشان ما تسمعها مارلين وتزعل
شوي وبعدين قامت طقت الباب طقتين عشان تنبه مارلين انها بتدخل
مارلين اول ماسمعت صوت الباب سحبت الفوطه من على جنبها ولفت فيها جسمها
لارا دخلت الغرفة وقالت حق مارلين وهي تفتح الدولاب:
بطلع لك اندروير وبجامه من عندي لين ينشف شعرك وينشف ثوبك بعد بعدين تقدرين تلبسينه تمام؟
مارلين ما ردت واكتفت انها تهز راسها وتنتظر لارا تطلع لها الملابس
طلعت لها الملابس وكانت بجامه نص كم لونها وردي ساده وسروال صوف خفيف لونه ابيض
لبستهم وطلعو كبار عليها
التيشيرت نازل على كتفها
طلعت حق لارا بالصاله وهي ماسكه السروال عشان مايطيح وقالت حق لارا: كبار علي
لارا كتمت ضحكتها لكن ابتسمت وقالت وهي بنفس الابتسامه: التيشيرت عادي لكن السروال بربطه لك من ورا اذا عادي
مارلين هزت راسها ولارا قامت من الكنبه وراحت الغرفه تجيب ربطه شعر
وفعلا جابت ووقفت قدام مارلين وقالت بصوت خفيف:تسمحين لي؟
مارلين هزت راسها بأبتسامه خفيفه ورفعت التيشيرت شوي
لارا قعدت على ركبها وسحبت السروال عشان تربطه
لاحظت قد ايش مارلين نحيفه وبطنها ضعيف لكن ما علقت
ربطت السروال ومسكت يد مارلين وقالت: اقعدي بالصاله بسوي لك اكل وبعدين نامي بالغرفه وانا بنام بالصاله تمام؟
مارلين: تمام...
مارلين ما كانت مستوعبه ميه بالميه الي قاعد يصير لها وكانت تمشي كلشي بسرعه عشان تشوف لوين بتوصل
ولأنها خايفه من اخوها بعد وخافت انها تضل بالشارع واخوها يلقاها وياخذها

ابتسمت لارا وراحت للمطبخ عشان تسوي حق مارلين الاكل ومارلين راحت للصاله وقعدت على الكنبه وسندت كل جسمها على ورا بأرهاق
حست بصداع مره ثانيه والم بجسمها
تأوهت بصوت خفيف ماسمعتها لارا ومسكت راسها
انسدحت على الكنب لا ارادي ونامت بمكانها...

........

شكرأ لكم