مَـهربـِي

مـفـضلـه

كلماتنا في الحبّ تقتل حبّنا
إنّ الحروف تموت حين تقال
___________
بعد اسبوع

كانت مارلين قاعده تلعب بالالعاب الصغيره الي طلعت لها مع الحلويات الي شرتها لها لارا
كانت مستانسه وكثيير فيهم وكأنها ربحت سياره
لارا بعد كانت فرحانه كثير لفرحتها اللطيفة وحست انها سوت انجاز لأنها فرحت هالبنت
لارا وهي قاعده جنب مارلين على الكنبه: ها عجبتك الهدية؟
مارلين ناظرت فيها بحماس: ايي
(لارا كانت كليوم تجيبلها هديه وهي نايمه بدون سبب لكن تقريباً عشانها تبي تشوفها سعيده)
لارا بعدت شعرها عن وجهها وقالت: مافي شكرأ؟
مارلين ضحكت ووقفت وسحبت لارا من يدها وحضنتها حضن عمييق
لارا شدت على الحضن ورفعت مارلين بيدينها بدون ما تحس
مارلين بعدت نفسها شوي وهمست عند اذن لارا بصوتها اللطيف: شكرا لارا
لارا كانت ذايبه بهمساتها الي حسستها بشعور غريب وحلو
باست خدها وقالت لها وهي تنزلها بخفيف وتناظر بعيونها بأبتسامه: عفواً يحلوه
مارلين ابتسمت من كلمة حلوه وقعدت مره ثانيه تركب العابها بتركيز
لارا كانت تناظر فيها ويدها بخصرها وقالت: مو ناوية تهدينهم شوي وتروحين تتروشين
مارلين هزت راسها بأيجاب وكملت تركيب
لارا رجعت تكلمت بأستغراب: اسمعي امس انا كأني لمحت صوتك وانا نايمه وسمعتك تونين شفيك يعمري فيك شي؟
مارلين تذكرت الي صار وناظرت بلارا وقالت: بطني كان يعورني واجد بس ماخليتك تقومين
لارا تنرفزت شوي من كلامها وقالت: لا لازم تخليني اقوم يمكن يصير فيك شي لاسمح الله وانا مادري لا تعيدين الحركه!
كملت لارا كلامها بعد ماخذت نفس تحاول تهدأ شوي: وبعدين من ايش يعورك الدكتوره قالت مابيصير في ألم كثير بالشهر الثاني
مارلين رفعت كتفها يعني ماتدري
لارا وهي تأشر لمارلين عشان تقوم: يلا قومي الحين حياتي لا مابيك تتأخرين بوديك معاي محل الملابس
مارلين ابتسمت ابتسامه خفيفه وقامت عشان تروح تتروش
وقفت بنص مشيها ومسكت بطنها بألم
تأوها بصوت عالي وكانت بتطيح على الارض بس مسكتها لارا من ضهرها وسندتها عليها
مارلين رجولها ما شالتها ونزلت على الارض بخفيف ولارا لا زالت ماسكتها
لارا بتوتر: بسم الله عليك اجلسي اجلسي
مارلين كانت تتنفس بسرعه وجلست بحضن لارا
لارا مسكت بطن لارا الصغير وقعدت تتفحصه بخفة
لارا وهي تمسح على بطنها: تنفسي زين مافيك شي انشاء الله
مارلين رجعت تتنفس طبيعي بسبب الألم الي خف من حركات لارا على بطنها
لارا شالت يدها من بطن مارلين وقعدت تمسح على راسها: شفتي قلت لك مافيك شي خلصنا
مارلين قعدت تمسح على بطنها وتكلمت بعتاب لطيف وهي تناظره: ليش تسوين فيني كذا
لارا ضحكت على كلامها وقالت وهي تهز كتف مارلين: شكلنا مطولين بقعدنا بالارض
مارلين وقفت بصعوبه وهي متمسكه بلارا: لا يعيه انا قمت
لارا وقفت بعدها وقالت وهي تمسك وجهها بحنيه وتناظر بعيونها: اذا صارلك كذا مره ثانيه اجلسي بمكانك ولا تتحركين وناديني اذا كنت موجوده واذا ماكنت موجوده بس امسحي على بطنك بخفيف وحاولي تتنفسين طبيعي لين تهدئين طيب؟ ولا تخافين ترا شي عادي
مارلين ابتسمت وهزت راسها بأيجاب
مارلين تجرأت للمرة الثانيه وباست خد لارا الي كانت بأقصى مراحل السعاده
باست لارا راس مارلين بلطف وقالت: ترا احب بوساتك
مارلين استحت من كلامها وضحك بخفيف وراحت الغرفه وسكرت الباب
ضلت مدة ماسكة الباب تستوعب الي صار قبل شوي
ابتسمت بحماس وقعدت تتحرك بسرعه لين تذكرت الي المفروض تسويه
وراحت دخلت الحمام