مَـهربـِي

الاكــل

السلام عليكم
هلا بالـلي يقـول الـورد وش لي بـه
من المهـدى أنا أو هـو لأطـيابي

سوتت الاكل وحطته بصينيه مع ماي وشالته عالأساس توديه لمارلين الصاله حملته ومشت للصاله وقفت جنب التلفزيون لما شافت الي نايمه بسلام على الكنبه ابتسمت على منظرها الصغيرون وحطت الصينيه على الطاوله و
قعدت ورا راس مارلين وشالت شعرها من على وجهها وقعدت تمسح عليه برقة
ثوان قبل تنادي بصوتها الحنون: مارلين.
مارلين ما تحرك انش واحد فرجعت نادت وهي تتأمل وجهها: مارلين يلا قومي سويتلك الاكل
قالت كلامها مع هزة خفيفه على كتف كتفها ولمحت تكشير ملامح مارلين بمعنى انها منزعجه وابتسمت وارتاحت بداخلها لسبب مجهول
قامت من الكنبه وقعدت على ركبها قدام وجه مارلين
وجهها صار مقابل وجه الثانيه بالضبط
حطت يدها تحت راس الثانيه وقعدت تحرك اصابعها بلطف على اذنها
رفعت راسها بخفه ورجعت تنادي بصوتها: مارلين اصحي..

مارلين استسلمت للأمر ورمشت وعيونها مقفله تقريباً
فتحت عيونها بخفه وقعدت تتأمل وجه لارا الي كان قبالها وتتأمل كل انش بالثانيه بتركييز
استوعبت قد ايش هي جميله وانه ماعمرها شافت احد جميل نفسها
هههه اكيد مارح تشوفها دامها كانت عايشه مع وحش
تلمست اطراف الكنبه بأصابعها وبعدها استقامت على الكنبه وسندت راسها على ورا وقالت بصوت خفيف سمعته لارا: معرف كيف نمت ، طولت صح؟ انا اس.
قاطعتها لارا ومسكت يدها وقعدت جنبها على الكنبه وقالت وهي تناظر بعيونها: لا تتأسفين ، ماطولتي بنومتك انا الي طولت بتحضير الاكل
انهت كلامها بأبتسامه وهي تأشر على الاكل
مارلين لفت وجهها للأكل وقربت منه شوي وحست بغثيان يتصاعد لحلقها وقامت ركض للحمام وقعدت على الارضيه واسفرغت الخبز الاسمر الي اكلته اخر مره...
لارا اول ماسمعت صوت الاستفراغ لحقت مارلين للحمام وخافت من طريقه استفراغها كانت تخوف بشكل مو طبيعي قعدت جنبها على الارض ولفت وجهها الجهة الثانيه وقعدت تتطبطب على ضهرها بقوه متوسطه
خلصت مارلين وسندت راسها على الجدار تتأمل الاشيئ بأستياء
ماتدري ايش فيها وخايفه انه لارا ترجع ترميها بالشارع
لا ارادياً نزلت دموعها وقعدت تبكي بصوت خفيف
لارا اول ما شافت دموعها تنزل سحبتها لحضنها وقعدت تمسح على كتفها وتردد بهمس ؛ هدي يماما مافيك شي انا معاك
مارلين بدأت تهدى شوي وخف بكائها
لارا مسكت راس مارلين بيدها الثنتين وقابلت وجهها وقالت لها بنفس واحد:
انا هنا معاك ومابخليك يماما دموعك هذي لا تنزل وانتي معي وانشاء الله كلشي بيعدي انتي بس ارتاحي ولا تخافين ابدأ محد بيقدر يقرب لك وانا هنا!

لارا كانت خايفه على مارلين وبشكل كبيير مع انه توها قبل ساعات شافتها الا انه في شي قاعده يجذبها لها ويقولها لا تخلينها
باست لارا راسها وقومت مارلين من الارض غسلت وجهها بالمغسله ومشتها للغرفه وقعدتها على السرير قالت لها وهي تمسح على شعرها بخفه: بخليك تنامين هنا على السرير وانا بنام بالصاله زين؟
مارلين خافت من كونها بتنام لحالها بهالغرفة الكبيره مسكت يد لارا وقالت بصوتها الهادي: معاك انا بنام معاك
لارا تفهمتها وابتسمت وهزت راسها: ابشري خلاص بنام هنا معاك لا تحاتين شي
مارلين لفت راسها تتأمل الغرفه مره ثانيه
لارا قامت وراحت للجهة الثانيه من السرير وقعدت تعدل الفوضى وفعلاً عدلتها وقعدت على السرير واجهت مارلين وقالت بضحكه: يلا انسدحي يبنت
مارلين لفت كل جسمها عليها بأهتمام بعدها انسدحت ولارا لحقتها وهي بعد انسدحت مارلين نامت اول ما حطت راسها على المخده عكس لارا الي غرقت بتفكيرها للمره المليون وبعدها بربع ساعه نامت لارا......

.

ادري الرواية فيها كثير اشياء غريبه بس انا قاعده اكتبها للتسليه يعني لحد يدقق ارجوكم ههههههه

اذا في اخطاء املائيه تجاهلوها