مَـهربـِي

زيـــارة

_________________
11:26

كانت قاعده تسوي حق نفسها فطور عشان تروح الجيران
مر يومين على الحادثه وصاحب البيت ماردلها خبر
صح انها يومين ، ولكنها كانت مثل الدهر بالنسبة لمارلين
مشاعرها كانت صعبة الفهم بدون لارا
كانت ضايعه وجداً ماهي عارفه ايش تسوي لوحدها
قررت اليوم انها هي تروح له
فطرت فطور خفيف بما انها ماتعرف تطبخ ذاك الفطور القوي
اكلت بدون نفس عشان بطنها لا يعورها وراحت تغير لبسها
دخلت الغرفه وطلعت لها لبس مرقع
لبست ومشطت شعرها ولمته على فوق وراحت لبست جوتيها وطلعت من البيت

وقفت قدام بيت جيرانهم ودقت الباب
مرت دقائق ومالقت اي رد
رجعت تدق وبعدها بدقيقه انفتح الباب
طلعت منه مارسيلا واول ما شافت مارلين ابتسمت بوجهها ورحبت فيها
دخلتها للبيت وجلستها بالصاله
مارلين كانت حاسه بتوتر مو طبيعي
هي ببيت ناس غريبه
ماتعرفهم كويس وبدون لارا
هالشيئين كانوا كفيلين بأنهم يخلونها تتوتر
بلعت غصتها وبدت تحك يدها
مارلين وهي توقف: اين الرجال
ما كان عنده وقت تسأله عن اسمه فنادته الرجال
لفت عليها مارسيلا وقالت وهي تأشر على الحمام: انه بالحمام خمس دقائق وسوف يخرج
كملت كلامها بهمس: اسمه جون
هزت مارلين راسها بفهم
راحت مارسيلا المطبخ عشان تجيب حق مارلين ضيافه
مارلين رجعت تجلس على الكنب وهي تحرك رجولها بتوتر
وقفت بسرعه لما سمعت صوت الباب ينفتح
طلع منه جون وهو يكح بخفيف
اول ما شافها ابتسم بهدوء وقرب يصافحها
بادلته المصافحه وماعطته وقت يستوعب وسألته علطول: هل يمكنني ان اذهب إلى لارا اليوم؟
جون حك راسه وقال وهو يمسك جواله: ماهو اليوم
اوه نعم يمكنك الذهاب
ابتسمت مارلين بوسع وقالت تعدل ثيابها: حسناً ولكن ليس لدي سياره هل يمكنك ان تذهب معي
جون قال بفرح: نعم بالتأكيد كوني جاهزه الساعه 12
هزت مارلين راسها بأبتسامه وجت بتطلع ولكن قاطعها صوت مارسيلا وهي تقول: لقد تمنيت ان تبقي هنا اكثر ولكن حسناً
مارلين بهمس: اسفه
مارسيلا بأبتسامه: أوه لا عليك ولكن هل يمكنني القدوم معكم؟
مارلين هزت راسها بأيجاب وطلعت من البيت
رجعت بيتهم وهي تركض من الفرحه
وأخيراً بتشوفها؟ هاليومين كانوا مرهقيين جدآ بالنسبه لها
تحركت بحماس قبل تقعد بالصاله وتفتح التلفزيون
كانت كل دقيقه تناظر بالساعه الموجوده بالجدار
ضلت تفكر
كيف بيكون حال لارا الحين؟ هل صارت زينه؟ هل بترجع معها البيت؟
عدلت جلستها وهي تحاول تنسى كلشي
راحت الغرفه وطلعت لها ملابس انيقه
ماتبي تشوفها وهي بهالملابس
طلعت تيشيرت سماوي ماسك على جسمها وجينز ابيض وسيع
جلست على الكرسي ولثواني حست بضيق
اول مره تجلس على الكرسي وماتجيها لارا تمشط لها
تجاهلت ضيقتها ومشطت شعرها
خلت نصه مربوط على فوق والنص الثاني خلته مفكوك
رغم انه يزعجها شوي اذا كان مفكوك بس هالمره خلته
ضلت تتأمل نفسها لوقت طويل لين ماسمعت صوت الجرس
عرفت انه جون لما طلعت للصاله وشافت انه الساعه صارت 12
ضحكت بخفه وصفقت يدها بفرح
فتحت الباب لجون الي انبهر من جمالها باللبس وقال: اظن بأن لارا سوف تشفى قريبآ
ضحكت مارلين على كلامه ولأول مره يشوفها تضحك
ابتسم بوجهها وقال وهو يمشي لسيارته: هيا لا نريد ان نتأخر على لارا!
مارلين صرخت بخفيف عشان يسمعها: فقط انتظرني قليلاً سوف البس حذائي
سوالها علامه ايجاب بيده وراحت هي بسرعة عشان تلبس جوتيها
لبسته وطلعت من البيت
شافت مارسيلا قاعده قدام وراحت هي جلست ورا
جون وهو يفتح السياره: حسناً نذهب الأن؟
مارلين هزت راسها بأبتسامه ولفت راسها على الدريشه