#بقلم_هاندا
111
🎬
..وصلنا وعقدولنا كي عدنا راجعين قتلها عمتي نركب مع بابا ومنقعدش معاه قاتلي كما تحبي غير شافني رايحة جهة طمبيل تاع بابا جا حكم الكرسي قالها عمتي روحي دك انا نرجعها شافت فيا قالها قتلك روحي دك نرجعها معايا هزتلي بحواجبها تاع خودي الراي وخلاتني معاه من نيتها هادي سمحت فيا اليوم قتلو -خليني نروح علاه راك تسمط في روحك طابس عدلي شعري وهمسلي-اقعدي عاقلة ولا نخطفك قتلو بعدني شفتهم ديماراو وراحو قالي شفتي انا لي ندوملك منا وجاي راكي مرتي وحلالي وانا راجلك ليديا اتقبلي هاد الشيء ،جا يهزني قتلو-متأمنش روحك بزاااف اني نكرهك تعرف وش معناها نكرهك قالي علابالي مليح تكرهيني وبزاااف هزني بين يديه وحطني ف لافو معاه -لالا منقعدش هنا خليني لاريار -ليديا هنا خير توال عيني عدلي لاسانتير والكوسالةزاد جاب ديك زورة حطها على طرافي طلعلي الكارو وسكر الباب وجا ديمارا مزدتش هدرت اصلا تفكرت ياماتي معاه كي كنت نركب ف هاد البلاصة بصح كنت عبد ودك راني عبد كتمت غيضي حاول يهدر معايا كي لقاني منتجاوبش سكت ،،هاندا ريفالدا للقصص ،مجبتش خبر لقيت روحي توال كلينيك قتلو-علاه جبتني هنا ااااا رجعني رجعنيييييي وليت نعيط تفكرت تخلع كي شافني هاكداك قالي-خلاص اتهدني بالعقل خليني نفهمك -متفهمنيش رجعني وليت نبكي وكيفاش منبكيش وهادي هي لي خرجت منها ع الكرسي حكملي يديا نضت نضرب فيه بالدبز لقيتو حضني ليه وتزير عليا-خلاص مديريش هكذا قلبي راه يتقطع ليديا خلاص تعيشي طلعلي راسي -عيشك عمري اتكالمي -بعدني منا بعدنييي حتى عضيتو من ذراعو قالي-صاي كما تحبي .... مشا بيا طريق كامل وانا نوكل ف ضفاري وهو يهدر شغل مع الحيط -نشريلك تتغداي - كول وحدك مكان مدخلك فيا كلمة بعشرة معايا فاذا منو للخر ،،، رجعنا للدار شفت عمتي ف الحوش هي وجدة ويماه على حساب المنظر كانو يدابزو عياطهم واصل عندي كي شافهم استغفر مسح على وجهو وهبط راح ليهم شفتو يعط على يماه غير شافتني جاية توالي حكمها من ذراعها وكركرها للدار ، جا هبط الكرسي وكي جا يهزني تلاقاو نضراتنا تبسملي وانا عبست فيه قالي -ديري فيا رايك نستاهل حطني ف الكرسي ومشا بيا توال دروج وراح سمعت جدة تقولو وانت دك كيفاش فهم روحك لي راك خاطبها جاتنا الصباح هنا وتندب علينا قالها -حاجة تخصني هاذي وبركاو من تبقاو توتوتوتوتو هنا نتي وياها لي نزيد نسمع بيه دخل روحو في حاجة تخصني ولا في حياتي راني نحي القدر معاكم كما راكم قاتلو .هاندا ريفالدا للقصص.-ااااا هذا انت لي كنت تقادرني وتعزني قالها من اليوم مكنش لا قدر لا معزة لي يغلط معايا ولا مع مرتي رايح نوريلو وجه عمرو شافو وراني فاد منكم كما راكم مزال مزال دك ندور عليكم واحد واحد كامل تقرو ويا ويلكم واحد يكذب عليا هو يهدر وانا بقات عالقة في ذهني هاذيك لي خطبها مفهمت نحزن عليها ولا على حالي جات عمتي قاتلو هيا خليك منها هاذي قدم هزني بين يديه جا وجهي في رقبتو وبارفانتو تكا براسو على وجهي يدير فيها بالعاني وهمسلي قالي لوكان تبقاي عاقلة هكدا مش خير سمعت عمتي تحمحم من ورانا ....#بقلم_هاندا
112
🎬
غير دخل بيا للشمبرة سكرها قتلو حطني وأخرج متزيدش تنعتلي وجهك محبش يحطني قدم وجهو لوجهي قالي -حقك عليا تزعفي وتدللي بصح بش تحبيني نبعد عليك هادي منقبلهاش -انت علاه لاسق هكذا حطني ف فراشي وأخرج عليا كان راح يبوسني حبستو بلاك بلاك تمسني ولا تزيد تقرب مني فهمتتت عضني من وذني غمضت عيني متحملة ،، شاف مع السرير قالي يلزمك واحد عريض بش تلقاي راحتك ....هاندا ريفالدا للقصص.كي عاد خارج قتلو تقدر تعيش حياتك انا احسبني منيش مرتك روح لعند حبيبتك وتزوجها متخليهاش تبكي عليك على والو روح وانا انساني بقا تايه فيا جا يقدم درتلو بيدي روح اخرج ، راح خرج جاتني عمتي قاتلي -هااا كش متحتاجي نجيبلك قتلها منحتاج والو ارواحي أمسحي على شعري واضفريهلي ،،، استحليت لمسات يديها على شعري غفيت وحد الغفية حلوة فطني صوت الغول كي كان يعيط لتحت فتحت عيني لقيت روحي وحدي ف الشمبرة وكرطون كبييير توال السرير يبان تلفزيون وريحتو تاع عدلان هاذي ميكونش دخل عندي وانا راقدة زدت تولهت لبواط تاع تلفون يبان جديد محطوط فوق لاطابل ...الحس والعياط لتحت هذا يضل هكذا ميملش ولا دخلت عمتي قتلها -وش كاين لتحت -والو خاوتك بين بعضاهم -وعلاه راهم يتعايطو - عادل هذاك تعرفيه كشما هدرلو وخوه مسكتلوش هي تهدر وهو طلع عندي غير شفتو زوغبت قالي -انتي علاش رجعتي هنا ويشوف مع كرتون هذاك قاتلو عمتي-روح اخرج منا معندو مدخلك فيها وين تقعد امشي تخدم على روحك ضال هنا الماكلة والعياط قالها-انتي لي ق ودي ارجعي لراجلك قاعدة كما الهجالة غاضتها منو بغيت نضربو بكاش حاجة زاد شاف ليا قالي غدوة تقوليلو يهزك من مكان لا عرس لا والو انتم في زوج متستاهلوش العرس خسارة فيكم طبسي طعام و خرج قتلو طعام انشاء الله نوكلوه في جنازتك سمعني عاود رجع ليا ي يما زدم فيا بكف عمتي كانت راحت غير سمعتني عيطت جات ليه لقاتو حاكمني بالكفوف .هاندا ريفالدا للقصص..شميت بارفان قاوية فتحت عينيا لقيتها في وجهي وقيل دخت وراسي ثقيييل جيت نهدر مقدرتش راحلي النطق عرفتني قاتلي -خلاص ارتاحي ارتاحي دك نعيط لباباك وسليم ، عيطتلهم جاو كي شافوني هكذاك تشوكاو وجهي يبان خريطة بيسك نحس فيه يحرق يا خوتي حكمني بسرعه وحد عشر كفوف و هاذ المرة قضالي على الصوت سليم كي شافني هبط طيارة يحوس عليه عشر دقايق لقيت عدلان طلع جبد عمتي على جهة قالي وش دارلك الكلب قاتلو عمتي راحلها الصوت -كيفاش -ايه صراتلها من قبل كي ...وسكتت ناض يخبط ويتحلف جا خارج ولا قال ل بابا انا نديها لسبيطار نشوفها غطيت راسي بالغطا ونبكي يا ربي علاش علاش لوقتاش ي ربي جا ينحيلي الغطا بقيت حاكمة فيه -عدلان خليها معندهم ميديرولها ف سبيطار دك كي تتكالما وتتهدن يرجعلها ضرب الباب قريب طار هبط وهبطو معاه كما راهم .......هاندا ريفالدا للقصص .رقدت هذاك النهار باكمة وش نتقلق كي جيني هاد الحالة غدوة للضهر طلع عندي كانت الجمعة لابس سيرفات وفاست خفيفة من فوق لعبتها راقدة كان واقف ف بابا الشمبرة ويهدر مع عمتي قالها -الا شفتيه جا وانا مكانش عيطيلي بالاكي تخبي عليا وبقا يسقسي فيها عليا الا رجعلي الصوت وراح....#بقلم_هاندا
113
🎬
فاتت اربع ايام مرجعش للدار داك لي ميتسماش وسليم عاود طلع لفرنسا البارح بعد مخلاني نبكي بلا صوت حسيتو رايح فوق طاقتو ربي يسهلو امورو دك بقيت وحدي كما كنت ..... قاعدة ف الصالو وعمتي جاها تلفون من المحامية تاعها سمعتها تهدر معاها وقيل مهيش حابة ترجع والله غاضتني لوكان جا عندي الصوت نهدر معاها نقنعها تولي بزاااف عليها ضحات عليا تستاهل تستقر وراجلها يبان يبغيها بيسك هذا عام وهي بعيدة عليه ومحبش يطلقها جات توالي وساااارحة حاضرة وعقلها غايب قدمت عندها درتلها براسي واشي -والو متحطيش في راسك هزيتلها حاجبي قاتلي -عمر محبش يطلق وزاد عاود دار جلسة الصلح تنهدت بقلة حيلة طلعت عندنا جدة تعيط من الباب راحت ليها نسمع فيها تقولها -امشي اهبطي راجلك او لتحت حاب يهدر معاك امشي بركاي من خشانة الراس تاعك بالسيف هبطتها ، هزيت تلفونها شفت نومرو تاع لافوكات عاودت حطيتو ورحت للشمبرة كانو حطولي تلفزيون فيها كما توقعت عدلان لي جابو وحتى تلفون بصح محبيتش نستعملو ،،،،،،، للعصر قوا الحس لتحت عرفتو هذا صوتو الغول جا شوية ونلقاوه زدم علينا انا وعمتي انا مهدرش معايا راح لعمتي قالها -غدوة تلمي قشك وامشي لدارك قاتلو والله تحاوز فيا من دار بابا -اني هدرت ومنعاودش الهدرة فاتحين هنا دار الهجاجيل كي نتي كي هاذي ، هاندا ريفالدا للقصص. مسكينة تحسب فيه رايح يضربني جات بعدتو حتى قريب طاح ويعطيها دبزة للضهر عيطت أنا عمتيييي ا رخيس خليها الكلب الله لا تربحك عرة الرجال حكمني من شعري-عاوديها هادي عرة رجال اااا العرة هءاك لي راهو عاقد عليك تفووووووه جات جبدتو عليا قالها غدوة نطلع هنا نلقا وحدة فيكم مزالت نشعل عليكم الدار ونخليكم تتشوطو ناضت تدعي عليه شافت فيا وضحكت تعجبت قاتلي هو لي سكتك هو لي نطقك اااا بش تولهت بلي نهدر وبديت نتعقن جابتلي نشرب الماء فرحت وبكيت نفس الوقت يعني هدا قد مندعي عليه قليل قتلها خرجيني نشم هوا تخنقت تخنقت جاتني وحد الحالة شغل خلعة حاجة تخبط ف ليسطومة وحكمتمي قشعريرة في جسمي ،، قاعدة ف الصالو وهي تقرالي ف القرآن حتى هديت شفتها حاكمة في ضهرها سير بلي ضرها هزيت تلفونها وعيطت لبابا كي هز مديتلها تهدر معاه قاتلو أرواح ديني لسبيطار ضهري تقسم كي جا هبطها وراحت معاه طلع عندي عدلان شفتو هاز شكاير انا كنت مقابلاتو ف الصالو مشافنيش كان يطبطب في باب شمبرتي يحسب فيا لداخل مبعد دخل من الباب وأنا نتفرج فيه خلي نلعبها مزلت مبكمة بش ميكسرليش راسي ،هاندا ريفالدا للقصص. شفتو عاود خرج من تم جات عينو عليا جا توالي -ه ليديا اكي هنا خلعتيني كما لقيتكش شفت عمتي راحت مع عمي جيت هنا عندك حطيت راسي قعد على ركبة ونص حكم يدي ويشوف في وجهي -ي عمري وش توحشت عياطك جا يحكملي وجهي بين يديه قتلو -أطلقنيييي لقيتو ضحك وتحضني ليديا حمد لله حمد لله رجعلك صوتك- خلاص بعد من توالي -ههههه خلاص عيطي هاوشي والله منقول حاجة قعد يركز معايا حتى توترت قتلو -وش جابك هنا انا وش قتلك آخر مرة ولا تحب نزيد نعاودهالك قالي تبقاي تعاودي فيها منا للعام الجاي نتي يسموك نتاعي فهمتي - منيش نتاعك يا وسمك منيش تااااعك ، شفت عادل طلع حكمت في يدو بحركة عفوية دور وجهو شافو ناض ولاخر لقاها سبة قالو معليش انت طلعت طلعت تقدر تهبطها معاك طلقلي يدي وحكمو جرو للهول منعرف وش قالو جا عندي قالي منيش متحرك من حتى جي عمتي ..هاندا ريفالدا للقصص...وحد الساعة وهو توالي جاب كرسي اونفاس ليا قعد فيه وفتح رجليه لم بيهم كامل الكرسي تاعي جيت نجبد روحي مقدرتش غمضت عيني بش نتجنب نضراتو.....#بقلم_هاندا
114
🎬
توترت بزاااف بصح غير صونا تليفونو تبدلو ملامحو طفاه وعاودولو ناض خرج للبالكو شوية وجا عرفتها ست الحسن عيطتلو حكمتني السخانة هو يدبر راسو بصح مش قدامي انا يروحو يبعدو عليا ويندبو كانو شفافي يتحركو نهدر دخلاني قالي بردتي هيا نديك للشمبرة ترتاحي الكرسي يوجع-لالا الكرسي خاطيه عمرو موجعني بالعكس غير هو لي رفدني مكملتش هدرتي رفدني بين يديه تلاقينا بعمتي داخلة ف الباب هي راحت لشمبرتها وانا بقا رافدني ودخل بيا موراها قالها -وشي خير برك قاتلو -ضهري -وشبيه ضهرك -عادل ضربني ليه بدبزة - والله وليديا كش مدارلها شافت فيا وهو قالها اهدري كي شافها سكتت فهم وحدو دخلني حطني فوق السرير بقا يثبت في وجهي ويشوف ورا رقبتي ذراعي قالي نلقا برك طاشة فيك اليوم ند ف نو ، جات عمتي قاتلو راهو يحاوز فينا -كيفاش هادي يحاوز فيكم -ايه كما سمعت انا قالي ارجعي لراجلك وليديا قالها يديك راجلك فاتحين دار مهاجل هنا -والله العزبة هدا لي فالح غير مع النسا اني هابط ليه ،راح قتلها علاه زدتي شعلتي النار ا عمتي دك شكون يطفيها تعرفي عدلان منارفي أكثر منو جات قعدت توالي مسيتلها ضهرها عيطت لربي -ايييي مضرورة بزااف وش قالولك -مبيه والو برك ضرزة جات ف العضل تتكسر يدو ان شاء الله تقول ضربني بحديدة ، ناضت وخللات تلفونها توالي هزبتو لقيت روحي نعيط للآفوكات صونا مهزتش حطيتو بجيه جات داتو ......هاندا ريفالدا للقصص..طاح الليل وقت العشا تولهت ل دوك شكاير لي جابهم عدلان حبيت نقرعج وش فيهم كانو بعاد عليا حتى دخلت جدة عليا -انتم دك متحشموش كي نتي كي عمتك ااااه ولا قواو عليكم الرجال هنا حتى عدتو تنممو بين حفاذي انتي عمرتيه هبط لخوك راه فلعصو لتحت ولخرى تاني وين راهي جات قاتلها-وش كاين- ااا وش كاين نتي هي الكبيرة زعما انا قلت عقلك جامل بصح اني نشوف فيك عدتي كما هاذي علاه تشعلو ف النار حبيتو طيح ر و ح هنا ولا ودارت ليا -الله يلعنك ي مصيبة من نهار لي رباتك فيه ليهودية عرفتا لوين توصل -وشبيك جدة ياك قتلك بعديني علاه تجبدي في ماما كسرتولها ضهرها ومزال مبردتش قلوبكم بعدتوها عليا وخليتوني وحدي حرام عليكم الله يلعنها عايلة منتشرفش بيكم عايلة الهم والرخس عايلة ليهود شغل فكرتني في ماما توحشتها بزاااف ... دخلت عليا عمتي قاتلي علاه عيطتي للآفوكات راهي عاودتلي ، كنت نبكي قتلها هاتي هنا نحتاجها -علاه -كيفاش علاه اكي تشوفي في هاد العايلة ااا لي يخل يضرب لي تدخل تهاوش انا رايحة نتبرا منهم دك نشوف معاها بلاك تبدلي إسمي -منك بالصح خلاص اتهدني حبسي البكا علابالي عندك الحق بصح مستحيل متقدريش -هاندا ريفالدا للقصص.خطفتلها تلفون من يدها بعتلها ميساج بيسك خفت نعيطلها ونبدأ نتعقن (( تقدري تعاونيني حابة نبدل إسمي وحتى لافامي تاعي ندير طلب للمحكمة منيش حابة نبقى على إسمهم )) جيت رايحة نبعتو خطفتلي تلفون من يدي قراتو وفاساتو قاتلي -بركاي اصلا متقدريش وحرام ف الدين هيا نوضي نديك تتعشاي ....#بقلم_هاندا
115
🎬
واحنا نتعشاو عيط راجل عمتي ناضت من الطابلة وراحت تهدر كملت نوكل وحدي كي جات قتلها -روحي لدارك عمتي الراجل صبر معاك بزاااف أنا مندوملك وانتي متدوميلي -وش الهدرة هاذي انا معندي وين نروح اصلا دارهم وكرهتهم كي يماه كي اختو اني قاعدة هنا ولاباس عليا -لالا عمتي بيك انا مقدرتيش تخليني وتشوفي حياتك انا كما تشوفي اهدري مع بابا يجيبلي وحدة تقوم بيا وانتي ساعة على ساعة ارواحيلي قاتلي منآمن حتى في مرا انا هنا معاك ويوصلوك لشمبرتك تشبعي مخبط تحوسي نروح ونخليك، جيت نهدر دخل عدلان قالها - عمتي ليديا عندها الحق روحي شوفي حياتك وهي انا لي مسؤول عليها ندبر راسي اصلا رايح نديرلها عرس ونديها لداري شرعت عيني فيه هدا كان يتصنت قتلو -وش من عرس اك تهدر عليه وتقلقت -دارلي بعينيه تاع منبعد قتلو -مكان حتى عرس فهممممت محوس تفضحني كثر ماني مفضوحة تحوس ناس تستهزء بيا وانا قاعدة ف الكرسي خبطت المغرفة ف الطابلة وخرجت ننهج -والله قال عرس قال وليت نصفق نسمع فيه يهدر معاها طولو مبعد جا دخل عندي سكر الباب وقدم ليا -ليديا وشي الهدرة هاديك تاع تتفضحي ااا شكون يفضحك انا قصدت ....مخليتوش يكمل -اسمع انا معقدتش عليك بش تولي تأمر وتخطط انا لي نقرر والا على الهدرة لي سمعتها أنا على مصلحتها برك منيش طامعة فيك تتهلى فيا -ليديا صاي اتكالمي مش مليحة ليك القلقة تحبي ترقدي هيا نرفدك -دك جي عمتي ترفدني قالي راهي مضرورة من ضهرها سكتت عندو الحق قدم عندي لاح يدو ورا ضهري وواحد تحت فخاضي وهزني غير نقرب ليه ونشم ريحتو تحكمني سخانة شكيت هو راه يفيقلي يبقا يزير فيا ليه ويقدم في وجهي لرقبتو بقا زماااان وهو هكداك قتلو -حطني حابة نرقد قالي وش رايك نخرجك شوي في يدي ترتاحي من الكرسي هذا اااا -يكثر خيرك حطني هنا واخرج عليا .هاندا ريفالدا للقصص......بعد محطني ف فراشي لقيتو يشوف مع شكاير دوك راح جابهم جبدلي منهم كل أنواع الشكولاطة الغالية وشكارة لخرى فيها مكسرات كل نوع ووحدة فيها شغل قش محبش يفتحها حطها ا كوتي فتحلي بواط شكولا جات عمتي شافتنا هكداك عاودت خرجت صونا تلفونو جبدو من جيبو عرفتها تكون هاذيك قتلو -روح تخرج رايحة نرقد و لم عليا هاد الحالة ، طفاه و شعلي فيوزة ونقصلها قدم توالي عدلي المخدة وحطلي شكولاتة فوق صدري تبسم معايا طفا الضوء وخرج سكر الباب بصح بقا هنا مهبطش عرفتو خايف عليا من عادل يعاود يجي عندي ويضربني كنت نسمع فيه هو وعمتي يشايخو حتى غفيت وهما مزالهم ... ونفس الشي نضت الصباح على صوتو هذا بايت هنا سير عيطت على عمتي مردتليش بلاك مسمعتش ،، شوية وتحل الباب كان هو قتلو -انت كيفاش تحل الباب ومطبطبش ديجا وش راك دير هنا صباح ربي قالي صباح الخير رقدتي مليح - نو مرقدتش مليح صواتكم واصلة لوذني ضحك قالي عمتي راهي ف الدوش تحبي نعاونك أنا -لا ميشقاش دك نستنى عمتي وانت روح من مشي كل دورة تخرج في وجهي ربع يديه ويشوف معايا -وشي كادر هنا وقيل اخرج من ضحك وخرج ،،هاندا ريفالدا للقصص ، زدت شوي وعمتي مخرجت كنت مزيرة نحوس ع توالات شديت كرشي بصح مقدرتش ي خوتي مقدرتش رايحة نديرها عليا حاشاكم زدت عيطت عليها جا طل عليا قالي كش متحتاجي اني هنا وجاي مقدم شرتلو للكرسي جاب قدمولي وحطني فيه فهمني لقيتو قربني من توالات معرفش كيفاش يدير معايا مش موالف وانا هنا تحسست تاع الصح حسيت بالعجز وقدامو وهذا الشي يضرني داخليا قتلو روح بقا يشوف معايا قالي كيفاش موالفة نعتيلي نعاونك -روووووح بعععد منا اخرج خرجت عمتي من دوش لقاتني قاتلو خلاص -دك ندخلها حط راسو وراح ..... بقيت نحوس عليه وين بلاك.خرج رحت للكوزينة لقيت فطور كرواسون ميلفاي فطرت مليح ....#بقلم_هاندا
116
🎬
اليوم خرجتني عمتي للحوش كانت الشمس تاع الربيع رانا في شهر مارس قاتلي نديك للجردة محبيتش كرهتها وكرهت ذكرياتها ، واحنا هاكداك شفت طمبيل تاع عمي أرسلان قارات توال دارو هبطت منها اللفعة يا حصرراااا هذا وقت منعرف علاه السكتة هاذي بصح غير شفتها تخلعت ولات هيكل عظمي قتلها -عمتي هاذي ريان! قاتلي هي -بصح وشبيها ضعفت هكذا كانت هازة شغل راديو في يدها تبان جابها من الطبيب هزت راسها شافتني جات عينها في عيني قعدت زمااان تشوف ليا وعمي كي شافني دارلي بيدو شفتو يهدر معاها ويشوف ليا دورت وجهي هبطتلي دمعة تفكرت هذاك النهار وكيفاش دا رتلي وكيفاش مرحمتنيش واستغلتني وكيفاش دارو عليا وعايروني وبكاوني وضربوني وقسموني -ليديا هيا نطلعك لفوق قعدتي بزااف الشمس تضرك -لالا خليني هنا كرهت الدار كرهت الفراش زدت شفت جهتها لقيتها راحت دخلت يعني وش استفادت غير حطمتني برك متهنيت بيه انا متهنات بيه هيا ف اللخر راح شاف وحدة برانية .. سمعت الهدرة جيهة بيت عمي كانت يماه الجادورة تطل عليا حطيت راسي وعطيتها بضهري قاتلي عمتي ماسي راهو يعيط هزت عليه بقاو يهدرو فهمت بلي على سيجي تاع خوه مبعد قاتلو -هاندا ريفالدا للقصص. راهي مليحة هاد ليام تكالمات شوي مدتلي تلفون درتلها براسي لالا منهدرش حتمتو عليا قالي -اهلا ب الهرابة وشراكي شوي -لباس وانت -بخير علاه مكيش جي -والله ماهي نافحتلي وزيد كنت في صدمة عاود راحلي الصوت قالي معليش الا مكيش حابة جي دك انا نولي نجيك لتم بلعت ريقي ملقيت وش نرد شفت في عمتي مديتها تلفون وجيت ماشية زدت شفت ريان خرجت كملت رايحة جيهة دروج سمعت إسمي من فمها غمضت عيني وكملت زادت عيطت درت روحي مسمعتهاش دخلت لداخل راحت ليها عمتي منعرف وش قاتلها حتى دخلو في زوج درت للحيط نزير ع الكرسي من القلقة آخر وحدة توقعتها اني نزيد نهدر معاها قتلها عمتي عيطي لبابا يجي يرفدني وهي تخرج فيها محبتش قاتلي -ليديا معليش تسمعيني حابة نهدر معاك قاتلها عمتي -ومزال عندك وجه وجاية تقابليها -ليديا جيت نطلب منك السماح غير سمعت الجملة هاذي درت ليها -عمتي خرجيها عليا منيش حابة ينوضو اعصابي جات تخرجها ولات قاتلي -تعيشي اسمعيني برك استغفرت نشوف للحيط بدات تحكي-ليديا عندك حق متشوفيش فيا ملقيت منين نبدالك بصح اول حاجة نقولهالك سامحيني وسامحيني بزاااف غلطت في حقك نتمنى تسامحيني قد منبرر معنديش مبررر جات رايحة تحاوزها عمتي قتلها-خليها ولات كملت .هاندا ريفالدا للقصص -ليديا أنا من نهار هذاك وبدات تبكي م م ن نهار هذاك كي خرجت وسمعت العياط قدمت شفتك طايحة توال طمبيل صدقيني مقدرتش جامي تمنيت نوصلك لهديك الحالة صح قلبي كان مغلغل عليك وحاقد بصح مشي بش نقتلك كنت نحسب فيك ميتة طحت على ركايبي ونبكي نبكي ف هاديك دقيقة مفهمتش اصلا علاه راني نبكي كي شفت عادل لي داراك هكداك تم لي فطنت لحالي وش درت ولوين وصلتك صدقيني وليت نضرب في وجهي حتى بابا داني للدار وسكر عليا ومرت بابا شاهدة كيفاش وليت نعيط ونخبط حتى جابولي الراقي جبت سمانة وانا هكذاك ندير كما وحدة هبلت ...#بقلم_هاندا
117
🎬
بعد مرقالي الراقي رتاحت شوي بصح قلبي داخل يتعصر كل يوم نسقسي بابا عليك إلا فطنتي ولا مزال جيت رايحة لسبيطار محبش يخليني بابا كان كارهني هاذيك الفترة ميهدرش معايا بعد مديت من يدو طريحة زرقني و نهار فطنتي انا الوحيدة لي سمعت بلي عدتي هكذا بيسك ديك فرملية صاحبة بنت خالي كنت نستفسر من عندها قاتلي بنت عمك راهي متمشيش غير سمعت هادي الهدرة زادت حالتي حسيت ب الذنب رحت لعند باباك انا لي خبرتو بصح والو كي شغل مكيش بنتو واحد متأثر مبعد بابا طلع لفرنسا وانا رحت عند خوالي طول المدة هاديك وانا تم عندهم ومرجعتش خلاص حتى رجع بابا وكي رجعت هنا بش قالولي كنتي عند عمتي وغير كما جيتي هنا قتلها -علاه راكي تحكيلي في هاد الكلام انا فواش ينفعني مثلا مسحت دموعها قاتلي -سامحيني تعيشي -على واش نسامحك بالضبط اااا على الكذب على الحقد على الغل على الغيرة ولا على القذف اااا علاواش نسامحك قوليلي برك انا وش درتلك حتى توصليني لهاد الحالة وين كان عقلك وقلبك وضميرك ف هذاك النهار شفتيهم كيفاش دارو عليا شفتيهم كيفاش ضربوني ولا مشفتيش علابالك بسبتك راني هكذا علا واه هاذ الشي على جال عدلان لي مسمع بيا مسمع بيك هاااا اكي سمعتي بلي خطب بنت ماريكان لا انا ولا انتي شاف فينا تحلفتي فيا وطبقتي بصح مكنتش حاسباتك حاكمة عليا غل كما هذا هاهو عدلان اجري عندو راني خليتولكم اندبو بيه دك راه عاقد عليا بصح انا لي منيش رايداتو كرهتو وكرهتكم وكرهت روحي هاااا وش استفدنا لا انا لا انتي بصح عالاقل راكي واقفة على رجليك بصح انا قسمتوني لي يضرب لي يعاير لي يقذف لي يسوط مني من الهايشة و ف الكرسي مرحمونيش وليت نبكي وهي تبكي وعمتي تبكي قاتلي ليديا سامحيني راني نمووووت تعيشي السل راه ياكل فيا سكت على هاد الهدرة بقيت نشوف فيها قاتلي- تعديت عند خوالي حكمني عندو عام ونص من بنت خالي الصغيرة ، هاندا ريفالدا للقصص .ملقيت وش نهدر اصلا حالتها باينة بلا متبرر قاتلها عمتي من عمايلك ،دخل بابا لقانا كما رانا يشوف مع ريان قالها انتي وشبيك ضعفانة هكذا قاتلو مريضة راح طلع وخلانا كنا ساكتين حتى قاتلي -ليديا انا صح كنت سباب ف حالتك هاذي بصح منيش وحدي انا فيا غير فمي بصح هما كانو يحوسو على الفرصة استغفرت قاتلها عمتي شكون هادو -مرت عمي وبنت ختها اخت يوسف دربت في راسي وترن العصابة راهي كبيرة عدياني بزاااف وانا كنت حاسبة غير ريان قتلها وش من فرصة حطت راسها قاتلي انا مكنتش علابالي بوالو بصح بنت خالتو شافتكم وسمعتكم نهار صباحي تاع لطفي تفكرت وراح بالي لهداك النهار قتلها صاااي اسكتي عليا قاتلها عمتي اطلعي وفهميني مليح قاتلي -ليديا سامحيني ودك انا نهدر مع عدلان ونخبرو بكلشي قتلها ميهمنيش اهدري ولا لا معادش يفرق انا منيش ليديا لي كنتي تعرفيها انا دك وحدة ميتة عايشة مع الأحياء والا على السماح منقدرش نسامحك على الأقل حاليا قاتلي -ردي بالك منهم مرت عمي والله ماهي مليحة ولطفي هداك رخيس ماما نهار قالت عليه هداك لكلام مكدبتش بصح كي عادت برانية طلقوها ومنكدبش هي حقدت عليهم بزاااف وعادت تحرشني بصح والله هي تان ضلموها كي مسمعوهاش شفت فيها -ااربي وش من عايلة هاذي ضهرو اكل عندهم دوبل فاس ،هاندا ريفالدا للقصص. هبط بابا يجري قاتلو عمتي لوين ارفد الطفلة لفوق قالها دقيقة اني جاي خرج وعاود رجع قال لعمتي والله المرض هداك.راهو لحق لعندنا -وش من مرض هدا قالها يسموه كورونا ولا راهم كاين لي تقاسو .....
قريتو وكملتو حطو جام في كل حلقة فضلا منكي
طلعولي الحلقات ل 3k نزيدلكم الجديد بصح لازم تحققو الشرط ❤️🥰
