#بقلم_هاندا
31
🎬
جات وردة لقاتني قاعدة ومكتأبة خبرتها قاتلي ان شاء الله طلعيه رحت معاها شافت هي لقات روحها مطلعة العام قتلها مبروك عليك تهنيتي خرجنا ورحنا لاسيتي قتلها نلم قشي ونروح -علاه شوفي قبل الا طلعتي ولا تحوسي تسكري لاشومبر وكي تعودي تراترابي وين تقعدي قتلها ميهمنيش كنت مقلقة للخر ، فات ديك الليلة هي تلم في قشها وانا تان رحت لاشومبر تاعي لقيتها مبدلة فاشات الله يلعنك دارتها بالعاني بش ديرلي مشكل رخيسة عيطتلها محبتش تهز عليا ، لغدوة رحت نشوف الموديل لي بقا مدولي فيه 11 ياااربي انا شفتها قريب استغميت يعني لازم ندخل راتراباج اللعين وانا كارهة ..فت ديبارتومون شفت لالسيت لقيت إسمي فيها باينة من الاول زدت شفت بروغرام منا على سمانة يلزم نبقى هنا ووردة رايحة تروح وهاذيك مسكرة عليا الشمبرة ، روحت نغلي ، غير وصلت للدار رحت ديراكت عندها صونيت خرجتلي مرت بيها سقسيتها قاتلي مهيش هنا راهي عند خوالها يخوي جنابها وانا راجعة شافني عدلان عيطلي محبيتش نردلو زاد عيط حبست ودرت ليه اصلا حالتي باينة بلي مقودة ومنيش مليحة قدمت توالو -اهلا وين كنتي -كنت ف لافاك هذا وين جيت -وشبيه وجهك -والو مقلقة برك -وعلاه تتقلقي خير -تنهدت قتلو مطلعتش العام سكت مبعد قالي شحال جبتي -مشي مليح يلزم ندخل ف زوج موديلات وانا مسكرة فيهم منفهمش -وعلاه راكي تهدري ب تشناف ارخفي روحك هزيت فيه عيني ضحكلي قالي خلاص تصرا بصح يعني صح صح شفتك لا علاقة ارواحيلي نفهمك شوي بلاك تطلعي قتلو ان شاء الله مبعد قالي مزلتي مزعفة مني -وعلاش نزعف ياك مقلت والو -ايه هيا روحي ومبعد نهدرو على قرايتك هادي ،هزيت روحي ومشيت شوي درت لقيتو مزال يشوف ليا عاودت كملت .....
فاتو يومين عاودت من جديد نراجع وراسي مسكر تفكرت وش قالي عيطتلو كانت الساعتين تاع القايلة هز عليا يبان راقد قتلو عدلان معليش تفهمني وتشرحلي شوي قالي ارواحي -اااا لوين -ارواحي للدار تحوسي انا لي نجي -ايه، ليه ليه تبدل مزاجي لبست روب تاع دار هزيت وش نحتاج ورحت طبطبت كنت نستنا في مرت عمي تفتح عليا بصح فاجأني هو كان لابس شورت بلو نوي تريكو ابيض فيه بلو بقيت نشوف فيه قالي ادخلي -دخلت ونشوف من ومن على مرت عمي قالي ادخلي علاه واقفة مشيت داني للصالو قعدت حشمت كن حسبت يكون وحدو منجيش جيت نايضة لقيتو دخل جاب ميكرو في يدو وحطو ع الطابلة يبان نعسان يا عمري يهبل قدمت توالو قعدت على الزربية وهو فوق فوتاي مطابس وليت نعتتلو وين راني حاصلة مشاء الله عليه يشرح خير من بروف لي نقرأ عندو ساعة ساعة يهز عينو فيا يلقاني تايهة فيه يقولي ركزي ليديا ركزي وانا عرقت من السخانة تاع مشاعري كل منقرب منو نزيد نحرن عليه ما أكثر فيقني كي ضربني لضهري تاع ركزي معايا سييت قد.مقدرت نركز والو تركيزي غير عليه ميلت راسي نشوف معاه لقاني مدبلة عينيا هو تان بقا يشوف فيا قالي هيا نوضي نوضي انتي رايحة ترقديلي هنا قتلو مزال هاذي مفهمتهاش فقدت سيطرة على روحي وليت ندير ف حركات تاع دلال بلاك نأثر عليه ولا بصح كان يتجنب يشوف ليا وانا خلاص معادش يهمني وش يفهم اصلا بزاااف عليا وش راني مخبية في قلبي وحدي ، زدنا نص ساعة قالي هيا تهزي راسك هذا ميفهمش بالخف نضت نتكسل وهو ورايا قالي غدوة نعاودلك بصح ارواحيلي مصحصحة مشي طافية كما اليوم ..#بقلم_هاندا
32
🎬
غدوة نفس الشي عيطتلو قالي منيش ف الدار منبعد ، ستنيتو حتى جا قالي اهبطي راني ف طمبيل وبلا حس رحت هبطت ركبت معاه ديمارا لبلاصة بعيدة قتلو علاه جبتنا هنا قالي شوفي ليديا رايح نكون معاك صريح عقدت حواجبي -قتلو مفهمتش دار ليا وقرب مني قالي البارح وش بيك -ك كيفاش -راكي فهمتي عليا مليح حكمني من شعري بالشوي قالي حطي عقلك في راسك مزلتي صغيرة في هادي اللحظة جنو جنوني شغل كنت نستنا فيها نحيتلو يدو قتلو منيش صغيرة فهممممت منيش، كل مرة تقولي صغيرة صغيرة جيت نقولو نحبك بصح مقدرتش نخرجها هو بقا حاير هز حاجبو قالي بركاي من الدلال تاعك خلاص اتكالمي ، هبطو دموعي قالي وعلاش تبكي تاني وتقولي منيش صغيرة ضربت لدراعو وجيت هابطة حكمني وسكر الباب همسلي قالي -متزعفيش مني ليديا هيا اعدلي روحك نرجعك للدار قتلو دير مزية وباردون كي ديرونجيتك قالي اتهدني برك بركاي من العياط ، وصلني توال الدار هبطت انا وش جابني هنا ووش حاسب في روحو هذا عندها الحق عمتي كي قاتلي هذا غامض و واعر متقدريش لعقليتو صح ......لغدوة طلعت للجامعة بكرت عل الستة ولي استغربت منو اني لقيتو يستنا فيا توال بورطاي برا عقبت عليه صونا عليا زدت زربت في مشيتي لقيتو لحقني وهبط جرني من ذراعي خبطت فيه قالي -وش بيك -والو برك كنت زاربة بش نلحق بكري عندي كنترول عل العشرة قالي وانا وش ندير هنا يالله اطلعي قدامي -لا منشقيكش معايا غمض عينيه ودخلني ، ، مدورة وجهي للكارو ساكتة وهو تان حتى وصلنا هبطت بلا منهدر معاه دخلت فوت هذاك موديل مزية سهلونا شوي بقيت وحدي تم حت للوحدة زدت عقبت لوخر تهنيت وخرجت لقيت هداك الجان تاع ديك المرة زاد لسق فيا غسلتو بصح محبش يخطيني لحقني حتى لبرا جابد تلفون ويقولي هاتي نومرو تاعك -او اخطيني يا ولد الناس بعد عليا راح الحال متعطلنيش روح لا دك نعيط لخويا يجي يمرمدك هنا مكملتش كلامي عيطلي عدلان قالي خلصتي قتلو ايه راني مروحة -استناي تم دك نجي ، كوبيت عليه وشفت مع هداك لي جبد روحو لهيه خاف وقيل يحساب فيا عيطت لخويا ...ربع ساعة شفتو جا قارا قريب مني ولسوء حضي جا داك جان هاز في يدو كورني اقلاس جابهولي قالي احكمي بردي بيه حلقك فتحت عيني فيه قتلو مرسي خويا انا منوكلش لاقلاص وجيت رايحة شفت عدلان واقف ويشوف فيا وفي هداك كملت حكمني من يدي قالي شكون هذاك قتلو منعرفوش طلقني وراح ليه شفتو يهدر معاه ب العياط مبعد جا طلع شاف معا لبستي-انتي البسي هكذا وقولي علاه يتبلاوني لميت روحي مشينا شوي و قالي خدمتي شوي-ايه سافا تنهد قالي علاه قالبة خليقتك هكذا قتلو تحوس نضحك وحدي ولا قالي ديري لاسانتير تاعك تالمو كان مركز معايا ويسوق قريب دخلنا في واحد مول بيناف عيطت و خفت حسيت بطمبيل لعبت مبعد حبست تلاحت ديراكت عندو وهو لمني بين يديه-خلاص مكان والو جا يجبدني عليه زدت لصقت كان يهدر من الكارو مع مول الطمبيل ، وانا عدت نرجف قالي -ليديا متخافيش طلعلي وجهي لي كنت دافناتو فيه -هاكي اشربي لوخر يهدر معاه قالي ارجعي لبلاصتك رجعت هبط هو بقاو متلاسقين وتلمت الناس وحد نص ساعة بش رجع قتلو -وش صرا -والو ستر ربي..#بقلم_هاندا
33
🎬
طول الطريق وانا نترعد بقا فيا الرعب كل شوي يقولي لباس بصح وجهي عاد حبة قارس بيسك عندي فوبيا من الطريق من وقت كنت صغيرة وتقلبت بينا طمبيل انا وبابا بقيت نشفا عليها واليوم قريب تعاودت معايا الحكاية ، عيطولو رد عليهم قال -من بعد ونعاودلك وحطو كي شافني ساكتة وباينة خايفة حبس على جهة قالي -تحبي تهبطي شوي تتنحالك الخلعة كنت يابسة مقدرتش ندير حتى ردة فعل غير مسني منعرف وش صرالي خزرت فيه نبكي دارلي براسو وشي غمضت عينيا نهدر منهدرش منيش قادرة نزيد نكتم أكثر فتح بابو وهبط وجا من جيهتي -هيا اهبطي هبطت هو جبد دخان يتكيف وقاعد يفيريفي مين تقاست طمبيل حاجة خفيفة برك وانا سارحة فيه ومع كل حركة يديرها كنا وحدنا في بلاصة ميش ايزولي دورت وجهي جيهة الطريق اييييه شحااال صعيب الحب من طرف واحد أصعب حاجة يتبلى بيها الواحد تحسي روحك تخرج منك وسيرتو كي يكون الطرف الثاني قريب ليك بصح بعيد في مشاعرو حكمني من كتفي قالي-رتاحتي شوي راحتلك الخلعة قتلو في قلبي مش الخلعة لي بيا انت وغموضك هذا لي رايح يدخلني في عقلي قتلو حابة نزيد شوي قالي اوكي راح جبد شوي منعرف لمن عيط وجا تكا ع الطمبيل وانا قدامو قالي -روب هادي مفصلاتك بزاااف تأففت ياريتك تنتبه لقلبي لي راه محروق كما راك.تنتبه لقشي ولواش نلبس درت ليه قتلو هيا نروحو الشمس .....وصلنا للدار كانت الخمسة ونص قتلو حطني برا منيش حابة عادل يضربني قالي يمسك برك ويشوف وش ندير فيه لقيتو دخل بيل لداخل .... زدت سمانة رحت نشوف لانوت وحمد.لله طلعت بشق الأنفس ترصدت لريان كي شفتها هي تان تم رحت ليها قتلها هاتي المفتاح رايحة ندير ديرقراداسيون تاع لاشومبر بالسيف نحيتهولها وأخيرا تهنيت فريت اموري وروحت للدار .......وبدأت الصيف كنت دايما نقرعج عليه وقتاش يجي ويبان بصح والو اليوم عشرين يوم من آخر مرة شفتو فيها مهوش هنا فاتو يامات رهج والفتو هنا قريب مني ،كنت ف الجاردان فيها الضل كل عشية نهبط لتم وتقريبا اكل يهبطو انا برك نشوف الوقت لي تكون فارغة منحبش نبقى معاهم باسكو مين يكونو مجمعين تبدا كل وحدة تشر لخرى يعيووو ويكملوها بالدواس والعياط سيرتو مرت بابا ومرت عمي هادو مين يتلاقاو النار وليصونص ، كي أذن المغرب خرجت شفت واحد عاطيني بضهرو واقف مع عمي وبابا مشيت حيط حيط ودخلت قلت لماما شكون هداك لي لتحت قاتلي ولد عمك جا الصباح -شكون لطفي؟-ايه -اييي والله معرفتو نحسب فيه كاش واحد خرجت طليت عليه من البالكو هذا وين دار وشفتو تبدل خلاص وشعرو طار ولا اصلع ...#بقلم_هاندا
34
🎬
ف الليل جا لعندنا لطفي خرجت سلمت عليه انا يعيطلي بينازة -لباس ايييي طوالتي شوي -هههه شوف انت لي شعرك طار وليت تبان مول ستين قالي ياك الشعر يطير مع الصوارد -ايا حمد لله مالا عمرت الشكارة وجيت قالي جيت وجايب الجديد -خير ان شاء الله -نعتلي خاتم في يدو-ايااا مبروك شكون سعيدة الحظ هادي قالي بعيييدة متعرفوهاش ،،، تعشا عندنا وراح ، طلع عادل قاتلو جدة نتاجك رايحين يتزوجو بقيت غير انت هنا ماكلنا بالعياط قالها كي ترضا علينا نروح نخطبها متخمميش وانا علابالي علامن يهدر قتلو في قلبي استنى برك لا هاديك رضات عليك كن تعرف برك فيمن طامعة طيش روحك خليتو مع جدة ورحت لبلاصتي شعلت لاكليم وغمضت عيني غفيت وحد الساعة ولا جاني ميساج خلعني فتحت عينيا لقيتو من نومرو مش معروف بصح كي قريتو عرفتو شكون باعثو بصح كيفاش جاب نومرو تاعي هذا حطيتو ف البلوكي خصني غير انوش كيفك ندخل معاه في علاقة ،كملت رقادي للصباح ....وهكذا فاتت يامات وجا وقت الخطبة تاع لطفي كان مبريسي عليها راحو دارولها الخاتم راحت جدة وعمتي ويماه وعمومي على حسب قول عمتي وحدة تعرف عليها مين يخدم هو ف الخليج ، واليوم كاين عشا ف الليل راحت عمتي تعاون وعرضو خوالهم شفت زوج طمبيلات جاو بقيت نستنى غير في عدلان وقتاش يجي ويحضر للمغرب رحت انا وماما عندهم كاين خالاتهم و3 بنات والباقي احنا شفت ريان دخلت لابسة روب غوز وبنات خالتهم تان لابسين وشفت في روحي تالمو منيش مليحة ملبست محطيت لحالي كنت بجبة عادية مبعد بدلت رايي هبطت رحت للدار لبست ديك لاروب لي جبتهالي ماما زدت معاها سندال طلقت شعري مزية كانت الضلمة درت شال خفيف عليا وخرجت رحت ليهم اكل بقاو يشوفو فيا كاين لي بنضرة إعجاب وكاين لي بنضرة حقد نحيت داك الشال كانو البنات يشطحو دايرين حالة انا معنديش ف الرقص خاطيني قعدت ونتفرج فيهم مع كل غنية يرقصولها ، جا وقت العشا تعشينا سمعنا الحس لتحت ف الحوش رحنا نطلو كان لطفي داير حالة بالشطيح هوو ولد خالتو سمعت وحدة بنت خالتو قاتلهم اييي هذا عدلان او جا اجرو أجروا مبيا نستوعب ردة فعلها كيفاش ولا ندقق ونشوف وين راه هذا جات ريان كي سمعتها بقات تطل هي تان مبعد شفتهم يهبطو جدة ونسا عمومي وماما اكل لتحت باسكو مكنش برانية هبطو هما انا خفت من عادل ركزت مشفتوش عرفتها محضرش كلاني قلبي وانا نطل من فوق شفتهم كيفاش زاهيين وعيني على عدلان ودك لفع لي دايرين بيه تقول جامي شافو عبد دارو غنية تاع جوزيفين وانا نموت عليها درت شال عليا وهبطت جيت واقفة في حيط ونشوف لقيت روحي نتمايل مع الغنية جات خالتو وحدة جبدتني لداخل في نصهم -قاتلي اشطحي علاه واقفة هنا وليت نشطح عجبنتي سيرتو مين دلك المقطع لي يقول ((ساعات تبانلي عقلية نحط راسي في الرايا ندير زوج شهود عليا ......)) شغل كان يغني عليا حتى دمعو عينيا شطحت وتهولت كنت مغطية منبانش بينهم طاح الشال كي حسيت بيد سحبتني ....35
🎬
طلعني لفوق ودخلني للكوزينة سكر الباب قالي وش حاطة روحك ف برديل ولا قدم جبدني من طرف لاروب وهاذي وشي كن نحيتيها خير شوفي حالتك وشبيك ليديا قتلو عدلان وش دخلك فيا تبانلي منيش غير انا لي كنت لتحت راهم بنات خالاتك وبنت عمك لخرى علاش انا برك قالي مشي كيف كيف -وشي لي مش كيف كيف فهمني قالي اشششش اسكتي بركاي متعيطي قتلو منسكتش سمعت منسكتش ديجا بعد من طريقي نهبط نكمل سهرتي منعرف علاه سحبتني هنا وجيت خارجة زاد جبدني قالي بهاد الحالة والله مراكي هابطة تحوسي نخبطلك راسك للحيط ولا وشبيك نتي تشطحي والطحان هداك يشوف معاك - اففف عدلان بعد من طريقي ديجا روح لتحت مين كنت انت شفتك زاهي وفرحان في وسطهم علاه جيت توالي ولا لا تكون غاير عليا حكمني من شعري -احتارمي روحك لا ليوم نفسدلك وجهك فرخة صافي لي يغير على عرضو مشي مليح معاكم -ايه اطلق شعري وروح غير على عرضك لي راه يشطح لتحت مشي غير انا ستنيتو دار وجيت خارجة حكمني ف الدروج قالي امشي عاودي البسي حاجة وحد أخرى نزيد نشوفك بهاد القش نقطعه عليك في ديك لحظة بقيت تايهة فيه باسكو فهمت بلي غاير عليا والا كان صح يعني حاجة وحدة ولي هي راه يشوفني كما نشوفو أنا ومعندهاش معنى خلاف قربت ليه قريب نلصق في صدرو حسيتو استغرب من هاد الجرأة قتلو عدلان شفتو جبد عليا شوي زدت قربت ليه وأخيرا خرجت من فمي كلمة -نحبك عدلان حل عينيه طبعني وعطاني كف فطني بيه لدرجة هدا وين فقت لروحي وش قلت قالي تربية خاسرة فيك امشي من وجهي اهبطيييي جيت نرد.عليه بصح غاصني الكف لي ديتو هبطت تسرسبت من بينهم واحد متولهلي غير ديك لفعة متأكدة فاقت بلي كنت معاه لفوق قعدت تتبع فيا بعينيها حتى طلعت . جيت ف الشمبرة من جهة ارتاحت كي اعترفتلو ومن جهة نادمة دك وش يكون يقول عليا ااااه يا ليديا وش درتي وش درتي وشبيك متسرعه هكذا خلعني الباب لي تخبط وقت دخلت ريان تبان مزعفة قاتلي -ي قح.. وش كنتي ديري معاه لفوق لا تكوني ع.....-ايييي انتي وش جابك عندي امشي من وجهي بقات تثبت في ملامحي وعينيها على رقبتي وصدري كش متلقا فهمتها وش كان في مخها درت روحي نمس في رقبتي حبيت نوصلها بلي شي لي تفكر فيه صرا غير بش نقتلها ب القنطة ، دخلت عمتي وهي خرجت قاتلي-وش جابها هنا هاذي شفتها طالعة تتبع فيك جيت طلعت نعرف جنانها قتلها مكان والو -سير وعينيك علاه مدمعين كش مقالتلك -والو ا عمتي تعيشي منيش حابة نهدر ، راحت هبطت نحيت لا روب هاذي زعما لي كنت نستخايل روحي بيها معاه راهو تحقق حلمي بصح بالعكس وياريت متحقق، الكف لي ديتو اليوم تمنيت نديه من عادل ولا كش واحد غير منو هو ...
