#بقلم_هاندا
65
🎬
سمعت إسمي بصوت عمتي -حليت عيني جاو ف البلافو درت جهة الصوت شفتها ابتسمت معاها وهي تان مسحتلي على جبهتي قاتلي -حمد لله يا عمري الحمد لله كي رجعتيلي شفت دمعتها في الشفر بصح محبتش تبين قدامي ،حركت يدي قتلها نشرب بصوت خافت فهمت عليا جابتلي نشرب ب الباي قيس جغمة برك هكذا موصيهم الطبيب جابت كرسي قعدت توالي وتشوف مركزة معايا وانا مزال منيش فاطنة مليح شغل مخدرة خاصة الجزىء السفلي يبان عندي كسر ومشبوحة سكت شوي نشوف مع الحيوط كانت شمبرة بيضاء ضااااوية وفيها لي ستور بلو نطقت ليها -عمتي نوضيني شوي ندور راسي نمل من الرقاد حسيتها ارتبكت شوي قاتلي -مزال هذا وين فطنتي تزيدي دوخي تان خلي حتى تفطني مليح، قنعتني قتلها نتقعد برك قاتلي اصبري نعيط للطبيب ونجي راحت وانا نحوس نحرك روحي مقدرتش ،غير جات قتلها ارواحي عاونيني قاتلي احبسي كما راكي دك يجي الطبيب ،شوية ودخل نفسو لي نضل نشوفو كل منفتح عينيا شايب وكبييير ف اللاج بصح مبتسم قالي -مساء الخير مدموزال ايييه اكي مليحة ليوم -ايه حمد لله حبيت نوقف شوي ندور كرهت الرقاد شاف مع عمتي وقالي مزال شوي اصبري علاه راكي مقلقة على الوقوف اااااا ولا توحشتي الزنق ويضحك معايا يحاول يخرجني من جو الغرفة هاذيك تولهت لعمتي شفتها تبكي بالساكت كي تولهتلي مسحت دموعها وقدمت عندي قاتلي -ليديا اسمعي كلام الطبيب حركتها براسي ،راح الطبيب خرج وخرجت هي وراه وانا حابة نستوعب وش صرا حتى لحقت هنا شي شافية عليه والباقي نسيت جات في بالي ماما اول مرة نحتاجها تكون هنا توالي غير دخلت عمتي قتلها -عمتي وينها ماما عيطيلها حطت راسها قاتلي راهي مريضة متقدرش جي -علاه وشبيها اهدري-والو طاحت تكسرت من الدروج هذا مكان خبطت راسي على الوسادة -ياااربي في زوج تكسرنا قاتلي اني هنا معاك متخافيش جاو في بالي لخرين لي يسموه بابا وجماعتو محبيتش نسقسيها عليهم غمضت عيني ورحت في نوم عميق حاجة تجبد فيا للفراش بلاك دوا يرقد ،،،،،، شحال فات من وقت منعرف المهم غير زدت فطنت ملقيتهاش توالي وشفت الحالة مضلمة عرفتها طاح الليل ضقت لداخل شفت تيليكمند توالي مديت يدي جبدتها شعلت لاتيلي كانت وحد لاشان بلونغلي فيها شريط على النباتات رحت معاه مركزة حتى تفتح الباب ودخلت فرملية تكركر ف شاريو شافت ف لاتيلي وفيا مبعد جات شافت سيروم قاتلي لازمك توكلي اليوم قدمتلي نوكل وخرجت معجبتنيش صامطة ومسوسة خليتها كما راهي حتى عاودت جات داتو غطيت بدرا جاني النعاس ....
الصباح جاتني عمتي ودخل معاها الطبيب و وحدة طبية تان شفتهم يشوفو مع بعضاهم قدمت ليا طبيبة قبل بقات تسقسي فيا من ومن وتحاول تمهدلي لحاجة بصح انا منيش فاهمة عمتي خرجت وأنا بقيت نحاول نستوعب وش راهي تهدر والو جا طبيب وقف فوق راسي قالي -شوفي ي بنتي اليوم تخرجي واش فرررحت كي قالي هكذا شافني تبسمت قالي هكذا لازم تكوني بنتي انتي تعرضتي لحادث كان كبير منعرف الا راكي شافية كيفاش تقاستي ولا حركتلو راسي ب إيه قالي شوفي انا طبيب وانا لي مشرف على حالتك هادي ....#بقلم_هاندا
66
🎬
الحادث كان قوي وقاس مكان حساس في رجليك وصراو مضاعفات ف العملية الأولى وزدنا وحدة أخرى قدرنا نمنعو الاعصاب الطرفية من الضرر الكبير لي كان رايح يتعرضولو الأطراف السفلية بصح وش نقولك حاليا متقدريش تستعمليهم للمشي مؤقتا برك لكن الأمل موجود ونسبة النجاح تاع العملية القادمة كبير بزاااف لكن تحتاج للوقت ومدى تقبل الجسم للعلاج الحالي ،عقدت حواجبي شغل راني نقولو عاود مفهمتش وهو تان فهم عليا عاودلي وش قالي بالحرف وهاذ المرة قدرت نفهم عليه واستوعبت حالتي غرغرو عينيا حكمت ف الدرا كشفت على رجليا نحاول نحركهم بلاك راه يتمسخر بيا هذا بصح المحاولة كاينة لكن الرد والو رجليا منيش نحس بيهم نهائيا شغل مقصوصة على النص ي سبحان الله وش كاين وش صرالي كانو مربوطين ب بوندا عاودت الطبيبة غطاتني قاتلي -مدموزال اتهدني اتهدني استوعبي قبل وش قالك الطبيب حالتك مؤقتة يلزمك تكوني صبورة وقوية شوي بش تعاوني العلاج تاعك يمشي كما يلزم شفت مع الطبيب قتلو -أ أ انا منزيدش نمشي ؟؟!! رجليا منيش نحس بيهم ودمعة هبطت قالي -ي بنتي هدا وش قدرنا نديرو كأول خطوة منعنا الخطر الكبير لي كان راح يصيبك والحمدلله الباقي على ربي وعلى العلاج الفيزيائي والعملية القادمة فيها امل كبير حركتلو راسي تاع مستحيل ونضرب في رجليا شغل مدبزين والو عيطت بصوتي لربي لي خلقني من كثرة الشوك والصدمة حتى دخلت عمتي في حالة هي تان بالبكاء ،حاكمة وجهي ونبكي نبكي الطبيب والطبيبة ملقاو وش يهدرو غير يهديو فيا بصح وش الفايدة خسرت رجليا لي كانو يهزوني ونمشي عليهم لي كانو رافديني نضرب في وجهي وفي فخادي وجهي نحس والباقي لالا وليت نصف إنسان عاجزة يا ربي عاجزة يا ربي لوكان ديتني علاه خليتني ي ربي علاه هاذ العذاب هذا ياااربي علابالي غلطت بصح مش بقصدي ياااااربي كن غير هزيتني من الحياة منقدرش منقدرش ...هولت الحالة حتى دخلو فرامل خلاف وعمتي نسمع فيها بالصوت تندب وتبكي وانا في حالة هيجان حسيت ب الإبرة كي تغرست في لحمي شوي وبديت نفقد وعيي ومم تم .......فطنت كنت راقدة على جنبي تخطفت نحسب في روحي كنت نام جيت ندور على ضهري مقدرتش وليت نأن حتى شفت عمتي واقفة توالي قلبتني على ضهري جات عيني في عينها بدات تقوالي النفس وصدري يطلع ويهبط طابست عندي باستني من جبهتي وقاتلي -ديري ربي في قلبك قولي الحمد لله ربي كبير وما فيه غير الخير طبعتها وحطيت يديا على وجهي نشهق تفكرت بلي مش منام حقيقة هاذي ايه انا ولبيت عاجزة عمتي عاااجززززة قلتهالها بصوت ممزوج بالقهر والضعف والإحتياج حكمتلي يديا تبوس فيهم -أ عمري متقوليش هكذا ديري ربي في قلبك -علاه ممتش علاه بقيت حية علاااااااااه يا ربي اديني وهنيني هنننيييني منحتاش نعيش بنص جسم نحتااااج جسمي كااامل ي ربييي حطت راسها على راسي ونبكيو مع بعضنا رفدت يديا وحاوطتهم على رقبتها وزيرتها ليا -تعيشي عمتي متخلينيش وحدي تعيشي ابقاي معايا معنديش من غيرك معندييييش هما قتلوني وانا حية عيشك عمتي -ي عمري وانا نخليك اني هنا معاك ودك نديك عندي-ايه ايه نروح معاك عيشك مترجعينيش عندهم -والله مترجعي لتم علاه اانا هبلت نديك عندهم انتي برك اصبري وتشوفي ناضت من عليا قاتلي أمسحي دموعك بنتي دك نلبسلك ونخرجك منا ،هي تهدر معايا ودخلت فرملية قاتلي مدموزال عندك استجواب من الشرطة قاتلي عمتي اهدري كلشي عندك تخبي ،دخلو زوج بوليسيا واحد رافد كارني ولاخر يستجوب خرجت عمتي بقيت معاهم بداو يستجوبو فيا قتلو وش كنت نعرف وراح خرج دخلت عمتي -ياك.قلتي كلشي -ايه -صحيتي ان شاء الله برك يرشى ف الحبس الكلب الخبيث لبستلي وانا غايبة في عالم وحدي تهدر ومنيش معاها عيني عل الباب واحد مجا واحد م طل واحد مقال الكل بة هاذيك دمنا ومنا غاضتني عمري وصحتي لي راحت ،دمعتي تهبط نعاود نمسحها وانا هاكداك شفت آخر حاجة توقعت اني يجي نهار ونستعملها -كرسي متحرك بقيت مركزة فيه كيفاش مدخلاتو فرملية عينيا خرجو من بلاصتهم يعني هدا هو لي رايح يكون رفيق دربي منا وجاي راح يكون صديقي الجديد بصح منظرو معجبنيش حتى زوغبت فريستي منو بدون وعي مني لميت يديا وكتفتهم وزيرت عليهم دورت وجهي للحيط -خرجوه خرجوه منا خرجووووه منا ي ربي عمتيييي خرجييييه عليا منشوفوش لالا لالا غير هدا منقعدش عليه موحاااااال عيشك عمتي تعيشي خليوني راقدة هكذا اني مليحة غير هذا لالا لآلا لالا عمتي أديه عليا غمضت عينيا وليت نلهث قاتلي-ليديا عمري مديريش هكدا ...#بقلم_هاندا
67
🎬
بعد صراخاتي داخل الشمبرة والبكاء مقدرتش نتقبلو بالسيف قنعوني نقعد عليه ،،،هزت عمتي كابتي وخرجتني -يا ريتني خرجوني ف التابوت ولا هاد الكرسي ... نشوف لي تم اكل بقاو يشوفو ليا بنضرة تاع الشفقة وانا ساكتة لا حول ولا قوة لي مكتفة يديا نسمع غير في كلمة -ياااا مسكينة مزالت صغيرة -يااا ربي يشفيها-اااا توخدت ف رجليها ..... سكرت على وذنيا وصلنا للأسانسير هبطوني عمتي وواحد فرملي غير هبطنا لتحت خرجت لبرا ياااااااااا شحال عندي مشفتش برا استنشقت الهواء شفت راحل عمتي هذاك توال طمبيل غير شافنا جا توالي قالي-على سلامتك حركتلو راسي مشا حل باب الطمبيل ف هاد اللحظة حسبت بالعجز تاع الصح قدمت توالي عمتي مقدرتليش حتا عاوني هو هزني وقعدني لداخل بصح لوقتاش نبقا هكذا محتاجة لي يطلعني ولي يهبطني تحكمت في روحي بش منديرش النش في وجه عمتي هي ركبت القدام معاه وانا جثة كما حطني كما بقيت ،ديمارا وانا ماشية للمجهول مامبا منيش عارفة لوين وعند من بين ليلة ونهار وين كنت وكيفاش عدت اااااااه يا دنيا علاش قسيتي عليا هكذا من اليوم عدت نحس روحي عبىء وحمل فوق كتافهم غمضت عينيا قريت قرآن في قلبي هذي هي البداية يا ليديا لازم عليك تتقبلي معندك حتى حل خلاف الصبر والدعاء .....حسيت بطمبيل حبست فتحت عيني شفت دار بلاك تكون دارهم لي يسكنو فيها قلبي ولا يخبط ،جا هبطني وعمتي تعاونو فيا حطوني ف الكرسي شفت عجوز فتحت الباب وخرجت شافت فيا اول شيء وقعدت مركزة مبعد قالها راجل عمتي -ما افتحي الباب مليح بش ندخلوها ، دخلتني عمتي كان حوش مش كبير بزااف سلمت عمتي على رأس ديك العجوزة مبعد قاتلها هاذي بنت خويا دوحتلها براسها قربت ليا قاتلي -لباس ا طفلة -حركتها براسي برك الهدرة منيش قادرة نهدر زادو جاو زوج نسا بقاو يشوفو معايا مستغربين جرتني عمتي لداخل وانا عيني تشوف مهاهم كي هذاك البيبي لي يكون وسط جماعة من غير اهلو يخاف وجيه البكية و انا ف هاذ اللحظة خفت وجاتني البكية لي مقدرتش نبكيها توالهم من الحشمة مزيرة على يديا حطيت راسي نتهرب من نظراتهم ....وأخيرا دخلوني لوحد الشمبرة فيها قش بزاااف تبان تاع عجوزة قاتلي عمتي اصبري عليا نبدل قشي ونجي -ايه ،راحت وانا عيني دور على ديك الشمبرة حتى عاودت دخلت قاتلي نهبطك ترتاحي شوي قتلها لالا خلي اني مليحة على الأقل نقدر نتحرك بيه ،دخلت العجوزة هاذيك بلا حتى مطبطب تبان واعرة قاتلها -روحي عمر راهو يعيط عليك تبان تخاف منها راحت وهي بقاة تشوف ليا قعدت على السرير لي تم قاتلي -ا طفلة نتي وسمك -قتلها ليديا -ايييي وكيفاش حتى وليتي هكذا - شفت معاها وحطيت راسي يعني هذا سؤال تطرحو عليا ف نفس اليوم لي خرجت فيه من سبيطار ...#بقلم_هاندا
68
🎬
مجاوبتهاش ولات فهمت بصح شوفاتها معجبونيش وعندها الحق شكون انا وش جابني هنا اصلا لوصطهم تقول مقطوعة من شجرة ان شاء الله برك منسببش مشاكل لعمتي ،، دخلت عمتي قاتلي ليديا هيا نلبسلك حاجة تاع دار ترتاحي فيها نطقت ديك العجوزة قاتلها -والعشا مدرتيش سلفاتك عياو شافت فيها وقاتلها-دك نروح نديرو مزال الحال عوجت فمها وخرجت ولات عمتي تستغفر حسيت بلي مجيتي هنا خطأء ورايح يصراو مشاكل بصح ف الوقت الحالي لا انا لا هي عندنا حل خلاف يلزم عليا نصبر شوي حتى يفرج ربي ممكن ماما كي تبرا من الكسر جي وتديني معاها -قاتلي ليديا وين راكي تايهة كش مقالتلك هاد شيبة النار -اه ا والو مقالت والو هززتلي براسها لبستلي روب مستورة ب الذرعين لمتلي شعري وتبسمت معايا -ها الزينة تاعنا تبسمتلها في وجها ك رد على مجهود لي راهي تدير فيه معايا غير خرجت تخفات الإبتسامة ورجع العبوس والحزن لوجهي ميلت كتفي على الكرسي وحطيت راسي مخي داني لبعييييييد تمنيت نكون في حلم ولا هاذ الحقيقة المرة راح بيا مخي لذكرياتي السابقة تعداو في شريط قدام عيني كاين لي نتبسم كي نتفكرهم وكاين لي نعبس وكاين لي نغمض عيني كي يجيو في بالي ومنهم ذكرياتي معاه ايه كانو احلام وتحققو في فترة معينة ودك عادو ذكريات هبطتلي دمعة حارة من القلب تشرح كامل وجاعي وآهاتي الداخلية فطنت منهم كي تفتح الباب تخطفت معاه درت ب الكرسي شفت وحد الراجل ولا جان معرفتش وش نتصرف هو تان تفاجىء بيا عقد حواجبو ويطلع مع حالتي جبد لور وعيط قالها -العجوووووز وراح فهمت بلاك يكون سلف عمتي حتى لقيتها جات طلت عليا قاتلي -اسمحيلي نكمل واش في يدي ونجي حسيتها مضغوطة بزاااف ف هاد العايلة قتلها خودي راحتك عمتي سكرت الباب وراحت وانا قدمت بالكرسي للسرير نشوف معاه بصح مقدرتش نطلع ليه وليت نحاول نحرك والو ميتين كي يأست قدمت لوحد الخزانة وسندت راسي عليها زمااااان حتى تحل الباب وأنا مغمضة عيني وغايسة خلعني صوت مرا فوق راسي قاتلي-ا طفلة اجبدي شوي نحل الخزانة -فتحت عينيا -ااا اا ايه اسمحيلي ،جبدت على جهة وهي فتحت خزانة ودات قش منها وخرجت خلات الباب محلول وانا قعدت نشوف للباب شكون يزيد يدخل منو تان ،،فاتت ساعتين بش جات عمتي طلت عليا يديها معمرين بالعجين تبان كانت تعجن تبسمت معاها قاتلي شوي ونجيك، راحت وانا كنت نشوف للسرير حابة نرقد ونرتاح شوي وكي شفتها لاتية محبيتش نزيد نعطلها ...وصل وقت العشا وجابتلي نتعشا دارو زيتون ومطلوع حميس كليت شوي برك عيات وتحتم عليا بش نوكل مقدرتش نزيد عطاتني دوايا شربتو هزت بلاطو وخرجت وحد ربع ساعة حبيت نخرج اتوالات كرشي وجعتني ستنيت ستنيت عمتي طولت وكرشي تتعصر وقيل من الدوا يدير إسهال عيطت بصوت مش عالي -عمتيييي مسمعتنيش حتى فقدت السيطرة ودرتها على روحي(حاشاكم واعزكم الله) طابست ولادة على كرشي من كثرة السطر وحشمت حشمت ي يربي وش كرهت روحي ديك اللحظات وليت نبكي بالساكت على حالتي هاذي ابسط حاجة عدت عاجزة فيها هذا غير نهار الاول وش مزال يستنى فيا .....#بقلم_هاندا
69
🎬
دخلت عمتي لقاتني في ديك الحالة نبكي قدمت عندي-وشبيك خبرتها قاتلي -سامحيني كنت مع عمر نوجدلو في قشو تاع الخدمة -معليش عمتي معذورة جرتني للدوش دخلتني ودوشتني كما البيبي مزية لي هما مفاقوش بيا عيب هاندا ريفالدا للقصص ، جابتتلي روب من عندها مستورة لبستها وداتني الشمبرة هاذيك تعافرت معايا وحطتني فوق سرير على ضهري افففف استراحت شوي قتلها -يعطيك الصحة عمتي -بلا مزية متعاوديهاش الكلمة هاذي راحت وانا تقعدت شوي جبدت الغطا وحطيتو عليا حسيت بالغفية غمضت عيني شوي و تخطفت وقت حسيت بيد صغيرة جبدتني من شعري مديت يدي حكمتها من يدها كانت طفلة تبان ف الخمس سنين ولا قاتلي-شكون نتي قتلها انا ليديا -وعلاه جيتي عندنا -سكت ملقيت وش نجاوبها قاتلي هاذي شمبرة مشي تاعك وشعرك مشي مليح بقيت نتبسم معاها برك شافت الكرسي تاعي راحت ليه طلعت فوقو وقاعدة تسيي تمشيه دخلت ديك المرا تاع مقبيل قاتلها سندس اهبطي من تم بعيد الشر عليك علاه تفاولي على روحك نوضي والطفلة محبتش تهبط جات ليها ضربتها لوجها نوضتها وطبعت الكرسي هذاك ب الغش خبط ف الخزانة راح ورجع توالي قعدت غير نشوف وساكتة من جهة عندها الحق انا مولاتو ومشمئزة منو دخلت عمتي كي سمعت الحس قاتلي -ليديا شكون كان هنا معاك قتلها طفلة صغيرة برك هزت حواجبها وراحت سكرت الباب وراها .... فاتت الليلة الاول بايتة انا وعمتي في ديك الشمبرة قتلها -اسمحيلي عمتيى اسمحيلي بزااااف بزاااف قاتلي هاندا ريفالدا للقصص -ليديا بدينا هيا أرقدي ترتاحي اليوم بكيتي بزاااف عينيك ينضرو سكتت وهي تان حتى للصباح فطنت على دواس وعياط مفهمتش لاصوات بزااف شفت لقيت عمتي مكانش خفت لا تكون هي لي راهم يتهاوشو معاها بسبتي بيسك باين عليهم من نظراتهم مهمش مرتاحين ويبانو قباح جبدت نزحف على ضهري حت تقعدت شوي راسي يوجع هذا كامل من البكا تاع البارح وكرشي تقرقر من الجوع نستنا في عمتي تطل عليا حتى تفتح الباب طل واحد آخر مش تاع البارح هذا يبان شوي صغير ف العشرينات ومعاه واحد صغييير خلاص يكون ف الابتدائي بقاو يشوفو معايا وانا حشمت وقيل هاذي شمبرتهم وانا احتليتها بصح علاه راهم يشوفو معايا هكذا دورت وجهي لقيتهم راحو افففف دك انا شحال مزال بش يتعرفو عليا كامل لي يجي يطل ويروح شغل راني كادر ولا تحفة فنية ايييييييه الله لا يذل واحد والله لا يخلي واحد لواحد.لي خبو ربي يديه ولا يخليه كامل مكمل بصح هاذا قضاء ربي ولازم نتقبلوه ...
