#بقلم_هاندا
16
🎬
طلع النهار جهزت روحي هزيت بيسي معايا ولاكارت (la carte géologique يعني خريطة جيولوجيا) دخلت عمتي شافتني نلم في دوزاني عطاتني بوات فيها ماكلة غير هي لي تخمم عليا تشكرتها ورحت نطل على ماما لقيتها تحكي بلاكام مع تاسيلتهم تاع لهيه وي نفهم شوي من لغة تاعها بصح مشي حاجة قتلها اني رايحة دورتلي لاكام كات خوها (خالي آلبيرت) قتلو "ڤوتن مارغن انكل" منعرف وش ردلي مفهمتش مبعد راحت للخزانة عطاتني سوارد ستنيت كش متحضني ولا والو راحت ديراكت كملت تحكي معاه تنهدت وخرجت قابلتني جدة تدير ف البخور للدار زربت هبطت قبل ميدور قلبي من الريحة ، غير خرجت تفكرت وش قالي عدلان بصح مهيش كامل وقتها هو بلاك مزال راقد وانا يلزم نروح ومن زهري قابلني شيطان البيت عادل شاف فيا من فوق لتحت محبيتش ندير حتى قريماس كان يهدر ب التلفون فات فيا وطلع للدار غير جيت نخرج من الجاردان لقيتو جا قالي -احبسي وين رايحة وحدك قتلو ومعامن نروح قالي وعمي موالف يديك علاه متستنايهش حطيت راسي قتلو الخطرة لي فاتت ستنيتو راح وصل بنتو وخلاني -والله ومعامن رحتي -رحت مع ... رحت وحدي طلع حاجبو قالي اطلعي للدار غدوة وروحي مع ريان مكانش مروح اليوم تحوسي تفلتي وحدك امشي من قدامي لا نكسرلك راسك -انت من نيتك كيفاش نرجع للدار وانا لازم نروح اليوم عندي بروجي -عتبي الباب وتشوفي تحسبي منيش عارف بلي حتى لغدوة وتقراي موالفة تروحي بالأحد طلق سمو وطلع ياااااربي رايحة نهبل وش الجهل هذا عيطت لبابا هز عليا قالي راني مشغول مامبا مسمعش وش رايحة نقولو حطيت البيسي ف لرض وزدت لاكارت وطلعت لعندو طبطبت -عااادل فتحت عليا يماه -وشي قتلها عيطي لعادل شفتو جاي قالي مزلتي -عادل تعيش والله لازم نروح اليوم غدوة الصباح نيكسبوزي لازم نكون محضرة شاف فيا وقالي العشوة نديك نفخت وطلعت لعند ماما قتلها هبطت ليه قاتلو -وش دخلك في بنتي كي شفتهم بداو المعركة هبطت حق ربي مزدت درت كلمة لواحد هزيت البيسي وخرجت نفور حتى وجهي عاد أحمر تلاقيت بعمي اسماعيل خارج حبست حتى راح خرج جاتني البكية علاه انا زهري هكذا طمبيلات دنيا هنا مقاريين واحد مقال نوصل هاد الكلبة لا بابا لا خويا عمومي كل واحد لاتي بروحو واش فايدة هاد المال الا انا بنتهم محتاجة لي يوصلني-هاندا ريفالدا للقصص- ساعات تقول نهرب وشي وين نروح خممت قلت نعاود نرجع لدار بلاك دك يجي بابا ويوصلني ، عاودت رجعت على زهري جيت ف الكرسي هذاك لي تقعد فيه جدة حاطة يدي على خدي نستنا في كاش واحد يتطوع ويوصلني طلت عليا اللفعة شافتني درت روحي مشفتهاش حتى لقيتها هبطت وجاية من جيهتي لابسة بيجامة تمشي وتتعوج وترتق ف شوينغوم -صباح الخير -...-ههههه وشي الاميرة اليائسة بلعتي لسانك وقيل قتلها الا حابة نزربعك ف الطين دوري بيا اصلا راني نشوف فيك فلو طابست عندي قاتلي -وقيل محلبكش والله تغيضي شفتي قتلك راكي غير تحلمي عدلان موحال يشوف معاك جبدتها من شعرها حتى عيطت -تبعديني ولا لا ااااا وش تحوسي عندي ولات تفرفط وتعيط على عادل ومن زهرها كان هابط شافني حاكمتها من شعرها عيط عليا طلقتها جا توالي ويشوف فيها نضراتو ليها تاع واحد عشقان وولهان وهي مهيش معبراتو ميشوفش غيرها وهي بدات تستغلو ضدي زوج شياطن توالي ، بعدت عليهم منكدبش هدرتها تستفزني وتخليني نتعصب عندها وحد الأسلوب كي تكون تهدر تخلي الواحد يخرج من جلدو ....#بقلم_هاندا
17
🎬
راحت هي طلعت وعادل خرج بلاك ساعة ولا أكثر حسيت بتلفون يفيبري جبدتو لقيتو عدلان بقيت نشوف مع جنابي هزيت عليه سمعت الهدرة والحس زماااان بش نطق قالي -ليديا لباس تروحي اليوم -ايه -راكي ف الدار -ايه- قالي دك نجي نوصلك ف طريقي ....فرحت فات شوي وقت حتى لحقت 12 شفتو قارا طمبيل برا نضت مشيت ونشوف من ومن خرج هو قالي اطلعي دك نجي ركبت وخايفة يرجع عادل ويشوفني شوي وجا ركب قالي صباح الخير رديتلو ديمارا كان حاط الحطة تقول خارج من قصر الجمهورية ف الاول كنا ساكتين مبعد كسر الصمت كي قالي - هاتي نشوف وش خدمتي كنت نحسب فيه نساني فتحت البيسي قارا على جهة وهو حطو قدامو غير تحل كنت انا دايرة فوطو ايكرون لابسة الاحمر فوطو يهبل بقااا زمااان يشوف مبعد فاق دخل مين الاكسبوزي بقا يقرأ فيه ويثبت كاين وين يعقد حواجبو وكاين وين يتبسم لقيتو يكتب ويصحح تقريبا عاودو كامل ملي حط راسو مهزو بلاك شي نص ساعة ولا أكثر انا استغليت الوقت ونشوف فيه ونسيت على روحي لقيتو يشوف فيا مركز قالي -علاه خيرتي هاد فيليار -ااا -ااا عجبتني برك -سير -ايه علاه حركلي راسو علابالي شاف بلي لا علاقة سكت شوي وقالي راني صححتو كامل حاجة مكانت صحيحة وحط يدو على لحيتو الخفيفة ويمسح وترني قتلو مرسي سونا تلفونو هز عليهم كان يهدر بلونغلي هزيت عليه البيسي خبيتو بقيت نستنا فيه يكمل شياختو بش يديماري بصح قربو كان مفرحني و فيقني صوت تلفوني لقيتو عادل شهقت حتى تولهلي شافني مبعد كوبا هزيت عليه قالي -وين راكي قتلو رحت -هكذا يالكلبة $#@$%#-$ كوبيت عليه باسكو هو تان سمعو كي سبني جبد دخان وبدا يتكيف حمارت زاد عاود طفيتو قالي-وش يحوس -قتلو محبش يخليني نروح وحدي واك تعرف عقليتو نسف الدخان -علاه راه يديرلك هكذا ، ملقيت وش نجاوبو مبعد قالي علاه مقلتيلوش بلي راني مع عدلان هزيت عيني فيه قتلو -يقتلني -ضحك قالي -علاه سايبة هاد الكلمة حياتني مبعد شغل انتبه لواش قال عدل روحو وديمارا تولهلي منيش دايرة لاسانتير فرينا وطابس دارهالي كان قريب مني بزاااف وريحتو لي مخلطة بالدخان زادت عليا هز عينو فيا قالي ارتاحي وعاود ديمارا وانا خلاص حسيت روحي ذبت كي الشمعة طول الطريق وهو ساكت اصلا يضل ساكت غير معايا نحسو يهدر لي ميعرفوش يقول متكبر ومغرور -هاندا ريفالدا للقصص- ..غير وصلنا حطني توال لاسيتي تشكرتو بقا يشوف من ومن ومركز مع بوست بوليس وانا مركزة معاه حتى فيقني- هاي الجابونية تدخلي ولا بطلتي -اا ام ايه مرسي عدلان بزاااف كي وصلتني هزلي حاجبو قالي زعما راني براني عليك ولا راكي ختي الصغيرة طبطبلي على كتفي شغل غسلني بالماء البارد مزدت حتى كلمة دخلت كن غير مهدرتش ومسمعتش منو كلمة ختي شحال حرقتني .....#بقلم_هاندا
18
🎬
دخلت هابطلي المورال علاه يقولي ختي منيش ختو وش فهم منعرف يعني عندو الحق انا راحولي الفرانات معاه هو حب يدير فيا الخير وانا تبزعت ونسيت شكون انا وشكون هو ،ماشية ومطأطأة راسي مجرد التفكير بلي يجي نهار ونشوفو مع غيري يشلني مستحيل نووووو عدلان ليا انا وفقط حتى لقيت روحي توال الشمبرة طبطبت فتحت عليا وردة سلمت عليها ودخلت شافتني مشي مليحة بدلت قشي خرجت غسلت وجهي كنت ميتة بالشر مزية عمتي دايما متفكرتني فتحت هاديك .بوات لقيت فيها حميس ب الزيت زيتون وكسرة دقلة حتى كرموس ااااه يا عمتي ربي يعطيك ويرضيك قدمت حطيتها ف الطابلة كليت انا ووردة مبعد تكسلت نرقد شوي خليتها مع البيسي تشوف ف البروجي ..-هاندا ريفالدا للقصص- .فطنت عليها تحكي بالتلفون تقعدت شفتها ضلامت شوية وأذن المغرب راحت تصلي وانا بقيت نشوف معاها انا وش خصني بش منصليش ياك مسلمة مزية لي علمتني عمتي شوي عاد يجيني تأنيب الضمير بصح البيئة لي راني فيها حاشا دين محمد بابا ميسجدش وماما خارجة من الملة حمد لله كي علموني الشهادة غير كملت قتلها ربي يقبل غرغرو عينيا والله صعيبة كي تعيشي وسط عايلة بعيدة شوي على الدين افففف استغفر الله نضت غسلت وجهي ورحت للشمبرة كان تلفوني يعيط شفتو من بعيد بان إسمو لي مركبلي الرهبة عااادل وهو جامي يعدل حڤار وينك يا سليم خويا وطل عليا هو لي موالف يسلكني منو الخطرة الأولى مهزيتش مبعد هزيت قالي معامن رحتي قولي وبلا متكدبي خاطر اليوم في زوج نشعل فيكم النار ايما هذا وين عرف بلي جيت معاه متأكدة واحد مشافنا قتلو جيت وحدي علاه سبني وكوبا عليا انا كي محكمنيش السكر راني لاباس ،هبطت نتعشا وطلعت قتلها رايحة نرقد انا اصلا كنت مقودة شي من هدرة عدلان شي من الرعب تاع عادل الله يجيب الخير .....
غدوة رحنا اكسبوزينا وفاتت لباس بصح بروف بقا متعجب فينا قالي هذا شكون خدمولك قتلو خويا وبديت نحكيلو قالي très bien مدموزال فرحت عالاقل كاينة حاجة تفرح اليوم خرجنا من تم تلاقيت ريان غير شافتني جات ديراكت عندي لا سلام لا كلام -انتي البارح معامن جيتي هزيتلها حاجبي -وانتي وش دخلك معامن جيت بابا خويا ولا راجلي قاتلي شوفي خوك البارح قلب الدار على عدلان متحشميش نتي تعرفيهم ميتفاهموش ومتحسسين من بعضاهم علاه تخالطي فيه نقولك حاجة خوك كي تروحي ين حرك راه متحلف فيك قتلها وانتي علاه شايطة هكذا ولا غاضاتك كي محلبكش يا المصفارة -ههههه من نيتك ليديا مكيش تشوفي ولا عميتي عدلان يموت على الأرض لي نمشي عليها برك ميحبش يبين توالكم وغمزتلي راحت وخلاتني مكوية عاودت ربطت الأحداث البارح كي قالي ختي الصغيرة وهادي علاه تهدر وثايقة في روحها افففففف حكمت راسي رايحة نقلع شعري مستحييييل مستحيييييل غرغرو عينيا زدت تفكرت عادل منا تكوي ومنا تشوي ماشية نزرب ووردة تعيط عليا.....#بقلم_هاندا
19
🎬
لحقتني في باب لاسيتي -وشبيك ليديا -والو وردة خليني حابة نبقى وحدي فاتت هي وخلاتني قاعدة برا مخي يدي ويجيب منعرف كيفاش درت الكوراج وعيطتلو غاب العقل وبقا غير القلب يدق هز عليا بش فطنت لروحي -الو ليديا لباس مرديتش كوبيت عليه وطفيتو ....فاتت سمانة وانا على اعصابي تلفوني نفتحو نلقا لابال تاع عمتي ووحدة تاع ماما وعدلان مكنش اصلا شكون انا بش يعيطلي ...اليوم مروحة مع عمي أرسلان عيطلي هبطت شفتها راكبة معاه سلمت عليه وطلعت ركبت لاريار طول الطريق بالي سارح ونخمم ،غير وصلنا هبطت بلا منشوف ورايا طلعت للدار سلمت عليهم وتغديت دوشت وحكمت بلاصتي رقدت بزااف باسكو غير نضت سمعتو يأدن مفهمت المغرب ولا العشا سمعتهم يهدرو ف الكوزينة دخلت شفتهم مستفين فوق الطابلة سلمت على جدي وقعدت نوكل اكل ساكتين غير كملو قتلها عمتي انا نغسل الماعن محبتش تخليني وليت قعدت على كرسي ونتفرج فيها حتى كملت قاتلي تبعيني للشمبرة رحت معاها بدات تحكيلي عل الهوشة لي صرات بين عادل وعدلان حكمت في راسي على حسب قولها كبرت ومرت عمي زعفت وجات لماما شبعتها هدرة وراحت وحتى عدلان قلق ومخلاش في عادل بهدلو ومرت بابا زادت دخلت ف الصف ،هي تحكي وانا حالة فمي سبحان الله هدا كامل عليا انا ياك وصلني برك ووش من حرمة ضهرت عندهم ياك من بكري لي يدخل ولا يخرج واحد ملاتي بخوه غير في زهري الحلوف ...-هاندا ريفالدا للقصص- .طلع الصباح وياريت مطلع كنت نشرب كي كملت هبطت لتحت عند عمتي كانت ف الحوش مكنتش علابالي بلي واقفة مع عدلان غير شفتهم جيت راجعة هز راسو فيا وتبسم قتلو صباح الخير ورحت صافحت عليه مجبتش خبر حت سمعت صوت الغول من فوق البالكو -اطلعييي يا الكلبة شاف فيه عدلان بنضرة تاع غش طلعت راسي ليه مشفتوش قتلها عمتي منبعد انا نطلع جيت طالعة لقيتو في وجهي جبدت على شط حكمني من تريكو قالي -مالا جيتي برجليك قتلو -وش تحوس صباح ربي انت بعدني منيش حابة الصداع خليني نطلع ضربني بضهر تاع كفو وجعني بالخاتم لي كان في صباعو وقاليى كي نهدر معاك شوفي فيا تغرغرو عينيا حسيت بالضلم جاتني وحد القوة طبعتو عليا وعيطت عليه بكل قوتي -حڤااااار بعد عليا متمسنيش رخيس طحااان مجبتش خبر لقيت روحي في لرض عطاني بكوتبي لكرشي جابني راقدة على ضهري سمعت غير عمتي كي عيطت عليه وصوت عدلان في وذني كي هزلي راسي -ليديا ليديا حلي عينيك جات عمتي شدتلي راسي وهو نسمع فيه طاح فيه بالضرب فحل غير معايا قعدتني نشوف فيه حاكمو من الكول وخرجو للحوش قتلها الله يجيبهالو ان شاء الله هبطت ماما شافتني هاكدا خرجت ليه نسمع فيها تعيط زاد هبط جدي غير بابا مكانش تقول يتيمة جامي حضرلي وشفتو يدافع عليا كي الناس ،نوضتني عاودت خرجت شفتهم مزال متلاسقين وحاكمة في كرشي حتى جا عمي اسماعيل وفرقهم عادل خرج وعدلان كان رايح كي شافني حاكمة كرشي رجع عندي قالي -راكي تتوجعي قتلو شوية قال لعمتي جيبيلها فاست نديها للطبيب راحت طلعت كنت رايحة نقولو مكان لاه بصح شفتو كيفاش متحير جات يماه تهدر قالها روحي منبعد جات ماما قاتلو انا نديها روح انت مناش حابين المشاكل مهدرش معاها طفاها وراح للطمبيل نوضها جات عمتي شفتها لبست هي تان داتني ركبت وديمارا بينا لسبيطار...#بقلم_هاندا
20
🎬
وصلنا شافوني مبعد خرجت لقيتو واقف جا قال لعمتي وصليها للطمبيل اني جاي ، غير جا دار عندي قالي لباس-ايه حمد لله دار لبلاصتو يسوق وعمتي تشايخ حتى جاني النعاس غمضت عيني حطيت راسي على كوسالة تاعو غير وصلنا هبطت عمتي وهو دار لقاني مطابسة يحسب فيا دخت هبط وجا فتح عليا هزلي راسي منكدبش كنت لعبتها فاشلة غير بش نقرب شوي منو همسلي بالعقل -دختي -اممم تقدري تمشي ولا -هزيت روحي طابس وعاوني هبطت هاذا كامل كان تحت انضار ريان لي شفتها واقفة توال دارهم دورت وجهي شفت بابا وماما يستناو فينا جبدت عليه ومشيت جا بابا توالي قالي -وشبيك لوين ضربك قتلو عطاني بكوتبي ابنك هذاك رايح يقتلني كش نهار نموت على يدو ،عاونوني طلعت كررهههت قتلها عمتي حابة نقعد وحدي روحي وسكري الباب وراك . راحت خرجت وليت نترعد وش هاد الحياة لي راني عايشتها تقول عليا حيوان جاو طبطبو عليا محبيتش نحل غطيت على راسي ورقدت-هاندا ريفالدا للقصص- ....جبت شحال من يوم وانا ف الدار مرحتش نقرا نضريت بزاااف وعدلان يحسب فيا رحت نقرا باسكو عيطتلي وردة قاتلي شفت داك الجان لي وصلك ديك المرة هنا ف لافاك حسبتك جيتي قتلها لا راني ف الدار كوبيت عليها هذا وش يدير تم زعما راح يشوفني ميكونش راح يشوف ريان لالا ليديا بركاي من هاد التخمام اففففف نضت هبطت لتحت وقعدت شفت رخيس جاي دورت وجهي حتى هو مهدرش فات ديراكت وش كرهتو زريعة يماه ، فات العصر وجا المغرب اكل دخلو ورجعو غير هو مزال هزيت روحي وطلعت للدار جيت في شمبرة عمتي وقاعدة جيهة التاقة هي هاد شمبرة طل على جهة الحوش غير سمعت طمبيل قارات هزيت راسي شفتو هبط ميبانش مليح باسكو الضلمة راح طلع تنهدت وسكرت التاقة وشفت في عمتي هي تان كانت تشوف فيا في فمها هدرة بصح بقات ساكتة اصلا علابالها وش في قلبي وعقلي تبسمتلها حركتلي راسها بقيت مركزة مع خياطتها حتى وصل العشا وتعشينا ...
خلاصت السمانة ومرحتش نقرا ف الويكاند جات اللفعة بعد متهنيت من فوقيرتها سمانة كاملة سبحان الله غير جي تبدأ المشاكل وهذا المرة مع مرت باباها عياطهم خرج لبرا حتى راحت جدة وعمتي فكوهم للمغرب شفتها رايحة جيهة بيت عمي اسماعيل قعدت نترصدلها شفتها دخلت وهازة في يدها شغل طبسي ولا وطلعت شوي وعاودت خرجت بنفس الطبسي وعدلان وراها بصح فاتها وخرج بلا حتى ميشوف افففف هاذي تاع الصح محوسة تلصق منين موالفة تروح لتم سير مرت عمي حاوزتها بيسك متحملهاش من عام مها كي دارت المشاكل صفرتلها من البالكو هزت راسها شافتني عاودتلها الضحكة الصفرا لي ديرها هي بش تستفزني ودخلت خليتها بصح لداخل راني نغلي منيش قادرة نتحمل قربها منو لاشتة مكان حتى حاجة بصح نعرف نواياها وخبثها ...#بقلم_هاندا
21
🎬
رجعت نقرا عادي وفاتو شهرين بصح عدلان مهوش هنا عندو شحااال مبانش سقسيت عمتي قاتلي راه ف العاصمة عندو شغل وحد السماطة طاحت عليا نحسب ف الوقت بالدقايق ومن جهة طاح وحد الكااالم عادل خويا مزاد هدر معايا ولا حوس واللفعة تاني نتلاقاها غير ف لافاك برك في هاد الفترة جا خطاب لعمتي وقبلت بيه واحد مطلق وعندو ولاد وصغير فايتها غي بعامين فرحتلها عالاقل تستقر مع واحد يناسبها مشي شيخ كبير ،جاو دارولها الخاتم وقراو الفاتحة بقا غير العقد جدة قالت بلي نديرو عشا خفيف برك .....نروح نقرا وكي نولي نعاونها ونخرج معاها تشري جهازها حتى كملنا وعرسها مقرر هاذ الشهر غير انا لي واقفة معاها والباقي شغل برانيا ..فات الوقت ووصل عرسها لي كان ف افريل واليوم لعشا حاولت قد منقدر نوقف معاها ونفس الوقت منيش قادرة على فراقها غير هي راهي ساندتني بصح ملازمش نكون أنانية هي تان من حقها تفرح وتستقر ودير دار ..-هاندا ريفالدا للقصص- فات العشا وغدوة جاو داوها راجلها يبان واعر الضحكة مكانش شغل مغصوب راحت عمتي وفرغت عليا الدار نحس في روحي تعريت صح بقات غير ماشينة الخياطة تاعها نتونس بيها في الشمبرة ، فاتت يامات تعيطلي ونعيطلها نطمن عليها تقولي راني بخير عليا نفرحلها اما الشغل تاع الدار من كان عليها ولا عليا جدة كبيرة متقدرش وماما اكم تعرفو عقلية الڤور يفوتو غي خفيف ب اسبيراتور برك ساعات نبقى نشوف معاها كيفاش تنيطوايي تقول تلعب وزيد سمعتها تقول بلي رايحة فاكونس لهيه ومخليتني هنا بينهم رحت قتلها طلعيني معاك قاتلي شوفي مع باباك وهو لي محبش مفهمتش انا وش هو المشكل طول عمرو ميحبش تديني معاها ولا مرة طلعت لتم نحس كاين سر ومخبيينو عليا ....اليوم نهار مشمس والعصافير تزقزق كنت ف لافاك قاعدة برا نستنى في وردة جي حتى لقيت وحد الجان قعد توالي بدون سلام تلفت ليه جبدت روحي مزية الكرسي عريض قالي -مدموزال باردون معليش نهدر معاك قتلو -وي خويا كش متحتاج هو فالحق بوغوص يهبل بصح من نوع تاع انانييش بدا بلا مقدمات تعجبيني ومن ومنين وهذاك الكلام بقيت نسمعلو حتى خلص قتلو خويا انا عندي لي في قلبي شوف جهة أخرى تبسم وقالي مشكيتش راكي تكذبي طول العام وانا نراقب فيك جامي شفتك مع واحد هنا دايما نتي وهاديك صاحبتك حليت عينيا قتلو يسما انت كنت تراقب فيا ولا -تقدري تقولي - شوف خويا منعرفش حتى اسمك مدابيك تبعدني انا منيش تاع هاد لاسواق حب وما حب ومشاعر معنديش فيهم اليوم هدرت معاك بعقلانية ومرة خلاف منقدرش نضمنلك كيفاش نرد عليك قالي معليش نعتبرها خطوة أولى كامل العلاقات تبدا هكذا بالخصومات والمناوشات ومبعد تبدأ تحلا -او متحلا موالو يا خويا ناكدلك تزيد تخلا مشي تحلا روح منا منيش مخصوصة مشاكل روح ناض غمزلي وراح افففففف ياخي ذر انوش كما أنت نبدل بيه حب قلبي لي راجل طول وعرض وكاريزما مجيش حتى في ذراعو ايييييييه ويينك يا عدلان ويييينك هذا لي يقولك بعيد عن عينيا وقريب ليا وانا في حوار مكتأب مع نفسي جات وردة -وشي رجعتي تهدري وحدك هزيتلها بكتافي تاع اكي تشوفي ...#بقلم_هاندا
22
🎬
رجعت للدار الحالة ربيع والإخضرار زادت بهات الحالة وانا فايتة للدار لمحت طمبيل جديدة مقاريا عندنا جيهة باب بيت عمي بقيا نشوف معاها تهبببل آخر طراز ف النوار وعالية غير طلعت لدارنا لقيتها فارغة لا ماما ولا جدة هنا شي وين راحو دخلت للكوزينة الغدا ومكنش الله يرحم يامات عمتي كي كانت واقفة على هاد الكوزينة وش من طياب وش من ماكلة الروايح تشمهم من الحوش فتحت فريجيدار لقيت شوي ماكلة سخنتها وكليت غسلت الماعن و رحت دوشت لبست روب ميني ف النوار وبروتال كانت سخانة شوي شفت لرض مهيش مسيقة سيقت وحطيت القش يتغسل جات جدة قتلها وين راهي ماما قاتلي راحت للكونسيلا تفري كواغطها فهمت بلي رايحة صح اصلا كل مايقرب رمضان تروح متحبش تبقا هنا واحنا صايمين الله يثبت علينا العقل والدين ،، وحد زوج سوايع جات دخلت قتلها رايحة صح -وي عندي بروجي مع خويا تم لازم نطلع قتلها قصدك تطولي -ممكن منيش عارفة حطيت يدي على خدي يعني هي هنا ولا مكانش حاجة متفرق بصح تبقى ام على الأقل دافع عليا كي يحقروني شافتني شاردة قاتلي ف الصيف نبعتلك جي حركتها راسي زاد دخل بابا قالي حطيلي نتغدا نضت سخنتلو وش كاين معجبوش راح هبط عند مرتو لتحت سمعت الحس سير عل الغدا طلع يسب ويقول عندي زوج نسا نجي نتغدا منلقاش الغدا ملي راحت نورة شبعنا شر ايييه هذا وين حسو بقيمة عمتي خلي تهنات منكم ،سكرت على روحي في الشمبرة وغفيت لبعد العصر غير حليت باب شمبرتي سمعت صوت عمتي طرت من بلاصتي رحت للصالو شفتها سلمت عليها كانت تبان مشيانة وجدة تسقسي فيها تبان مش مليحة بصح تتصنع الإبتسامة محبيتش نصر عليها حكمناها تبات درت انا العشا كما نعرف وانا واقفة مع العشا سمعت بابا يهدر ف الهول خرجت نشوف شفتو عدلان شرعت عينيا زدمت ديراكت كان يسلم على جدة وعمتي سير جا يشوفها كي سمع بيها بصح هدا وقتاش جا شاف جيهتي لقاني واقفة كي تمثال والمغط تاع البرمة في يدي مدو يدو يصافحني مبعد حك جبهتو -لباس تبسمتلو -حمد لله وانت لباس قالي سافا ودار لجدة يسقسي فيها وانا حالة فمي فيه حتي حسيت بعمتي قرصتني في جنبي درت ليها وهو دخل -وشي عمتي قاتلي وشبيك صايشة فيه هكذا شوفي وش لابسة تولهت مع روحي مزلت بالروب ميني وبروتال تاني انا هكذا نلبس ف الدار شهقت عطيتها المغط ورحت نجري بدلت لبست روب مستورة ورجعت للكوزينة لقيتها مكانش يااا فضيحتي مزية عادل مش هنا سي نو يديرني نغلي ف البرمة ، وصل وقت العشا جات عمتي قاتلي عدلان راح يتعشا هنا حطي ف الطابلة تاع الصالو كبيرة تهز وليت نهز ونمدلها وهي تدي رحت انا لقيتهم فوق الطابلة مستفين ومن زهري لقيت كرسي فارغ توالو يا عمري فرحت مالغري مزلت حشمانة قعدت نحس في قلبي يدق يدق بلاك يكون يسمع فيه وهو ولا علابالو يشايخ مع جدة وبابا مزية عمتي لي قامت بالواجب على الطابلة سينو الطبسي لي نهزو نسيحو من كثرة التوتر تاعي-هاندا ريفالدا للقصص- ...هما يتعشاو وانا مركزة غير معاه وريحتو لي خدرتني حتى كي يتحرك ويقيسني ومستحلية هاد القرب لدرجة قريب نستغملو منعرف حتى كيفاش دار جيهتي وغطاني عليهم قالي بصوت منخفض شوي وشي جابونية لباس كيفاش مع قرايتك قتلو مليحة اني معاها نهدر وهو مركز في وجهي حتى سخنو خدودي قالي أمسحي فمك شغل كب عليا بدون ما هزيت طرشونة ومسحت وجهي كامل مش غير فمي حتى ضحك مبعد دار ليهم وانا مزلت نشوف معاه ومع ساعة لي حاطها في يدو تدي العقل سير بلي غالية كان حاط تلفون فوق طابلة قريب مني كي صونا شفت R حبست عند هاديك اللحظة وتحجرو ملامحي ويبست شاف فيه وكوبا نحس في وجهي يصب ب العرق حتى متحركش بقيت تايهة ف تلفونو حتى تحرك وتلامس يدو مع دراعي منعرف دارها عن قصد ولا ممكن شافني كيفاش نشوف مع تلفونو حب يفطني ولا منعرف مبعد مد يدو ورا ضهري زاد قرب مني أكثر جا ضهري في صدرو منعرف وش هز من تم مزية لي كل واحد لاتي يشايخ جدة وبابا ميسكتوش وماما تان عمتي كان عيطلها راجلها ناضت تهدر يسما كنت انا وياه بعاد على نضرهم ،كي شافني ساكتة قالهم بصحتكم انا نروح وقفت انا نبعدلو منين يفوت لسقت الجبة ف الكرسي طابس هو جبد الكرسي وقدرت نفوت ....
