#بقلم_هاندا
137
🎬
مغمضة عينيا ونسمع فيه كيفاش ينوض فيا وأنا غايسة شي من السطر شي من التعب -ليديا حلي عينيك حبيبي متخلعينيش ي عمري سمحيلي ستقويت عليك رشلي شوي بارفان شميتها فتحت عيوني قابلني يبان خايف عليا مبعد تبسملي وباسني -ي عمري هاي فطنتلي صاي متخافيش مكان والو دك شوية يروحلك السطر غطاني بالدرا قالي دك نجي وانا نشوف فيه كيفاش متوتر وخايف راح للكوزينة جابلي كأس ماء شربتو لقيتو حلو حتمو عليا حتى كملتو عاود باسني من جبيني قالي ندخل ندوش ونجي ..هاندا ريفالدا للقصص..بعد مخرج من الدوش جاب ف يدو فوطة تبان مشمخة بقيت نشوف وش رايح يدير ،نحالي الدرا قتلو وش دير-والو ريحي حالك ، م س ح لي بيها زاد راح الخزانة جبدلي بيجامة ومعاها بياسة جسمي مرخوف خلاا هو يلبسلي وانا حاطة وجهي عل كتفو فاشلة خلاص عاود رقدني على ضهري وانا مركزة فيه ، و السطر بدا يتنحا وكنت حابة غير نرقد كي شافني مدبلة عينيا قدم توالي وبدا في حنانتو لي تذوب حتى انا تجاوبت معاه كي شفتو راح يروح فيها خفت على روحي قتلو نرقد ولا ضحك قالي متخافيش منزيدش نمسك اصلا حتى نشريلك دوا -وش من دوا -تاع الحمل خايف تهزي وانا مدرتش حساب اليوم كنت في حالة ليديا ملازمش تحملي حتى تفوت العملية وتوقفي على رجليك مبعد ساهل منيش حاب حتى حاجة توقفلك عائق قتلو علاه الولاد ولاو عائق قالي مشي هكذا بصح في حالتك رايحة تتعبي بزاااف وانا حاب نشوفك متهنية والأولاد مزال الوقت ودك جيبيلي عشرة -عشرة كي تكون تولدهم انت -ههههه ي عمري وش متمني نشوفك مكربعة وكرشك كما البالو ، شفتو لمعة في عينيه قتلو حابة نجيبلك طفلة انا وانت معندناش خوات قالي لي يجي مرحبا بيه مهم من هادي الكرش وقدم باسها قالي نروح كش منوجدلك توكلي ونجي لعمري ، ناض شعلي لاتيلي وراح للكوزبنة وانا غفيت نسمع غير ف لاتيلي والهدرة على الإصابات ومن تم رقدت ......... حسيت بيه ينوض فيا بالعقل مي محبيتش نوض ومن ثم حتى لليل بيسك نضت كانت مضلمة غير فيوزة شاعلة شفت تلفونو فوق لاطابل يشارجي يعني راهو هنا عيطت -عدلان عدلان مسمعنيش حبيت نروح للتوالات تزيرت هزيت تلفوني شفت الساعة كانت قريب 21:00 ،، دخل شافني فطنت شعل الضوء وجا توالي قتلو وين كنت قالي كنت لتحت مع عمي -حبيت نروح توالات .هاندا ريفالدا للقصص ...رفدني وداني ..ي يما مت وحييت مزية لي كان معايا سينو فقدت الوعي ، هزني ديراكت للفراش قتلو حبيت نخرج قالي نو ابقاي هكذا راقدة الكرسي يضرك بديت ندلل عليه قالي -صاي ليديا راكي مضرورة راح جابلي عشا كليت حتى تنفخت جعت بزاااف وهو تعجبو كي يشوفني نوكل ..كي كملنا كانت العشرة قتلو نرقدو قالي شكون قالك انا مزال حاب نلعب خلعني بقيت نرمش حتى ضحك قالي -خوافة تاعي وبدا يحكيلي ويوصف كيفاش كنت نتصرف معاه ف ال..... حشمني وجهي حسيتو ذاب ميحشمش خلاص حطيت مخدة على وجهي وخليتو شابع ضحك عليا ...
138
🎬
فاتت سمانة شوفني فيها الويل كل ليلة يعاودلي سيناريو حتى يطلقني دايخة حتى ندمت لي خليتو يتقرب مني شرالي دواء تاع الحمل وفهمني كيفاش نوكلو .هاندا ريفالدا للقصص...اليوم نضت شوي انفورم ناض هو قبلي لبس رفدني للكرسي قالي منطولش ونجي باسني وخرج و انا رحت للكوزينة قضيت شغلي لي نقدر عليه وكي كنت راجعة لشمبرتي سمعت الهدرة ف باب التيراس قدمت بالشوي بلا حس ف الاول سكات مبعد سمعت يماه هابطة من فوق من تيراس ومعاها ختها هاذيك خالتو الصغيرة هاذي شوية عاقلة مهيش كيفهم كانت تشكيلها على عدلان بقيت نتصنت تقولها - من رمضان وهو معاديني تقول ماني انا لي جبتو للدنيا وتعبت عليه عاد يشوفني يدور وجهو عليا هادا كامل بسبة هاديك بنت ليهودية داتلو عقلو وعقل خوه الهجالة فكيت منها الاول زادت لسقلي فيها هذا ، قاتلها علاه لطفي كان حاط عينو عليها -ايييه اسكتي انا لي جبتهم من كرشي ونعرفهم كي سمع بخوه يحبها ياخي راح مولاش حتى رديتو للطريق بش نساها بصح الزهر زاد جابها هنا عندي وعدلان اكي تعرفيه مش كما خوه ميسمعليش قاتلها بصح لطفي واله مكنت حاسباتو حاطها في بالو كانو صغار يعيطلها ختي صح عدلان من بكري كان مبين بلي يحبها وحتى قالهالي عام عام وهي كانت مولات 16 سنة قاتلها منعرف وش فيها يعجب ي ختي -علاه ف الزين معندها مخصها مشفتيهش كيفاش يرجف عليها كي تكون قدامو عينيه غير عليها خليه هو قابل بيها وانتي علاه تقلقي في روحك هكذا قاتلها -علاه يعني ترضايها نتي لوليدك يجيب وحدة متقدرش حتى تهزلو رجليها قاتلها - متخافيش عليه قادر على حالو وكن مجاش يبغيها ميقبل يهزها خلي ولدك يتهنا انا عدلان نبغيه كي خويا قبل وليدي ولوكان جيت انا هي يماه نفرحلو مشي نغبن عليه استغفري مولاك قاتلها لوكان منزوجوش منيش مرا -يهديك ربي انتي وش صرالك حابة تخربي عليهم خلي مخلوقة لي فيها يكفيها طفلة عاقلة وابنك يعشقها بركاي من فعايلك وبركاي متسمعي للطاوس (ام يوسف خالتو الكبيرة) واستهدي بالله انا نروح جيت نطل عليك برك سمعت بيك مرضتي وديجا حابة نطل على مرت عدلان نباركلهم لخرى بغات توكل روحها قاتلها هكذا جبتك نشكيلك درتي عليا قاتلها -نقولك حاجة تكملي هكذا والله ي ابنك غير يصد متزيدي تشوفيه ،،،يا ربي وش راهي تهدر هادي لطفيي !!! طول عمري حاسبتو خويا اعقققق عفتو خامج ضهر رخيس كما يقول خوه هذا وين فهمت علاه حب يفسد بيني وبين خوه من الغيرة لوكان يسمع عدلان هاد الهدرة مشكيتش يخليه حي الله يهدي ما خلق ...سمعتها جاية جيهة الباب تاعي وخرت بالعقل طبطبت ستنيت شوي رحت قدمت قلت شكون قاتلي - حلي عليا بنتي اني (سامية) خالتو - توترت مفهمت نحل ولا منحلش مبعد فتحتلها الباب سلمت عليا وشفت يماه واقفة تشوف فيا بكل غل راحت هبطت وتمتم .هاندا ريفالدا للقصص.....قتلها اتفضلي قاتلي نقول بسم الله قبل مندخل الله يبارك دارت سكرت الباب دخلتها للكوزبنة قعدت وانا موالفة نهدر معاها و نعرفها بصح في غير ضروف ولات سقساتني وسقسات على عدلان قاتلي توحشتو عندي 3سنين مشفتوش انا تربيت معاه مبيناتناش بزااف وهي صح هاذي خالتهم صغيرة جي كما عمتي ف اللاج ،حطيتلها جي وفاكية قاتلي متحيريش روحك منيش برانية ، شوية ودخل عدلان يسخايب فيا وحدي قالي -حبيبي راني جيت تبسمتلي هيا قاتلي -ربي يخليكم لبعضاكم انا حشمت توالها. غير دخل شافها حسيتو حتى هو حشم قالها-اهلا ب سامو هادي غيبة ناضت تحضنتو يبان يتفاهم معاها قاتلو -هكدا لوكان منجيش منشوفكش...#بقلم_هاندا
139
🎬
خليتهم يشايخو وانا حطيت راسي مع الغدا لازم نبين بلي راني قد حالي درت حاجة خفيفة برك ،سمعتها كانت خارجة رحت قتلها اقعدي تتغداي معانا -قاتلي مرة خلاف وهو تان حاولها تقعد محبتش دخل للكوزينة وانا همستلي في وذني قاتلي-ي بنتي ردي بالك مليح على دارك وحطي ساعة ساعة قرآن هكذا بش متصيبكمش العين سلمت عليا وقاتلي اتهلاي وراحت ...بعد متغدينا كنت نغسل ف المواعين شفتو هز بيدون تاع الماء وخارج بيه طليت عليه لقيتو يسيق توال الباب ف العتبة زاد جا دخل فتح فربجيدار جبد قرعة الخل وداها فرغها كامل ف العتبة انا مفهمتش نسخايب فيه يبخو للنمل ولا كش حشرات ،، كملت ماعني سقسيتو قتلو علاه حطيت الخل قالي منا وجاي عودي رشي صباح دك نشريلك بيدون كبير مفهمتش بقيت مبهمة وكان يبان مقلق شوي ...هاندا ريفالدا للقصص...فات الوقت لليل عيطت لعمتي نشايخو كي العادة خبرتها قاتلي -يا النية هاذي راهي تسحر فيكم وكي فاقلها راه يرش ف الخل -كيفاااش -هيه هاديك دير كلشي عسي روحك منها تفكرت كلام خالتو كي قاتلي شعلي القرآن هذا وين فهمت هي لي خبراتو حمد لله ربي كي يحب يكشف عبادو جابهالي حتى لداري بش تحذرني ..
لغدوة لقيتو جابلي بزاااف الخل كتمتها وسكت محبيتش نبين بلي اني فاهمة عدت نشعل القرآن ونزيدلو للخر الخل نحط صباح وفي العصر ،....اليوم نسمع فيها تسب وتعيط كان هو هنا طبطبت علينا راح فتحلها نسمعها تقولو -وش هاد الخل لي ضلو تسيحو فيه هنا غميتونا بالريحة عدنا منقدروش نقعدو ف الدروج قالها احنا تعجبنا ريحتو قاتلو -ربي يهديك قالها آمين غير يهديك انتي برك وخبط الباب شافني قالي ابقاي دايما ترشي متخافيش منها حركتلو ب راسي ودخلت للدوش توضيت وصليت .....وهكذا فاتت ايامنا وقررت اني لازم نتعالج ونوقف على رجليا الحية هاذي لي راني عايشة معاها لازم نوقفلها على رجلي بش نقدرلها سينو تخربلي حياتي ..هاندا ريفالدا للقصص...دخل شهر أكتوبر وقرب موعد تاع لوبيراسيون واحد مكان علابالو غير بابا وعمتي برك ووصاهم عدلان بلي متخرجش الهدرة حتى تفوت العملية ، عمتي جاتني خطرتين نضفتلي الدار مليح طبقتلي القش مهم نحات عليا شدة وزادت وصاتني وش لازم نوجد قش لي نحتاجو للعملية باسكو رايحين نطولو قالي كريت دار بش نبقاو آلاز تم حتى تبراي ومنها نبعدو عل ستراس وعلى يماه ، منكدبش حيا فيا وحد النشاط شغل كنت حاسة بلي رايحة نقوى وعدلان توله لنفسيتي بلي راني حابة نوقف زاد دعمني مليح نفسيا هو وعمتي منكدبش كانو عندهم دور مهم في هاد المرحلة وحتى بابا حسيتو فرح كي قالو عدلان بلي الطبيب راهو يقول 90% تنجح تبقا أمورات تاع ريديكاسيون ولي ماساج قضية وقت برك حب يعاونو في سوارد العملية بصح عدلان محبش قالو -عندي وحمد لله راني بمالي ورزقي ...#بقلم_هاندا
140
🎬
تبقى على موعد العملية 5ايام ،، جات عمتي بقات معايا وجدتلي كلشي دوشتني مليح فرزتلي داري للمغرب جا ليها راجلها كي عادت خارجة شبعت بكا قاتلي ان شاء الله المرة الجاية نشوفك تمشي تحضنتني قاتلي راني نجي عندك لتم ونبقا معاك يامات فرحتني ،،، رقدنا بكري اليوم وغدوة نبكرو للولاية هاديك ...صباح نضنا لبسلي وهز فاليزات وهبطهم للطمبيل تفقدت انا الغاز وكلشي جا رفدني حطني ف طمبيل وجاب الكرسي لقيت بابا جا طبطب عليا من الكارو هبطتو سلمت عليه بقا يوصي في عدلان قالو عيطلي كي توصلو .....ديمارينا اول حاجة راح جاب الفطور فطرنا قتلو عمي اسماعيل عندو خبر قالي -بيانسبر هو لي دارلي معريفة لتم طبيب يعرفو بصح يما محبيتش نسمعها حتى تفوت العملية منيش حاب تكثر عليك الهدرة مليح كلشي ف الستر ،..كملنا الفطور دارلي موسيقى غربية هادئة قتلو حابة نرقد عدلي المقعد استراحت وهو مرة على مرة يضحكني ب نكتة من عندو ، طريق طويييلة بززاف ..... وصل الضهر كنا تقريبا ناصفنا الطريق هبط جاب الغدا انا كنت شوي دايخة وليسطومة بدات تلعب كليت شوي برك خفت نتقيا ..... فتنا على سبعين باراج وانا تقلقت وتخنقت من البافات غمتني ،،، زدنا ساعتين ووصلنا للولاية ديك عيط ب التلفون بقا يهدر مع واحد فهمت بلي على الدار لي رايحين نقعدو فيها كي كمل قالي رانا قريب منها راهي هنا ف الدورة برك ،، زاد شوي و حبس توال دار على ايطاج واحد شفت راجل واقف توالها هبط هو راح سلم عليه عطاه مفاتح وجا طل عليا من الكارو تبسملي قالي تباني كاااو مكيش موالفة تمشي هاد المدة قتلو -حابة نتقيا قالي -خلاص طول طريق محتمة ودك مقدرتيش ، هبط الكرسي قدمو توال الباب رفدني وحطني فيه غلق طمبيل ومشاني للباب فتحها و دخلنا صراحة حسيت بالأمان فيها تقول داري جاية صغيرة ودافية وأهم حاجة نظيفة مسيقة ريحة صانيبو تفعفع قالي -عجباتك -مليحة دخلنا للصالو مفرش كلشي فيه قالي نخرج نجيب فاليزات ونجي ...هاندا ريفالدا للقصص ... بعد متفسحنا لداخل الدار فيها زوج شنابر وصالون وكوزينة وحوش معمر بالورد وفيه شجرة تاع قارس نظيف كلشي يلمع عجبتني بزاااف ،، كان الليل طاح وضلامت الحالة قالي نروح نجيب العشا منطولش هنا برك توال الدار ، خرج هو انا كنت فوق السرير عيطت لعمتي خبرتها وكنت رايحة نعيط لبابا بصح ترددت مزلت هايباتو ومزال بيناتنا هذاك الحاجز قلت دك يحي عدلان وهو يعيطلو ..غير دخل شفتو جايب شكاير ميبانش في نصهم قالي قضيت فرد مرة بش منبقاوش نوكلو من برا فهمت عليه خايف نمرض من ماكلة برا وتتأجل العملية يخمملي في أدق تفاصيل ،، تعشينا جاب روتي وروز سلاطة جي هذا وين تفتحتلي لابيتي ، كي كملنا العشا قالي ندخل للدوش ندوش قتلو انا تان راني عرقانة ولا جبدني بي يديه ودخل بيا للدوش دوشني وزاد هو راح جابلي وش نلبس لبسلي هنا دوش جاي توال كوزبنة مشي ف شمبرة جا يرفدني قتلو نتوضا بش نصلي كي كملت الوضوء رفدني وحطني ف الكرسي معرفتش القبلة وين راهي وليت صليت بالنية وربي يتقبل مني ..هاندا ريفالدا للقصص ..كي كملت كامل أوقاتي درت شفتو يستنى فوق السرير ناض راح للساك تاعي بقا يخرب قالي وين راهو -قتلو وشنهي -دوا تاعك تاع الحمل رحت جبدتو من وحد بوشات بقا مركز فيه ويحسب قالي ملازمش تنساي ولا حبة منو عطاني حبة شربتها ورفدني للسرير قتلو عيانة قالي -ويعطيك قلبك تخليني هكذا وانا كي يعود يرقدلي في عينيه يسيطر عليا بحنانتو وليت تجاوبت معاه.......#بقلم_هاندا
141
🎬
الصباح مفطناش لنص النهار بايت في حرب معايا ، فطني صوت هادوك لي يبيعو ويعيط برا بصح لهجتهم مختلفة بقيت نتصنت حتى فطن عدلان هو تان قالي هذا جاي للتاقة ويعيط ..نضنا هو خرج لبرا وعاود دخل قالي صدعني دك نهدر معاه يولي يبعد ..هاندا ريفالدا للقصص ...فات نهار كالم عدلان خرج مطولش ورجع ميحبش يخليني وحدي انا رحت لديك كوزينة مختلفة على كوزرنتي شوي معرفت ندير فيها والو بوطاجي جاي عالي بزااف وليت خرجت رحت للحوش داك عجبني وعجبتني شجرة القارس ريحتو ترد الروح تفكرت حوش بيت عمتي يشبه لهذا ،،دخل لقاني ف الحوش قالي الوردة في نص الورد جبد تلفون دارلي فوطو زدنا سالفي قالي ادخلي شمس تدوخك قتلو حابة نخرج نكتشف هاد البلاصة قالي خلي للعصر تغيب شمس شوي ونخرجك و دخلني لداخل قالي كوزينة جاتك عالية -ايه ملقيتش فيها راحتي قالي معليش دك انا ندبر راسي انتي طيبي وانا نغسل ماعين نضت نضحك عليه قالي -نورمال كنت ف ماريكان عندي كوزينتي في ستوديو تاعي نطيب فيها ونغسل ماعين قتلو احكيلي شوي على حياتك تم جامي جبدتلي قالي نخليها حتى تكتشفيها معايا كي نروحو بقيت نرمش قتلو يعني نطلع معاك لتم تبسم وقالي وانا علاه راني نجري وحابك تبراي بالخف بش نطلعك معايا انا خدمتي تم و حياتي تم ودك نتي تاني تروحي معايا لتم فرحت بيسك طول عمري متمنية نروح نعيش ف ديك البلاد قالي خلي كلشي في وقتو وبعد متوقفي على رجليك نهدرو على بزاااف حوايج ومنهم قرايتك غير فكرني عبس وجهي قتلو -مكان لاه تزيد تجبدهالي اصلا كنت نقرأ بش نقرأ وخلاص طلع حاجبو قالي -وعلاه-بيسك منحبهاش وخيرت هاد تخصص باسكو كما أنت وانا هذاك الوقت كنت مهووسة بيك اي حاجة نديرلها خيط معاك حتى قررت نقرأها غير بش نحس روحي قربت منك بقا تايه فيا قالي -ليديا تحبيني كامل هكا قتلو وأكثر من هذا حتى في اوقات وجعي مكرهتكش عقلي يقرر حاجة وقلبي يقول نحبك ونبقى نحبك ، ديراكت هجم على شفافي كما فومبير .....
فاتو 3أيام وبدا العد التنازلي ..هاندا ريفالدا للقصص ...اليوم صبحنا ف لاكلينبك قريبة للدار لي رانا فيها ،، دخلوني لداخل وحد ساعتين وهما معايا رجال ونسا راديوات تصوير اشعاعي ونحاولي الدم بش يديرولي تحاليل ، جا الطبيب لي رايح يوبيريلي يشبه لماما سبحان الله عينيه زروقا وشعرو اصفر تولهت ميهدرش العربية غير ب لونقلي برك وانا منفهمش ،،، خرجوني لقيتو يستنا ف كولوار وخرج طبيب بقا يهدر معاه طول وهما راس لراس وانا نتفرج فيهم من بعيد .. مبعد جا قالي فيها خير ان شاء الله شفتو يبان فرحان قالي اليوم نحوس بعمري حتى تمل ....#بقلم_هاندا
142
🎬
بعد محوس بيا كامل لافيل طبعا ف الطمبيل برك دخلنا بعد العصر للدار كان فرحان للخر شرينا معانا وش نتعشاو قالي ندخلو ندوشو وهو والف يبربخني كما البيبيات ف الماء ويبقا يلعب حتى نولي نخرج فيه قتلو ادخل انت ومبعد انا ، مستناش نكمل الهدرة جرني بيا ب الكرسي للدوش حطني ف بينوار ..هاندا ريفالدا للقصص ...كنت متكسلة لافة فوطة برك عليا وهو تان ،، عيطلو باباه بقى يسقسي عليا وهو يجاوب فيه دخلتني انا تان آبال من عند عمتي حكيتلها وش درنا اليوم قاتلي راني ندعيليك واليوم ندير قيام الليل ، كي كملت معاها شفت فيه قتلو -عدلان لوكان متنجحس العملية قالي -ليديا بركاي من هاد الهدرة اتفائلي قتلو خايفة -متخافيش عمري انا لوكان مشفتوش كاليفيي والله منريسكي بيك كنت صبرت حتى تفتح الحالة ونطلعك معايا لهيه ونديرهالك ، سكتت وكتمتها خايفة ومن جهة فرحانة قتلو حابة نولي نمشي توحشت نخرج توحشت نقضي شغالاتي وانا واقفة توحشت نركب على الخيل أنا قلتلو هكذا وهو طلق تيليفونو وحكملي وجهي بين يديه عينيه مغرغرين قالي-بربي إن شاء الله توقفي على رجليك واول حاجة نحققهالك هي اني نخليك تركبي على الخيل بصح انا نكون معاك منزيدش نخليك وحدك -صح -انتي كونيلي بخير وانا الدنيا نجيبها عند رجليك قتلو -ربي يخليك ليا وميحرمنيش منك ونضت نبكي قالي -وهادو الدموع علاه قتلو كنت نحسب بلي خلاصت دنيتي وخلاصو أحلامي وهاذي حياتي كنت نقول ليديا عدلان سمح فيك كل يوم كنت نطلب ف الموت مكنتش خلاص حاطة في بالي انت لي راح تخرجني من هاد الحالة لوكان عرفت ولو بنسبة صغيرة والله كنت صبرت ومجهلتش ومدعيتش على روحي يا ربي سمحلي ، مسحلي دموعي قالي -انتي حملتي لي الرجال ميحملوهش بعد وش سمعت من عمتي عرفت بلي المرا تاني قوية وتقدر تتحمل كنت نحسب النسا ضعاف شفت دمعتو على شفر قالي خلاص نتي رايحة تبكيني اليوم تاني هيا شوية طاقة إيجابية وش كان يوصي فيا طبيب صباح قالي لازم جيبهالي في أحسن حال نفسية مليحة وهادئة بش ميصراوش مضاعفات تاع ضغط الدم ، ايه خلاص منا وجاي مكنش دموع -هكذا نحبك شفت فيه وقتلو -جعت قالي دك نجيبلك توكلي ولازم تحبسي على 12 هكذا موصيني غدوة تصبحي صايمة والعملية تاعك للعشية ،، جابلي كليت شوي برك وهو كلا حتى شبع هز البلاطو وجا قالي نتفرجو فيلم ووقت نعستي أرقدي اليوم منتعبكش لازم نخليك بكل طاقتك فهمت عليه.... غفيت وخليتو مزال يتفرج حتى للصباح فطنت علي رافاي في تلفونو نوضتو ناض هو الأول وزدت انا كان يبان متوتر اليوم عكس البارح وانا وش نقول كي يشوفني نشوف معاه يتبسملي بش نتكورج ... كي عادت العشرة عيطتلي عمتي تطمن وكنا خارجين هو هاز كابة صغيرة فيها حوايجي لي نحتاجهم حطني ف الطمبيل سكر باب الدار وجا ديمارا ديراكسيون للكلينيك طول الطريق وانا ندعي ونقرأ ف القرآن وزدت جعت كنت صبحت بلا ماكلة وهو تان مش قل مني نعرفو كي يكون مليح وكي يكون متوتر حتى الفطور مفطرش ..هاندا ريفالدا للقصص ...وصلنا لتم استقبلوني هو دخل معايا حتى لداخل هاز الكابة ، ستنيت ساعة ف وحد لاصال كبيييرة وفارغة كلشي فيها أبيض هو هنا قالولو خلاص تقدر تخرج شاف فيا وشفت معاه رايحة نبكي قدم باسني توال فرملية قالي -كوراج ومتخافيش عمري مشي حاجة صعيبة بقا معايا وحد ربع ساعة حتى خرجاتو بالسيف خارج ويوصي فيهم عليا حتى عادو يضحكو .....وصل وقت الصح ودخلوني لقاعة العمليات فيها بزااف طبا لداخل ..شفيت غير كي دارولي التخدير ومن تم تخدرت .......
