1
🎬
قبل سنوات
كان عامي الأول لي طلعت فيه للجامعة تخصص جيولوجيا حبيت هاد الاختصاص من كثرة ما كنت نشوف في ولد عمي كيفاش قرا وكمل قرايتو فيه فالخارج و دك راه فالماريكان يخدم انجنيور ف شركة كبيرة تاع النفط والبترول تم وعندو مكانتو كنت نتبع فيه وفي اخبارو مهووسة بيه لدرجة كبيرة نرقد ونوض على اسمو مالغري فايتني ب 10سنين بصح الفرق تاع السن مكنش عندو قيمة ولا أهمية عندي حتى وصلت اني حبيت نقرأ نفس التخصص لي قراه هو مالغري بابا وقفلي في طريقي نهار لي عرف بواش خيرت هو حب نكون طبيبة ولا حاجة كما هاك بصح كنت مصممة على قراري لدرجة اهدرو وش تحبو -هاندا ريفالدا للقصص- دخلت للجامعة وسجلت وكنت فرحانة بزاااف بروحي اما ريان دارت بيولوجيا كنا نقراو في نفس الفاكيلتي انا وهي يوم نتفاهمو عشرة لالا ومن صغرنا مشي حاجة جديدة ، وحدة المرة كنت برا لافاك نستنى فيها بش نروحو للإقامة باسكو نقرأ بعيد على الولاية تاعنا عيطتلها -ويينك نتي البرد قرصني وانا نستنا فيك برا -اصبري اني هابطة ..غير جات ركبنا كوس ورحنا للإقامة دخلنا للشمبرة كل وحدة حكمت بلاصتها انا عيطتلي عمتي تسقسي عليا كي العادة غير هي لي تتفكرني حتى ماما لي جابتني متهتمش بيا مليح ساعات نحس بلي منيش بنتها عايشة لروحها لبسة وخرجات برك تقولي منحبش الدلال الزايد هاذي هي حجتها لي دايما تسكتني بيها اما بابا من الميليو تاعو ميخرجش الخدمة السوارد وف الليل جمايعو وصحابو يعيطلي خطرة برك ف السمانة زوج دقايق ويكوبي اما ريان العكس تاعي هي يماها مالغري مطلقة وكل يوم تعيطلها وعمي أرسلان باباها تلفون ميحبسش يحبها ويهتم بيها وهذا الشيء لي زاد في الغرور تاعها حاسبة الدنيا غير ليها ...وصل وقت العشا قتلها هيا نهبطو نتعشاو منحبش نبقا مع اللخرين قاتلي منيش حابة نتعشى هبطت وخليتها غير تعشيت رجعت لشمبرتي مع دخلت لقيتها هازة تلفوني وشغل مصدومة مدرتش عليها نحيت لافاست وعلقتها قعدت على سرير قتلها الا كملتي بيه هاتيه طلعت راسها فيا وعينيها مدمعين قاتلي -ليديا نسقسيك وجاوبيني -وشي خير برك -دورتلي التلفون لوجهي شفت تصويرتو حليت عينيا فيها نحيتولها -ريان آخر مرة تتلاحي لحوايجي وش العقلية هادي تاعك -جاوبيني تحبيه ياخي اهدري ليديا- وانتي وش ودخلك نحبو ولا لا -ليديا جاوبيني وقدمت ليا حكمتني من كتافي وتخض فيا-اييي وشبيك نتي جاك الهبال اليوم اطلقيني ريان-قولي تحبيه -ايييه نحبو نحبو نعشقو بردتي دك -عطاتني كف خبط راسي في سيباربوزي قلقتني وليت حكمتها من شعرها -تزيدي تعاوديها ريان نخنقك سمعتي يا كلبة وقيل سكتلك بزاااف حسبتبني ضعيفة طبعتها ودرت لقيتها زادت حكمتني من شعري قاتلي -عدلان تاعي انا سمعتي عدلان ملكي تزيدي تحطي عينيك عليه نمحيك وتعرفيني جنوني كي يحضرو غير سمعت وش قالت خنقتها وطبعتها ع الباب قتلها -عدلان الا انتي تحبيه انا مريضة بيه ونصيحة مني غير خرجيه من بالك ومن راسك....-هاندا ريفالدا للقصص- .بقينا نتعاركو هي تهدر وانا نرد تهولنا في زوج منعرف كيفاش غفلت سمعت خبطة درت لقيتو تلفوني خبطاتو للحيط راح فتات تالمو كنت ف التوب وزدت شفت تلفوني ف ديك الحالة ونهز يدي ونخبطها بكف حتى رعفت وطابست نلم فيه بالبياسة دخلت وحدة نعرفوها تقرأ معاها بيولوجي شافت فينا لزوج قاتلها -ريان راكي ترعفي جات قدمت توالي وهدرت بالعقل -هاد الدم تسلكي عليه غالي ومتعاي تخرجيه من قلبك وقولي ريان مقالت يا رخيسة هزيتلها كتافي تاع روحي تق ود ي ....#بقلم_هاندا
2
🎬
قلقتني دك انا كيفاش ندير خسرتلي تلفوني ستنيتها غير خرجت راحت تغسل شفت مع تلفونها جيت رايحة نكسرولها واستغفرت ،منين خرجتلي دك هادي من الاول منحملهاش وزيد دك راهي حاطة عينها على حبيب القلب النار شعلت فيا لداخل من بكري لاحقتني وتحط راسها براسي ودك وصلت حتى لهاد الشيء بصح هي وين وعدلان وين وانا وين اصلا موحال يشوف فيها باسكو يكرها كره أعمى ، وانا في حديث مع نفسي دخلت كي الثور وجها مشمخ خطفت التلفون من يدي بقات تفركت فيه قتلها انا متربية عليك لوكان جيت شرانية كيفك لوكان صبتيه فتات قاتلي احمدي ربي لي جات ف تلفونك ومش فيك وراك وراك حتى نفتتك انتي تاني لوكان انا منك نجبد روحي تعرفيني حاجتي موحال نخليها لغيري-ههههه ريان من نيتك عدلان ولا حاجتك ومن وقتاش ضحكتيني والله ديجا تشفاي كيفاش يحتاقرك مامبا ميشوفش في وجهك ياو وصلت بيك حتى ضربك بكف ولا نسيتي نفكرك ،انا قتلها هكذا وهي زادت جنت وحمارو عينيها قاتلي هاداك كان ف الماضي بصح غير يجي يولي كاين حاضر ومستقبل معاه انا ريان شوفي وميزي مليح -جيستومون راني نميز بصح تاني حطي في بالك بلي عدلان يكرهك ويكره باباك وحتى يماك كي حطت راسها براسو وحبت تلعب عليه خلا عمي يطلقها واكي تشوفي لوكان انا منك عيني منهزهاش فيه سممتها بكلامي وخرجت خليتها كي الصنم اصلا انا لي نعرف نوايا تاعها ومن تحت راس يماها تضل تعمر فيها على عايلتها حتى ولات تشوف فينا عديان هذا كااامل كي طلقها عمي اصلا كانت سبب المشاكل لي راهم دك بين نسا عمومي وعمومي ما بيناتهم واحد ما بقى يتفاهم مع لوخر وحتى ماما مسلكتش منها الوحيد لي مقدرتش عليه هو عدلان غير وصلت ليه طلقها من عمي وخرجها من العايلة ديراكت وبلا مننسا لطفي خوه لي تهماتو انو يتحرش بختها حتى هجر منا وهو إنسان خاطيه وعاقل وصلت بيها لهاد المواصل وحد اللفعة راحت وخلات لفعة في بلاصتها بصح كنت نقول معليش باريود وتفوت ومهما يكون تبقى بنت عمي ومن دمي ومعندها حتى ذنب فواش صرا بصح يضهرلي كنت غالطة ، كملت طريقي رحت لعند صاحبتي وردة تقرا معايا دخلت عندها للشمبرة شافت وجهي مقلب -هاندا ريفالدا للقصص- -وشبيك ليديا خير قتلها كي العادة وخلاص نسفت وطحت على السرير قعدت توالي تحاول تهدي فيا مبعد تفكرت قتلها وردة معليش تمديلي تلفونك نعيط لعمتي نخبرها بلي تلفوني فسد ، عيطت لعمتي خبرتها بكلشي باسكو غير هي لي نحكيلها همومي وقتلها على ريان ووش صرا اليوم قاتلي خوذي منها حذرك راهي مش قليلة -معليش عمتي معندها مدير فيها غير الفم برك راني موالفتها ..كملت شايخت مع صاحبتي غير وصلت 23:30 رحت لشمبرتي لقيتها مسكرتها عليا طبطبت حتى نوضت البنات من شنابرهم ناضو يطلو عليا وليت رجعت عند صاحبتي ورقدت معاها..........#بقلم_هاندا
3
🎬
الصباح فطنت لقيت روحي في شمبرة خلاف شمبرتي متحاشرة مع صاحبتي في سريرها تفكرت ديك الرخيسة نضت لبست كلاكاتي وخرجت لقيتها جاية من الفوايي وهازة بول تاع حليب وقفت اونفاس ليها وشرعت رجل من وواحد من -نتي علاه سكرتي باب الشمبرة مهدرتش معايا وجات فايتة زدت سبقتلها قاتلي بعدي من طريقي قتلها هاتي المفتاح تشوفي ومن اليوم عقلية جديدة معاك عوجتلي فمها وراحت وانا نتبع فيها فتحت الشمبرة ودخلت هزيت مفتاحي هذا منا وجاي نخليه معايا ،لبست قشي سروال وفاست شعري حكمتو هزيت البيسي معايا وقبل منخرج قاتلي استنايني درت روحي مسمعتهاش وخرجت وجها صحيح نسات وش دارت البارح ...وصلت لافاك دخلت نقرأ فات الوقت ليه ليه واليوم العشوة ليبر مكنش لي كور خرجنا انا ووردة قاتلي نروحو ندورو شوي خير من نضلو ف الشنابر غالقين على حالنا سمعت لرايها وخرجنا حوسنا حتى قريب تسكر علينا الإقامة مزية لي وردة داخسة على دوك لي يخدمو ف بوسط بوليس تضحكلهم شوي برك ودير رأيها، دخلنا قتلها راسي يوجع لازمني قهوة طلعت ديراكت للفوايي هزيت قهوة وديتها معايا للشمبرة غير دخلت شفتها هي وديك صاحبتها يشايخو مبعد سكتو قلت سلام وهي تشوف فيا من الفوق لتحت ،نحيت قشي ورحت غسلت وجهي جيت ف سريري ريحت شوي وهما خرجو تهنيت ،بقيت متكسلة لا تلفون نشغل بيه روحي لا والو حتى سمعت الباب يطبطب كانت صاحبتي هبطنا تعشينا ...-هاندا ريفالدا للقصص- جا الويكاند كنت نستنا انا وهي في عمي أرسلان يجي بش نروحو معاه هكذا موالف ملي جينا هنا وهو لي يجيب وهو لي يرجعنا بصح هاد المرة ملي ركبنا وهي تمعنيلي وبلعاني تزكر فيا درت للكارو شغل منيش معاها و بالي كان عند عدلان باسكو مبقاش ويجي على حسب الهدرة تاع يماه متمنية نشوفو عندو عام وأكثر مجاش بقيت نتفكر في آخر مرة تلاقيت انا وياه كنا ف الصيف كان طهور تاع ولد عمي يانيس لتم كنت انا في أبهى حلة لابسة وحاطة واقفة ف الحوش نتصور حتى لقيتو حكمني من خصري قالي -يا جابونية دوري واحكميني انا تان معاك درت كما قالي صورتو معايا يتبسم داك الفوطو بقا عندي نتونس بيه في غيابو وهو نفسو لي شافاتو ريان عندي ف التلفون ، داك النهار اول مرة نتقرب منو بيسك كنت نحشم منو بزااف تالمو كبير عليا وزيد جاي سكوتي وميحبش يهدر بزاااف واغلب وقتو مكنش هنا شغل عندو هيبة مين يكون هنا اكل يهدرو معاه بالرسمي هو جاي طويل الله يبارك لاطاي تاعو تهبل تخلي اي طفلة تهبل عليه جاي ابيض وشعرو طويل شوي يمشطو للور مهوش نوار بزااف عندو ملامح إيطالية لي يشوفو يقول إيطالي حتى وقفتو ومشيتو عندها طابع خاص وأكثر حاجة تجدبني ليه وفيه هي غموضو وسكوتو والهيبة لي عندو ساعات يبانلي شايف روخو شوي بصح ديك هي عقليتو حبيتو وعشقتو حتى انا داخليا حاسة بلي نظراتو ليا مهمش نظرة تاع بنت عم بل أكثر من هاذا والدليل شحال من مرة غير نشوف جبهتو على غفلة نلقاه يشوف فيا ومركز معايا تاع واحد ولهان وعاشق ،كان هاد الإحساس شغل إعتراف منو ليا بنيت بيه بزاااف أحلام وتمنيت يجي يوم ونسمع منو كلمة نحبك ليديا ...#بقلم_هاندا
4
🎬
عدلان الوحيد في عايلتنا لي كلمتو مسموعة وهو المفضل عندهم كامل من جدي لجدة لعمي اسماعيل وحتى بابا يحبو أكثر من خاوتي وهاد الشي لي خلا خويا عادل يكرهو وغير يتقابلو تصرا حساسية بيناتهم بيانسير عدلان دايما هو المتفوق بيسك قاري ومثقف نحسو يستفزو وعادل خوياالعكس تماما واصل للسنة التاسعة ومحبس وعصبي سيرتو مين يكون عدلان ف الدار ديك الفترة يزيد من العصبية تاعو ويحاول يخلق المشاكل غير بش يبان ....فيقني صوت عمي أرسلان كي قالي ليديا وين تايهة اهبطي رانا وصلنا سمعتها تقولو -بابا خليها تهبط هنا واحنا نروحو نتغداو برا منيش حابة نوكل ماكلة تاع مرتك قالها تروح معانا ليديا قتلو - لالا عمي روحو تغداو بصحتكم انا ندخل للدار عيانة ...هبطت ودخلت شفت جدة قاعدة برا ف الحوش سلمت عليها وفت لداخل قابلتني مرت بابا خبطت الباب في وجهي كي العادة كملت طلعت للإيطاج تاعنا فتحت عليا عمتي نورة سلمت عليها كنت نحوس على ماما مكانش يضهر شي وين تكون تالعة اليوم تاني. فت لشمبرتي بدلت قشي وخرجت نطل ع الحوش حتى عيطتلي عمتي نروح نتغدا باسكو كانو تغداو هادي عمتي مسكينة من الشغل والكوزينة متخرجش دايرينها بونيشة ،تغديت قتلها انا نغسل المواعن محبتش قاتلي روحي راكي عيانة -لالا عمتي انا نغسلهم علابالي ماما تكون طالقة عليك كلشي نعرفها ،راحت وانا غسلتهم وكملتهم سمعتها دخلت هي وبابا سلمت عليهم قالي بابا معامن جيتي -جيت مع عمي -ااا مليح وراح دخلت مع ماما لشمبرتها كانت معبية ب شكاير قتلها كش مشريتيلي قاتلي الخطرة الجاية نخرج ونشريلك شفتها شرات غير ليها اصلا سوارد بابا راحو كامل في اللبسة انا ومنيش نلبس كيفها عندها الحق مرت بابا كي تغير منها هاذيك تلبس غير الحبب تاعنا وضل معصبة راسها تقول عجوز فرق كبير بينها وبين ماما بصح قلبها اكحل انا تكرهني تشوف فيا صورة ماما ...لليل كنا مجمعين على العشا دخل بابا قعد ق الطابلة بقيتا نوكلو وجدة وجدي معانا سمعنا العياط لتحت يضهر خويا كي العادة يتهاوش هبط بابا يشوف وش كاين واحنا كملنا العشا وبابا طول قاتلي جدة اهبطي شوفي وش كاين هبطت عندهم دخلت كانت الدار مكسرة لداخل ومرت بابا تعيط غير شافتني قاتلي لوين جاية هنا روحي من قتلها-علاه العياط هذا وشبيه عادل لقيتو خرج ليا من الشمبرة وحكمني من شعري مفهمتش واش يجيه عليا كي يشوفني قتلو اطلقني راك وجعتني وشبيك قالي وشبيا هاااا علاه التلفون مسكراتو طول السمانة علينا بش متهزيش ودايرة رايك لهيه ويخبط في راسي للحيط بالسيف فكيت روحي منو قتلو تليفوني فسد -بركاي متكدبي ريان قاتلي بدلت لابيس غير توصل للإقامة تنحيها وتركب وحدة جديدة -والله تكدب مكنش منها تلفوني فسد ،جا بابا ليه فكني منو قالو وش دخلك فيها انت حكمو من التريكو ودخلو هربت انا نبكي ندمت وش داني نهبط زاد حقدي على ريان بدات تلعب معايا الرخيسة تستغل في عادل بيسك علابالها بلي يحبها ويموت فيها معليش والله مني ساكتتلك، غير طلعت لفوق شافتني عمتي وماما فيها حاجة مليحة مين تشوف خويا ضربني تهبط ليه ودافع عليا شغل تحب تفرغ غشها فيه وفي يماه راحت هبطت ليه وكي العادة ناضت الحالة بينها وبين مرت بابا حتى يفرقهم بابا ...كنت تايهة ونشوف للحيط كرهت هاد المعيشة هنا...#بقلم_هاندا
5
🎬
لغدوة غير طلع النهار كانت المطر تصب فطرت وهبطت رحت لدار عمي أرسلان حلت عليا مرتو طاطا مونيا هاذي الوحيدة لي جاية كااالم وخاطية المشاكل سلمت عليها وطلعت عند هاديك المسمومة لقيتها خارجة من الدوش غير شافتني ونتلاح عليها مخليتش فيها -ي كلبة تكدبي على خويا وتحرشي فيه عليا الساقطة انا نضرب وهي تضرب حتى جات فكتنا مرت عمي خليت شعرها في الأرض وخرجت نلهث قابلني عادل ف الحوش عرف بلي جاية من ثم تمخزر فيا رديتهالو وطلعت لحقني قالي -تزيدي تشوفي فيا هكذا شعرك ننتفو -وشبيك انت عليا وقيل شايفني في منامك روح اخطيني ياك تكرهني ديرني شغل مكانش طلت عليا ماما من فوق قاتلو تزيد تمسها نهبط ليك هاد المرة ونشكي بيك ناض يكفر عليها وانا كملت طلعت ف الدروج قابلتني مرت بابا ب السبان والدعاوي بصح منردلهاش نسكت ونفوت غير دخلت شفت ماما لابسة وخارجة قتلها خرجيني معاك ضاقت روحي وحابة نشري تلفون جديد خرجنا هبطنا لتحت حوست على طمبيل تاع بابا ملقاتهاش ف القاراج كان عادل خرج بيها وماما فيها عرق تاع القلقة ولات عيطت لبابا وخبراتو قتلها -صاي بركاينا من المشاكل دك نحكمو طاكسي ، ،خرجت معاها غير بش نهرب من الجو تاع الدار ... الحانوت لي ندخلوه الناس كامل تعرفها مرحبا مدام وووووو تقول هيا ل بنت البلاد مش انا وزيد معروفة بلي مهيش منا صراحة نتحسس من هاد الكلمة كي يقولولي بنت القاورية منحبش هكذا جاية انا عندي عرق قبايلي وحتى ف الشبه منشبلهاش هي زي وانا زي هي جاية مصفارة كلشي فيها اصفر وعينيها زروقا وطويلة وانا شعري ف شاتان فونسي وعينيا نوار ومجبودين زي تاع الجوابن ومنيش طويلة كما هي نشبه لبابا وعمومي وجدة ....شراتلي تلفون و خلصنا مشوارنا ودخلنا للدار قريب المغرب واحد ميهدر وواحد ميسال غير عادل برك ومزية مكانش لوكان دارنا تحقيق عليا برك اما ماما ميسلكش منها .... تعشينا انتبهت بلي عمتي تبان عيانةو مقلقة شوي رحت عندها للشمبرة بقيت وراها حتى جبدت لسانها قاتلي حبو يزوجوني بواحد شيخ وعمومك قابلين وانا معجبنيش منيش حابة هاد الزواج غاضتني قتلها معجبكش متقبليش هادو كل واحد عايش لروحو وحتى بابا يعني لوكان انتي متخمميش على روحك ومصلحتك واحد ميديها فيك كيفاش تتزوجي بشيخ وجدة علاه قبلت قاتلي هي تان حابة تتهنا مني مكيش تشوفي فيها كيفاش عادت تمعنيلي قدام نسا عمومك بلي راني بايرة حطيت راسي على رأسها قتلها عمتي راني معاك دك نهدر مع بابا ونقنعو ولي عليا نديرو حضنتني -يا بنت خويا العزيزة غير نتي لي نحبك في وسط ولاد خاوتي كامل لوكان تطلبي عينيا نمدهوملك تتخلا عليك الدنيا كامل غير انا موحال (وصح ف مصيبتي ملقيت غير عمتي) ،دخلت ماما شافتنا متعانقين عوجت فمها وراحت تتحسس من القرابة لي بيني وبين عمتي نحسها تغير منها عليا....#بقلم_هاندا
6
🎬
خلاص الويكاند واليوم نرجعو للولاية لي نقراو فيها عيطلي عمي أرسلان قالي يالله رانا نستناو هبطت فوق قلبي منيش حابة نقابل ريان باسكو سي فري كرهتها ،سلمت عليه وهي قتلها لاباس قدام عمي منحبش نبين هي مردتليش ركبت لاريار درت كتمان في وذني طول الطريق منيش معاهم حتى وصلنا مدلنا عمي سوارد ليا وليها حكمتهم وراح غير دخلنا بداتني قاتلي وعندك وجه وتزيدي تركبي مع بابا وتحكمي في سواردو طيشتهملها في وجها وقتلها باباك هو عمي من دمي مشي على جال وحدة كيفك نعاديه والا على السوارد حمد.لله صاكي مطرطق سوارد حكمتهم بيسك عمي ونقادرو مشي طمعة فيه وكي عدتي هكذا هاهم لميهم وزيديهم والا مكفاكش المصروف قوليلي نزيديك من عندي كاين الخير ومشيت خليتها محبيتش نروح للشمبرة فت قبل للفوايي نريح اعصابي بقيت تم وحد الساعة حتى تكالميت وطلعت لقيتها راقدة بدلت قشي لبست بيجامة وحكمت بلاصتي دخلت للبروفيل تاع عدلان حاط تصويرتو يا عمري يهبل وكي العادة لازم نقرعج شكون دارولو جام بقيت نقرأ حتى صبت هاد اللفعة ريان كاتبتلو بلي توحشناك وطولت ف الغربة طلعلي الدم لراسي قريب خبطتها بتلفون لراسها وليت كومنتيتلو انا ( الله يبارك ماشاء الله ) ليه ليه لقيتو دارلي جام على كومنتار تاعي برك فرحت دايما نحس بلي يتواصل معايا من خلال هاد لي جاست لي يديرهم غير معايا شغل لغة تواصل خاصة بيناتنا بدون كلام وبدون افصاح للمشاعر هو ميهدر معايا ميبعتلي وانا تان بصح كي نتلاقاو هو نظراتو المسروقة عليا تقول كلام بزااف وانا تان كي يحضر هو كامل يطفيهم معاه توحشتو والله عام ونص بزاااف على وحدة قلبها مشتاق يا درا هو تان يفكر ويخمم فيا بصح حتى وكان المهم نكون قريبة منو راه الهوا لي نتنفسو نحبو لدرجة كبيرة مهووسة بيه بقيت تايهة في الفوطو تاعو بلاك لوكان جيت نتوحم نجيبو فوطو كوبي عليه حتى غفيت ونضت على صوتها تهدر بالتلفون مع يماها درت روحي مزلت راقدة ونسمع فيها دايما تبقى تعمر فيها وتشارجي غير كملت الهدرة هزت كاس وخبطاتو في لرض تكسر حليت عينيا خلعتني علابالي دارتها بالعاني عاودت غمضت عيني راحت خرجت وانا تقعدت استغفرت هادي المعيشة معاها هنا رايحة وتصعاب دك ولات عيني عينك تمنكر ،منعرف كيفاش نسيت على الزجاج كي نضت حتى عفست عليه دخل في رجلي وليت نتعصر الله لا تربحك يا ريان وش مزال نزيد نعاني معاك هنا بالسيف قدرت نخرج ديك الزجاجة من رجلي درت شوي زبت زيتون وربطتو ب كتان لبست كلاكات وسيقت الشمبرة.....#بقلم_هاندا
7
🎬
علات صواتنا في الشمبرة حتى دخلو البنات فكونا وانا رجلي يسيل بالدم داتها وحدة تقرأ معاها خارجة وتتحلف فيا -والله ماكي سالكة مني وتشوفي وش ندير فيك راحت خرجت شفت مع رجلي كارثة عاودت مسحتو ولفيتو من جديد عيطت لصاحبتي جاتني وهبطنا للعيادة لي تم دارولي معقم وشبحوهلي مليح خرجت نمشي ونسايس ف ديك الدقيقة عيطلي عادل هزيت عليه باسكو لوكان منهزش نسلكها -الو وي -مهدرش معايا علابالي يتاستي فيا باسكو صاي عمرتلو راسو عليا الرخيسة وهو من الاول يتحسس مني وزاد دك ما أكثر غير قريب نلحق شفتها تهدر بالتلفون غير شافتني ضحكت ضحكة صفرا تستشفى جاية وتقرب كي وصلت توالي قاتلو -باي عدلان منبعد إن شاء الله وراحت منعرف علاه مامنتهاش باسكو علابالي تغير فيا بصح مشي عليا هاد الحركات وحدة مريضة كملت طريقي لشمبرتي قاتلي وردة تاخدي برايي متزيديش تقعدي معاها هنا ارواحي لعندي راني وحدي خممت في كلامها لقيتو صح انا هاد المريضة سي بون راهي دارتني عدوتها لميت قشي في كابتي خليت غير الماطلة ورحت معاها كاين سرير واحد برك وماطلة وليت فرشت ع الاقل نربح راحة بالي حتى نشوف وين رابحة بيها ....
من هذاك النهار فاتت اربع ايام مزدت شفتها حتى لحق الويكاند وكان لازم نروح باسكو عيطلي عمي أرسلان عرفتو يستنى فيا افففف بقيت بين نروح منروحش حبيت نويكاندي هاد المرة اخترعت قصة من راسي غير بش منروحش وصلحت عاودتلو قتلو عمي عندي بروجي ومنيش موجدتلو خفت لوكان نروح للدار نتلهى مع الشغل ومنحضرش مليح قالي معليش المهم ياك خبرتي باباك-ايه عمي خبرتو قالي صاي مالا تهلاي في روحك سمعتها تقولو خلينا منها بابا مبعد كوبا ،،ايييي كذبت عليهم اول مرة في حياتي بصح لازم نعيط لبابا سي نو تخلاص عليا مال ،وليت عيطتلو هز عليا وخبرتو بنفس الهدرة لي قلتها لعمي أرسلان قتلو يخبر ماما مقال والو أصلا أنا آخر إهتماماتو ، فالحق اول مرة نبقى ف الويكاند هنا مزية لي وردة تان مروحتش ع الاقل نتونس معاها ،رحت لشمبرتي فتحتها لقيتها مخربة يا يما خليتها غير يامات برك تقلبت قشها مرمي في الأرض الحليب سايح الحالة تتلاسق اعققق موالفة انا لي قايمة هنا نسيق وننظف ودك بان وسخها فت جبت وحد الحوايج نسيتهم وسكرتها ورجعت عند صاحبتي تعاونا في الشمبرة سيقناها ونظفناها كان وصل وقت العشا هبطنا تعشينا ورجعنا ،فاتت ليلة هادئة وواحد معيط يسقسي عليا حتى عمتي تكون مهمومة باسكو ليام لي فاتو مكانتش في مورالها وليت عيطتلها لقيتها كما خليتها -وشبيك عمتي -والو ليديا متتحيريش -كيفاش منتحيرش تحسبي فيا صغيرة اكي باينة كنتي تبكي متقوليش برك بابا تهاوش معاك -لالا عادل خوك غير سمع بيا رفضت هذاك الخطاب جا هنا بهدلني ويعيط عليا قدامهم وحتى عايرني وهما جاو في صفو كامل ضدي غير عمك اسماعيل لي وقف معايا -ايييي وعااادل هدا وش دخلو فيك راه هازك فوق راسو ولا -ياك هو لي جاب الخطاب باسكو يخدم معاه -ايييي صاي فهمت دك نقولك حاجة ا عمتي عندك تقبلي عادل خويا ونعرفو والله غير بيه مصلحتو مع هاد الراجل سي نو نتي والله ماهو لاتي بيك ....كملت معاها زدت تحيرت عليها هادي المغبونة بغاو يهبلوها من نشفا وهما عقابها قاتلي وردة وش قصتها عمتك هادي...#بللم_هاندا
8
🎬
وليت حكيتلها عليها قاتلي والله تغيض لي كيفها راهم عايشين كي الاميرات قتلها عندنا حنا تعيشي مذلولة مشي أميرة يبغو غير السوارد وآخر همهم النفسية تاعنا ... قبل منرقد كي العادة ضربت طلة على بروفيل تاع عدلان بقيت نتفرج في تصاورو ونتبسم طفيت الضوء هي رقدت وانا عقلي ساااارح لبعييييد في أحلامي الليلية حتى هزني النوم وغفيت وبايتة نحلم بيه .......نسمع في صوت الحس تاع البنات ف كولوار فتحت عينيا بش فقت بلي راني بايتة هنا تقعدت شفت بلاصة وردة فارغة تكسلت ونضت خرجت غسلت وجهي ورجعت لبست فاست لقيتها دخلت قتلها هابطة نفطر ف هيا معايا -لا روحي انتي انا فطرت وجيت -بصحتك هزيت تلفوني وخرجت غير فتحتو لقيتو معمر لي زبال من عادل يااااربي ولالي كوشمار العبد هذا وش يحوس مني قبل منكمل عيطلي سمعني وحد الكلام يسمن البدن ويتحلف فيا كلمة مرديتهالو خليتو بغلي وكوبيت عليه روح تلعب خصني غير انت الضرب ونديه نديه علاش راني نكسر في راسي خلي نروح دك يعطيني طريحة ملي موالفتهم وخلاص ، كملت نشرب ف الحليب وندعي الله يبعدني عليهم وعلى ديك الراسة الكلبة لي حطني فيها ربي كملت سلكت وخرجت كان الجو ممطر كنا في جانفي ....فات الويكاند واليوم صبحت رايحة نقرأ تلاقيت بهاديك اللفعة تجنبتها وفت دخلت نقرا جسمي تم وعقلي مكانش جبتها طول السمانة هكذا حاضرة جسديا وعقلي شي وين يبحر حتى خلصت السمانة وروحت هاد المرة معنديش حجة خلاف نزيدها ..ركبت مع عمي في لاربار طاح عليا بلي كاستيون منا ومنا جاوبتو كي سكت حطيت كتمان في وذني حتى وصلنا للدار هبطت ودخلت لدارنا سلمت على عمتي وزدت على ماما مكانش الإشتياق شغل كنت بايتة معاها البارح اما جدة و جدي معندهم.حتى مشاعر اتجاهي لا كره ولا حب عادي وخلاص ، دوشت لبست بيجامة قطنية عندها كابيش كانت الساعتين تاع العشوة فت للكوزينة درت ساندويتش ورحت عند عمتي لقيتها مع ماشينة تاع الخياطة حاطة راسها ومركزة بقيت نشايخ معاها حتى نسمع في ماما صوتها عالي وصوت خويا عادل تاني سرات فيا الرجفة علابالي جا عندي هنا يسممني كي عوايدو حتى لقيت باب الشمبرة قريب طار من بلاصتو دخل كي الثور الهايج جات عمتي سبقتلو طبعها وجبدني خرجني للهول بداني بكف صونات وذني مجيت نستوعب زادني واحد مبعد طبعتو عليا -وش بيك انت مريض ولا روح اخطيني كلب -انا كلب مالا ارواحي هنا هربتلو ولحقني جات جدة تبعدو قالها مدخليش روحك حكمني من الشعر-قالي وين كنتي با قح... ااا اهدري وين كنتي ف الويكاند.علاه مجيتيش وزيد تكوبي في وجهي -وش راك تهدر انت...#بقلم_هاندا
9
🎬
بقا يتحلف فيا عرفت بلي ديك الرخيسة كش معمرتلو راسو وكدبت عليه وطلقتو عليا تالمو مزير على شعري نحس ف الجلدة داوية عمتي وجدة مقدروش عليه وهو طايح عليا سبان وكلام اول مرة نسمعو منو حتى سمعت عمي أرسلان طالع ف الدروج ويعيط عليه جا دخل لقاه حاكمني في كوانة حالتي حالة وجهي مضروب جا جبدو عليا بقا يهدر معاه نسمع فيه غير يقولو خليني نربيها رايحة تطغى علينا هاذي رخفتلها معادتش حاسبتني انا داتني عمني نبكي ونشهق غسلتلي وجهي جات جدة تندب فوق راسي -انتي وش درتي حتى ضربك هكذا ولات خرجتها عمتي وانا رحت للشمبرة نبكي على سعدي حرت وين راهي ماما مبانتش شوية هكذا سمعت الحس وصوات طمبيل تاع البوليس تعيط وقفت مفهمت والو خرجت شفتهم اكل هبطو حتى عادل جيت نهبط وليت رحت للبالكو ونشوف ماما مع البوليس فتحت عيني يا ربي هاذي وقيل راحت شكات بيه يا ربي اليوم تتخلط هبط عمي ومعاه عادل زادت جدة عيطت على ماما من فوق دارتلي بيدها ارواحي اهبطي وليت نرجف هذا وش زاد.خص محبيتش نهبط خفت ولات جات طلعت وهبطتني بالسيف شفت عادل حاكمو بوليسي يشوف معايا عينيه حومر من الغش وعمي يهدر مع البوليسي جابدو لهيه وماما محبتش تفوتهالو بدات تهدر وانا في النص مفهمت نطلع ولا نبقا جات هبطت مرت بابا وبدأت تندب وتلاسقو هي وماما وعمتي تفك وليت نندب يا ربي واديني من كرهت المعيشة ف هاد الدار شحال من وقت واحنا ف الحوش حتى جا بابا عيطتلو مرتو غير شفتو هربت لفوق وماما تعيط عليا لحقتني عمتي قاتلي نقولك الصح والله يستاهل الرخيس خليه يتربا شوي قتلها عمتي من نيتك راح يفوتهالنا هذا وين يزيد يشحن عليا مشفتيهش كيفاش كان يخزر فيا اليوم يقتلني ويكمل عليا زدت خرجت نطل من البالكو شفتهم رايحين وعادل واقف مع بابا ويشوف ليا دورت وجهي شفت ريان توال دارهم تطل حكمني عليها وحد الغل اليوم واحد ميسلكها مني ولوكان يجي شكون يجي ،غير تفرقت الحالة زادت ناضت بين ماما ومرت بابا وعادل يتحلف ويعيط واحد مقدر بهديه حتى خرجو عمي وداه جا طلع بابا يتهاوش هو وماما انا مهدرش معايا غير شفتهم سكتو لبست بيل خشين تاع الصوف وهبطت نجري رحت طبطبت على بيت عمي حلت هي ونحكمها من الشعر جبدتها لبرا ونكركر فيها جات مرت عمي تفك مقدرتش فهاذيك الدقيقة جهلت مفهمت غاضتني كي كدبت على خويا وعمرتو ولا كي راهي حاطة عينها على عدلان المهم عندي اسبابي نضرب بالكف ب كراعي وين جات مقدرتليش حت حسيت بيد جبدتني عليها لقيتو بابا -وشبيكم هبلتو ولات هي تبكي وتتمسكن قدام بابا -عمي والله هي شوف ليها انا خاطية -وتكدبي تاني يا كلبة قالي بابا فهموني وش كاين قتلو هي لي كدبت على خويا وحرشتو بش يضربني ومشي الخطرة الأولى قالها بابا وانتي وش قلتيلو -مقلت والو عمي راهي تكدب شاف فيا وجبدني وراه طلعني ماشية ونتحلف فيها مزال قلبي مبردش
#بقلم_هاندا
10
🎬
سمعتها تقولو عمي ربي بنتك الساقطة طلقني وراح ليها عطاها كف قالها زيدي عاودي الكلمة هادي وتشوفي لحقت انا جيت نتلاح عليها سمعت عمي اسماعيل يعيط على بابا درنا شفناه هابط من الطمبيل عمي هذا كامل نقادروه بصح انا عيني مكانتش على عمي كانت على لي واقف معاه لدرجة مستوعبتش اسكو لي قدامي هو ولا خيالو بقيت مركزة فيه عدلان قلتها بصوت هادي نسيت روحي ونسيت حالتي ونسيت ريان وكلشي وعيني متنحاتش عليه كان واقف مع عمي يشوف لينا وحاير في خلق ربي وأكثر شي مركز معايا أنا راح بابا لعندو يسلم عليه بيسك يموت عليه شفت في ريان لي هي تان كانت كيفي تايهة كنت نلهث شي من القلقة شي من الموقف لي رانا فيه شي من الشوق والحنين والوحش رجليا عجزو يتحركو كان قريب ليا غير شفت ريان رايحة تقدم تسلم عليه سبقتها أنا حتى لقيت روحي توالو الهدرة راحتلي تبسم معايا وطابس عندي سلم عليا -اهلا ب جابونية دخلت ريحتو لنيفي استنشقتها بكل حواسي تمنيت يحبس الزمان ف هاد اللحظة فيقني من حلمي غير صوت ريان كي قاتلو -عدلااااان وش هاد سوربريز قالها اهلا لباس عجبني كي رد عليها ببرود.حتى هي حشمت وحمارت وش بردلي قلبي شغل كنت نستنا فيه يردلي حقي منها سبحان الله العدالة الإلهية-هاندا ريفالدا للقصص- وحد الفرحة سرات فيا لدرجة تبسمت إبتسامة من قلبي وفسدت عليا اللحظة مرت عمي كي جات تحضن في وليدها طبعتني وزدمت فيه وهو تان جبدت شوي عليهم وبقيت نتفرج فيه وفي كل تفاصيلو حبيب قلبي لوكان برك يعرف شحال يعنيلي وشحال نحبو وانا تايهة وغايسة فيه هز راسو شافني كيفاش مركزة فيه حتى حشمت حطيت راسي مبعد بداو يهبطو بالواحد يسلمو عليه ودخل لدارهم بقيت نتبع فيه بعيني حتى دخل وتنهدت تنهيدة من أعماق قلبي حتى حسيت بعمتي حطت يدها على كتفي وقاتلي يالله اطلعي لفوق بش وليت للواقع تاعي وطلعت معاها وعقلي وروحي مزالت بين يديه وريحتو لي مزالت في نيفي متغلغلة شغل وحدة ودارولها برا تاع تخدير كنت هايجة غير شفتو تكالميت خلاااااص ..منعرف شحال فات من وقت وانا قاعدة محضنة المخدة وعقلي مزال حابس في هاذيك اللحظة معاه حتى سمعت عمتي تعيط للعشا بش فقت لروحي رحت نتعشا والحديث كلو عليه جدة وجدي الروح تاعهم عدلان وحتى بابا منكدبش عجبوني مين يحكيو عليه هكدا ويحبوه شغل راهم يحبوني بيسك انا ونعشق فيه غير كملنا العشا تفرقنا هما هبطو راحو لعند بيت عمي يسهرو تم وانا بقيت على جمرة نروح منروحش والا رحت اصلا نحشم منيش موالفة نروح عندهم غير من لعيد للعيد خفت نكشف روحي ويفيقولي بصح مجرد.نخمم برك بلي ديك.اللفعة تكون تم عندهم تحكمني الغيرة وتشعل فيا النار#بقلم_هاندا
11
🎬
رقدت وحد الرقدة مني راقدة مني فاطنة غير تغفى عيني يجي بين عينيا مفهمت حلم ولا عقلي برك لي راه مبرمج عليه ..فطنت الصباح على صياح لتحت تاع عادل هو ويماه بلاك يكون عرف ب عدلان جا اصلا يجيه الغلث والغيرة ويبدأ يصرعلنا في ريوسنا الله يلعنك حتى الرقاد وعاد مستحيل ف هاد الدار نضت راسي ثقييييل تالمو قلة النوم والضرب لي ديتو الجلدة تبان متورمة شفت وجهي في المرايا خلعت هادي انا ياااااا يعطيك كسرة ليديك يا عادل وانا ندعي عليه دخلت ماما قاتلي شوفي وجهك هدا كامل وتلوموني كي رحت شكيت بيه قتلها ملمتكش بصح علابالي رايحة تكثر المشاكل قاتلي" راستكم كلب" ساعات نضحك كي تعود تدعي باسكو متعرفش تصرف الأفعال مليح ، رحت غسلت وجهي عيني وحدة تنفخت نشفت ورحت نفطر كانت الكوزينة فارغة على غير عوايدها سقسيت ماما على عمتي وينها قاتلي راهي عند دار عمك دارو غدا وراحت تعاونهم -آآآآآآ يسما اليوم كاين غدا تم مليح شربت حليبي بسرعة دخلت دوشت وخرجت نشفت شعري لبست بيجامة غوز وشعري حكمتو ببروش شفت ماما مهيش لاتية رحت قتلها مكيش رايحة عند بيت عمي قاتلي منروحش روحي انتي عرفتها باسكو هي ومرت عمي ميتفاهموش شفت الساعة كانت 11:30 خرجت للباكو وعيطت لعمتي هزت عليا قاتلي ارواحو تتغداو بقيتو غير انتم قتلها ماما محبتش جي وانا منعرف قاتلي ارواحي متبعيش يماك قتلها دك نجي ف قلبي انا ميتة بالفرحة وهي تقولي متبعيش يماك على اساس انا ندير براي ماما رحت فشفشت بارفان وهابطة تلاقيت ب مرت بابا تان تبان ميش رايحة خبطت الباب كي شافتني زربت هبطت خفت عادل لا يشوفني ويزيد يخبطني يفسد.عليا مورالي كانت المطر تصب خفيفة درت كابيش تاع بيجامة على شعري ومشيت شفت طمبيل مهيش تاع عمومي بلاك كاش ضيف عندهم كملت مشيت كي وصلت هما عندهم باب كبير يدخل ديراكت للدروج تاعهم طالعة تلاقيت بريان هابطة شفت معاها وش هاد الوجه لي عندها لابسة فيزو وتريكو صوف قصيير بزااف الشعر معدول عوجتلها فمي وطلعت قاتلي -مكان لاه تحلمي بزاااف نخاف تفيقي كش نهار وتتصدمي محبيتش نرد عليها باسكو مورالي طالع كي سمطتها راحت وانا كملت طلعت نسمع ف الحس والهدرة وريحة الطياب معرفت منين ندخل حت شفت عمتي عيطت عليا قاتلي ارواحي ليديا دخلت عندهم لقيتهم حطو الغدا تغديت معاهم التنيفيق داير حالة غير كملنا الغدا رحت للكوزبنة تاعهم شفت غير عمتي واقفة تبان رايحة طيح غاضتني قتلها عمتي نجي نغسل معاك ونسمع لهادوك نسا خوات مرت عمي جات قربت و قاتلي روحي اقعدي مكيش بونيشة هنا عندهم قتلها وعلاه نتي بونيشة قاتلي مشي كيف كيف روحي اقعدي ف الصالو دك نكمل ونروحو كيف كيف مخديتش رأيها قتلها دك.نغسل معاك متقدريش وحدك غلبتها وتعاونا فيهم حتى كلمناهم تشمخت حالتي وعمتي تهاوش فيا ، كي عدنا خارجين من عندهم تلاقينا بعدلان طالع كي شافنا سلم على عمتي هو من بكري يتفاهم معاها وهي تان بقاو يشايخو مع بعض قالها عمتي مزلتي مع الخدمة والشقا كي عوايدك وشاف فيا ومركز مع حالتي كنت مشمخة....#بقلم_هاندا
12
🎬
هبطت انا وخليتها معاه وجهي نحسو سخون واحمر جيت توال باب وقعدت نستنى فيها حتى جات واحنا خارجين من عندهم شفت عمي أرسلان يبان مقلق عيطلي رحت عندو وزاد عيط على بنتو جات قالنا علاه تهاوشتو البارح شفتها بدات تدمع بش تستعطفو عرفتها رايحة دير دراما قتلو عمي هي لي بدات ومنيش ضالمتها عيط عليا قالي كيفاش جي للدار تضربيها وتخبشيلها وجها -لا مضربتهاش عمي هي راحت عمرت خويا عليا وضربني كدبت عليه منعرف وش قالتو واك شفتو البارح كيفاش دارلي جات عمتي قاتلو خلاص بنات في بعضاهم شاف فينا وراح قتلها مزالكي مع الكدب بصح متفرحيش بزاااف والدراما هاذي راني فايقتلها نقولك انتي والله غير مريضة ويلزمك مصح عقلي بلاك يرجعلك العقل غير قلتلها هكدا هزت طوبة كانت ف الحوش وطيشتها عليا مزية جبدت روحي قريب قاست عمتي راحت ليها قاتلها نتي مكيش رايحة تحشمي هيا اطلعي لداركم بركاينا قاتلها مدخليش روحك حاجة بيني وبينها نطقت ليها قتلها احتارمي عمتك يا صحيحة الوجه مكيش متربية جبدتني عمتي عليها جيت راجعة حتى سمعتها قالت على عمتي البايرة وندور ليها هادي يلزمها لي يربيها زادت ناضت بيناتنا هي ب الكفريات والسبان تحسب فيهم مكانش هنا سمعت صوت طمبيل كي تفتحت شفتو كان عدلان رايح يركب كي شافنا بقا واقف حتى سمعت صوت عادل كي عيط عليا درت شفتو جاي جهتنا غير وصل كانو عينيه حومر ويشوف معايا نطقت ريان قاتلو ادي علينا ختك المهبولة هادي قالها وش دارت تان -قل وش مدارتش جات ليا تضرب فيا كي فضحتها ووضحت عمايلها اك تشوف كيفاش دارتلي جا يحكمني هربتلو جيت ورا عمتي ولا جبدني نطرتلو يدو مني زاد تقلق وهي مزالت تهدر غير قاتلو ختك راهي دور مع بنات يزطلو فتحت فمي من كثرة الشوك و عمتي شهقت وراحت ليها طبعتها لداخل الدار وهو تحول من كان حاكمني ولا يكركر فيا هاد الشي كامل كان تحت انضار عدلان لي كان واقف ومشوكي بصح غير شافني كيفاش مكركرني جا حسيت بيه كي جبدني منو ودارني وراه وهنا عادل خويا زاد ركبو جن وحد آخر هو من الاول متحسس منو قالو عدلان -وشبيك انت طايح ف ختك هكذا تجر فيها قالو مدخلش روحك ختي والا حبيت نقتلها انت مدخلش روحك قالو-عاود مفهمتش تقتلها! علاه انت لي جبتها ولا راك تشوف فيها كلبة هنا مزالك في عوايدك قالو قتلك مدخلش روحك وبعد على ختي متنساش روحك جا يجبدني منو مخلاهش وانا كنت لاصقة فيه ونرجف بقاو كلمة بكلمة جيت هاربة حكمني عدلان من يدي وعاود رجعني توالو قالو مسها تشوف وانا هنا وعادل أرواح وكالميه حتى خرج جدي بالعصا شاف فيا وقالي انتي مزلتي من البارح واحنا نفكو فيك ودارلي بالعصا لوجهي قالو عدلان بالعقل ا جدي شوف مع هذا واديه منا....#بقلم_هاندا
13
🎬
جبدت انا على عدلان نرجف كي الجاجة وعيني على عادل كيفاش يدير ويفرفط مزية جدي داه دخلو للدار جيت رايحة قالي -ليديا اكي مليحة اول مرة نسمع إسمي من فمو هاد زمااان حطيت راسي قتلو ايه مليحة كان يشوف معايا بنضرة مفهمتها تاع حب ولا شفقة عينيه دارو على كامل تفاصيل وجهي مبعد طبطب على كتفي وهمسلي قريب مني قالي روحي بدلي قشك راكي مشمخة تزيدي تمرضي هزيت روحي ومشيت نسمع في صوت عمتي مزالت تتهاوش مع ريان غير وصلت لدارنا شفتو مزال مركز معايا وهاز دخان يتكيف كملت لداخل ديراكت دخلت لشمبرتي كانت ماما راقدة تلاحت فوق سريري وغطيت بزورة هاربة من واش صرا مزلت نرجف غمضت عيني ونتذكر فيه كيفاش فكني من خويا وحاما عليا الموقف هدا برك خلاه يزيد يكبر في عيني واسمي لي خرج من فمو كي العسل في وسط دموعي وليت نتبسم حتى دخلت عليا عمتي تسقسي واش صرا حكيتلها قاتلي نحلف بربي يا هاديك متحبس الا كش مدارت مصيبة كما يماها وفرقت الدار خلعتني بقيت نخمم خايفة لا كش متكدب عليا ونعشي في فضيحة مدرتهاش والله عادل ينحرني ...فات الويكاند واليوم الأحد بقيت نستنى ف لابال تاع عمي بش نهبط ونركب معاه ياخي معيطش بلاك مزال مقلق ولا غاضو الحال على بنتو اييييه عندها لي يتحير عليها مش كيف حالتي عندي غير لي يضرب ويعيط وصلت التسعة عرفتو راح وخلاني عيطت لبابا خبرتو قالي دك نعيط لخوك يوصلك قتلو مكان لاه دك نروح وحدي لوكان تتحتم عليا نمشي آبيي ومنروحش معاه هاد الغول كوبيت عليه خبرت ماما وعمتي وخرجت اول مرة نمشي وحدي غير بعدت شوي زاد عيطلي بابا قالي وينك -راني قريب نوصل للسانتيفي ناض يعيط عليا كيفاش نروح وحدي قتلو بابا غير عادل منركبش معاه قالي احبسي وي راكي دك نجي وكوبا نضت ننسف من القلقة فاتت نص ساعة شفت طمبيل جاية وحبست توالي هبط بابا جرني لداخل ركبت هزيت راسي شفت عدلان هو لي يسوق قالو اديها في طريقك وبلاك عليها وعندك ديرلها رايها وصلها للجامعة قالو بلا متوصي، تالمو كنت مزعفة من بابا كي عيط عليا ومن فرحتي كي شفت عدلان لقيت روحي في قمة سعادتي عاود طل عليا من الكارو مدلي سوارد هو هذا واش يعرف عندو مسؤولية غير نفقة برك ...ديمارا بيا شفت معاه لابس نوار يبان هااااادييي سبحان الله الفرق بينو وبين عادل كبيييير هدا تقول ماهو من طاسيلتنا قالي -لباس وينفخ ف الدخان -لباس حشمت منو يسوق بكل تركيز ساعة ساعة نس ق منو نضرة حتى حبس كي قريب نوصلو هبط.جاب قهوة وطلع مدلي قرعة جي صغيرة....#بقلم_هاندا
14
🎬
كملنا طريقنا حتى وصلني للجامعة الطريق محسيتش ليها ومهدرناش بزاااف غير هو يسقسي وانا نجاوب بكلمة برك تشكرتو جيت نهبط حكملي يدي قالي بعقلك لقيتو دور الطمبيل من الجهة وحد أخرى بعيدة عل الغاشي هبط معايا قالي وش تقرأي قتلو جيولوجيا هز حاجبو وتبسملي -اوي مكنتش عارف وكيفاش خيرتيها -ضحكت قتلو تعجبني وبديت نتبهلل نسيت على روحي قالي لازمك تكوني سيريو مهيش ساهلة صونا تيلفونو كان بابا قالو راني وصلتها وحكمني من دراعي جبدني ليه بقيت حايرة مبعد تولهت بلي واحد كان توالي واقف قريب يلسق فيا كمل لابال وشاف معاه قالو أجبد روحك خويا عجبتني الجاست شاف فيا وقالي هيا ادخلي تقرأي تشكرتو قالي وقتاش ترجعي للدار قتلو بالخميس -هيا اوكي اتهلاي في روحك جا راح يركب مبعد.دار ليا قالي هاتي نومرو تاعك -اااا- تلفونك-ااااا هاك كتب نومرو تاعو وعيطلي خرجلي قالي كش متحتاجي عيطيلي وشاف مع هذاك الطفل لي كان توالنا شوفة تاع موت جا جبدني معاه ودخلني لداخل وراح والله مني مستوعبة تخدرت جا كلشي ورا بعضااه ماشية ونخبط في لي جاي مزلت مخدرة آآآآآآه يا ريااان حبيتي تدليني بصح درتيلي مزية لوكان تسمع تتغاشى ..دخلت نقرأ شافتني وردة غير نضحك غمزتلي -وشي قتلها منبعد نحكيلك فاتت السوايع تجري وفرحتي منيش عاطيتها لحتى واحد غير خرجنا بديت نحكيلها وهي تان بدات تألف ف سيناريو وتكتب فيه شفت ريان مع صاحبتها ركبنا في الكوس ورحنا للإقامة عيني ع التلفون مصدقتش روحي بلي عندي نومرو تاعو ونومرو تاعي عندو زعما يكون يخمم فيا زدت تفكرت كيفاش جبدني ليه كي شاف داك الجان توالي يا عمري زعما غار عليا يااااااارب ويكون من نصيبي يااارب ....فات هاذا اليوم وزادو ايام وكان عندنا اكسبوزي ولازم نروح للدار بيسك البيسي تاعي مجبتوش هاد المرة روحت وحدي حتى عمي معادش عيطلي غير وصلت للدار تلاقيت عمي اسماعيل قليل وين نشوفوه وقتو كامل في كلينيك تاعو سلمت عليه ودخلت جيت فايتة لدارنا شفت عدلان داير بضهرو يهدر بتلفون لعبتها نمشي بالعقل بش يشوفني وصح غير دار شافني جاي يمشي ويهدر وصل توالي كوبا قالي -جابونية لباس صافحت عليه ب اليد برك لقيتو جبدني وقالي زعما كبرتي سلم على وجهي وبقا يسقسي فيا جيت رايحة توله لوحد لاكارت (خريطة) كانت معايا جبتها من بيبيوتاك تاع الجامعة مد يدو ليها فتحها قالي عندك بروجي -ايه بقا مركز معاها مدهالي قالي كش متحتاجي ارواحي نمدلك وحد لي فيشي يساعدوك مفقتش كيفاش قتلو ايه نحتاجهم تبسم قالي انا نروح مشغول منبعد ارواحي عندي نمدهملك اوكي تبسمتلو وطلعت جابها ربي سبة بش نكون قريبة منو ....#بقلم_هاندا
15
🎬
لحق الليل وهدرتو مزالت تاع ارواحي عندي بصح مقدرتش نروح ف الليل وانا صح كنت محتاجتو يفهمني بيسك اول مرة ليا ومني فاهمه والو شفت الساعة كانت 20:30 حشمت نروح اصلا عمي ومرتو وش يقولو عليا وليت عيطتلو هز عليا -الو غير سمعت صوتو كوبيت وش صرالي علاه نعيط انا خلي لغدوة ويرحمها ربي وش يقول دك عليا زاد نص ساعة لقيتو عاودلي سكرت الباب وهزيت عليه قالي اهبطي لتحت اني ف الحوش قتلو معليش لغدوة منعطلكش قالي اهبطي برك ، هبطت نمشي بالعقل باسكو كامل كانو ف ديارهم شفتو من ضوء تلفون تاعو هز راسو شافني جا عندي قالي علاه جاية هكذا البرد دخلني لداخل جبد فلاش من جيبو ومدهولي الموقف لي كنا فيه لي يشوفنا يقول عشاق الليل والضلمة وضوء خااافت جاي من طمبيل يضرب في وجهو وحد الهدوء كنا فيه خصت غير مشاعرنا تتحد برك كانت طمبيل تاعو محلولة والضوء شاعل سمعت الباب تحل وواحد.هابط مفهمت بابا ولا عادل هو تان فهم عليا جبدني لبرا توال الطمبيل حتى خرج بابا ودار رايح للطمبيل تاعو مشافنيش قتلو -أ انا ن نروح خليتو وتسرسبت طلعت ...حطيت الفلاش ف بيسي لقتت فيه معلومات يفيدوني بزاااف وكاين دواسا خلاف معمر كوبيتهم ،بديت نخدم فيه وكسرت راسي شوي برك هدا وش عرفت لغدوة نص نهار كانت الجمعة قلت لازم نرجعلو الفلاش ستنيتو ف النهار مبانش خلاص حتى للعصر شفتو خارج هو وعمي ركبو ف طمبيل وراحو وانا بقيت في بلاصتي اليوم عادل مبانش يا درا وين راح ...كنت قاعدة مع جدة ف الحوش جات مرت بابا توالها كانت تشايخ على مرت عمي يمات عدلان حاسدتها على معيشتها وعلى ولادها كي عاد قاريين ومثقفين حتى ناضت جدة تعيط عليها قاتلها بركاي من الحسد تاعك نهار طول وانتي فلان وفلانة شوفي ضرتك الا لاتية بالناس هي جبدتلها على ماما بدات تعرش وراحت بقيت غير نتفرج من بعيد حتى سمعت طمبيل قارات وهبط منها حبيب قلبي وحدو جاي يمشي ديك المشية بكل ثقة ورزانة هاز في يدو وحد الدوسي شاف جدة جا توالها طابس عندها باس راسها وصافح عليا حطيت راسي رايحة ندخل في قشي ريحتو دوختني وهي كي العادة تمدح فيه ها وليدي الغزال وليدي الفحل تقول انا حجرة توالها بقيت نشوف فيها متقول هادي جدة لي نعرفها سبحان الله هز راسو شافني نشوف ليها قالي -ها جابونية وش درتي فيها البارح قتلو صافا ومرسي بزاااف جبدت الفلاش مديتهولو قالي خليه عندك تحتاجيه-لالا راني كوبيت وش فيه قالي معليش خليه عندك وجدة تشوف فيا مفهمتش مبعد قالي منبعد هاتي نشوف وش درتي فرحت ع الاقل يصححلي شوي ، راح طلع وهي بقات تسقسي طنشتها وطلعت ،لليل عيطتلي وردة قتلها صاي خدمتو بصح لازم نروح غدوة ، حكمت بلاصتي و هو عيطلي هزيت عليه قالي رقدتي -لا مزال وسكتت وهو تان سكت ولا قالي صاي بون نوي راح الحال غدوة ان شاء الله ونشوف وش درتي قتلو غدوة راجعة قالي علاه ياك بالأحد خبرتو علاش قالي معليش غدوة نشوفلك وروحي هيا تصبحي بخير ..كوبيت عليه ورقدت محبيت نخمم في حتى حاجة خلاف.....
