#بقلم_هاندا
46
🎬
مرت الأيام عليا وانا نحسب وقتاش تهبط عليا خفت نكون حامل وكلام الطبيبة بقا يدور في راسي كل يوم نعس حتى للنهار لي هبطولي فرحت فرحة من قلبي اوووووف الشكر ليك يا رب كي سترتني من فضيحة كانت رايحة تهلكني ونهلك معايا كامل العايلة ، ف ذيك الفترة عدلان تقرب مني بزاااف صح كل واحد عايش في دار بصح عقلو وتخمامو عندي يسقسي عليا ليل مع النهار وكل يوم نفس الكلام تاع اني معاك متخافيش قالي نخطبك ومبعد ساهل الحال ، جا النهار لي قالهم نخطبها عمي فرح مقال والو بصح مرت عمي محبتش قاتلو منحبش الدخلاني جيبلي البرانية كما جابها خوك منيش حابة المشاكل لا مها لا خوها نتفاهم معاهم هو طبعا مسمعش ليهم رايو في راسو ، جدي وجدة مقالو والو بابا عجبو الحال اصلا يحبو ويفضلو على ولادو عادل ملي سمع وهو كل يوم طالع هابط يتحلف فيا وفيه والله ميديها وهكذا وهكذا وبابا يقولو معندو مدخلك انت مشاكلك مدخلهمش ف النص اول مرة بابا يوقف معايا في حاجة ونفعني ، عادل كي مقدرش لبابا ولا سكت هاذيك اللفعة نهار سمعت بيه حب يخطبني طلعتلها لاطونسيو حتى داها عمي لسبيطار غير جات طلعت عندي هجمت عليا كنت وحدي انا وجدي برك ف الدار وجها ميتفسرش قاتلي -الا خليتك تتهناي بيه اعفسي على الوجه هذا منيش انا لي نسكت يا الم..... ومكملتش بقات تهدد وتفرفط وحدها وليت خرجتها قتلها -انا ف بلاصتك نروح نحكم رونديفو عند بسيكوباتر تاع المهابل روحي اجري على عمرك قاتلي بسيكوباتر انا لي ندخلك ليه واعقلي على كلامي ...راحت هبطت ايما وش مجنونة الله لا يردك سمعتها تهدر مع عادل وتعيط عليه حتى خبطها بكف قالها ريقلي روحك وشبيك تفرفطي زادت ردتلو الهدرة وهبطت هبط وراها هو كلش كلش غير واحد يردلو الهدرة منعرف وش دارلها بيسك دخلت وسكرت الباب فخار يكسر بعضو ..... فاتت سمانة جا عدلان هدر مع بابا ب الرسمي ف الدار و جا عادل طلع وينفخ في روحو ويعرض زعما زعما راهي ختي وهو الجن حاكمو دخلاني عدلان متجاهلو مؤقتا برك في صالحنا سينو راه فسدلو خليقتو بعد يومين طلبوني رسمي جات يماه وعمي وخوه عطاهم بابا الكلمة قالو -منلقاش خير منك لبنتي ووقت لي تحب تهز رانا واجدين ماما قاتلو بنتي يلزمها دار وحدها متسكنش مع يماك هي ماما هكذا متعرفش تهدر وهما موالفينها ناضت بينها وبين مرت عمي ااااه يا ماما خص غير نتي دك خلوني نتهنا ،،،
جا الوقت لي مروح فيه عدلان للماريكان خلاصت فترة لي هزها وكمل كل صوالحو هنا ف العاصمة باسكو متعاقد مع فرع الشركة تاعهم وجا يشرف على التربص هنا ،عيطلي ف الليل قالي -غدوة نتلاقاو...#بقلم_هاندا
47
🎬
،نضت الصباح وجدت حالي وخرجت معاه داني للفيرمة تاع الفروسية كان جو خريفي فوتنا نهار يهبل مشبعني دلال بصح في قلبي غصة منيش حابتو يروح ويبعد والفتو بزااااف وزدت تعلقت بيه بزااف ، رحنا لبلاصة فارغة وهادية دارني في حضنو -ليديا مديريش هكذا خلاص عمري شهور ويفوتو بالخف ونجي ندي عمري نطلعها معايا قتلو علاه منديروش العقد ونطلعو قالي منقدرش دك مستحيل -علاه مستحيل -ليديا مكيش دايرة فيا الثقة ولا -مشي قضية ثقة برك حبيت نروح معاك منيش حابة نبقى هنا بعيدة عليك قالي وقرايتك كيفاش-هزبتلو كتافي قتلو ميهمنيش فيها آخر همي -لالا لازمك تقرأي وتحطي راسك مليح هاد العام اوكي اصلا معندك حتى حاجة من غير قرايتك نسمع بيك مكيش تقرأي مليح ولا نتفاهمو سمعتي ومكان لاه دروي من ولا من الجامعة للدار ومن الدار للجامعة بلاك كشما تتهوري والفيرمة عندك تجي ليها وحدك -ياااا والفتها-والفيتيها كي كنت معاك دك تنسايها سمعتي كي نجي نولي نجيبك هنا وزيد وقت القراية معندكش حتى شغلة تغفلك عليها خبطلي ب صباعو في راسي قالي -مفهوووم -ايه مفهوووم-هكذا نحبك تسمعي للهدرة متقوليش راه بعيد وندير راييي ومنا ومنا والمشاكل تاع الدار بعدي عليهم منيش حاب خوك يزبد يضربك وانا بعيد راني حاكم روحي عليه قد مقدرت ...بقا يوصي فيا تقول حس بلي في غيابو رايحة تصرا كارثة وهذا آخر نهار لينا مع بعض كعشاق ....
بعد يومين طلع للماريكان خلاني نبكي دموع وريان حالتها حالة شي من الغيرة شي من الحسد والحقد لي تكنهم ليا ودك خلاص حست بلي خسرت توالي ولازم تفسد انانيتها وخبثها رايحين يوصلوني للضرر ،،، فات الوقت ولحق الدخول الجامعي دخلنا هاد العام درت شمبرتي انا وصاحبتي وردة عمي أرسلان راحت عمرتلو راسو بنتو قاتلو خلاتني وحدي ف الشمبرة ودارت مع البرانية جا ليا قالي -علاه هربتي عليها وخليتيها وحدها ياك نهار الاول بعثناكم كيف كيف بش تساندو بعضاكم قتلو عمي بنتك قبيحة عام لي فات دارتلي بزااف مشاكل ووصلت وين بدلت عليا فاشات ولا يتهاوش معاها لعبتها تتسيتت وانا فاهمتها علاه حابة نبقى معاها ف الشمبرة بش تقرعج عليا وتحاول تخططلي وانا هذا لي مبعدني عليها منيش حابتها تبقى قريبة مني ،، بعد اخد وعطى قالها ريزيدي مع بنت خالك وخلاص حسيتو زعف مني بصح وش ندير نبقى تحت رحمة بنتو هادي لي ميعرفش حقيقتها بلي لفعة في هيئة إنسان سمها يقتل العقارب ،، فاتتةالسمانة لولى مكانش القراية غير طالعة هابطة عدلان يعيطلي غير ف وقت لي يكون فيه مش خدام وزيد ديكالاج تاع الساعة بيني وبينو فايتة سبع سوايع بيناتنا ....#بقلم_هاندا
48
🎬
بدات ايام الجامعة وعولت نكون سيريو هاد العام خاصة كلام عدلان لي زاد حفزني معولة القراية والقدام نحاول قد مقدرت نركز ونبعد على كل حاجة تقلقني، ، اليوك بايتة مع صاحبتي في شمبرتنا والصباح رحنا نقراو تلاقيت بريان ف الكوس لي يطلع للفاكيلتي مهدرت معاها مهدرت معايا تبان دارت صحبات جدد جبدت عليها لهيه كي وصلنا وهبطنا شفت هذاك الطفل لي موالف يضايقني مزية مشافنيش دخلت ورا صاحبتي مشي خوف منو بصح خفت ريان تشوفو وتلقاها سبة بش تفتن راهي تحوس غير على كش سبة برك وطيش بلاها عليا ،، سرسبت لداخل لونفي لقيتو لحقني خلعني كي حكمني من ذراعي نحيتولو وشبيك انت صباح ربي احتارم روحك-سمحيلي ليديا والله مقصدي زلقت يدي برك -زلقت مزلقتش روح اخطي جدي -بالعقل برك علاه تعيطي انا تان نقرأ هنا ف نفس القروب-ااااا أنعم-هيه راني نقرأ معاك وشي معجبكش الحال وقيل -اففف روح باعدني وربي يساهل عليك -معليش سامحيني برك، راح هو لهيه وانا قعدت هذا وش خص زاد طاح معايا لازم نهدر معاه سيريو يبان سامط بزااف ،خلاص الكور الاول وزاد الثاني خرجنا انا ووردة نشمو الهواء جا لحقني قال لوردة معليش تخليني معاها وحدنا دقيقة برك حكمتها من يدها قتلو -معندك حتى هدرة معايا شكونك انت اصلا نطقت وردة قاتلو احشم على روحك راهي مرت راجل تحوس ديرلها مشاكل انت شاف فيا -صح متزوجة! -ايه ومدابيك اخطي جرتي شاف في صباعي قالي وين راه الخاتم بلاك راكي تكذبي بش نجبد روحي عليك شوفي والله نيتي تاع خير الا راكي خايفة مني ولا غير نحيها من راسك شفتك عام لي فات وعجبتيني وسقسيت عليك شحال من وحدة قاتلي عليك غير الخير قتلو شوف يا اخ نعاودهالك للمرة الأخيرة مين تشوفني اجبد على جيهة انا وحدة متزوجة وعندي راجلي لي نحبو يعني روح شوف وحدة خلاف الا فهمت فهمت والا مفهمتش م تلوم غير روحك انا متربية في دار الرجال نخسر عليك آبال برك بعد ساعة يحوسو عليك يطلقوك بياسات روح بعد خويا وخلينا طرونكيل ....منعرف منين جاتني كامل هاد القوة لي يسمعني يقول هادي عندها كتاف وخاوة واقفين عليها وانا عندي غول كن نخبرو يبدأ بيا انا الأولى ويزيد يكمل عليه .. راح مشا قاتلي وردة هذا يلزم ديريلو حد يبقا هكذا يديرلك مشاكل قتلها وكبفاش الحل هدا من عام لي فات وانا نصد فيه محبش يفهم ...عاودنا دخلنا قرينا لي كور تاع العشوة وخرجنا شفتو مع واحد البروف يشبهلو يبان باباه ...#بقلم_هاندا
49
🎬
بعد مفاتت السمانة روحت للدار طالعة ف الدروج لقيت بابا وماما في حرب عالمية نحاو النعي لبعضاهم جامي شفتهم هكذا من قبل مشافونيش وانا من عوايدي كي يكون الدواس ف الدار يا نسكر على روحي في شمبرة ولا نخرج للدروج منحبش نسمع ،شفت مرت بابا حالا الباب وتتصنت عليهم سير بلي راهي تستشفى خزرت فيها من فوق تاع راني شفتك كي حسيت بيهم هداو وحبس العياط جيت داخلة سمعتو يقولها حبيتي تطلعي ربي يساهل عليك بصح بش تطلعيها معاك موحال ياك دااااااك العام تفاهمنا وهاديك قوليلها قالك تهبطي ونشوفك هنا ننح رك ،، ،،، و و وش يهدرو هادو شكون هادي وعلامن يهدرو كنت ف الباب مذهولة شافتني ماما قاتلي -جيتي بصوت مسموع خرج بابا شافني رحت سلمت عليهم بقيت نشوف الحوار لي كان بيناتهم مشفر مبعد كل واحد فيهم جبد على جيهة ،دخلت انا تمنيت نهار ندخل فرحانة ونخرج من فرحانة نحيت قشي لبست بيجامة خفيفة رحت للكوزينة لقيت ماما معصبة راسها وتحكي بلغتهم مع وحدة بلاك خالتي ولا ، فت للفريجيدار جبدت قرعة جي قتلها ماما كاين غدا -قاتلي كاين سخني وكولي دورت لاكام شفت وحدة مهيش خالتي هادي تبان تاعنا قبايلية مهدرتش معاها حاطة راسي ونوكل حتى دخل بابا شفتو تمخزر معاها ولات ليكيداتها وراحت وراه ، وشبيهم هادو ليوم الله يجيب الخير ،، فات هداك النهار يعيف الكآبة والطاقة السلبية طاغية على الدار جدة وجدي مكانش هنا منعرف وين راحو ومسقسيتش عليهم ،لليل عيطتلي عمتي قاتلي -وينك هذا عدتي متعيطيش ولا عدلان معادش يطيرلي معاه نحكي او قوليلو قاتلك عمتك خلينا شوي وقت بش يعيطولنا حنا تان قتلها والله منا نحكيو بزاااف تعرفي الوقت مهوش كيف كيف وقت يكون هو خدام انا راقدة ولا نقرأ والعكس ممبعد سقسيتها على حالها قاتلي كل مرة كيفاش مرة ملاح مرة مش ملاح دايما تتصنع بلي راهي مليحة غير انا لي نفهمها كوبيت عليها دخلني نومرو جديد مهزيتش عليه حطيتو تحت المخدة ورقدت بصح مبغاش يحبس هزيت نسمع بلا منهدر جاني صوت الانوش كوبيت عليه درتو ف البلوكي طير عليا النوم الله لا تربحك يا فلوس اليوم نهاري كامل عياط وصداع وحتى في رقادي متهنيت هزبت المخدة وخرجت للصالو شفت ماما ف لافابو تتقيا رحت توالها -ماما وشبيك غسلت وجها وهزت راسها تبان صفرااااا مقطرة ساعفتها للصالو قعدت بقيت نحاول نجبد منها الهدرة بصح والو رقدتلي ع الفوتاي غطيتها وتكيت توالها غفيييت وقت الفجر حسيت ب بابا دخل دار الضوء تاع التلفون جا في وجهي كي شافنا راقدين عاود خرج....#بقلم_هاندا
50
🎬
غدوة كانت الجمعة ماما عيانة بقيت معاها متحركتش مفهمتش وشبيها جات جدة شافتها ف الشمبرة قاتلها لا تكوني كش م هازة في كرشك حليت عينيا آآآآآآه منك بالصح ضحكت وقاتلي علاه وش فيها عوجت فمي قتلها مشي وقتها خلاااص كيفاش انا راني شارفة وقت الاولاد محسوب جاتني بيزار قاتلي طمني طمني مجبتهم بكري منجيبهم درك هاندا ريفالدا للقصص -اااا كيفاش مبعد بدلت الهدرة قاتلي متسمعيش لجداك خليتهم وخرجت عيطلي عدلان قالي هذا وين خرجت من الخدمة بقيت نشايخ معاه يسقسي عليا وعلى كل تحركاتي ويحاسب بالشعرة قتلو توحشتك قالي -وانا تان ،،،،
فاتت ايام وشهور فاتو اكل مع القراية روتين الجامعة والدار ريان مشاكلها ميخلاصوش نسمع غير بيها كي تباقاري مع البنات وحتى لي جان ف الجامعة بصح لحد الآن موصلتش ومقدرتش تلحق ليا الشي لي خلاهاة تجبد عليا خلااااااص عندي 5اشهر مهدرنا متقربنا نشوفها من بعيييييد وحتى كي نروح للدار تان قلت بلاك كش ملقات واحد يعمر عليها حياتها وهذا وين بدات تفيق لعمرها .... اليوم خرجنا عطلة تاع ربيع مروحة مع عادل الله غالب تحتمت ملي دبمارينا وهو مشنف شكيت تقابض مع ريان انا لي يهمني انو مبعد عليا تهنيت شوي منهم راحة نفسية عظيمة غير وصلنا هبطت نكركر ف فاليزتي شفت طمبيل مش تاعنا تم مقاريا جهة باب عمي اسماعيل ..بعد مدوشت وتغديت قاتلي جدة روحي جيبيلي الدوا تاعي نسيتو عند بيت عمك -اااا جدة راني تاعبة خلي منبعد -هاندا ريفالدا للقصص ناضت تدعي وليت هبطت ورحت توالهم طبطبت خرجلي واحد جبدت على جهة عرفتو ولد خالتهم قتلو مرت عميى هنا جبد على جهة وقالي ادخلي راهي لداخل دخلت لقيتها ف كولوار سلمت عليها وزدتعلى خالتهم قاتلي نتي هي لي خاطب عدلان نطقت ليها مرت عمي قاتلها ايه هي من الحوش للرحبة حكمت عليها الدوا قتلها نروح يوجعو القلب بالمعاني جيت خارجة فت على هذاك ولد ختها سمعتو كي تنهد وقال بالشوي بصحتك ي عدلان وحدة لهيه و لخرى هنا عقدت حواجبي نستوعب وش يهدر لقيتو دخل -يعطيك العما لهادوك العينين ياخي مصفار ميحشمش بصح وش قصدو وحدة لهيه وحدة هنا ...كملت هبطت رايحين يركبولي الخلعة ومن زهري المسود لقيتها في وجهي وشكون من غيرها ريان اللفعة ضحكتلي ضحكة صفرا وطلعت سمعتها تهدر مع هداك ولد خالتهم مطلقت حتى واحد......
