بـقـلـمـي انا الكاتبة :زهراء
Instagra:swe_7et
Telegram :swe_7et_zahraa
______________________________________
انا من حيثُ إحدى مُحافظات جنوب العراق
في صباحً بارد حديقه يغطيها اللون الأخضر
اجلُس انا على ارجوحة وكوبً من شاي
استنشق هواءً نضيفً بارداً هواءً يُطاير خصلات شعري
....
وكفت امي بـ باب المطبخ
زهره : ماما دخلي جوه لا تتمرضين الهوا بارد امي
بارين : اي ماما جاية
.. هاي امي حبيبتي تخاف علينة من الهوا المار
تحبنة كُلنه نفس الحب و تكول"انتن ثلاثة تحت جناحي محد يمسجن بـ حجاية"
. كمت من المرجوحة اتمشى للبيت دخلت للمطبخ
بارين : ها ماما شنو رح تسوين اليوم على العشة؟
زهرة : والله ماادري بعدني ما مقررة شنو اسوي انتو شنو تردون اسوي الكم؟
كضيت ايدها بست باطنها..
بارين : يلي يعجبج سوي حبيبتي
.. عفتها و دخلت جوه شفت بابا كاعد بـ صالة يباوع بـ تلفزون اجيت كعدت يمه.
بارين : ها بابا شنو جاي تباوع
محمد :ها حبيبتي هاي مسلسل قديم طالع وجاي اشوفة
. جان مسلسل قديم مبين من جودة الصوره على ايام قبل بـ زمانهم.
بارين : بابا انام على رجلك شوي
. التفت الي بين على ملامحة الخوف
محمد : تعالي بابا
. حطيت راسي على رجلة و هو يحرك ايده ع شعري
محمد : سولفيلي بابا شبيج شنو البيج
بارين : والله ماادري يا بويه رح تخلص عطله نص السنه و رح تبدي مسيره السادس تنتهي و احس خايفه منها
محمد : شلون يعني بابا سولفيلي و اساعدج
بارين : والله يا بويه طالب السادس سالفته ما تنحجي
ضحك وهو يمسح على راسي ابتسمت على ضحكتة
محمد : شبيهم طلاب السادس يا عيني
بارين : بويه رح يبدي الكورس الثاني يعني لازم نبدي نراجع المواد بـ تركيز حته نسيطر على ماده وتصير تمام التمام
محمد : اي بويه وبعد
باوعت بعيونه بادلني النضرات
بارين : رح يخلص السادس يابويه رح ندخل كلية احلامنة و القسم يلي نحبة رح ندرس المواد يلي تعبنة عليهن حته نوصل الهن
بنيتك رح تصير طالبة جامعية بـ القسم يلي تحلم بي يا بويه
َمحمد : اي يابويه اي ياجناحي و يميني اي الله موجود مايضيع تعبكم انتو اقوياء وتوصلون للشي يلي تردونة
بارين : ادعيلي يا بوية انا ادرس و اتعب و انتَ ادعي الي
محمد : اول الناس بـ دعاءِ انتو يا عيني
ابتسمت اله و ابتسملي كمت من حضنة لـ غرفتنة
. دخلت للغرفه شفت ضُحى و سَجى كل وحده كاعده و تباوع بـ تلفونها
. تمددت على سريري اباوع بـ تلفوني
اسمع صوت الدجاج و الأبقار من تلفون سَجى وهي تلعب مزرعه و صوت عالي
بارين : سَجى نصي صوت دجاجاتج شوي
ضحكنه كلنه على الصوت الدجاجات
سَجى : ههههه شبيكم ويه دجاجاتي توه بابا يكلي كومي منا انتِ و دجاجاتج
ضحكنه كلنه عليها.. التفتنه على صوت دكه الباب
بارين : تفضل
زهرة : كومن ياحلوات خلي نسوي عشة سوه
اي ماما جاين
كمنه كلنه وياها للمطبخ..ضُحى جابت وياها تلفونها حته تصور كلشي نسوي
..كلش تحب تصور اي شي تشوفه تصوره و ما ننكر انو تصوريها كلش حلو و ترتب الشي قبل لا تصوره وتاخذه من زاويه مُمتازة حته تصوره
ضُحى : ها ماماتي شنو العشه شنو نحضر احنه
زهرة : اي ماما طلعو خيار و طماطة و ليمون من الثلاجة
.. كعدت على طاوله ضُحى جابت الأشياء وكعدت يمي
زهرة :ماما سوو الخيار و الطماطة طوال
سَجى جانت تسوي العصير يلي ماما كالت الها عليه
َ.. رتبت الطاوله وامي خلصت كباب عروك يلي من أحب الأكلات الها و البابا
رحت اصيح بابا حته يجي يتعشى
بارين : يلا بابا عشه
محمد : اي بويه جاي
دخلنه سوه للمطبخ و الكل كاعد ينتضرنه حته نبدي نتعشه
خلصنه عشه كمنه كلنه نتساعد بترتيب المطبخ راح بابا يغسل ورجع يمنه كال..
محمد : باجر اذا ماعدكم شي خلي نروح لبيت ابو احمد نتونس شوي و قبل لا تخلص العطله
زهرة : ان شاء الله ميخالف ماعدنه شي
هز راسه بـ معنى اي وصاح
محمد : ضحاوي بابا چاي
ضُحى : اي بابا بعيوني
ابتسم الها وراح للصالة
ضُحى حمت الچاي و صبت اله و اخذته وراحت تودي
اسمعه يكلها
محمد : شكرا يا عيني
ضُحى :تدلل ياعيني
كانت كلمة يا عيني من بابا كلش حلوة والكل يحبها منه يحجيها بعمق المعنى " ياعيني هي الكلمة المحبوبة من بابا "
كملنه ترتيب المطبخ واطشرنه كلمن لمكانه
ماما وبابا كاعدين بصاله يا على تلفزون يا يسولفون بـ أشياء عاديه
بارين : كومن نختار شنو نلبس باجر
ضُحى و سَجى :ايييي يلاا يلاا
كل وحده فتحت كنتورها تشوف شنو تلبس
اتفقنه كل وحده على لبسه لباجر
صارت ساعه 11:00 مساءً
اخذت لابتوب وكعدت ع سريري ادور على فلم حلو نتابعه لكيت فلم حلو بحثت عنه و حسيت القصه حلوه
بارين : بنات لكيت فلم قصته حلوه نتابعه؟
اي يلا ماعدنه شي خلي نجيب حلويات و نكعد نباوع
اي تمام يلا
رحنه للمطبخ طلعنه اجباس و عصير و سوينه شاميه
اخذنه ل ماما و بابا شاميه و عصير واحنه رحنه للغرفه حطينه لابتوب والاكل كعدنه ناكل و نباوع
كان فلم حلو خلص الفلم و تطشرنه كلمن لمكانه
بارين : كمت اجيب ماي رحت للمطبخ اخذت ماي و رجعت باوعت شوي بـ تلفون و نمت
.......................
في مكانً اخر
كاعده على عتبة الباب دنيا ليل هوا بارد صوت الأشجار وهي تتطاير من الهوا أفكار بـ بالي صعبة عليه اتخطاها
جوري : اخخ جا هيج يا مهدي تروح وما تودعني وانا ذراعك و يمناك تروح لربك و ماتكلي الله وياج يا روحي
جا شلون تروح وانا روحك هاا تكلي انتِ روحي نوب تروح و تعوفني منو النه احنه؟ انا روحك و عزاز كلبك جهالك...
مسحت دموعي و استغفر
جوري : استغفر الله استغفر الله يا ربي هذه حكمك وانا قابله
نمدت ايد تمسح على كتفي التفت اشوف منو
اسيل : ها ماما شبيج
جوري : تعالي حبيبتي مابيه شي
كعدت يمي حضنتها مغطيتها بـ روب الشتوي يلي لابسته
اسيل : ماما لا تبجين على بابا هو راح لـ مكان احسن من هنا بـ هواي وهذه قدر و امر الله سبحانه وتعالى ولا اعتراضً على أمر الله
جوري : اي يا يمه اي لا اعتراضً على حكم رب العالمين
دفنت راسها بحضني.. كومي ندخل ماما الهوا بارد
جوري : ماما وين خواتج و اخوج
اسيل : آلين و لارين كاعدين بـ صاله و سيف طالع
هزت راسها وكالت خلي اخابر سيف وين صار
جوري : هاا ماما سيف وين صرت
سيف : اي حبيبتي جاي انا جاي
جوري : اي يمه تعال ارجع الهوا بارد بره لا تتمرض حبيبي
سيف : ان شاء الله تردون شي من بره؟
باوعتلي كالت تردون شي يجب الكم؟
اسيل : اي اي اجباس و عصاير
جوري : ها يمه سمعت يردون اجباس و عصاير
سيف : ههههه اي يمه سمعت ان شاءالله
جوري : يلا يمه لا تتأخر
سيف :ان شاء الله
رحنه بصاله كاعدين شوي و دخل سيف بيده علاكه حلويات النه
سيف : سلام عليكم ياعباد الله
ضحكنه كلنه
جوري : هههه عليكم السلام يمه
كعد سيف يم امي التفت عليه امي تكله
جوري : يمه سيف ما خابرت اخوك باجر ينزل من دوام هو انا حاسبتله باجر ينزل
سيف : اي يمه صحيح مساع خابرني كال بأجر العصر يمكم انا سلملي على امي و البنات
هيج كم حجايه حجاهن وراح تدرين بعد كوه كوه يكون تلفون
جوري :اي يمه صحيح اي الله يرجع النه ب السلامه
كلنه : امين يارب
دخلت امي لـ غرفتها واحنه نعرف بـ هذه الوقت تروح تتوضى وتكعد تقرا قران
صاح سيف
سيف: يلا حبابات حضرو النه كم شغله ابدل و اجي نشوف فلم منا منا
احنه :اي يلاا تمام
راح يبدل و احنه حضرنه أشياء ناكلهم
مالكينه فلم حلو يناسب ذوقنه شفنه مسلسل توه طالع و كعدنه ناكل و نتابع خلصت الحلقه وتطشرنه كلمن ل غرفته كل وحده على سريرها تباوع بـ تلفونها و تنام
..اسيل: صافنه افكر هاي احنه و هاي حياتنه حُب امي النه و حنانها علينه سيف ضحكه البيت ويلي مونسنه بـ سوالفه وكلامه و باهر روح البيت الاب الثاني النه بيت حزنه و فرحنه حجايته بكل مره نسولف بيها
"انا دائما يمكم سولفولي و ادللو عليَ"
بـ معنى سولفولي حزنكم و فرحكم ويلي متعبكم وانا البيت يلي يحفظ كلامكم كله.
غركت بـ أفكاري لحد ما استسلمت للنوم
....
اول بارت بـ مناسبة عيد ميلادي...
انضمو لـ قناة التلي و تابعو حسابي الانستا
حتى تشوفون كلشي انشره
لنا لِقـاَء اخر
.........
أنت تقرأ
دَعج الكَحلاء
General Fictionانا امرأه قوية من تُراثً قديم انا التي خاضت حروبها بنفسها لم أكن شديده الجمال الا ان سمار بشرتي مُميز عيون كحلاء مُلفة انا هناك في ذالك الديار جالسة أرى من بعيد صَدفتي. المحُ رجلً ذو قامة طويلة سمار مُميز مثلي؟ عيون الدَعج مُبهره للنضر _____________...
