بـقـلـمـي انا الكاتبة :زهراء
Instagram :swe_7et
Telegram :swe_7et_zahraa
_____________________________________
بارين : منو هذا الشخص يا ترى؟
ماركزت بي ولا هتميت كمنه حضرنه حلويات و كعدنه نتابع مسلسل شي عادي بـ يومنه
خلصت الحلقه وتطشرنه كل واحد لمكانه
نمت و فزيت على صوت المطر و الرعد
الكل نايم كمت للمطبخ اخذت كلاص ماي و فتحت الباب
اشوف المطر يتساقط بغزاره
وادعي ويه كل قطره ريح كلبنه يا الله
دعيت لـ اهلي واحد واحد و دعيت اخلص من السادس بـ المعدل يلي أريده
فزيت على لمسه ايد على كتفي
التفت شفت بابا واكف وراي اجه كعد يمي
حضن راسي على صدره
محمد : ليش كاعده هسه بابا
بارين : كعدت على صوت المطر
شلت راسي من صدره
بارين : بابا يكولون ادعي شنو تريد ويه نزول المطر و رح يتحقق
محمد : صحيح كلامج بابا
باوعت على المطر يلي بعده يتساقط بقوة
بارين : دعيت ويه كل قطره مطر يا بويه
محمد : بإذن الله يستجاب دعائج يا عيني
هزيت راسي و ضلينه نباوع على المطر
محمد : اشوفج مهمومة ياعيني و بالسانج حجي؟
بارين : تخاف عليه وانا يمينك و تحت جناحك؟!
محمد : اخاف عليكم من الطير المار و بالي يمكم حتى وانتو يمي
بارين : انتَ تدري اذا احد تقرب عليكم رح اكسر ايده و اعلكها بركبته مو؟!
ضحك بصوت ناصي وهز راس بـ معنى اي
محمد : ماشفتج كسرتي و علكتي لـ هسه
بارين : ما يحتاج اكسر و اعلك وانتَ موجود
ابتسملي وهز راسه
محمد : مااخاف عليكم وانتو بالبيت لان اعرف يميني موجود و تحطيهم بعيونج لو غبت
بارين : الله لا يحرمنه منك يابويه
محمد : ولا يحرمني منكم ياعيني
يلا روحي نامي و ارتاحي
هزيت راسي و رحت انام
كعدت الصبح و بديت ادرس
كعدو البنات و بدينه نحضر نفسنه للدوام
مر اليوم عادي ماكو شي جديد
كعدنه ثاني يوم الصبح
بدلنه و رحنه للمدرسه
قبل لا نطلع كال بابا انتضروني انا ارجعكم
خلص الدوام عادي و استلمنه نتائج نص السنه و ناجحين بـ أمتياز
سَجى : ضُحى لازم نشد حيلنه هذه الشهر حته نطلع إعفاء عام
ضُحى : اي اي لازم
بارين : شفت نتائجهم درجاتكم عاليه حرمات تضيعن الإعفاء
هزن راسهن...
ضُحى و سَجى : لا ان شاء الله إعفاء
بارين : ان شاء الله
طلعنه بره ولان بابا كال انا ارجعكم
وكفنه ننتضره
بارين : مابيه اوكف
ضُحى : كعدي على رصيف لا دوخين
هزيت راسي و كعدت ع الرصيف اباوع على سيارات
راحت عيني على الضباط يلي واكفين على جهه بينه مسافه بسيطة
اباوع عليهم انصدمت من شفته
بارين : صاحب عيون الدَعج
ضابط؟ شيسوي هنا وليش يمنه لا يممكن مو هو
التفت على سَجى
سَجى : هذاك بابا اجه
كمت وياهن مشينه ب اتجاه اشر النه من بعيد
صعدنه ب السياره
محمد : ها ياحلوات شلونكم تأخرت عليكم؟
بارين : لا بابا ما تأخرت
ولان الطريق ازدحام
ضُحى : بابا شوف نتائجن مالتنه
محمد : عفيه بـ الشاطرات كلش زين بابا ضلو ع هاي الدرجات حته طلعون إعفاء
ضُحى و سَجى : اي بابا ان شاء الله
ابتسمت اله واطيته نتيجتي
محمد : عفيه بـ الشاطره الجبيرة كلش زينه درجاتج
مشينه راجعين للبيت
عبرنه من الضباط القيت نضره عليهم
بارين : اي والله هو صاحب عيون الدَعج
بارين : بابا هذول هنا ضباط مو شيسون
محمد : اي بابا هذه شغلهم بعد الله يساعدهم الجو بارد
راحت ايام و اجت ايام
ضُحى و سَجى طلعو إعفاء عام و الكل فرح الهن
سوينه حفله بسيطه بيناتنه بابا جاب الهم هدايه
كلش فرحن بـ الحفله و الهدايه و كلام ماما و تشجيعها الي و الهن
اجه الصيف وانا بـ فتره مُراجعه السادس
وصار البيت يخنكني و انا احب افتر و اقرا
ف اغلب وقتي بره ادرس وبين تحفيز بابا و كلام ماما و تشجيع خواتي حته اخلص
كعدت بـ 4 صليت ودعيت هذه آخر امتحان ياربي سهل عليه و على الجميع
صار بابا ياخذني و يرجعني ايام الامتحانات
اخر يوم طلعت بره اراجع على ما بابا يخلص حته ياخذني فرحانه و اقرا
محمد : ها بابا يلا
بطريقنه للمدرسه
محمد : اشوفج فرحانه بارينه هذه آخر امتحان
بارين : اي بابا مابيه بعد اليوم اخلص و انتضر الفرج
محمد :الله كريم يا عيني تصفى و تصير سوالف
وصلنه للمدرسه امتحنت وخلصت
طلعت من الامتحان من وقت على غير العاده كعدت على رصيف انتضر بابا يجي
كاعده و صافنه و تلاشت الأفكار بعقلي
هذه آخر امتحان اليوم يخلص السادس اليوم وصلت لـ نص طريق حلمي
ياترى رح اكمل طريقي لو اعثر بنص الطريق
ياالله وكلتك أمري سهل عليه ايامي و وفقني بـ شهادتي
ان كان حلمي شراً الي فـ ابعده عني وان كان خيراً الي فـ قربة مني
رفعت راسي على أثر صوت عميق صوت رجُل ضخم
بحه عصبيه
باهر : شبيها صافنه الكحلاء؟
رفعت راسي نفسه هو نفسه عيون الدَعج
بارين : عيون الدَعج
ابتسم
باهر : تعرفين كل أنواع العيون
هزيت راسي بـ معنى اي
بارين : يعني اعرف بعض الأنواع و اميزهن
باهر : و عيونج يا نوع
بارين : ابتسمت عيون الكحلاء
باهر : و الشامه يلي يسار عينج
بارين : شامه طبيعيه
عافني ومشه باوعت اله شفت بابا واكف وهو رايح يمشي ب اتجاه كمت من مكاني مفزوعه
شراح يكله
انصدمت من بابا سلم عليه واجاني يضحك
محمد : يلا بابا نروح
بارين : اي يلا
صعدنه ب السياره متوجهين للبيت
محمد : شلونج بابا بالامتحان اليوم
بارين : الحمدلله طلعت من وقت ما تأخرت
محمد : يلا الحمد لله خلصتي
وصلنه للبيت سلمت عليهم و ذبيت روحي بـ الحمام
طلعت من الحمام تعطرت و طلعت بره امشط شعري
كاعده على مرجوحتي امشط
منو هذه ياربي حتى ماعرفت اسمه هذه اللقاء الثالث بنسبه الي واذا كان شايفني هذيج المره فـ اللقاء الثالث اله هم
ليش سئلني على شامه عيني؟ كانت تميزني شامه تحت عيني اليسار صغيره بس واضحه
معقول عباله مو شامه حقيقيه؟
بارين : يلا هسه هم طلاب السادس بيهم يحطون شامات يلا يلا ملحكين نقرا
ضُحى : سلامات بارين السادس خلاج تحجين ويه نفسج
بارين : ههههه تعالي كعدي
اختفت ابتسامتها وكالت
ضُحى : شخص راسلني
انصدمتتت لا ياربي لااا
______________
في مكان اخر
باهر : يلا جاي جاي
أمير صديقي : شصاير باهر شكو
باهر : ابن عمي متعارك
طلعت اركض حسيت على أمير يركض وراي
أمير : انتضرني ولك انتضر
صعدنه اثنينه بـ سياره و بطريق خابرت سيف يجي
وصلنه للمكان اشوف حمزه طايح بـ كاع و سامر يمه
باهر : شبي شبي متأذي هواي
سامر : مادري مادري
ويه كلامه وصل سيف
أخذه وراح المستشفى... رحنه نحجي ويه يلي متعارك وياهم
باهر : سلام عليكم عمي
شيخ عشيرتهم : عليكم السلام
باهر : شيخ ابنه ب المستشفى يكعد و نتفاهم نسمع الموضوع منه و من ابنكم وان شاء الله خير
شيخ : لا نسمع ولا نستمع تصير كعده و نعرف منو الغلطان
أمير : شني السالفه شيخ غير نسمع من طرفين حتى نعرف منو الغلطان و بعدين اذا كلش نسوي كعده
باهر : أشرت بـ عيوني بـ معنى اسكت
شيخ : الله كريم
باهر : يلا امير امشي
رفع ايده أمير يلوح لـ شيخ
أمير : استودعناك شيخ
مشينه وهو يضحك
باهر : شبيك ولك استجلبت
أمير : ولك هذه ماعجبني شيخ و شيخ و هو يريد يسوي كعده علمود يعرف منو الغلطان
باهر : توكل حبيبي خلي اوصلك و اروح
أمير : يلا يلا امشي
وصلته لبيتهم
أمير : سلملي ع خالتي و بوسها الي
باهر :ههههه تدلل
بطريق البيت وكفت يم المحل اخذت للبنات اجباس و عصير على طلب آلين
وصلت للبيت
جوري : ها يمه شبيكم سيف طلع يركض شصاير
باهر : ماصاير شي يمه حمزه متعارك وسيف أخذه للمستشفى
جوري :يمه اسم الله ليش متعارك
باهر : والله ما ادري باجر اروح اله و اشوف
بست راسها
باهر :أمير يسلم عليج و هاي بوسه منه
جوري : يا حبيبي يا أمير
انطيت للبنات حلوياتهم و صعدت اسبح و ابدل
نزلت جانو كاعدين بصاله رحت للمطبخ اشرب ماي
شفت آلين من شباك المطبخ كاعده على حشيش
و سماعات بـ اذنها تسمع و تدندن
طلعت اشوفها
شافتني و شالت السماعات
آلين : تعال اكعد يمي
مشيت اكعد يمها
صافن و افكر بـ يلي شفتها بـ الاسواق
آلين : سولف حبيبي سولف سرك بنص عيوني
باهر : حطيت راسي على رجلها
آلين : اطربني
باهر : سولفت الها موقف البنيه صاحبه عيون الكحلاء
آلين : اي يا صاحب عيون الدَعج ماعرفت اسمها
باهر : لا والله عذريني مالحكت اسئلها
آلين : المره الجايه اسئلها على اسمها
اجيت ارد عليها ودخل سيف
باهر : ها سيف شلونه حمزه
سيف: مابي شي الحمدلله بس جروح
باجر نروح نفهم منه الموضوع لان جان دايخ ما حجالي شي
اجت ايام و راحت ايام و فضت سالفه حمزه
"حمزه و سامر اولاد عمامي"
اجه الصيف و الحر
ورجعت شفت صاحبه عيون الكحلاء
صار بينه حديث انتبهت ابوها جاي عفتها و مشيت ب اتجاه
باهر : سلام عليكم عمي شلونك
محمد : عليكم السلام حبيبي
باهر : اعتذر انا بس شفتها كاعده بـ الشمس بحدها كلت خاف تأخرت عليها اوصلها بطريقي
محمد : تسلم حبيبي الله يوفقك
مديت ايدي اصافحه
باهر :الله يسلمك عمي واجبنه هذه
ضليت افكر بيها وصلت للبيت
شفت الين كاعده
باهر :آلين شفت صاحبه عيون الكحلاء بس نسيت اسئلها على اسمها
آلين : حقك حبيبي حقك مو هينه عيون الكحلاء
باهر : اي والله دوختني
ضحكت
آلين : المره الجايه اسئلها عن اسمها زحمه هذه ثاني لقاء وانت ما تعرف اسمها
باهر : هذه ثالث لقاء وما عرفت اسمها شكد عيب
آلين : اي والله شنو هاي فشلة ههههه
ويه ضحكتنه.... سمعت صرخه اسيل من داخل البيت
دخلنه نركض
جوري : اسيل ماما اسيل
...............
توقعاتكم؟
تفاعلو..
لنا لــِقاء اخر..
يتبع..
أنت تقرأ
دَعج الكَحلاء
General Fictionانا امرأه قوية من تُراثً قديم انا التي خاضت حروبها بنفسها لم أكن شديده الجمال الا ان سمار بشرتي مُميز عيون كحلاء مُلفة انا هناك في ذالك الديار جالسة أرى من بعيد صَدفتي. المحُ رجلً ذو قامة طويلة سمار مُميز مثلي؟ عيون الدَعج مُبهره للنضر _____________...
