بـقـلـمـي انا الكاتبة :زهراء
Instagram :swe_7et
Telegram :swe_7et_zahraa
______________________________________
. رحت اتوضى واصلي و ويه كل ركعه تنزل دموعي
بارين : سهل اختبارك يا الله
كملت ورحت انام
كعدت الصبح صبحت على ماما و بابا وكعدت يمهم
محمد : ها بابا شلونج اليوم؟
بارين : الحمدلله زينه
بديت انضف البيت على ما يكعدون البنات
..العصر اجو النه بيت عمي ابو احمد
ليش جاين؟ شنو عدهم؟ احمد وياهم؟
محمد : هلا بيك خويه كل الهلاا
طلعنه سلمنه عليهم و كعدنه كلنه
ومن حسن حضنه احمد ماكو تنفست براحه من ماشفته
ابو احمد :شلونكم شخباركم
محمد : الحمدلله كلنه زينين
كعدنه ويه رهف سوالف وضحك
صار المغرب دخلت للغرفه اصلي... سمعت صوت اكثر انسان مُستفز احمد كملت صلاتي و لبست شالي و طلعت
احمد : هلو بارين شلونج
هزيت راسي و ابتسمت ابتسامه مُزيفه
بارين : ضُحى و سَجى روحن صلن و تعالن انا هنا اساعدهم
هزن راسهن وراحن.. انداريت على أحمد و خزرته
بارين : ولي بره يم عمي و ابوي لا اشوفك داخل للبيت
انصدم من جرائتي ويا عفته وطلعت الهم
كعدنه كلنه نتعشى للمره الثالثه اشوفه يباوع على ضُحى
كملنه عشه و دخل للبيت يغسل شوي و دخلت ورا
بـ غضب مُخيف
بارين : شيل عيونك عن اختي لا والعباس ابو فاضل اعميهن الك
هذه آخر تحذير المره الجايه صدك اعميهن
بارين : بـ همس جرب القي نظرة بس و شوف بارين منو
عفته و طلعت تلكتني سَجى واضح من نضراتها سامعه كلامي
ابتسمت و كالت
سَجى : كفو منج يلـ عزيزة
بارين : الوضع صار يتطلب اكسر واعلك مو؟
سَجى : كسري و علكي وانا بضهرج سند
ابتسمت الها التفتت ليوره اشوفه جاي ب اتجاهنه
غمزت اله ورفعت طرف حاجبي
بارين : سجاوي حبيبتي يحتاج اعيد الحجي
مدت راسها سَجى تباوع اله مبتسمه
سَجى : ابدد حبيبتي فهمو كلامج لا تعيدين
ضحكنه و هو عبر من يمنه رايح يكعد يمهم.
شوي و راحو لبيتهم واحنه تطشرنه
جنت بـ المطبخ اشرب ماي ورجعت للغرفه
ضُحى ميته ضحك و سَجى كذالك
بارين : شبيجن على شنو تضحكن؟
ضُحى : يابويههه قوية اختي و كامت حضنتني
سَجى : سولفت الها شسويتي مساع
ابتسمت الهن
بارين : يحتاج واحد يهدده حته يجر عدل
ضُحى : ما يستاهل تصرفين قوتج على ملطلط
سَجى : وفريها لغير شي
بارين : طلقه وحده براس الملطلط حديقتنه جبيره و ندفنه
ضُحى : شفتي شكد سهله
بارين : لا والله الحجي سهل و الفعل غدار
نامو هسه و الله كريم
فزيت الصبح على صوت صياح بابا بـ تلفون
كمنه مغزوعين وامي كاعده ومبين على وجها الخوف
هزيت راسي لـ امي بـ معنى شنو صاير؟
رفعت ايديها بـ معنى ماادري
خلص بابا اتصاله و جان معصب عافنه بـ صدمتنه وطلع من البيت
بارين : يمه منو هذه يلي جان يحجي ويا ويصيح
زهره : والله ماادري جنت بـ المطبخ انا وسمعته يصيح
غسلنه و كعدنه نتريك
كمت اخذت كتابي و رحت لـ عالمي
كاعده و صافنه
بدت المشاكل تمطر علينة وحده وره الثانيه
شنو جاي يصير؟ ذنب منو يلي جاي يصير هسه؟
تلاشت أفكاري ورجع عقلي يفكر بـ عيون الدَعج
وينة؟ يفكر بيه مثل ما انا افكر بي؟ رح نلتقي اللقاء الرابع؟ بدون قصد مني خطت أيدي على الكتاب
اسم " صاحب عيون الدَعج"
فاجئني دخول بابا للبيت معصبه دخل مستعجل
شمرت كتابي على مرجوحه وكمت اركض للمطبخ
دخلت و اشوفه واكف يم الكنتور و اي شي يشوفه يشمره طلع أوراق و طلع مستعجل ركضت ورا
بارين : فكر بينه قبل لا تسوي اي شي يا بويه
باوعلي و الغضب يتطافر من عيونه
بارين : منو النه احنه اذا تروح امي و احنه خلينه على بالك قبل لا تخطي خطوه تأذينه
بارين : لا تشعل النار بروحنه بويه
عافني وطلع مستعجل طحت بـ الكاع ودموع بعيني
ركضت عليه سَجى
سَجى : بارين كومي لا سوين هيج هسه يجي
عفتها وكمت اركض اخذت شالي و طلعت
من حسن حضي شفت ابو حسن و حسن بره
بارين : جدو الحك ابوي جدوو
عافوني وراحو يركضون ورا
رجعت داخله للبيت طايحه بالكاع
" اعرف الأوراق يلي طلعهن بابا توديهم بـ داهيه
واعرف بس يدرون بـ الأوراق رح يتعرضون النه
وكف عقلي من شفته ماخذهن وطالع يركض
معقوله ما فكر بينه احنه بناته و امي"
بعدني طايحه بـ الكاع و اسمع ابو حسن يحجي
ابو حسن : صدك جذب محمد انتَ تروح و بناتك منو الهن من بعدك
حسن : ميخالف عمي ميخالف تنحل ان شاء الله بس صلي على محمد
كمت وكفت وانا اشوفه داخل و منزل راسه و بيده الأوراق
و دموعي على خدي
بارين : ها بويه جدو يكول منو النه من بعدك؟
..........
أنت تقرأ
دَعج الكَحلاء
General Fictionانا امرأه قوية من تُراثً قديم انا التي خاضت حروبها بنفسها لم أكن شديده الجمال الا ان سمار بشرتي مُميز عيون كحلاء مُلفة انا هناك في ذالك الديار جالسة أرى من بعيد صَدفتي. المحُ رجلً ذو قامة طويلة سمار مُميز مثلي؟ عيون الدَعج مُبهره للنضر _____________...
