دَعج الكَحلاء

part 11..

بـقـلـمـي انا الكاتبة : زهراء

Instagram :swe_7et
Telegram :swe_7et_zahraa
______________________________________

. مرت فتره على وفاه سند و قوة بيتنه

كاعده على مرجوحه تلاشت عقلي الأفكار
ياربي ريح گلبي شلون اتخطى وفاه شخص من روحي
عزيزي و سند قوتي انطاني عمره؟ شسوي بـ عمره اذا هو مو يمي الإنسان يلي جان لازم يطير من الفرح بـ نجاحي راح مني. ليش طلع هذاك اليوم؟.

رجعت لواقعي على صوت ضُحى
ضُحى : مو بوضع يسمحلج تسمعيني بس لازم تعرفين
اجت سَجى من بعيد
سَجى : كلتي الها
بارين : اطربوني بحديثكم يلا شصاير
ضُحى : احمد
بارين : يا سالفه احمد الماتخلص الي يوم اروح اخنكه و ارجع
سَجى : كملي ضُحى
ضُحى : احمد كاتب اذا خطبتج توافقين؟
غمضت عيوني وعقلي يعيد بـ جملة يلي كالتها
سَجى : بارين شبيج
بارين  :جاي افكر شلون ممكن اقتله
سَجى : سهلة عيني
بارين : شلون
سَجى : طلقتين بـ راس و ندفنة بالحديقه
ضُحى : حبيبتي سَجى نجبي احسن
سَجى : المهم هسه شنسوي
بارين : كاتب رح يجون النه يعني
ضُحى : لا
بارين : تمام مارح نسوي شي
سَجى : يعني شنو
بارين : ننتضر الفرج
راحن دخلن جوه وانا ضليت كاعده
احمد احمد احمد شنو ممكن اسويلك حتى تبتعد عنها؟
ضعت ياربي دليني دربي
ضايعه بين اختي و ابن عمي
ضعت بين كلمات ابوي و هو يكلي
محمد : بارينه بابا فكري و امشي على الصح دائما
لو حسيتي بـ شي يلي سوينه غلط ابتعدي عنه
وهسه شلون انا ضايعة شسوي

أكول لـ امي ورح تعاتبني لان ماحجيت من البداية وانا موكد عتابها هسه
دخلت للبيت رحت اصلي و اشكي لـ ربي عن ضياعي
ثاني يوم العصر طلعت اتسوك للبيت
صادفني باهر
باهر : سلام عليكم شلونج
بارين : عليكم السلام الحمدلله وانتَ؟
باهر  :الحمدلله
بارين : منين تعرف جدو ابو حسن؟
باهر : قبل فتره تعرفنه
بارين : يلي جان وياك اخوك؟
باهر : لا عزيزي
بارين : يعني
باهر : صديقي
هزيت راسي و ردت انهي هاي السالفه
بارين : بلا زحمه مو كل مره تشوفني تجي تسلم
زحمه من العالم تشوفني شتكول اعتذر بس ما اريد هذه شي يتكرر كلام الناس هواي وانا مو كدة
باهر : صحيح كلامج اعتذر
أشرت على شارع بيتنه
بارين : بـ هذاك الشارع رابع بيت بيتنه
رفع حاجه بـ معنى ليش جاي تكليلي

بارين : في حال حبيت تزورنه
هز راسه و عفته ومشيت راجعه للبيت
توني دخلت للبيت حاطه الأغراض بـ المطبخ
اسمع الباب يندك بـ قوة
ضُحى : لحظة لحظة
فتحت ضُحى الباب و دخل عمي ابو احمد يرعد و دخان العصبية يطافر من عيونه دخل احمد ورا
صاح عمي بصوت عالي
ابو احمد :  بارين وينج
طلعت من المطبخ واكفه كدامه
بارين : شصاير عمي
ابو احمد : منو هذه يلي توة تحجين ويا
بارين : يهو عمي ويامن حاجيه
احمد : لا تستغبين
انصدمت من كلامه معقوله شايفني احجي ويه باهر
بارين : تشك بيه يا عمي وانا ربات اخوك؟
ابو احمد : چا منو هذه الشخص
بارين : سئلني على مكان و دليته
صاحت امي من وراي معصبة
زهره : ما عاش يلي يشك بـ بناتي وهن ربات ابوهن
ابو احمد : ام بارين نعتذر صار سوء فهم
راحت عيني على أحمد مبتسم
بارين : عمي يلي وصلك الحجي كله يحترم نفسه و يخاف مني احسن اله
هز راسه وطلع
طحت بالكاع ركضت امي و البنات عليه
رفعت راسي على امي و دموع بعيني
بارين : يمه يشك بيه وانا ربات ابوي يمه
زهره : ماعاش يمه ماعاش يلي يشك بيكم
بارين : يحجي وكأن شايفني ويا بوضع مشكوك
ضُحى : معليج بي يولي عساها بحضة و بختة
بارين : عوفوني بحدي شوي
زهره : بارين ماما
بارين : شوي يمه شوي نار گلبي تحركني يمه
............
في مكان آخر