دَعج الكَحلاء

part 3...

بـقـلـمـي انا الكاتبة :زهراء

Instagram :swe_7et
Telegram :swe_7et_zahraa
______________________________________

بارين :اي ضُحى سولفي الي شنو الصار؟
كلت هيج و بدت دموعها تجري بحركه كلب
ضُحى : والله انا مالي شغل والله
نصدمنه اثنينه من ردة فعلها
كضيت ايدها و حضنتها
بارين :احجيلي حته أكدر اساعدج شنو صار
بدت تحجي الي الموضوع من بدايته
ضُحى : بابا مو كلي جيبي ماي طلعت من مجلس للمطبخ اخذت كلاص الماي والتفت على سده باب المطبخ وجان احمد واكف
ضُحى : ها احمد شنو تريد؟
احمد : نصي صوتج لا يسمعون اريدج انتِ
انصدمت من جوابه شنو يريدني انا؟
احمد : اطيني رقمج ولاتخلين احد يدري تمام؟
ضُحى : خير و على شنو اطيك رقمي وليش؟
كضني من ايدي بقوه ساحبني عليه
احمد : اطيني رقمج و سكتي احسن الج لا هسه افضحج كدامهم و اكلهم جانت تتحارش بيه و تطلب رقمي
انصدمت من جرائته ورجف جسمي كله
ضُحى : ماكدر اطيك رقمي ابوي مايقبل
رفع ايده يريد يضربني و بعدين دخلتي انتِ
بارين : وغيرها سوه الج شي ثاني حجه غير شي
ضُحى : لا والله بس هذه يلي كاله
بارين : هزيت راسي خوش يصير خير
سَجى : بارين شراح سوين و قبل لا سوين اذكري عمي و ابوي شنو
التفت على كلام سَجى اباوع الها... جان بالي شي و تلاشت أفكاري من سمعت كلامها "ابوي و عمي"
ضُحى بعدها تبجي
بارين : كافي ضُحى لا تبجين كافي انا اصرف
طلعت من الغرفه و الف فكره براسي
اخذت كلاص ماي و كعدت على عتبة الباب استنشق هوا بارد و اشرب الماي و فكره تجيبني و فكره توديني
شنو اسوي ياربي شنو اسوي هذه ابن عمي و هاي اختي و عمي و ابوي شكول الهم؟
تخربطت أفكاري كلها وحتى اتخلص منها لجئت للنوم
كعدت صبح صبحت عليهم وحته اطرد الأفكار من عقلي كلت ادرس شوي اخذت كتبي و روب مالتي و رحت ادرس بره..فرشت فرشه على الخضار وكعدت ادرس عليها.. سمعت صوت الحجي ابو حسن من بره ولان جان صوتي عالي ب القرايه ف هو سامعني جاي ادرس
ابو حسن : بارينه بابا الله يوفقج
ابتسمت على كلامه
بارين : حبيبي جدو يوفق الجميع
.. ابو حسن جارنه ونعمه الجار رجال كبير السن المنطقه كلها تحبه و تحترمه وكل ما نشوفه نبوس ايده وهو يمسح على راسنه
بارين : كمت اركض البس حجابي قبل لا يوصل يم بابنه اخذت شال ماما من المطبخ و طلعت اركض للباب
فتحت الباب و شفته مر التفت عليه و ابتسملي
ابتسمت اله
بارين : شلونك جدو
ابو حسن : هلا بارينه شلونج دراستج شلونها
بارين : انا زينه الحمدلله دراستي هم زينه
ابو حسن : الله يسهلج عليج وعلى كل الطلاب يارب
بارين : ادعيلي جدو ادعيلي ماضل شي واخلص
ابو حسن : انتِ درسي و سوي العليج وانا ادعيلج
اشر على عيونه الاثنين بـ معنى بعيوني
ابتسمت اله و أشرت ع راسي بـ معنى على راسي جدو
بارين : تسلم يا غالي
ابو حسن :الله يسلمج يلا روحي كملي دراستج مع سلامه
بارين : الله وياك
دخلت للبيت راجعه لمكان دراستي بس مادرست رجعت افكر شنو اسوي وقررت انو اسكت هسه في حال انعادت نفس السالفه الله كريم
اجت ضُحى يمي كعدت
بارين : باعي ضحاوي هسه رح نبدي دوام  ف بعد ما نروح لبيت عمو و احمد مايكدر يسوي شي
وعديني اي شي يصير تجين تكليلي تمام
اذا راسلج كليلي اذا حجه وياج هم كولي الي متفقين
ضُحى : ان شاء الله تمام متفقين
هزيت راسي بـ معنى تمام
كمنه دخلنه جوه تغدينه و خلصنه تطشرنه كل واحد لمكان
بليل ماما كالت خلي نروح للأسواق نسوك و نجي و كمنه ثلاثتنه ضُحى لازم تكشخ لان تريد تصور و سَجى كالت جا انا هم رح البس بنطرون
انا مجان بالي شي البسه لبست صايه سوده و حجاب ورحنه
دخلنه للأسواق نمشي ويه ماما ويه تسوك يلي تريده
لمحت شاب ضخم واكف يم قسم من أقسام الماركت
لفت انتباهي طوله و ضخامته القيت نضره على عيونه
و ابتسمت
بارين : عيون الدَعج
باوعلي و كأنَ سمعني شنو حجيت نزلت راسي ورحت يم امي و البنات
جوري : ماما بارين انتِ طويله روحي مناك جيبي الي شامبو الاسود و الأحمر
بارين: اي تمام
رحت حته اجيبهن و صح جانن بمكان عالي ماكدرت اوصل الهن
التفت على شخص اجه وكف يمي
الشخص : شنو تردين اجيبه الج
جان نفس الشخص يلي صفنت بوجه وهمست ب عيون الدَعج
بارين : بلا زحمه عليك الشامبو الاسود و الاحمر
هز راسه و مد ايده ياخذهن اطانياهن وكال
الشخص: كحلاء العينين
استغربت من الاسم يلي كاله تشكرت من رحت
رجعنه للبيت طفرت لتلفوني ابحثن عن معناها
بارين : معنى كحلاء العينين؟
قريت المعنى وجان يقصد عيوني مكحله
ماجنت اعرف انو اكو اسم لعيوني وصحيح عيوني مكحله بدون كحل و لونهم عسلي
ماما جانت تكلي اول ما اجيتي على الدنيا عيونج من الله مكحلات واحنه حطينه الج كحل من جنتي صغيره وصارن هيج عبالك حاطه كحله وانتِ محاطه
ابتسمت وكلت
بارين : منو هذه الشخص يا ترى..؟
_______________
في مكانً اخر

تقدم اخذ العلبه مني فتحها و هو مبتسم
شاف الساعه و باوع الي حضني باس خدي
باهر : ساعه و من احلا النيات؟
ضحكت ع كلمه النيات و جان معنها بنات
آلين : تستاهل اكثر من الساعه يا صاحب عيون الدَعج
بست خده و كلت
آلين : يلا بدل و تعال ماما تنتضرك
هز راسه بـ معنى تمام
نزلت انا قبله و هو وره شوي نزل وراي
كعد ياكل و يسولف ويانه
باهر : صدك نسيت اكلكم رح ارجع اداوم هنا من صبح ل ضهر ارجع
فرحت امي و فرحنه كلنه هم لان حيل يتعب بـ نزوله للدوام
خلص اكل و صعد لغرفته شوي ونزل سابح ومتعطر
باهر : يمه انا طالع اذا تردون شي دكو عليه
جوري : لا تتأخر يمه توك جاي
باهر : لا لا ما اتأخر
كامت اسيل طلعت ورا اسمعها تكله
اسيل : عطرك يفوح حبيبي و غمزت اله
كمنه انا و لارين وراهم
لارين : اي ياحضرة الضابط عطر فواح
آلين : ملابس مرتبه وكشخه
اسيل : حذاء يلمع وساعه مُلفتة
لارين :  اطربنه و كول النه وين رايح؟
ضحك ضحكه عاليه على سوالفنه
باهر : والله ياحلوات طالع ويه جماعتي وانتن تدرن انا ما اطلع اذا مو كاشخ و متعدل
ضحكنه كلنه
اسيل :روح حبيبي روح نشاقه وياك
مشه مسافه وكال اذا تردون شي دكو عليه
وصل يم الباب و صحت عليه
آلين : ضابطنه اجباس و نساتل وياك
ابتسم اشر على عيونه بـ معنى بعيوني
وراح دخلنه احنه جوه هم
المغرب احنه كاعدين و دخل سيف
سلم وكعد يمنه شوي و دك تلفونه رد عليه
وكام مفزوع
سيف : وين انتَ وين
كامت امي
جوري : شبيك يمه
سيف : يلا جاي جاي
جوري : شبيك يمه شنو صاير
طلع يركض ما فهمنه شنو صار ومنو يلي تصل عليه
سيف :  وصلت للمكان يلي كال عليه باهر
شفته من بعيد ورحت اركض
سيف : هاا باهر بيكم شي صار بيكم شي
باهر : بسرعه سيف بسرعه الحك
سيف : وينه باهر وينه
باهر : أخذه و روح بسرعه بسرعه
سيف اخذ حمزه وراح للمستشفى
"قبل ساعتين"
باهر : طالع ويه جماعتي اتصل عليه سامر
سامر : باهر الحك حمزه متعارك الحك
كمت مفزوع
باهر : وين انتو وين
سامر : مكان........
باهر : يلا جاي جاي
كمت مفزوع اركض لـ سيارة
....................

توقعاتكم؟
تفاعلو...
يتبع...
لنا لــِقاء اخر