بـقـلـمـي انا الكاتبة : زهراء
Instagram :swe_7et
Telegram :swe_7et_zahraa
______________________________________
بارين : فزيت من اجاني اشعار على تلفوني
كمت مفزوعه ورجفه صابت كل جسمي
بارين : ناشرين النتائج يمه
زهره : اي ياالله ياالله
كامت تكعد البنات و انا بعدني صافنه مادخلت على برنامج
سَجى : يلا صلي على محمد و دخلي شوفي
بارين : بابا وين
زهره : طلع شويه و يجي يلا يلا
دخلت على رابط ادور اسمي ركضت على معدل
انصدمت وكلت
بارين : 97 معدلي
تلاشت مسامعي بـ هلهوله امي
حضنني البنات وانا بعدني مصدومه
ضُحى و سَجى : الف مبروك ياروحي تحقق حلمج
حضنتني امي و نزلت دموع الفرح
بارين : هلهلي يمه هلهلي تحقق حلم بتج
كعدنه كلنه سوه كل شوي اكوم اصيح و ارجع اكعد
بارين : نجحت مو رح يتحقق حلمي يعني
سَجى : يمه كضيها يمكن شخطت
ضُحى : لا لا ماشخطت هذه تأثير السادس توه طلع
كاعدين احنه و سمعنه صوت صياح بشارع
زهره : شكو شصاير
ميزت صوته اي والله هذه صوته
بارين : يمه هذه صوت ابو حسن
ركضت حطيت عبايه امي على راسي وطلعت
اشوف من بعيد ناس متجمعه نسوان على جهه زلم واكفين رحت امشي بـ اتجاهم التفت وراي اشوف امي و خواتي جاين هم
وصلت يمهم وانا اشوف سندي وقوتي طايح ومغطي وجه الدم و الجروح و ابو حسن كاعد يمه ويبجي
شهكت حاطه أيدي على كلبي
طحت بـ الكاع يمه اتلمس وجه و ايديه وصرخت
بارين : لا مو ابويه لا لا هذه عزوتي و دلالي
ركضو امي و البنات مصدومين يبجون
امي تمسح بـ وجهه و تبجي
انا بس صافنه
طاحت العبايه من راسي كلها دارت وجها
ابو حسن صعد العبايه على راسي وايده على كتفي
درت وجهي عليه اباوع اله وهو مغرغره الدمعه بعينه
اباوعله واهز راسي بـ لا لا
رجعت اباوع لـ ابوي يلي الحياه أخذته مني على أثر حادث؟ امسح وجه و اهمس
بارين : اجيتك محققه حلمي و اجيتني ميت؟
جا هيج تكسر جناحي وانا جنحك؟
مو انا يمينك شلون تكسر يمينك هيج؟
انداريت على ابو حسن
بارين : مات عزوتي وسند قوتي مات يا جدو مات يلي جايته فرحانه
ابو حسن : الله يرحمه يا بنتي سندي خواتج و امي
رجعت اباوع على ابوي و همست
لعد وانا منو يسندني؟ منو يطفي نار الشبت بضلعي
زهره : راح عزيزي وسند بيتي وابو بناتي راح
راح وبتي جايته فرحانه
مات ومالحك يفرح بـ جبيرته
اسمع كلام امي و تشب النار بيه من كلامها
اي راح وما فرحلي
اجت مره من يلي واكفات غطتني بالعبايه عدل
المره : ستري روحج يا بنتي خلي يروح راسه مرفوع بستر بناته هزيت راسي
بارين : يستاهل يروح مرفوع راسه بينه يستاهل ابويه يموت مرفوع الراس
اتصلو على عمامي كلهم اجو
ابو احمد : مات اخويه مات
ابو خالد : راح اخويه وما شبعت منه راحح
عمامي الباقين واكفين ويبجون و عماتي كذالك
بعدني صافنه اجاني احمد
احمد : البقيه بحياتج
هزيت راسي و دخلت جوه
امي كاعده و تبجي و خواتي هم
حضنتني سَجى
سَجى : ابجي ابجي طلعي يلي بداخلج لا تكتمين
بارين :النار شابه بضلوعي ماكدر ابجي
حضنتهن يبجن بحضني
وانا بحضن منو رح ابجي؟
توني ابجي دموع الفرح هسه دموع الحزن مو كادره ابجيهن
اخذو للنجف ورجعو تعبانين نامو بـ المجلس البره
البنات نامو من البجي
طلعت بره كاعده على عتبة الباب صافنه
زهره : مالحكتي تفرحين بنجاحج حزنتي
بارين : شبيدي مكتوبلي الحزن
زهره : مالحك يفرح بنجاحج و تفوقج يا يمه
بارين : يفرحلي بـ الجنه ان شاء الله
هزت راسها و دخلت كمت انا اصلي و ادعي اله برحمه
جف الدمع بعيني بـ الوكت يلي لازم ابجي بي
بارين :ها بابا حبيبي نجحت انا ومعدلي عالي ورح ادخل تخصص أحلامي حبيبي بابا تسمعني انتَ مو
بارين : منو يكلي انتِ يميني بعد؟ منو يسجلني بـ جامعه حته ادرس القسم الاحبه؟
منو يكول النه ياعيني بعد
صوتك بـ اذني وانت تكول
صيري سند و قوة لـ امج و خواتج
انتِ الهم من بعدني انتِ سند البيت و اهلج
صيري قوية الهم مو عليهم
خليهم تحت جناحج والأمان الهم
نزلت راسي على تربه وانا اسمع كلامه يدرو بـ عقلي
كاعده على سجاده شوي اصلي شوي اصفن
طلع الصبح وانا ماغمضت عيني دقيقه
طلع من الغرفه شفت حنين نايمه و بنات عمامي وعماتي
دخلت غرفه امي جانت جاي تصلي
بارين : يمه انا بره بـ مرجوحه اذا تردين شي صيحيلي
هزت راسها وطلعت انا حطيت شالي على راسي وطلعت
كاعده بـ المرجوحه و تلاشت الذكريات عقلي
صافنه بدون صوت و النار تحرك صدري
بارين : على منو اصبح من ادخل للبيت هسه؟
منو يتلكاني من ارجع من الدوام؟ طلعت من صفنتي من شفت خالد جاي بأتجاهي
خالد : شبيج ليش كاعده هنا بحدج
بارين : الميت ابوها يسئلوها شبيج؟
خالد : هذه حكم الله
بارين : ونعم بالله
خالد : اذا تحتاجين شي كليلي
بارين : مااحتاج شخص مثلك
خالد : ليش
شفت احمد من بعيد واكف باوعت اله
بارين : الحاط عيونه على بنات عمه المفروض مايحجي
رجعت باوعت لخالد وهو دار وجه شاف احمد
كمت راجعه للبيت وكفت يم احمد
بارين : لا تراويني وجهك انتَ وذاك الثاني احسن الكم
عفته ودخلت العصر كلها ملتهيه بـ الفاتحه
زهره : يمه روحي جيبي كارتون ماي وزاهي وتعالي بسرعه
هزيت راسي ورحت
طلعت من المحل بيدي كارتون الماي و الزاهي
التفتت على نبره صوت انسان مادري هو نور لو ضلام الحياتي
باهر : عيون الكحلاء
اجه وكف يمي مبتسم رفعت راسي عليه و اختفت ابتسامته من شاف شكلي و الحزن طاغي على وجهي
باهر : شبيج
اباوع بعينه و ساكته
باهر : اذا معدلج مو زين عادي كلشي يتعوض
بارين : هي لو على المعدل جان ميخالف بس لا
باهر : لعد على شنو مغيمه روحج
بارين : مغيمه روحي لاني فاقده روحي هسه
مات اكثر انسان جان لازم يفرح لـ نجاحي
مات الإنسان يلي بس هو يعرف شكد تعبت حته أحقق حلمي مالحكت ابشره بـ تفوقي و راح مني
لارين : مات ابويه وعاف النار شابه بضلوعي
انصدم من كلامي
باهر :الله يرحمه و يصبركم
بارين : انا صابره بس نار كلبي ماتطفى
عفته ورجعت امشي للبيت
شافني من بعيد خالد واجه يركض عليه
خالد : انطيني انا اشيل الكارتون
رفعتله حاجبي
بارين : معليك بيه خفيف الكارتون
مد ايده ياخذه
خالد : اطيني تعبتي
بارين : شايف هذه الكارتون شكد خفيف انتَ اخف منه خاف ما تدري
ولي من يمي احسلك
عفته ورحت امشي دخلت لبيت
و اشوف ضُحى طايحه بـ الكاع و سَجى يمها تبجي
.................
في مكان اخر
آلين : مابيدك شي حبيبي نام شوي و ارتاح
طلعت من يمه دموعي بعيني مقهوره عليها
ياربي صبرهم
جوري : ها يمه شبي اخوج
آلين :مابي شي يمه خلي يرتاح شوي
هزت راسها
كعدنه الصبح باهر طلع ضايج
اسيل : صباح الخير
آلين جوري :صباح النور
جوري :كعدي لارين و تعالي
راحت تكعدها
لارين : صباح النور
ضحكنه كلنه.
جوري : صباح الخير
ضحكنه كلنه كعدنه نتريك
نساعد ماما بـ الغده و تنضيف
فجأه طلع سيف من غرفته يركض
جوري : شبيك ماما شبيك
سيف : يمه باهر طايح و ماخذينه للمستشفى رايح وراهم انا
جوري : يمه ابني يمه
طلع سيف مستعجل
آلين : الدموع بعيني طاح من قهره عليها؟ هيج الحب طاغي على عقله؟ اول مره باهر يفقد توازنه علمود شخص
آلين : شكد عزيزه على گلبه لعد
اسيل كاعده و تبجي
لارين صافنه بدون ما ترمش
امي فاتحه القرآن و تدعيله
شوي و اتصل سيف
جوري : ها يمه شلونه اخوك شبي؟
سيف :ها يمه مابي شي ضغطة نازل و تعبان شوي
جوري : وهسه شلونه يمه؟
سيف : زين الحمد لله هسه جاين
جوري :يلا يلا خوش
تنفست براحه الحمدلله مابي شي
قبل ساعه...
باهر : كاعد على مكتب واحس راسي افتر بيه
دخل امير يمي
أمير : ها باهر شبيك
باهر : راسي مصدع كلش
أمير : ليش شبيك ما نايم؟
باهر : ما نمت هواي
امير :شعدك ولك تفكر بيمن هااا كلي بيمن تفكر
باهر : افكر اخونك شلون بلا
شهك أمير يباوع الي
أمير : صدك تريد تخوني يا ماتستحي امك ما عرفت تربيك
باهر : نجب نجب لا تمسلت
امير : تريد تخوني و تكلي لا تمسلت
روح زاعلتك عود راضيني و الله كريم
طلع أمير عود زعلان دخل ورا واحد من الولد
علاء : سيدي بس وقع على هذن الأوراق
باهر :اي جيبنهن
علاء : بيك شي سيدي
باهر : مابيه شي راسي شوي
علاء : اجيبلك ماي
كمت اشرب ماي
باهر : لا هسه انا اشرب
كمت اشرب ماي و فجأه فقد توازني
اسمع علاء يصيح أمير
رش على وجهي ماي فتحت عيوني راسي يأذيني
أمير : باهر كوم باهر شبيك
باهر تسمعني احجي وياي
اسمعه يتصل على سيف
أمير : سيف رح اخذ باهر للمستشفى تعال وراي
...........
توقعاتكم؟
تفاعلوو
لنا لــِقاء اخر
يتبع...
أنت تقرأ
دَعج الكَحلاء
General Fictionانا امرأه قوية من تُراثً قديم انا التي خاضت حروبها بنفسها لم أكن شديده الجمال الا ان سمار بشرتي مُميز عيون كحلاء مُلفة انا هناك في ذالك الديار جالسة أرى من بعيد صَدفتي. المحُ رجلً ذو قامة طويلة سمار مُميز مثلي؟ عيون الدَعج مُبهره للنضر _____________...
