بـقـلـمـي انا الكاتبة : زهراء
Instagram :swe_7et
Telegram :swe_7et_zahraa
______________________________________
يجي يوم و كلكم اعاتبكم
و تكونون مو كد العتاب
لـ زهَــرآء
...................
بارين : حتى يصير عدنه سبب لـ رفضك
هز واسه وطلع دخلت امي تباوع النه
زهره : صيحن ضُحى و تعالن وراي
دخلت امي للمجلس
باوعت لـ سَجى وهزيت راسي
بارين : صيحيلها وتعالي خلي تجيب تلفونها هم
دخلت للمجلس و انا ادري رح تعاتبني وانا مو كد عتابها
زهره : كعدي بارين وين خواتج
بارين : هسه يجن
دخلن البنات كعدن يمي
زهره : شصاير هاا وحده منكم تسولف
ضلينه كلنه ساكتات
زهره : انتِ جبيرتهن ماتحجين
باوعت لـ ضُحى
بارين : انطيني تلفونج
أخذته منها وراويت امي المحادثات
زهره : شنو هاي منو هذه؟
بارين : هذه احمد ابن عمي
خرطنه الها الموضوع كله من بدايته لنهايته
من اول موقف بيتهم بـ مطبخ لحد اليوم
زهره :هذه كله صاير وانا مادري
كمت من يمها واكفه
بارين : يمه لا تعاتبيني وانا مو كد عتابج يمه
ركضت الها ضُحى تبجي بحضنها
ضُحى : يمه لاتجبروني عليه والله مااريده والله
سَجى :يمه والله انحرة بأيدي وماياخذ ضُحى والله
هزت راسها امي و التفت الي نزلت دموعي.
بارين : لا تجبرينها على شي يمه
زهره : مو انا يلي اجبر بناتي على شي يمه
بست ايدها و حضنتها
سَجى : ناقصين حنان
ضحكنه كلنه دخلت ابدل وكعدت اكل
كمت اراويهم لابكوت مالتي و الباج
سَجى : لك شطالعة بـ لابكوت عيني
زهره : اللهم صل على محمد وآل محمد ماما تجننين
ضُحى : ياروحي يخبل عليج
بارين : هذه لابكوت حلمي
طلعت اقرا بـ مرجوحه اجه على بالي
صار سنه على اخر لقاء وينه ياترى؟ شنو رده فعله لو شافني بـ الوشاح الابيض وشاح حلمي وتخصصي؟
وهل هو مذكرني لـ هسه او لا؟
يوم ثاني اجه عمي
ابو احمد : ها ام بارين شنو قراركم
زهره : ابو احمد احنه ما موافقين و ضُحى تريد تكمل دراستها وان شاء الله تلكون الأحسن منه
هز راسه
ابو احمد : الله يوفقها يلا مع السلامة
زهره : الله وياك
طلع عمي و مرت فتره اجت الامتحانات
بدينه امتحانات و تعب و ضغط ضُحى و سَجى طلعو إعفاء من الخامس وانا بديت فاينل مرحله اولى
كاعدين انا و جنات نراجع سوه قبل لا ندخل الامتحان
اجت لُجين كعدت يمنه بدون استئذان
لُجين : حبيبتي بارين مو تزعلين اذا جبت أعلى منج
بارين : هلا بيج حبيبتي انا زينه انتِ شلونج
ضحكت جنات بصوت عالي
جنات : متت بارين متت صدك ضحكتيني
ضحكت على ضحكتها
زمخت بيها لُجين
لُجين : شبيج خبله انتِ؟
جنات :اي خبله طالعه عليج حبيبتي
لُجين : شقصدج يعني
أنت تقرأ
دَعج الكَحلاء
General Fictionانا امرأه قوية من تُراثً قديم انا التي خاضت حروبها بنفسها لم أكن شديده الجمال الا ان سمار بشرتي مُميز عيون كحلاء مُلفة انا هناك في ذالك الديار جالسة أرى من بعيد صَدفتي. المحُ رجلً ذو قامة طويلة سمار مُميز مثلي؟ عيون الدَعج مُبهره للنضر _____________...
