دَعج الكَحلاء

part 20..

بـقـلـمـي انا الكاتبة :زهراء
Instagram :swe_7et
Telegram :swe_7et_zahraa
______________________________________

وانا اباوع صحت مصدومه
بارين : شجاي تسوي؟

فاتحه عيوني على المنظر يلي كدامي وانا اشوف
احمد طابك ضُحى على حايط و خانكها بـ ايديه
بارين : نزل ايدك و خلي نتفاهم نزلها

احمد : شجابج هسه
بارين : ليش تريد تكتلها خلاص؟
التفت يباوع على وجه ضُحى

احمد : اختج سبب كلشي جاي يصير
تقدمت كم خطوه عليهم زاد قوه ايده على ركبتها و صرخ
احمد : ابقي بـ مكانج ابقي

وكفت اباوعله
بارين : والله تندم والله عوفها احسن
احمد : اختج بين ايديه و تهددين؟
رجع يباوع على ضُحى

احمد : شوفيها هيَ السبب
ركضت دفرته برجلي طاح بالكاع
طاحت ضُحى بالكاع ايدها على ركبتها تسحب نفس بسرعه

بارين : شعدك جاي شتريد
يباوعلي مبتسم  كام اجه بتجاهي ضربني على راسي بكف ايده
سحبني من ايدي بقوة ضاغط عليها ب اضافرة مطلعني بالحديقه

دفعني مطيحني بالكاع لازمه أيدي من قوة سحبتة
دنك عليه يباوع بعيوني
احمد : أكدر اخنكج مثل ما خنكتها بس الجايات هواي

عافني وراح يمشي يريد يطلع من البيت
صحت ورا وكف يباوع الي
بارين: وعد مني الك يجي يوم و اكسر ايدك يلي مديتها عليه و على اختي

ابتسم ابتسامه مُستفزه لدرجه تقززت من شكله
عافني وراح
دخلت اركض على ضُحى
بارين : ضُحى ضُحى باوعيلي

جبت ماي و غسلت وجها ضلت تاخذ نفس سريع لحد ما صحت شوي
نزلت عيني على ركبتها وانا اشوف اصابعه مغروسه بركبتها غمضت عيوني مانعتهن يبجن

ضُحى : بارين ابقي يمي
بارين : يمج انا يمج كومي
كومتها شربتها ماي وغسلت وجها

دخلو امي و سَجى امي شافت ضُحى طايحه بحضني
شهكت مصدومه
زهره : شبيكم
طفرت ضُحى على امي حاضنتها وتبجي
زهره : اسم الله يمه اسم الله
امي تباوع الي تريدني احجي

شهكت سَجى تباوعلي تأشر على ايدي
سَجى : بارين ايدج كلها دم
باوعت لـ أيدي قميصي بي قطرات دم
بارين : مابيه شي

أشرت لـ امي و سَجى يسكتون
كضيت ضُحى من ايدها
بارين : تعالي ضُحى نامي وارتاحي شوي
اخذتها للغرفه نامت بدلت ملابسي و طلعت

بارين : سَجى جيبي لاصقات لـ أيدي
كامت تجيبهن كعدت يم امي
زهره : سولفيلي يمه لا تعلين گلبي
نزلت دموعي
بارين : ماكدرت احميها يمه ماكدرت

سولفت الها السالفه كلها
كعدت سَجى يمي رفعت ردان التيشيرت تعقم المكان
بارين : يمه والله ماكدرت والله
نزلت دموع امي على حال بناتها
زهره : مو ذنبج يمه مو ذنبج