بالكوة وصلت للشارع..لكيت ابو عمار مفتح..هو شافني اصيح..اجه يركض:
شبيج..شبيج بابا غسق..وشنو هذا الدم البهدومج
عمو..عمو..حرامي ضرب بابا وباك القاصة..عمو بابا ميتحرك..تعال شوفه شبيه..ماما ماهيه يمكن راحت للشرطة..
واجه عمو ابو عمار يركض..ودخل للبيت شاف..بابا..:
اطلعي برة ...بنتي لتباعين..اطلعي برة..ابوج مكتول!!
مكتول..مكتول شنو هسه...هسه يكعد..عمو كعدة..كعدة..هو مبيه شي..
جان يدفعني ويسد الباب:
عمو ليش اسد الباب..عمو خلي نشيلة للمستشفى..
جان يخابر..الشرطة:
الوووو..عمي..جاري مكتول ابيته..اي..هذا العنوان..اي...اي..متأكد..مكتول..الرجال..ميت..
هذا..شيحجي..يكول ميت..وفقدت كمت اصرخ..
مو ميت..لتكول على بابا ميت..اكولك مو ميت..وبعد مدريت بالدنيا..كعدت بالمستشفى..الشرطة واكفين....
والدكتورة يم راسي والطواريء مليانه ناس كولهم ملتمين عليه...بس اني بس اباوع ما اكدر احجي احس نفسي بكابوس..جان يدخل..واحد ﻻبس مﻻبس شرطة وكال:
دكتورة نطلعها من الطوارئ..ﻻزم ناخذ اقوالها..
وطلعوني اني بس اباوع للناس..عبالك بغير دنيا بس دموعي تجري..اخذوني لغير غرفة..وكعد يمي..واحد..هم ﻻبس مﻻبس شرطة وعلى جتفه نجمات حاجاني:
اختي..ﻻزم تحجيلنا شصار واشفتي..وشلون بدت المشاجرة بين امج وابوج ومواصفات عشيقها..ومنو القام بالقتل.امج لو عشيقها:
اني مفهمت شي..
اختي ارتاحي..هسه بعد ساعة ارجع اخذ اقوالج..
وطلع هذا شيحجي..شنو امج شنو عشيقها شنو قام بالقتل..ومنو عشيقها شنو الي ديصير..ردت اطلع من الغرفة مخلوني..جنت مصدومة بس اعيط..وره نص ساعة اجه نفس الظابط..حاجاني:
اختي..انتي ﻻزم تساعدينا حتى نقبض ع الجاني بوقت قصير:
اني ما اعرف انت شدتحجي..هي ماما..وين؟
امج شاردة ويه عشيقها..لكينا موبايلها..وطلعنا كل الرسائل ﻻن الظاهر بسبب اﻻستعجال واكع منها..ومن خﻻل الموبايل عرفنا..اﻻتفاق المسبق بينها وبين عشيقها..وسبق الترصد بقتل والدج..هسه ﻻزم تحجيلنه الشفتي بالضبط..كمت اصرخ:
شنو ماما قتلت بابا ومنو عشيقها..انت ضابط لو مخبل..
اختي..مقدر الحالة الى انتي بيها..بس ﻻزم تساعدينا بالي تعرفيه..
مشفت شي..اسكت..اسكت لتكول ماما قتلت بابا وماما معدها عشيق..شنو عشيق؟؟
ﻻ عدها وطلع صور محادثات:
هذا مو موبايل امج..هذه مو صورتج الى بمقدمة الشاشة..
اي هذا موبايل ماما..وهذه صورتي..!!
فتج الرسائل:
تفضلي اقري..
وكمت اقرة ودموعي تجري ممصدكة الي دا اقراه..كتله:
ﻻ..ﻻ..اخاف متوهمين:
اختي لا متوهمين وﻻ شي..امج..تعاونت ويه عشيقها وقتلت والدج..وقامت بسرقة كل..اﻻوراق النقدية..والمصوغات..حسب الرسائل امج ذكرت لعشيقها اكو بالقاصة اكثر من 100 مليون واكثر من كيلو ذهب..
ومعرفت شأجاوب ممصدكة الي دا اسمعه معقولة ماما قتلت بابا..زين واني مفكرت بيه وين اروح..وليش قتلته..ومنو عشيقها جنت صافنه احجي ويه نفسي..ودموعي تجري
اختي..تعاوني ويانه اي معلومة زغيرة تفيدنا وتخلينا نقبض عليهم خﻻل وقت قصير..الخطوط المتستخدمها عشيقها بدون مستمسكات ومغلقة حاليا..لهذا منكدر نحدد..مكانهم لو هويه عشيها اذا تعرفين اي..معلومة..
