هم دخل لغرفة..هو والبنية الجبيرة الثالثة الظاهر هيه مرته..ومرت عمي جابتلي ماعون بيه مركة ويمة خبزة..بس اني مكدرت اكل..ما الي نفس... اكل شي..رغم..مماكلة شي من الصبح شفتها فتحت الثﻻجة وطلعت جدرية صبتلي منها بدون متحميها..وشمرتها كدامي..دموعي يجرن..اني الي..اكعد الصبح اكل اشكال والوان..وثﻻجتنا..تغص باﻻكل..ينطوني اكل بماعون مثل الحيوان..ميهمني اﻻكل..اريد اشوف بابا..اريد ارجع للبيت بلكي الكاه هناك..ابنهم صعد فوك بيده موبايلة وعمي ومرته فاتو للغرفة البصفي بقيت اني كاعدة بمكاني متحركت..
يزن::
فتحت موبايلي..لكيت..اشواق متصلة 18 اتصال ودازتلي كومة رسائل..اشواق حبيبتي..تعرفت عليها قبل سنتين..هي مطلقة بدون اطفال..او معرفتي..بيها ع اساس هيج صداقة كم يوم واعوفها بس..من تعرفت عليها..بمرور اﻻيام...تعلقت بيها وهي هم حبتني وتعلقت بيه..وكمنا نلتقي كل يومين 3..اخذها بالتكسي..ونبقى نفتر..لو نروح بمكان مبيه ناس..وهناك..نتباوس..ونتحاضن..ونخلص وكت حلو.!!
واطورت عﻻقتنا اكثر..وصارت اشواق كل حياتي عايشة بكلبي ..وبروحي..ومتمر ساعة اذا منتراسل..واثناء لقاءاتنا..كمت اطلب منها نلتقي بشقة..او بفندق..حتى اني ارتاح وهيه هم ترتاح باعتبارها مطلقة والعﻻقة تكون سهلة وطبيعية..بس هي جانت ترفض دائما..وتكول اني شريفة واهم شي اخﻻقي وسمعتي..حبيتها اكثر وتعلقت بيها اكثر واكثر من شفتها فعﻻ شريفة..وحبابة...ومعدها عﻻقات غيري..وصارت نيتي اتزوجها بس..تتحسن ظروفي واكدر الم فلوس للزواج صح اشتغل تكسي بس شغلي مو هالكد واكثر فلوسي تضيع بين مﻻبسي وطلبات امي واخواتي والجزء اﻻكثر هدايا لحبيبتي كل ما التقي بيها ﻻزم جايبلها هدية تفرحها..ﻻن هي فرحتي من التقي بيها انسى الدنيا..واحس نفسي بعالم ثاني..المهم فتحت الموبايل اشوف اتصاﻻتها واقره رسائلها واضحك..خطية قلقت عليه من الصبح ممراسلها وﻻ متصل بيها اتصلت مجاوبت ادري مخليه موبايلها صامت..وره عشر دقايق تقريبا اتصلت شلته::
هلو حبيبتي!
هلو حبي ضل بالي اشو بعد متصلت..من خابرتني الضهر لحد اﻻن ضل بالي عليك يعمري..
اي مو كتلج رايحين للمركز ياخذون اقوالنا..وتأخرنا..هناك..ومن رجعنا شسولفلج الناس اكلت وجوهنا بالمنطقة..وجمالة سلمونا بت..عمي..وجبناها للبيت ..
سلموكم بت عمك..ليش عمك ..عنده بنية..زين ليش منهزمت ويه امها..شلون خلت..بتها..وانهزمت؟
لج هاي ساقطة..تعرف بتها..تعرف شي..كتلت..وباكت وانهزمت هي الي تكتل رجلها الستر عليها ع مود صاحبها..تعرف..بتها..بعد؟
اي والله صدوك..وشكد عمرها...خطية اكيد بعدها طفلة؟؟
هههه..ياطفلة بنيه شابة..مرحلة اخيرة كلية؟؟
هاي شنو معقولة..ليش بقت...شعجب منهزمت؟
حسب حجيها...تكول للشرطة كعدت من النوم لكيت ابوية مكتول وامي ماكووالله يعلم تحجي صدوك جذب!!
هاااهيجي الحجي..الله عليك يزن شلون شكلها..حلوة لو محلوة..سمعت من الناس امها ملكة جمال..تخبل!
والله مركزت بوجهها هي بس مغطيه..وجهها باديها ..ﻻن ابويه يكفخ بيها الطريق كله هي بس تبجي..بس اسمع ابويه يكول نسخة من امها..
هاااا..هو ابوك يكول نسخة من امها ﻻزم البنية..تخبل..
هسه احنا شعلينا تخبل متخبل..انتي ليش خابصة نفسج؟
ها شلون ما اخبص نفسي..يزن..مو ع ابو بت عمك..وتضل..تجر ناعم وياها..
ههههه..والله عقلج..تنك...شنو اجر ناعم وياها..اصﻻ امي شافت دم سنونها من شافتها..وابويه كل شوية يتهدد..يريد..بضربها ويبرد..كلبة بعدين واذا حلوة اني متحله بعيني غيرج....حبيبتي..ومو تالي شبابي اخلي عيني على وحده امها ارتست بالمﻻهي..صدوك انتي تحجين..تدرين ابويه يسميها نغله..ويكول احتمال هي....... بت زنا ومو بت اخو..
يااااااا...مو بت اخو شلون؟
اي اذا امها ساقطة....شنلزم منها رقم تاريخ..يجوز..مو بت عمي..ومخلفتها من غيرة كولشي نتوقع..
هااا
وجعا..مكلتيلي..باجر نتشاوف؟
ﻻ..ﻻ..ما اكدر مرت خالي مسويه عمليه وعدنا بالبيت اسبوع وتروح لبيتها...خطيه محد..يداريها فخالي جابها عدنه..
شنو...شنو..اسبوع ما اشوفج؟؟
اي شسوي ياعمري..قابل نطردها؟؟
اهوووهاي..السالفة العوجة..
يله راح اسده هسه باجر نتخابر حبي..
ماشي..
وسدته..نزلت من السطح..كولهم نايمين..بس من مشيت بالصالة انتبهت ع البنيه نايمة وهي كاعدة ومخليه راسها ع الحايط..مكرفصة..يمكن بردانه اي....... الكاشي بارد.ﻻن مكيف الصالة معلوك.وهي نايمة ومكرفصة كسرت خاطري..ادنيت اباوع بوجها..جفونها كبار ومغمضات وجهها..مدور..اويلي صدوك حلوة..مو بس حلوة تخبل..يعني هيج شكل امها..بقيت اباوع لوجهها..عبالك وجه طفلة..شعرها اسود حيل وناعم وجفوف اديها ورجليها زغار..مدبدبات..وناعمات شحم..وافكر اي هنه الكيوليات حلوات لعد ليش يسموهن كيوليات..حرامات..هيج جمال..شايلته وحدة مثلها..ردت اكعدهاخليت ايدي ع متنها:
كومي..كومي نامي ع القنقة
هي فزت باوعتلي ياااااابه عيونها لونهن جوزي فاتح..وكبار..يذبحن ذبح:
هاااا...شتريد..شتريد..مني..
يتبع....
