الله يخليك لتضربوني بعد..اني كولشي ما اعرف عن ماما..
كتلج كومي نامي ع القنفة
هاااااﻻ...ﻻ..خليني هنا..
انتي ليش تعاندين..كتلج كومي نامي هناك ..
مقبلت تكوم زمخت بيها:
كومي..لج لتشلعين كلبي....
جريتها من ايدها وكمت بسرعة اجت بيدي..ايدها ناعمة..بايدي..ومن سحبتها جانت خفيفة مثل الريشة..هديت ايدها..مشت كدامي راحت كعدت ع القنقة..رحت جبت مخدة وبطانية شمرتهن عليها..ودخلت لغرفتي..سديت الباب..بس ضايج ما احب اعامل احد..هيج معاملة بس من تصرفات اهلي وابوية وياها احسها تستاهل..وبنفس الوقت اكول خطية هسه ليش ابويه يضربها..مهما يكون هيه بنيه وشكلها كولش برئ..ومتتحمل ضربة ومن جتي لحد اﻻن هي ساكته وضامه وجهها..وبس تبجي بصوت ناصي..زين وين راح تروح من تخلص فاتحة عمي..شنو راح يصير بقضيته..راح تبقه عدنا لو ترجع لبيتهم..هي معدها ﻻخوال وﻻ اهل غيرنا..بس ﻻ امي متبقيها عدنا...تخاف ع اخواتي ومتريد الناس تكول علينا ملفين بت الكيوليه ابيتنا..شلون راح تصفه والله ما ادري..
غسق::
بعد..مستلم عمي بابا ..سواله فاتحة.... ابيته..جانت النسوان تجي تعزي مرت خالي وبنات خالي واسمعهن يتبسبسن ويباوعن عليه وقسم منهن اجن عزني رغم ما اعرفهن..جانت ايام الفاتحة اصعب من الموت..عندي..اتذكر وجه بابا ..مﻻمحة الطيبة الحنينة كل كﻻمة الجان يكوله كلشي يمر ابالي مثل شريط الفديو...ممصدكة بعد ما اشوف بابا ممصدكة هو عافني وحدي بهالدنيا..ممصدكة الي سوته ماما..ممصدكة وضعي الي اني بي ...وشلون راح تصفه بيه الدنيا من بعد بابا..وشضامتلي الدنيا..وشلون راح اعيش وحدي..وبيت عمي شنو موقفهم ويايه بعد الفاتحة..وهمة..يباعون عليه بعين الغضب والحقد والكره عباللك اني الي قتلت بابا..عمي بس يخازر بيه ويتهددلي وكل شويه ولده يلزمون ايده..ومرت عمي كل ما تطلع النسوان تضل تعير بيه بامي وتتفل عليه..شلون ياربي..اريد اطلع من بيتهم اريد ارجع لبيتنا..بعد ما اتحمل..واخر يوم بالفاتحة قررت اعوف الفاتحة وارجع لبيتا..خليتهم ملتهين وطلعت..ورحت امشي بالشارع مشيت مسافة......
تقريبا عشر دقايق..وما اشوف اله عمي وابنه الي..يسوق جايين ورايه..شفته نازل يركض اني هم ركضت كلت راح يضربني بس هو لحك بيه وكفني ولزم شعري وضربني عل وجهي هيج لخني لخ على حلكي:
وين رايحة بت الساقطة..تردين تنهزمين مثل امج؟
عمو..فدوة رجعوني لبيتنا؟
ارجعج لبيتكم اليوم وين ترحين مني تردين تشردين..ياساقطة يابت الساقطة..
وبقه يضرب بيه ع راسي كدام الناس..نزل ابنه اسمه يزن..لزمة:
يابه عوفها..والله الناس التمت علينه خلي ناخذها للبيت انفضحنا..كدام الناس ..واخذ ابو..صعده بالصدر..واني فتحلي الباب الورة وصعدني..ومشه بالسيارة..
يتبع .....
