يزن::
وصارت اشواق تجيني للبيت بين يوم ويوم..وصار البيت جنة..شلون مو جنة واني احس نفسي عريس جديد..خصوصا..بعد متطورت عﻻقتنا وصارت حقيقية مثل عﻻقة اي زوج وزوجة..احبها والكة سعادتي وراحتي يمها..واحس هيه شكد تحبني وصابرة ع وضعي..وتتحمل كل حجي اهلها..من تخاطر وتجيني وتتاخر عنهم..اكيد..كل هذا حاطة ابالي وحاسبلة حسابوتقريبا عﻻقتي باهلي مو هالكد يعني مرات ابويه يجي للبيت لو امي تخابرني..لو البنات يمرن عليه عصريات..لو اشوف اسعد بالسوك..بس اني ابدا موصلت لبيت عمي..طول هالفترة..
غسق::ساعة 11 بالليل صعدت لغرفتي اريد انام حيل تعبانة ﻻن مرت عمي خلتني اغسل كل البردات..ووتلبيسات المخاديد..هلكت من التعب صعدت دخلت الغرفتي..واول مدخلت حسيت احد وراية وقبل.... مالتفت..شبكني من وره وسد حلكي وكلي:
اني اسعد لتصرخين..بعدين وخر ايده عن حلكي التفتت:
اسعد شتريد..وشتسوي بغرفتي..
جان يجرني من ايدي..وكلي:
تعالي ادني عن الباب ليسمعنا احد؟؟
يسمعنا احد..ليش شكو؟؟
ماكو شي..غسق..انتي حيل عاجبتني..ترة اني مرتي ما احبها..امي جبرتني اتزوجها..ﻻن بنت..اخوها؟؟
واني شعليه بهالحجي..
شلون شعليج..كتلج انتي عاجبتني..
اسعد اطلع من غرفتي لتخليني اصرخ والكل يسمعني..
اشوهذا ادنه يمي وشبكني حيل واني ادفع بيه :
اسعد وخر عني شيل ايدك عني..وخر عني صرخت بس هو حيل شابكني..وفجأة انفتحت الباب ودخلت مرته هي شافتنه هو رأسا عافني..وكلها:
بثينه ليروح بالج بعيد ترة هيه صاحتني ..كالت عندي.... شغلة وياك واني ع نيتي دخلت الغرفتها هي ذبت نفسها عليه وسوت نفسها تصرخ..
مرته كامت ترجف..
اني ..اني شفتك حاضنها..شنو ذبت نفسها عليك..
والله هي سوت هذا الفلم..اني معندي شي..اجيت على نيتي..
جان تنزع نعالها وتجي يمي تضرب بيه:.
والله جذب..هو يجذب..لكيته بغرفتي الله يشهد على كﻻمي..اني جنت ادفع بيه
جان اجه يمي ضربني..راشدي..
امشي لج ساقطة...مو انتي صحتيني كلتلي اريد احجي وياك وذبيتي نفسج عليه..
ابد والله انت جذاب..مو حرام عليك..تتهمني..
وبهالاثناء صعدو عمي ومرت عمي..اسمع مرت عمي تكول:
خير..اسم الله شصاير شعدكم هنا وشنو هالصايح؟؟
عمة جيت لكيتهم متحاضنين هو يكول هي صاحتني وهي تكول جذب..
جان تدنه يمها:
على بختج عمه تجذبين رجلج وتصدكين هاي بت ام المﻻهي..
عمه..اني رايحة ﻻهلي ما اضل دقيقة هنا..لو اني لوهيه بالبيت..
جان ..تجي مرت عمي تريد تضربني..عمي لزم ايدها:
خيريه..اني احل الموضوع معليج انتي!
معليه شلون متشوف..بثينه تريد تمشي لاهلها....وهي مسويه ربط..ساعة الساعة يوكع الطفل واحنا مصدكنا تحبل
كتلج اني احل الموضوع..معليج انتي يله كولمن يفوت الغرفته وانتي بثينه عمي استهدي بالرحمن وباجر الصبح الترديه يجرالج؟؟
اني دخلت لغرفتي دموعي تجري..احلفلهم ومحد يصدك بيه..عبالهم اجذب..احس نفسي اريد اموت ﻻن الظلم صعب..شلت راسي ادعي ارب العالمين واكوله:
ربي انت شاهد ع الي صار واريدك تاخذلي حقي من اسعد ومن مرته..
