يزن:::
ترفس جوايه وادفع بيه ودموعها يجرن..صوتها بأذني مخنوك:
يزن...اذبحني..اخنكني موتني..وﻻ تصخم وجهي..يزن حرام عليك..عوفني..عوفني
بس مسمعتها..اريد اثبتلها حجيها كوله جذب..لزمت اديها خليتهن وره ظهرها..وهي تتحرك يمنة ويسره حتى ما اوصللها لزمت اديها بايد وحدة وردت ارفع مﻻبسها..رأسا عضتني حيل بركبتي حسيت شلعت وصله من ركبتي من اﻻلم هديتها هي بسرعة انهزمت من جوايه وقبل متنزل بعدها بنص السطح لحكت..بيها لزمت ايدها وراها الحايط....نفضت ايدها من ايدي وفلتتها..وركضت الحايط مو كولش عالي صعدت..هاي شبيها تخبلت وين صاعدة ركضت لزمت رجلها..قبل لتجيت..كتلها:
وين صاعدة شنوهاﻻفﻻم..؟؟
يزن هدني ..اشمر نفسي منا..وﻻ اخسر شرفي..
ع اساس انت ماخاسرته كبل نزلي بابا وبطلي هالافﻻم..الهندية ..
بس منزلت بقت كاعدة ع الطرف مال الحايط..بس اني حيل لزمت رجلها
يزن هد رجلي..
مديت ايدي لكفت ايدها ونزلتها..
كتلج بطلي هالسوالف شنو اني جاهل وتقشمريني شريفة...ما شريفة..
وحصرتها بيني وبين الحايط عيوني بعيونها..وشفت عيونها شلون يجرن دمع..وسمعتها تكول:
اي يزن اني شريفة والله شريفة..
اهو ..يمعودة مو...
اسكت..اسكت يزن واسمعني..مرة وحدة اريد احد يسمعني..للنهايه..
يالله احجي كولي شعندج
يزن..صح امي..كيوليه وعار..وبت مﻻهي بس اني مو مثلها الله شاهد مومثلها..محد..ﻻمسني وﻻ اقبل احد.... احد..يمد ايده عليه بالحرام..ﻻن اني ماخذه عهد لنفسي كدام رب العالمين اثبت للناس مو كل بنت شرط تطلع مثل...امها..اعرف انتو تكرهوني..واعرف كلوبكم من ناحيتي سوده واعرف محد يصدك بيه..وﻻ احد يريد يسمعني..واعرف الي سوته امي فد شي جبير..وعظيم..ﻻن ماكو زوجة تلكة مثل..بابا..ستر عليها..وطلعها من...المﻻهي وسواها مرة ام بيت ودللها..وخﻻها تلعب بالفلوس والذهب وبالنهاية تقتلة هي وعشيقها وتنهزم ومفكرت ابنتها..وﻻ راح شراح يصير بيها من ورة عملتها..السودة..وكل الي ديصير بيه بسببها وبسبب عارها الي شايلته على ظهري..وساكته ﻻن ما الي عين احجي..وماالي عين حتى ادافع عن نفسي..بس صدكني اني مو مثلها..
شفتها اختنكت وعيونها الحلوات يجرن دمع ودموعها يوكعن من حنجها..على مﻻبسها..اخذت نفس ورجعت تحجي..
يزن كل الي صار بيه من يوم وفاة بابا لحد اﻻن..مواقف انتو ظالميني بيها وفاهميني غلط..ابوك.... وامك ظلمتني واسعد ومرته ظلموني وصبا هم وحتى رشا الي متحجي ومتتدخل هم نظراتها الي كولها كره وحقد..وهسه انت دتظلمني اكثر منهم..
شنو ظالميج
يعني اجرجرين اسعد..لغرفتج..هاي ظالميج بيها..لو الي شفته منج من طلعتي من المكتبة وجهج ينطي الوان وترجفين..لو صبا الي لزمتج لزم يد ويه صاحبج..
يزن كل هذا ظلم وجذب اذا على اسعد..اني صعد لغرفتي ولكيته بيها اجه..حضني..ويتوسل بيه يكولي انتي عاجبنتي واني ما احب مرتي امي جبرتني اتزوجها ﻻن..بت اخوها وحاول يعتدي عليه صرخت دخلت مرته كلب الحجي..وكلها هيه صاحتني..واذا ع الولد ابو المكتبة بس دخلت اجه ورايه وضل يحجي حجي محلو..ولزم ايدي وخﻻني ارجف وخله بيدي ورقة يمكن بيها رقم تليفونه اني شمرتها هيه والدفاتر وانهزمت..وانت جيت خفت ..لتتضاربون وتصير مشكلة كتلك ماكو شي..وتحملت كﻻمك كوله.. واذا على.... شغلة صبا اني هم مظلومة بيها بس ما اكدر اكولك شلون..
ها..من وصلنا للصدوك متكدرين تكولين مو..
ﻻ مو هيجي الحجي..بس ما اكدر اكول شصار..
ﻻ كولي مو انتي تردين تثبتين كﻻمج..كولي كل الي صار..
مو اخاف تأذي صبا..
