يزن:::
شفت ابويه اجه يركض:
ابني يزن هاي الساقطة انهزمت؟
انهزمت..
اي ..قبل ربع ساعة شافها علي جيرانه طالعة من البيت..امشي..خلي ندور عليها؟
اي يابه اصعد ..اصعد.
صعدنا سيارتي ورحنا نفتر بس ابويه بسرعة شافها تمشي ع السريع وكفت نزل ابويه ركض بسرعة لزمهت وبقه يلخلخ بيها ع حلكها ويغلط..رحت ركض خلصتها من ايده..ﻻن الناس بسرعة التمت تتفرج..صعدنا للسيارة ابويه يفور..اعصابه صايرة جهنم..
وصلنا بسرعةللبيت دخلناها ابويه صاح:
خيرية ..اخذيها فقلي عليها الحمام..الى ان تفض العالم وتخلص الفاتحة واني اعلمها...
اخذتها امي سحل للحمام..ﻻن متقبل تمشي..
واحنا رجعنا يم الزلم للفاتحة صار الليل والعالم فضت..اجه ابويه فتح باب الحمام..واخذ الصوندة..مال المي ضربها ضربيتن كامت تعيط بس هي صوتها ناصي..صدوك كسرت خاطري..يربي بنيه زغيرة مو مال ضرب اجيت اخذ الصوندة من ايدة اسعد دفعني:
عوفه..عوفة يزن لتدخل خلي يربيها ﻻن الظاهر الكيولية ممبربيتها تريد تنهزم وتفضحنا اكثر ما احنا مفضوحين..
دفعت اسعد..واخذت الصوندة من ابويه:
شبيكم صدوك تحجون..يعني هي شنو قابل حديد وتضربوها بصونده..بلله ماتت بأديكم شتكولون للناس..؟؟
ابويه زمخ بيه:
انكلهم جلبة وماتت؟؟
يابة...احنا بينا حيل للطﻻيب بعد عوفوها بحالها..شنو هالطفلة وملتمين عليها..بالصوندة..يعني هيه هاي مرجلة لو سباعية..وبعدين واذا ضربناها شنو عمي....... راح يرجع ابدا ﻻيرجع وﻻشي..بس راح انصير بخطيتها اذا ماتت..
وانت شكو حامي حمامك عليها!!
يابة ﻻحمامي وﻻ مطبخي..بس اني احجي الحق ترة الله ميرضة رجال شكبرك..كدرتك على بنيه ترة ميصير هيج..تريد تخلص منها سلمها للشرطة ليش قبلت تستلمها..
ابويه عافها ودخل جوةوكال ﻻمي:
حبسيها لتخليها توصل باب البيت..
امي كالت:
واني شنو ماعندي شغل وعمل..اضل اراقب الخاتون اخاف لتنهزم؟؟
خيرية ترة روحي طافرة..ما الي خلك كتلج عينج عليها
امرنا لله..
ورة 3 ايام دزو علينا الشرطة يحققون مرة ثانيه رحت اني واسعد وابويه وهي ويانه ابويه ﻻزمها بايدة..دخلنا..هم رجعو يحققون ويانه وسألونه وهي هم دخلوها وطلعوها ورة ساعة بقه ابويه اخر واحد..
دخل ابوية ورة شويه طلع:
بابا يزن اخذهم وروح للبيت..اني اتأخر يم الضابط..
رجعنا للبيت..صار الضهر وكت الغدة رجع ابويه وبيده اوراق..الظاهر الشرطة مسلميه اﻻوراق الي لكوهن ابيت عمي..بس ابويه وجهه متغير عرفت..اكوشي..من كل..ﻻمي:
خيرية اني والولد رايحين للاستقبال تعالي ورانه بعد شويه..
رحنا كعدنا باﻻستقبال..جان اسعد يكول:
خير يابة اشو وجهك..متغير اكو شي جديد بقضية عمي:
ﻻ..ابني..مو شي جديد بس هذا عمك..مدري شمسوياتلة ذني الساقطات..يابة عمك عنده ماليه حمرة..
هااااه..خير انشالله؟
ﻻ خير وﻻشي ..احنا كولشي مراح نحصل من فلوسه؟
امي كالت:
