منزل عائله آيلا ➥"
-دخل آسر الى المنزل وهو متعب من الدراسه ولكن عندما وجد آيلا بالمنزل هم بالجري نحوها ثم احتضنها
آيلا: وحشتني موت.. عامل اي في تالته ثانوي بقى؟
آسر: انتِ اكتر.. مبلاش السيره دي دلوقت
آيلا:لي بس دا انت لسه في اولها
آسر: لسه في اولها ومطحون
آيلا: متخفش انت اعمل اللي عليك بس
آسر: حاضر
آيلا: يلا تعالا نقعد معاهم جوا قبل ما امشي
آسر: هتمشي النهارده؟ انا لسه ملحقتش اقعد معاكي
آيلا: معلش لازم امشي النهارده عشان الشغل
آسر: هو الشغل اهم مننا؟ خلاص براحتك
آيلا: متزعلش مني دا غصب عني
-ذهبوا الى غرفه المعيشه حيث كان يجلس الجميع هناك سعداء بوجود آيلا معهم..
نورا: اي يا آيلا مش هتخليني اشوفلك عريس؟
آيلا: عريس اي دلوقت يا ماما
نورا: انتِ خلاص كبرتي وعايزه افرح بيكي قبل ما يحصلي حاجه
آيلا: بعد الشر عليكي ينونو
نورا: في ولد فالجامعه متقدم لاختك وانتِ الكبيره لازم تتجوزي الاول
آيلا: يعني جواز اختي واقف عليا؟ اما الاقي فارس احلامي هتجوز
نورا: دا هتلاقيه فالاحلام دا
آيلا: ولي في الاحلام؟ ما انتِ لقيتي بابا اهو "سرحت آيلا ثم اكملت": عايزاه زي بابا كده يهتم بيا ويحبني واحبه ويكون حنين كده
لميس: يا ترا لقيتيه؟
آيلا: لسه.. او يمكن لقيته
لميس: مين؟؟
آيلا: لا ملقتش يبنتي لسه اصل مش هلاقي احسن من بابا
-ظلوا يتحدثوا عن امور الزواج عندما اصبحت الساعه الحاديه عشر مساء..
آيلا: يخبر انا اتأخرت لازم امشي
رأفت: تمشي اي دلوقت يا بنتي انتِ مش شايفه الساعه؟
آيلا: مش مهم الساعه اتأخرت
نورا: اقعدي النهارده بس وامشي الصبح
آسر: ايوا ياريت وتمشي بدري زي ما انتِ عايزه
لميس: واكيد مش هتبدأي شغل دلوقت يعني
ظلت آيلا تفكر حتى قالت: خلاص موافقه
آسر: أخيرًا
آيلا: وانت مش هتذاكر؟
آسر: اذاكر ايه؟ خلي اليوم دا اجازه عشان اقعد معاكي
آيلا: اشطا بس اوعى تضيع يوم بعد كده
أنت تقرأ
لحن أسقطني
Romanceهو اشهر طبيب جراح وهي اشهر سيده اعمال يقع في حبها من خلال صوتها الجميل فهل ستكمل قصتهم ام لا؟