"بعد مرور اسبوع"
آيلا في الهاتف: انا مستنياكم بكرهه
نورا: بس انتِ ليه مجتيش يبنتي لغايه دلوقت عدى اسبوع واكتر المفروض هايا تكون خفت
آيلا بحزن: بكره هقولك كل حاجه يا ماما
نورا: خير يا آيلا في ايه؟
آيلا: هقولك بكره بقى يلا باي عشان نجهز للحفله
نورا: طيب يا حبيبتي
-اغلقت آيلا الخط لتسمع صوت رنين جرس الباب وتذهب لتفتح لتجد علي..
تسمح له بالدخول الى الصالون وتنادي عمر الذي كان بغرفته يعمل على الانترنت كالعاده...
عمر: ازيك يا علي.. في حاجه ولا ايه؟
علي: انا عرفت ان عيد ميلاد هايا بكره وحابب اخطط معاكم عشان نفاجأها
آيلا: اكيد احنا اصلًا كنا لسه هنبتدي نخطط
عمر بكذب: طيب خططوا انتم وانا همشي عشان عندي مكالمه مهمه
آيلا: هو ايه يا عمر كل شويه عندك زفت مهمه يعني اهم من هايا ولا ايه؟
عمر: لا اكيد مفيش اهم من هايا بس انتو موجودين خططوا انتم معلش
-عاد عمر الى غرفته ليوجه علي نظره الى آيلا ويقول..
علي: هي فين هايا دلوقت؟
آيلا: سيبتها عند لمى عشان نعرف نعملها مفاجأة
علي: حلو اوي
آيلا: طيب ناوي تخطط ل ايه؟
علي: بصراحه اول حاجه كنت عايزك تعلميني العزف على الجيتار
آيلا بمرح: يعم انت بتعرف تغني اصلًا
علي: ايوه شويه بس مش بعرف اعزف
آيلا بغرور: بس انا صوتي احسن
علي: خفي غرور بقى ويلا نبدأ عشان مفيش وقت
آيلا: حاضر هروح اجيب الجيتار من الاوضه
-ذهبت آيلا الى غرفتها لتحضر الجيتار الخاص بها... وبعد قليل تعود الى الصالون حيث يجلس علي بانتظارها..
بدأت آيلا بتعليم علي العزف على الجيتار... وعندما بدأت بالغناء والعزف.. تذكر علي كل ذكرياتهم معًا.. عندما رآها لاول مره وعندما كان يراقبها في كل مره تعمل في قسم العلاج بالموسيقى وعندما غنت له في عيد ميلاده كل هذه الذكريات مرت في ذاكرته كشريط الفلم... ليقف من مكانه بتوتر..
آيلا: مالك يا علي؟
علي: فين الحمام
-دلته آيلا على مكان الحمام ليدخل علي ويغلق على نفسه.. ينظر الى المرآه ويحدث نفسه: لا يا علي غلط اللي بتعمله دا انت لازم تنساها خلاص.. هي بقت لعمر خلاص..
ليغسل وجهه بالماء بسرعه ويخرج ليعود الى الصالون مجددًا..
أنت تقرأ
لحن أسقطني
Romanceهو اشهر طبيب جراح وهي اشهر سيده اعمال يقع في حبها من خلال صوتها الجميل فهل ستكمل قصتهم ام لا؟
