لحن أسقطني

♡

لقد حان وقت الجلسه الثانيه والاخيره ليذهب الجميع الى المحكمه وهم متوترين وقلقين من قرار القاضي... بدأت الجلسه لتنتهي بقرار القاضي.. وكان قراره ان الحضانه من نصيب علي وتستطيع آيلا رؤيه هايا في نهايه الاسبوع...
ضجه صوت عالي بكاء كل هذا حدث في قاعه المحكمه بعد قرار القاضي لتبكي آيلا كثيرًا وتقع على الارض وهي تبكي.. وهنا شعر علي بالندم كثيرًا ولكن بماذا يفيد ندمه الآن؟ ذهب بإتجاهها ليحاول تهدأتها وهو ينظر لها بنظرات حزن وندم وشعور بالذنب استوعب الآن انه يبعد ابنته عن والدتها ولكن متأخر جدًا..

علي: آيلا..

نورا بغضب:  ابعد عن بنتيي

علي: بس

نورا: علي انا بقولك ابعد عن بنتيي غور من وشي

آيلا بشرود من صدمه ان ابنتها لن تكون معها مره اخرى: اخدتها يا علي؟ دلوقتي اكيد مبسوط

علي بحزن:انا اسف

آيلا بضحكه سخريه وسط حزنها: اسف؟ لا بجد يا علي متشكره كلمه اسف منك صلحت اللي انت عملته.. انت اذتني يا علي وكسرتني مرتين وانا عمري ما هسامحك انا كرهتك خلاص

-قالت آيلا جملتها ببكاء لتتجه الى المنزل مع اهلها وزوجها  وصديقتها لمى وهي مصدومه وشارده الذهن...
وايضًا علي بعد كلامها وقف بصدمه وحزن شديد ليحدث نفسه اهذا انا؟ لماذا افعل هذا بالانسانه الوحيدة التي احببتها بصدق انا فعلًا اصبحت اناني.. لقد كسر قلبها بشده للمره الثانيه وهي التي وثقت به بعد ما اذاها وكسرها للمره الاولى.. تغير علي كثيرًا بالفعل لم يكن هكذا من قبل ولكن غضبه أثر على عقله وقلبه كثيرًا...
اتجه علي مع زين الى المنزل... ليصلوا الى ڤيلا علي...

زين بغضب: انت كده مبسوط ب اللي عملته؟ انت ما شوفتش حاله آيلا عامله ازاي؟

علي بحزن: انا مكنش قصدي كده

زين:  اومال قصدك ايه يا اخي انت اتغيرت اوي يا علي عمرك ما كنت كده انت اذيتها جامد فعلًا... طب سيبك من آيلا.. بنتك يا علي؟ مفكرتش فيها؟ هتكون ايه رده فعلها لما تعرف انها بعدت عن اهلها؟

-لم يتلقى رد من علي فتركه وذهب ليصعد الى سيارته ليتجه الى المستشفى...

*****
نورا: كلي يا آيلا يا حبيبتي كده صحتك هتتعب

آيلا ومازالت في شرودها وصدمتها: مليش نفس سيبوني لوحدي

عمر: عشان خاطري يا آيلا كلي ولا بلاش عشاني عشان هايا

آيلا:  هايا هتسيبني يا عمر خلاص

عمر: نقدر نشوفها في نهايه الاسبوع

آيلا: متنساش يا عمر انها هتفضل مع علي.. دا هيخليها تكرهني

نورا: اكيد لا يا حبيبتي يلا روحي اغسلي وشك وكلي قبل ما هايا تيجي وتشوفك كده