لحن أسقطني

♡

-ثم تركته وصعدت الى غرفه الاجتماع هي ويوسف ويارا وحازم وروان وبعض الموظفين وجلسوا في انتظار مدير شركه V. R وبعدما انتهى الاجتماع ذهب كل شخص الى مكتبه ويارا الى مكتب آيلا...

آيلا: يعني ايه جاي عشان ينافسنا؟ ههه

يارا: واحنا مفكرين صفقه وعاملينله قيمه

آيلا: اكيد شركتنا هتكسب فالآخر يعني روحي ناديلي عمر

يارا:تمام

-ذهبت يارا لعمر لتخبره بأن آيلا تريده ثم دلفا معًا الى مكتب آيلا..

آيلا: يارا اسمعيني كويس انتِ هتاخدي بالك من اي ورق وملفات لأي صفقه تمام؟

يارا: حاضر

آيلا: وانت يعمر عايزاك تخلي الموظفين يشتغلوا وقت اطول من كده فالشركه

عمر: طيب والقبض بتاعهم زي ما هو؟

آيلا: لا انت هنزودلهم القبض زي ساعات العمل عايزين ناخد بالنا كويس عشان نهزم شركه V. R ومش عايزه غلط منكم انتم الاتنين

عمر: حاضر متقلقيش

"استدار عمر ليغادر المكتب"

آيلا: استنى يعمر معلش

عمر: نعم؟

آيلا: نادي يوسف او حازم او روان اللي تلاقيه الاول.. ثم اكملت: وانتِ يا يارا تقدري تروحي دلوقت وخدي بالك كويس!

يارا: حاضر

-ذهب عمر لينادي احد من الثلاثه ثم وجد يوسف واخبره بأن آيلا تريده.. ذهب يوسف لمكتب آيلا وتحدث في نفسه: ربنا يستر يمكن عايزاني عشان موضوع علي! دا انا هروح فيها.. ثم دخل المكتب

يوسف:احم.. كنتي عايزاني

آيلا: ايوه اتفضل اقعد

يوسف: في ايه؟

آيلا: عايزاك تجيبلي مهندسين جدد عشان اوظفهم هنا اول حاجه تجيبهم في مكتبي من بكره عشان اشوف اقبل مين ومقبلش مين بعدين توديهم عند روان او حازم يدربوهم على الشغل هنا

يوسف: حاضر بس من بكره مش بدري شويه؟

آيلا: لا مش بدري في كتير عايزين يشتغلوا فالشركه هنا ف هيصدقوا الفرصه

يوسف: تمام.. هتكوني موجوده بكره الساعه كام؟

آيلا: من اول اليوم انا مش هروح المستشفى الفتره دي عشان شركتنا

-بعد يوم طويل من التخطيط والعمل الجاد المتعب ذهبوا الى منزلهم جميعًا ليستريحوا
* * *
-في غرفه آيلا ➥

آيلا: الو؟

علي: اخيرًا اتصلتي

آيلا: مش من سواد عيونك برن عشان اقولك اني مش هاجي المستشفى الفتره دي