لحن أسقطني

♡

-مرت الايام واليوم الجلسه الاولى لمحكمه علي...
حضر الجميع في قاعه المحكمه كل محامي يدافع عن موكله..
اعطى الجميع افادتهم ومنهم رأفت الذي قال ما رآه.. والذي اعتقد ان علي قد رمى عمر من فوق

قال القاضي ان القرار الجلسه القادمه واعطاهم الميعاد...
خرج الجميع من قاعه المحكمه ومنهم آيلا الذي اوقفها زين..

زين: آيلا لازم تعرفي ان علي مستحيل يعمل كده صدقيني

آيلا: هو عمل خلاص يا زين دا مش علي اللي نعرفه دا واحد تاني دا قاتل

زين: ما تقوليش كده انتِ متعرفيش الحقيقه علي مش كده وعمره ما يقتل

آيلا: صدقني انت يا زين اخوك قتل وياريت ما تدافعش عنه لانه اتغير بالكامل

زين: طيب بس لما تعرفي الحقيقه متندميش

-قال زين جملته وبعدها اتجه الى سيارته وركب مع زوجته وابنه ليذهبوا الى المنزل...
اما عن آيلا فذهبت الى منزل عائلتها فمنذ ان توفى عمر وهي تجلس عندهم مع ابنتها هايا..
*****
عندما وصلوا...

آيلا بهدوء: هي هايا لسه في اوضتها؟

لميس: مش راضيه تاكل خالص

آيلا: طيب معاكي الشريط اللي لمى كانت بتصور فيه المكان؟

لميس: ايوه ليه

آيلا: عشان تنسى شويه اللي حصل

لميس: حاضر هجيبهولك

-ذهبت لميس لتحضر الشريط لتعطيه ل آيلا..
اخذت آيلا الشريط وذهبت الى الغرفه التي تجلس بها هايا وبدأت بتشغيل الشريط على الشاشه...

آيلا: انتِ متفرجتيش كويس على المكان قولت اوريكي هنا

هايا: مش عايزه اتفرج على حاجه

آيلا: اسمعي الكلام لو عملتي كده بابا هيزعل منك

هايا: انا زعلانه منه عشان سابني

آيلا: هو قدره انه يموت مش بإيده

هايا: هو عمو الدكتور اللي موته؟

آيلا: خلاص متتكلميش في الموضوع دا يلا نتفرج على الفيديو الاول

-بدأ الاثنان بمشاهده الفيديو معًا...
ليلفت نظر آيلا شيء..

آيلا: فين الريموت وقفي عند الحته دي كده

هايا: عند ايه؟

آيلا: هاتي الريموت بسرعه..

*****

زين: انتو مش بتفهموا قولتلكم علي ملهوش دعوه بموت عمر

لمى: عمو رأفت شافه بعينه يا زين انت اللي لازم تفهم هو مش عشان اخوك!

زين: مش كل حاجه نشوفها بالعين نصدقها يا لمى انا واثق ان علي مش ممكن يعمل كده ولا حتى يفكر