لحن أسقطني

النهايه♡.

-قال علي جملته ولم يجد رد من آيلا فأكملوا طعامهم.. وبعدها اخذ علي هايا معه بعدما ودعتهم آيلا وذهبت الى منزل عائلتها لتجلس معهم بعض الوقت...
وصلت آيلا الى منزل عائلتها لتجد ان هناك آسر ومريم قد وصلوا منذ قليل لزياره عائلتهم...

آيلا: وحشتوني موت والله

آسر: بقى كده ما تقولوش خبر وفاه عمر ونسمعه من حماتي

آيلا: اسفه والله بس زعلنا عليه خلانا مش بنفكر في حاجه

مريم بسخريه: ايوه مهو باين الزعل

آيلا: مالك يا مريم؟

مريم: تقدري تقوليلي كنتي فين ولا هايا فين دلوقتي اكيد مع علي حبيب القلب دا انتِ ما صدقتي اخويا مات

آسر بغضب: مريم مسمحلكيش تتكلمي عن اختي كده!

نورا: عيب يا بنتي الكلام دا

مريم: بلاش اقول رأيي ولا ايه؟ انتو مش شايفين من ساعه ما اخويا مات وهي رايحه مع علي جايه مع علي

رأفت بغضب وصوت عالي : لا كده وخلاص عندك كترتي كلام انتِ وامك.. تيجي عند بنتي وتقفي اوعي تقولي عنها حاجه زي كده ولو تفكير حتى.. علي ابو هايا ودا وارد انه يحصل وانهم يتقابلوا عشان بنتهم بس

آسر بصوت عالي: خشي الاوضه يا مريم خلينا نعدي اليوم على خير عايز اقعد مع اختي شويه بهدوء

مريم: ماشي يا آسر

-قالت مريم جملتها بغضب لتتجه الى الغرفه...

آسر: متضايقيش من كلامها معلش

آيلا: انا مش متضايقه من كلامها من كلامها هي شايفه كده ولازم نفهمها ببراحه وانت يا آسر مكنش ينفع تكلمها كده دي مراتك برضو

آسر: واسيبها تغلط في حقك؟

آيلا: لا بس ترد بطريقه احسن... انا همشي دلوقتي سلام

نورا: خليكي طيب شويه

آيلا: لا عندي شغل معلش

نورا:دا انتِ يعتبر جايه من سفر يبنتي ارتاحي شويه

آيلا: لو كان ينفع اقعد كنت قعدت والله

-ودعت آيلا عائلتها ونزلت لتصعد الى سيارتها لتتجه الى شركتها....
_________________________________________
وفي اليوم التالي ➥

استيقظت آيلا على صوت رنين هاتفها لتمسكه وتضغط على زر الرد..

آيلا بصوت نعسان: الو مين

علي: ماسحه رقمي ولا ايه

آيلا: علي! لا مش ماسحه حاجه بس لسه صاحيه

علي بضحك: طيب لو حابه تاخدي هايا هي معايا في المستشفى مرضيتش اسيبها لوحدها في البيت

آيلا: تمام شكرًا