البارت 11 : للكاتبه سيلين
،
،
،
،
،
،( يوم الرحت مني انخطف لوني
طلع دخان من گلبي وعمه اعيوني )
،
،نارو،،
لافت السياره حته نروح للمكان الي بي سالي والكاسر
دليتهه الطريق من غبائي اورط نفسي بئشياء اني
ما اعرف عنهه شي
وصلنا البيت اشرتلهه عليه طبكت السياره ونزلنه
وكفنه مقابيل الباب شفت ليليان غمضت اعيونهه
وسحبت نفس عميق بعدهي تحمحمت ودكت الباب
شويه ونفتح الباب شفت مرتضى من شافني حسيته
أنصدم بقه بس ايباوع وبلع بريكه وحنه هم واكفين
ما نطقنه بعدهي حس ع نفسه مرتضى وحجه كانو
جان فاصل ورايح بغير عالم تأسف من عدنه وكلنه
اتفضلو
دخلت اني وبعدي دخلت ليليان تمشي بخطوات بطيئه
وتباوع بأنحاء البيت وكأنو مستغربه المكان والمنضر
بالنسبه للقصر الي هيه عايشه بي
وكعت من عينهه دمعه بسرعه مسحتهه
اجتنه نونو سلمت وكالت تفضلن اكعدن بعدني مكاعده
وطلعت سالي اول مشافتني مصدكت اجت تركض
عليه حضنتني وبقت تبوس بيه حته منتبهت الوجود
ليليان اله وره فتره ركزت عليهه سلمت من بعيد
وكعدت ابصفي
ملكينه الكاسر ولا اصدقائه بس مرتضى موجود
سالي ،، عمررري يرروحي مشتاقتلج همزين حن
گلبج واجيتي اني ما اعرف ليش اياد ميجيبج
الي شلون وافق انج تجين
حسيت اتلعثم اللساني وما عرفت شحجي لأن اياد
اصلن ميدري بينه جايين حجيت حته اضيع
سؤآلهه
نارو،، عمري اني مشتاقتلج كومه ما صدكت اشوفج
بس الكاسر وين شو ماكو اريد اسلم عليه
من جبت طاري الكاسر خطيه ليليان كبل شركت
جابتلهه نونو مي شربت صارت احسن بس حسيت
عليهه شكد مرتبكه وخايفه وحيل متوتره من شكلهه
وتصرفاتهه اني من يمي بكت طن هوه من الخوف
والتوتر بس حاولت اغلس ع الموضوع واوهم نفسي
ماكو شي
بقينه كاعدين اني والبنات انسولف ونضحك حسيت
ليليان شويه ارتاحت وسالي حسيته اخذت عليه
بقن ايسولفن
دك تليفون ليليان باوعت عليه وسدته ورجعته بالجنطه
بين ما احنه كاعدين اندك الباب كام مرتضى فتحه
دخل الكاسر وراكان ومرتضى سلمو ودخلو مجانو
منتبهين الوجودنه من شافونه انصدمو
وكف الكاسر مقابيل ليليان وعيونه تنط شرار من
العصبيه
الكاسر،، انتي شنو جابج هنا ؟
حسيت ليليان شويه وتبجي من كلامه هم جرحهه
وهم فشلهه بين الموجودين وهيه جان همهه بس
تجي اتشوفه ليليان هواي سولفتلي ع الكاسر وشكد
هيه متعلقه بي
أنت تقرأ
أنثى متمرده (الكاسر)
Romanceظلم انكسار خذلان حب هوس بين ازقت الموت والطبقه المخمليه بين من كسر قيود وجبروت وتمرد ازقت الموت والطبقه المخمليه ضهرت في طريقه اميرتنا جاء ليكسر غرورها وكبريأها لاكن هيه من كسرته هيه من تملكت على عرش قلبه ليصبح اسير عينيها
