أنثى متمرده (الكاسر)

البارت 14

البارت 14 : للكاتبه سيلين
،
،
،
،
،
،
( أنا النعيم شئت أم أبيت
وأن رحلت فالعزاء لك وليس لي )
،
،
سالي،،

سالي،، جنت ادور ع بيت ولكيت من باجر راح اجيب اخواتي ونروح انعيش بي

الكل وجهه نضراته عليه نزلت راسي اني ما اريد اشوف
الكاسر والي ممكن ايسوي بس أين كانت ردت فعله
فأني مستحيل أتنازل عن قراري هوه يعرف هاذا هدفي
من البدايه

شفت الكاسر كام وتقدم بخطوات بطيئه تجاهي
وكف مقابيلي قدم أيده تجاهي ورفع راسي اتجاهه
صارت اعيوني بعيونه بقيت اباوع عليه حسيت
نضرت اعيونه تحجي كل الي بداخله تجاهي
حاجاني بكسره

الكاسر،، ليش بعد كل الي قدمته الج تجازيني
بالهجر والفراك ما اريد منج شي بس لتخليني
اعيش احساس الفراك احساس البعد شلون
اتعوفيني بسهوله هيج اني هنت عليج وفوك
كل هاذا ترحين ادورين بيت من وراي

سحب نفس وذب حصره هزت گلبي هز شال كذلتي
خلاهه وره آذاني وكمل كلامه

،، يعني انتي عبالج انه اني ما اعرف بيج كل يوم
اطلعين ادورين بيت حته ما اعرف تفكريني اني
الهلدرجه غبي بس اريد اسألج سؤال يعني ادورين
بيت من وراي هيج شايفتني اني اناني وممكن اوكف
ضدج واني اعرف هاذا حلمج بس جنت متوقع انو
بيوم من الايام اتشيلين هلفكره من بالج ونكمل حياتنه
سوه مثل ما اخواتج عايشات بس الضاهر جنت متوهم
بيج وبحبج الي

حجيت واني بعد مكدرت اصيطر ع ادموعي

سالي،، شلون ممكن اتفكر هيج بيه انو ما احبك
ساعات مو كل الي بداخلنه نحجي ويكون ضاهر
للي حوالينه ما اتخيل انو بيوم اتشكك بحبي الك
واذا ع اخواتي فصدكني لو اني رحتلهن وكالن انو
كل وحده اتريد اتكمل حياتهه ويه زوجهه فصدك
مستحيل اوكف ابوجهه لو امنعهه ع هاذا قرارهه
واذا ادكول طلعت ادور بيت من وراك فصدكني
مجنت اريد اجرحك ولا اريد بعد اتقدملي مساعده
خلي ولو مره احس اني تعبت وسويت هالشي لوحدي

الكاسر،، واني مستحيل اوكف ضد أي قرار انتي تريدينه اني احبج والي يحب لازم ايضحي حته
لو كنت بعيد عنج فاهم ما عندي هيه سعادتج
وشوكت متقررين أنو نكمل سوه فاني للأبد باقي
بنتضارج واني وياج راح اكون بكل خطوه وحته
اخواتج اني وياج انرجعهن