البارت 12 : للكاتبه سيلين
،
،
،
،
،
( مفتاح قلبي تحت قدمي من يريده ،، فاليركع )
ميار،،
مينا،، ممكن توكفون لحضه وبهالمناسبه نخلي الفرحه
فرحتين ههههه اني حااااااامل
الكلام الي كالته كفيل أنو يخليني اوكع من طولي
بس حاولت اكون قويه وأتمالك نفسي ما اريد أبين
ضعفي لشخص
باوعت لفهد بنضرت انكسار وخذلان بعد مجان
دأمن ايبينلي حبه واهتمامه هوه كلي انو ميريدهه
ومبقيهه علمود أمه وبس شلون هيج ايصير
شلون تحمل يعني كلامه جان كله كذب يضحك
عليه ويخدعني
حسيته هوه بعد متفاجئ من الكلام الي سمعه كانو
نصدم باوع عليه نضرت استغراب وكلهه
فهد،، شهالكلام شلون حملتي
مينا،، شددكول حبي هاي شبيك شنو شلون حملت
يعني أنته مو زوجي ؟
فهد،، بس
مينا،، عادي حبي تصير حته اذا بس مره عادي يصير
حمل
أمل ،، كللللللللووووووشششش اليوم صدك الفرحه
فرحتين هم ميار راح تحقق حلمها وهم راح ايصير
عندي حفيد راح أشيل ابن فهد بيدي
حجت هالكلام وراحت حضنت مينا وكامت تباركلهه
حسيت عمتي بعد الكاع متشيلهه من الفرحه
زهراء هم باركتلهه ووخرت بس حسيت الضوجه ع
وجهه لأن هيه متريد مينا تبقه ويه فهد بس متريد
تكسر باخوهه
اني هنا الدنيا ضاكت بيه تمنيت بهالحضه اشوف
اختي تجي يمي وطلعني من هالمكان لأن بعد ما
اكدر اتحمل ابقه واشوفهم بعيني هالشي يذبحني
فهد حسيته مختنك أكثر مني وستغربت هالشي لأن
اني اعرفه ايريد طفل بس لأن بعد مراد مينا شال
فكرت الاطفال من باله بس كلام مينا بالحمل صدمه وخربطله وضعه بسرعه طلع من البيت وراح
اني هم بعد مكدرت اتماسك أكثر من هيج دخلت
غرفتي وسديت الباب نمت ع الجربايه وبقيت اصرخ
بكتمه وبس ادموعي تجري
خلاص أدركت بهالحضه انو فهد مستحيل ايكون الي
وممكن بأي لحضه ننفصل ونفترق عن بعض بقيت
ابجي لحد منمت
كعدت ع لمسات خفيفه ع وجهي فتحت اعيوني
تفاجئت بفهد كاعد اكبالي بسرعه عدلت كعتي
ميار،، خير فهد شكو شتريد ليش جاييني بهالوقت
فهد،، ميار اني صدكيني مجنت رايد اطفال حته الي
صار بينه صدكيني هالشي صار مره بس ونطريت
أمي بقت تلح عليه تعبتني بملحتهه وانتي شفتي
بعينج شلون جانت تضغط عليه هذيج الفتره
ومينا منا كل اشويه وساحبتني للغرفه صدكيني
والله مالي نفس بيهه بس ضغوطات منا امي
ومنا مينا كل يوم مبدله وتحاول بكل الطرق تخليني
اتقربلهه لحد ما يوم ضعفت وتقربتلهه صدكيني
هيه كانت بس مره وبعد هواي حاولت لاكن ابتعد
من عدهه وصدكيني اني متفاجئ متوقعت يصير
عدهه حمل اني اصلن جنت ناوي بس تطلع النتائج
مالتج انفصل منهه
أنت تقرأ
أنثى متمرده (الكاسر)
Romanceظلم انكسار خذلان حب هوس بين ازقت الموت والطبقه المخمليه بين من كسر قيود وجبروت وتمرد ازقت الموت والطبقه المخمليه ضهرت في طريقه اميرتنا جاء ليكسر غرورها وكبريأها لاكن هيه من كسرته هيه من تملكت على عرش قلبه ليصبح اسير عينيها
