البارت 23 : للكاتبه سيلين
،
،
،
،
،
( تفاركنه مدري بيا عذر لا خاني ولا خنته ! )
سالي،
علي،، جاي بالطريق سالي باي
سد الخط بوجهي وجاي يربي شهالمصيبه ناقصني
اني يجي علي حته تصير حرب هوه والكاسر
زحل،، شكو سالي شبي علي
سالي،، جاي للمستشفى
زحل،، شجابه هوه مو جان مسافر
سالي،، ايكول من سمعت بالصار اجيت علمودج
زحل،، الله يسلم موده عوزج مشاكل انتي بدون
كلشي وضعج انتي والكاسر مو تمام
سالي،، شسوي زحل حجيت ويا وكتله لتجي بس
ماكو فايده سد الخط وكال جاي
زحل ،، الله اليستر انشالله ميصير شي بينه هوه
والكاسر
سالي،، اي انشالله ماعرف اشلون اركعهه كدامهم
هسه هم ايكولون شعنده جايج
زحل،، غلسي شتسويلهم واذا لحو كليلهم اتصل
راد يطمن ع الكاسر وكتله بالمستشفى ابوه صارت
ويا جلطه قابل شيسوولج ايكطعون راسج اشلون
يعني
سالي،، ماعرف خل يجي والله كريم
رجعنه وكفنه يمهم اجه فهد علينه
فهد،، ها سالي شلونج انتي والبنات
سالي،، الحمد لله بخير بس ممكن اعرف شوكت نرجع
البيتنه
فهد،، عادي تبقين هل كم يوم أبيت اياد الحد متهدء
الأمور وبعدها ارجعو البيتكم
سالي،، فهد اريد ارجع للبيت ماعرف اكعد أبيت
غريب افهمني وحته البنات ممرتاحات ماريد اتصير
مشكله تعرف قبل كم يوم نارو اتعاركت ويه فيروز
وكتلتهه
فهد،، ولا تكعد نارو ام اللسان ههههه ع العموم اصبري
بس هاليومين خلي نشوف نبض أهل اجواد ويصير
خير
سالي،، ياريت تستعجلون
فهد،، ميار شخبارهه
سالي،، زينه
فهد،، اني اعرف مو وكته كلش بس سالي والله احبهه
وروحي بيهه اني مستعد اسوي كل الي تريده شسوي
حته تنسه وتسامحني
سالي،، والله ماعرف شكلك فهد أنته الي سويته ابد
مو سهل وياهه بس اني راح احاول احجي وياهه
ويصير خير انشالله
أنت تقرأ
أنثى متمرده (الكاسر)
Romanceظلم انكسار خذلان حب هوس بين ازقت الموت والطبقه المخمليه بين من كسر قيود وجبروت وتمرد ازقت الموت والطبقه المخمليه ضهرت في طريقه اميرتنا جاء ليكسر غرورها وكبريأها لاكن هيه من كسرته هيه من تملكت على عرش قلبه ليصبح اسير عينيها
