البارت 16 : للكاتبه سيلين
،
،(هلو بنات طبعن اني اعرف جاي اتأخر ابتنزيل البارت
بس مالي واهس للكتابه ومجنت ناويه اكتب البارت
اصلن بس بسبب كم ابنيه سالن ع البارت نزلته بنات
اتمنى ايكون اكو تفاعل ع القصه لأن حرامات ممنطينهه حقهه جاي احس جاي اتعب ع الفاضي
والقصه بيهه اهو احداث راح اتصير واني سبق وكلت
انو القصه راح ايكون بيهه اهواي احداث للعلم اني
الف مره فكرت اوقفهه بسبب ماكو تفاعل اتمنى اتقدرن
تعبي )
،
،
،
حسبالي حبك صدك وعيونك اتحبني
ثاريني مثل الورد بس اذبل اتذبني
سالي ،،
طلع علي من شقته شافنه اجه سلم علينه وسلم ع الكاسر لأن شافه ويانه وبعدها حجه الكلام الي قضه
عليه كدام الكاسر خله الدم ييبس بعروكي وماعرف شحجي بعد
علي،، ها سالي البارحه من رجعنه الفجر كدرتي اتنامين
لو بقه عندج ارق لأن بقه بالي يمج
الكاسر من سمع كلامه بقه ايباوع عليه وعيونه اتنط
شرار رجع باوع ع علي وحاجا
الكاسر،، شكراً الحضرتك اضاهر أنته حيل مهتم ابخطيبتي لدرجت تطلع تتمشه وياهه للفجر وتعرف
عدهه ارق وجاي هسه تطمن عليهه كدامي
حسيت علي كلش خجل بعد كلام الكاسر رجع جاوبه
علي،، لا العفو منك اكيد اني مو قصدي انو مهتم أكثر منك بس هيه جارتي وعزيزه عليه واكيد احب اطمن
ع صحتهه واني ماعرف انو انته خطيبهه ع كل الأحوال
اتشرفت امعرفتك
قدم أيده علي ايسلم ع الكاسر بس الكاسر بقه ايباوع
عليه ويريد ياكله حسيته صار بركان من الداخل كلش
خفت ليسوي مشكله ويه الرجال وابتلي بس الكاسر
اجاهل أيده وصاح علينه يالله طبن جوه وراح ناحيت
الشقه فتح الباب ودخل بقه ايباوع علينه ومنتضرنه
ندخل بقينه احنه ابحالت جمود علي نزل أيده وحك
كصته بخجل من تجاهل الكاسر بعدهه البنات دخلن
جوه اكيد اني ما اكدر اجاهل الرجال ودخل اترخصت
من علي ودخلت جوه
دخلنه كعد الكاسر ع القنفه وبقه ايهز ابرجله وشابك
أصابيعه ابعضهن رفع رأسه عليه وعيونه دم حمر من
العصبيه حجه وهوه يحاول يتمالك نفسه انو ميكوم
ايفلش البيت ع روسنه
الكاسر،، شنووو انتي من بشر بس كليلي اشلون اطلعين
ويه واحد متعرفينه وتفترين ويا بالشوارع للفجر مكلتي
ورايه زمال موكفت اني بين اعيونج عوفج مني اني
كلب ابن كلب مخفتي ع سمعتج وانتي ابنيه وحدج
وبمسأوليتج ثنين بنات شكلت النفسج وانتي تفترين
ويا لا وبكل عين صلفه ايكلي جارتي وعزيزه عليه ابن
الكلب
سالي،، لا عااااد لهنا وكافي اني ابد ما اسمحلك تحجي
وياي ابهالطريقه اني اشرف من عشيرتك كلهم فهمت
لو ولا ومو أنته الي اتقيم أخلاقي لو تقل مني وبعدين
اني جنت مختنكه وماكدر انام نزلت اتمشه صادفته
بالطريق وطلب يمشي وياي شسوي اكله روح لتمشي
ابصفي اكيد مستحيل اتصرف تصرف زباله هيج
أنت تقرأ
أنثى متمرده (الكاسر)
Romansaظلم انكسار خذلان حب هوس بين ازقت الموت والطبقه المخمليه بين من كسر قيود وجبروت وتمرد ازقت الموت والطبقه المخمليه ضهرت في طريقه اميرتنا جاء ليكسر غرورها وكبريأها لاكن هيه من كسرته هيه من تملكت على عرش قلبه ليصبح اسير عينيها
