البارت 2 للكاتبه سيلين
(هلو بنات حضرن نفسجن أو جهزن حبشكلاجن
حته ننطلق ويه بطلاتنه أو نتعرف على ابطالنه )
،
،
،
،
،
،
(لا قانون سوه القوه على هاذه الأرض
المجد لمن قطع ذراعهه قبل اني يلويهه أحد)
سالي،،
طلعت للمجهول ماعرف شنو مخبيتلي الاقدار
و اخواتي شنو حيكون مصيرهن يارب صبرني
و اوكف وياي بشدتي و محنتي اني و اخواتي
يالله يا كريم ياعظيم يا أول يا أخر يا باسط يا عالم
يا رؤف يا متعال يا تواب يا سميع يا بصير ياحليم
ياكريم ياجواد يا بارئ ياملك ياقدوس يا مهيمن ،،
بقيت ادعي بأسماء الله الحسنى إلى اني ختمتهه بتسبيحات الزهراء (ع)
والصلاة على محمد وآل محمد
بقيت امشي والجو بارد مخليه الكبوس ع راسي وشابكه اديه ابعضهن
بس بقه البرد ياكل بعضامي والدنيا ضلمه ضلام دامس
بقيت امشي من الخوف حته ملتفتت ورايه
يارب هسه وين اروح الدنيا نص الليل اخاف حته اروح الفندق بهالليل اخاف حته اركب سياره
بس لازم اسوي حل وانوب اني ما اندل بالمناطق لأن مجنه نطلع اهواي آخرنه للمدرسه لو للسوك نادرن منروح
مناسبات أو نطلع
شجعت نفسي أجر تكسي على الأقل ابعد من منطقتنه
و بعدهه الله كريم
هسه انوب حته تكسيات ماكو
بقيت واكفه على الشارع واطكطك من البرد
امتانيه تكسي اتفوت
بعد تعب وانتضار اجت تكسي اشرتلهه وكفت رجال متوسط العمر وكفلي كال وين رايحه
حرت شكلهه اذا اني نفسي ما اعرف وين اريد اروح
سالي،، اريد تأخذني المكان بي فندق يعني الآي فندق
ابات بي اليوم
،،، اي عادي اذا تحبين اني عندي شقه تعالي وياي باتي بيهه
سالي،، شسالفه أنته شتحجي شنو عندك شقه مو عيب
هالكلام الي تحجي روح من وجهي
،،، اهو حتبيعلنه شرفيات وحنه وجه الفجر او هيه تفترلي ابنطلونهه كولي من الاخير شكد تردين
وتصعدين وياي سوالف الشرفيات ما احبه
سالي،، امشي لك حقير زباله
ضربت سيارت حيل و عفته و مشيت
هوه خله او راح بقيت امشي و مسيطرت
على ادموعي بعد غصبن عني بقن ينزلن حسيت
بهالبرد ادموعي جون خدي أو گلبي الي نار شابه
بداخلي من القهر
شدعي أو شكول عليك يا بابا أنته لو مرتك
ع الي سويتو بيه
وينج يا ماما تجين تشوفين بنتج أو حالتهه
تفتر بالشوارع واليسوه والميسوه يتهمهه بشرفهه
بقيت امشي اجت سياره اشرتلهه كلت الله كريم
قابل شسوي ابقه افتر بالشوارع لازم اشوفلي
مكان اكعد بي خاف ايطلعولي ولد الحرام
أنت تقرأ
أنثى متمرده (الكاسر)
Romanceظلم انكسار خذلان حب هوس بين ازقت الموت والطبقه المخمليه بين من كسر قيود وجبروت وتمرد ازقت الموت والطبقه المخمليه ضهرت في طريقه اميرتنا جاء ليكسر غرورها وكبريأها لاكن هيه من كسرته هيه من تملكت على عرش قلبه ليصبح اسير عينيها
