أنثى متمرده (الكاسر)

البارت 6

البارت 6: للكاتبه سيلين
،
،
،
،
،
(جازفت بسمعتي بعشرتي وياك
هملت اسمي ودست فوك التقاليد
مو نفس العمر بس جنت اداريك
ما حسستك بفرق المواليد،،،،
،
،
،
،سالي،،

شفت اختي جايه عليه احسهه تريد اطير
والكاسر وراهه اني بسرعه فتحت باب السياره ونزلت
اول موصلت شبكتهه وكمت ابوس بكل تفاصيلها
والدموع جانت كفيله بحالتنه وشتياقنه حسيت نفسي
جنت تايهه بس من شفت اختي اندليت دربي بعدهه

سالي،، يروحي شلونج أسفه على كل الي صار
بغيابي كله بسببي ضيعجن بس صدكيني
راح اصحح كولشي

نارو،، يعمري انتي مالج دخل بالي صار احنا الي
كنالج روحي من هالجحيم وعمرنه ممتندمين
انو طلعناج بس اني ردت بس اشوفج واطمن
عليج انج بخير وهالشي يكفيني

سالي،، لالا بسببي أختي ميار ادمرت جان وكعت بيهه
وتزوجت العار اركان بس ربك لطف وحته هاذا فهد
احنه منعرف عليه شي منعرفه زين لو مشبعهه ضيم

نارو،، اوفف ولج هوه هاذا الي شاغل بالي ماعرف
اخبارهه وماعندي تواصل وياهه وماعرف شسوي
سالي روحيلهه وعرفي اخبارهه شلونهه مرتاحه
وطمنيني

سالي،، خلاص نارو اني قررت ارجع للبيت وراح
ارجع اختي كاف عاد ظلم مراح اسكتلهم ابد
ولا راح اقبل ايدمرون حياتنه وراح احقق حلم ماما
انو نعيش سوه أبيت واحد وحدنه بعيد عن هاي الوحوش

نارو،، لالا سالي لا ديربالج ترجعين هسه يموتونج
اذا ميقتلوج فحيزوجونج للعار اركان وتعيشين
بعذاب طول عمرج والج الكل متوعدلج انتي شتحجين
اذا انتي بمكان زين فابقي بي الحد متكملين دراسه
وتتوضفين ودخلين قانون مثل مرادت ماما وتكدرين
اجمعينه أبيت واحد واني متنازله عن حلمي ماريد
ادرس اهم شي انتي وميار كملن حلم ماما وتعالن
أخذني من هالبيت هسه معدنه القوه الي نواجهم

الكاسر،، خلاص نارو ارجعي للبيت لعد اني أرتب
الأمور ومستحيل اخليهه ترجع بعد هالكلام وحنه
منعوفج لتخافين هسه ادخلي ليشوفونچ

سالي،، مستحيل اعوف اختي تعرف يعني شنو مستحيللللل حدخل والي يصير يصير

نارو،، سالي حبي لو دخلتي يعني كل الي سويناه
يروح بزباله كل الي خططنا حينتهي وحلم ماما
إن نطلع من هالبيت خلاص يتحطم خليج قويه
واسمعي كلامي واني راح ابقه منتضرتج وروحي
الميار ونطيني اخبارهه تعبت واني افكر بيهه