« بسم الله الرحمن الرحيم »
.
.
جمعان : احنا اخوانتس قولي
قلبت عيونها بملل : اجل باااي
هزاع بفضول : الا يا غاليه وش سبب دخول زوجتس السجن يقولون ديون بس مستحيل الديون ينحكم عليها القـ*ـصاص ! وش مسوي هالمخنز
تحرك سلمان من شاف فايز يناظر له بسخريه : انا استأذن
تنهدت من شافته يعطيه ظهرها : بالسلامه
تحركت غاليه بعد ماشافت فايز الي يناظر فيهم بسخريه تحركت لداخل ، هزاع ناظر في جمعان : وراها سالفه غاليه وكبيره وقل هزاع ماقال
بسخريه جمعان : واضحه اصلا من رفضت عذاري تقابل ابوها
هزاع بفضول : وذا الكلام من متى ؟
جمعان : قلي مروان كان موجود عندهم
دخلو المجلس وهم يسولفون والف سوال براسهم : اي والله البيوت اسرار بس تهقى فايز وامي يعرفون ؟
جمعان بسخريه : وفايز يخبي عليه شي ؟
ضحك على جمله اخوه : والله ما يحزني الا سلمان الي فوق التهام الي جاه اتهموه ثاني مره
جمعان: اتركك منه وقولي سوالفك
.
.
.
انتبهت غاليه لبنتها وقلبت ملامحها للغضب : عذاري ! ماتعرفين ان عيب نسمع لناس !
ابتسمت لامها بتورط : ماسمعت شي اصواتكم قصيره
تنهدت ونطقت : ادخلي لداخل لا يشوفك احد
قوست شفايفها بفضول : طيب بسالك سالفه سلمان اكبر من سالفتي ؟
ضحكت امها : لا سالفتك مصيبه ماتنحل وهم مصيبه تنحل بس روسهم يابسه
عبست ملامحها من كلام امها " سالفتك مصيبه ماتنحل " حزنها واجد ! بس ما بينت انكسارها ..!
دخلت غرفتها بعد ماتركت امها عند الضيوف ، جلست على السرير بعد ماقفلت الشباك والاحباط داخلها .
فسرت سبب عطر ابوها بالغرفه انهم بيقهروها بس الي تحتاج له تفسير هو مين سوا ذا الفعل الشين !
.
.
« عند الشباب »
تقدمو متعب ومروان من عند سعود الي بيلحق ابوه وجنبه اخوه نايف وقفو على صوت متعب : ولد نايف سعود
رص على اسنانه بغضب ونطق لاخوه : ابن ابوه وش يبي !
سخر منه نايف : تراه موب نفس فايز ذا رافع روسهم لولا الله ثم هو ماكان الحين عائله فايز معروفه في الديره
التفت سعود بغضب لمتعب الي باقي ينادي : وش تبي ؟
متعب بابتسامه لسعود : وش بك ماقلنا شي بس تعال العيال يبونك
نايف بابتسامه ساخره : وش بغو ؟
مروان نطق وهو يعرف برفض سعود ونايف : عمير والوليد يبونك تعال ولا تردهم وبعد انا ومتعب نبيك وعيال عمانك وعماتك
رفع اصبعه سعود وسط صدر مروان : فعايل فايز ما يتهموني فيها يا مروان ويحطونها براس سعود ، وياليت توصلون هالكلام له
فيني من الثقل ما يحسبونه غرور
بس فيني ثقه وتواضع ما يفهمونه
بنيت بيني وبين الردي حاجز و سور
وفرشت لأهل الطيب ما يستحقونه.
تقدمت رزنه بعكازها بعد ماسمعت ابياته الي زعلتها: طيب لاترد جدتك
ناظر في رزنه بشعور غريب : انتِ اول من وقفت معه نايف مشينا
لف للجهه الثانيه يمشي ووراه نايف الي انصدم من تصرف سعود وانكره ، لكن هو يعرف السالفه ومنقهر بشده على اخوه ! اتهموه بشي موب من اسلوب اخوه : حي عينك ياولد سلمان
ربت على كتف اخوه بفخر فيه ، سعود بكرهه : لعنبوهم يبوني اجلس معهم وهم موافقين على كلام الرخمه فايز
ابتسم نايف : لاتلعن عشان وجيههم وانا اخوك تعرف اللعن طرده من رحمه ربي استغفر استغفر
استغفر متضايق من ابوه الي اجبره يجي يسلم على غاليه ويروحون ، ضحك بسخريه من سمع صوت فايز : اقلطو ونادو ابوكم ، موب من عوايد الرجال يرفضون
ضحك نايف بسخريه : تعلم المرجله وتعال قلطنا
ضحك سعود على وجهه فايز الي احمر غضب !! ، رزنه خلته يجيبهم بس زادو النار حطب هالكلا*ب جعلهم ما قلطو !
دخلو بيتهم وكذلك فايز دخل بيت امه ، نايف : الله يهديك ياسعود ليه تتكلم مع رزنه كذا ؟؟
سعود : والله حتى انا منكر تصرفي بس قاهرني الموضوع وانتظر تظهر الحقيقه اخخ بس لو امسكه ! هالكلـ*ـب يعني ليومك ذا حاطينها براسي انا وابوي !
دخل سلمان : وش مسوي مع امي ؟؟
دخل سعود متجاهل : ماسويت شي
اخذ عوده من الغرفه وكلما يتضايق كان يعزف عليه وينهلك بالعزف لين ينام ، التف حول البيت لين وصل مكانه المفضل
جلس على البساط يعزف ويدندن بتناسق مع عزفه على العود ، مرت نصف ساعه وهو باقي ما شفى غليله ، اتسعت عيونه من شاف ظل شخص يدخل البيت من الباب الخلفي ! فرصته هالمره ! ترك العود على البساط < الفرشه > يلحق هالشخص بيعرف منهو وكيف يتجرا يدخل بيت جدته قدامه ..! ، وقف في نصف الحوش يناظر لكن مالقى احد ، دخل المخزن الصغير الي كان بالزاويه بس الغريب مابه احد ، رمى العصا الي كان بيده عشان يضرب الحرامي ، بعصبيه وصراخ : يخررب بيتك وينك يالكلـ*ـب !!
طلع بسرعه قبل يشوفه احد ويزيدون بالكذب عليه رجع للجلسه حقته وزاد غضبه من شاف وتر الموسيقى حق عوده مقطوع بفعل احد : الله ياخذك ماكون سعود ولد سلمان ان ما مسكتك يابن الكلـ*ـب
هدا نفسه وهو ياخذه عوده يحاول يضبطه ويعيد اوتاره ،، انسدح يناظر في النجوم ابتسم من شعر البنت الواضح له كانت تطل عليه من بيت جدته ، بس من ذي ؟ كان بس يشوف جبهتها وشوشتها الي تحركها الرياح ، اخذ العود وبدا يعزف بهدوء ويغني والفضول يقتـ*ـله من ذي الي تناظر فيه ..؟
.
.
.
اتجهت لسطح واوراق الرسم واقلام الفحم بيدها ، فتحت الباب ودخلت لسطح منبهره من حجمه الكبيره : في اشياء كثيره هامليها لو انا استغليتها بذكائي
حطت الاوراق على الطاوله وبدات ترسم الصوره الي بجوالها ، كانت صوره تجمعها هي وامها ، وقفت رسم تتسمع للعزف والي جالس يغني ، قوست شفافيها من سمعته يوقف بالعزف وواضح تحرك من مكانه اتجهت للجدار تشوف من الي يعزف قبل يتحرك ، لكن انصدمت من الشخص الي كان لابس ثوب ومتلثم جالس يقطع الاوتار متعمد !! اندست بسرعه قبل يشوفها من رفع راسه يناظر لسطح جدتها ،، كانت تناظر فيه لين راح وجاء الي يعزف وزادت صدمتها من عرفت انه سعود الي دخل بيت جدتها ، ليكون هو الحرامي الي يقولونه اعتدى بالضرب على جدتها عشان يهرب !! ، انخرشت من ناظر فيها لكن يبين شوشتها وجبهتها ، مسكت قلبها بخوف كبير من سمعته يعزف وواضح يعزف لها من شاف شوشتها الي بالبدايه خرشته
ضحكت بصوت واطي على تفكيرها مايعرفني ولا كيف يعزف لي ، لمت اغراضها نازله لتحت تحديدا لغرفتها : الحين اخذهم معي لرياض ؟ اعرف نذالتهم بيكسرون اغراضي !
ناظرت في امها الي دخلت : العرب راحو
جلست على سريرها ونطقت بحيره : يمه الحين اغراض الرسم اخذها ؟
جلست جنبها : وشوله لا تاخذينها
همزت مابين حواجبها : بس الكلا*ب يوم جينا شميت عطر ابوي مرشوش بالغرفه !
اتسعت عيون غاليه بغضب : ايش !!
قوست شفايفها بتململ : بكشفها بس خايفه على ادوات الرسم !
ابتسمت غاليه تمسح على راس بنتها : خذي المفتاح معك و مابيجون للغرفه جهزتي شنطتك ؟
هزت راسها بالنفي : لا موب الحين بعد بكره بس تكفين خلينا نعجل
غاليه بحزن : ليه تبين تقابلينه وهو مسوي معك كذا ؟
وسرعان ما بدرت ملامح عذاري : اذا رحنا بتعرفين ليه ابي اقابله
زفرت بهدوء : طيب تعالي تحت الجازي تدور عليك تراها طيبه
ابتسمت عذاري : اي ادري ماكنت متوقعه اصلا منها حتى اشواق احسها طيبه
ابتسمت على كلام بنتها ، غاليه : وميهاف تبي تسلمين عليها
بتململ : بكره اسلم مالي خلق اغير فستاني ومالي خلق لفايز
سرعان ماتكلمت تقاطع بنتها : اقول قومي بس ميهاف ومتعب بيروحون لبيتهم
وقفت تاخذ عباتها بعد اصرار امها : يمه ماودك تقولين لي سالفه فايز و مطحس وسلمان
رفعت حواجبها غاليه من اصرار بنتها : سوالف كبار
نزلو لتحت وجلست عذاري جنب ميهاف والجازي واشواق الي سرعان مارحبو فيها ، ضحكت الجازي تذكر عذاري : اقول ترا انا باقي مصره نروح للوادي ونغامر فيه هناس يقولون به جن
رزنه بمقاطعه : اقضبي ارضتس
حاولت تكتم ضحكتها عذاري من جدتها رزنه الي قاطعت الجازي : ياجده لاتخربين عليها مره ثانيه
رزنه : لا الوادي خطير به ذياابه
اشرت الجازي على نفسها : انا ذيبه
ضحكت عذاري تحاول تجمع نفسها بس ماقدرت الجازي دايم تبهرها ، اشواق بابتسامه : هالمره ياجده
همهمت بتفكير : لا مابه روحه للوادي خطير عليكم وانتم بنات
عذاري بابتسامه ساخره : معهم عذاري يعني مابه خطر
رفعت حواجبها تنطق : اقول اهجدي انتِ الثانيه
راحت عنهم والتفتت ميهاف لهم : كان ودي اروح معكم بس بنمشي العشا
![](https://img.wattpad.com/cover/365198215-288-k168847.jpg)
YOU ARE READING
« ياقلب دقات الهوى لاعبتني قامت تمايل بالدلع كنه العود »
Poetryبطلتنا عذاري بنت المسجون ظافر وكان سبب سجنه " عذاري " بنته ،، تغصبها امها تروح لديرتهم~ حائل ~ بعيد عن المشاكل الي بالرياض لكن ماعرفت بالاذيه الي بتحصل لبنتها من اهلها والاحداث المشوقه والاسرار بالروايه ، بطلنا سعود الي يكن كرهه لنساء ويمقتهم ولا يح...