« ياقلب دقات الهوى لاعبتني قامت تمايل بالدلع كانه العود »

البارت التاسع

« بسم الله الرحمن الرحيم » 
•
•
نور على الارض وسرعان ماتسعت عيونه برعب من شاف عظام !! لا لا موب أي عظام ترا !
ذا انسان !! ومتحلل من مده طويله جدا !!
طاح بالارض ودقات قلبه سريعه جدا لدرجه شك انه بيمو*ت بسببها اليوم ! : بسم الله الرحمن الرحيم ..
تحسس نبض قلبه بكفه ويحاول يهدي نفسه ببعض من آيات من القرآن .
اقترب وهو يحبي على ركبته ويديه من هالهيكل الي كان عليه ملابس بنت قديمه جدا جدا !
سمى بالله واقترب منها وخوفه شديد بلع ريقه وهو يشوف تحتها صندوق صغير كانها تحضنه ، خاف يلمسها ويحتسب له ذنب لانها بنت ! ماكان يدري وش كان يفكر وقتها من شده خوفه !!
" ياعمري سعود خايف يلمسها وياخذ ذنب 😭"
رجفت يده وهو يقترب منها عشان يبعدها وياخذ هالصندوق الي مايدري وشهو ،، وسرعان ماتسعت عيونه من انتبه للفستان الي لابسته !! ،، كان ابيض وقديم مثل الي كانت تجيه باحلامه ! ذي البنت الي تبي يساعدها ..
عض شفته بقهر من الي عاشته ،، ابعد بسرعه بخرشه عنها من شاف حشره صغيره وانتبه لدفتر صغير وقديم جنبها ، اخذه بيده وفتح اول صفحه . " 27/1/1984 انا ليه عايشه كذا ؟ ،، متى ربي ياخذ روحي ؟؟ ، ليه ابوي سوا كذا ؟ سوال اساله وابي جوابه .. ليه ما علمني ابوي الصح ووافق على المتقدم ،، انا ليه طمعت بفلوس وانا مادري من هالشخص؟ طمعت بفلوسه وانه الاغنى بالديره ! ،، وبالنهايه ؟؟ .. وبالنهايه عرفت ان ابوي باعني لساحر حتى ماسال عنه ! ، عشان فلوسه الكثيره !! ،، انا اسفه لنفسي .. " قلب الصفحه الثانيه بصدمه " 28/1/1984 السلام عليكم .. اونس نفسي بالدفتر الي معي لان انا عايشه بين اربع جدران .. " قلب الصفحه الثانيه وكمل قرايه بعيون متسعه " 29/1/1984 المفروض اكتب امس بس جاء شمان وضربني واعتدى علي بس يلا معليه بيوم اقدر اطلع واشوف الدنيا ،، اتمنى بيوم احد يشوف هالدفتر لان انا بحكي قصتي والي اعيشه فيه" مسح دموعه سعود وذي اول مره يبكي من بعد وفاه جده الساحر " 30/1/1984 ابي امي الحين المكان موحش مره وانا خايفه .. انا اكرهه ابوي .. خل اقول لكم قصتي دام شمان خارج البيت وانا بالغرفه الي مادري وش خارجها اول ماخذني شمان كان عمره 50 وانا 17 توقعت يعيشني حياه ماعشتها من عذاب ابوي لي انا وامي صح استغربت انه وداني لمزرعه بس سكت ويوم دخلنا بيت المزرعه تقفل الباب علينا فجاه قلت يمكن هوا بس انصدمت من كلام شمان الي مادري من يكلم اصلا ! كان يقول - انا تزوجت الثانيه رزنه ماراح تمسونها عيالي معها ماقدر ماراح تاذونهم جبت لكم ذي نمارس طقوسنا عليها -
كانت مصدومه جدا ! شمان لايكون مجنون ! لكن تفاجأت من سحبه لشعري وبدا يضربني واليوم ليله فرحي ! انصدمت ذيك الليله قبل سنتين وبعدها اغمى علي من ضربه وصحيت بذي الغرفه وكان يجيب لي الاكل زي الكـ*ـلب مادري انا وين بس الحمدلله انا احب شمان لان جاب لي ذا الدفتر بس الشي الي ماحبه فيه كل يوم يضربني ! ^~^ ويحرمني من نونو انا ابي طفل يلعب معي و يونسني هنا بس كلما اقوله حامل يبدا يضربني لين يمو*ت !! قد ماقلت له اني حامل عشان مايروح البيبي حقي بس ~~
•
•
قبل 29 سنه
ابتسمت وهي تنزف من ابوها لسياره شمان الي اخذ قلبها للاسف ماكانت تعرف وش مخبي لها هالشمان ،، مسك كفها بكفوفه ودخلها السياره ،، استغربت انه موديها لطريق فاضي جدا ! لين وصلو لمزرعته استغربت كثير بس خجلت ونطقت بداخلها " يمكن بيكون غيرهم " دخل السياره لداخل المزرعه وقفل الباب وراه نزلت ودخلت خلفه للبيت هي اصلا تبي فلوسه واذا مات تقدر تعيش حياتها زين وتطلع وتاخذ اهلها للمكان الي يبونه بفلوس شمان ،، وقف في نصف البيت ووراه هالبنت المسكينه ونطق باعلى صوته يكلم الهوا : انا تزوجت الثانيه رزنه ماراح تمسونها عيالي معها ماقدر ماراح تاذونهم جبت لكم ذي نمارس طقوسنا عليها
ماتنكر صدمتها واتساع عيونها ذيك اللحظه لكن الي صدمها اكثر ؟ .. ضربه لها بليله زفافها !! وماصحت الا بعد مده ماتعرفها ..
صحت بغرفه بين اربع جدران ومظلمه وهي تخاف من الظلمه ،، رجعت لزاويه تحضن حالها وتهدي من روعها .
انتبهت لسلسله الطويله المحاوطه رجلها يخاف من هروبها .. ناظرت بخوف كبير للباب الي انفتح ودخل منه جمعان وبيده ..
وبيده صحن اكل .. لكن موب اي صحن !! كان كرتون وكانها كلب : انـ انت وين موديني !!
بغضب ونبرته حاده لدرجه انها خوفتها بزياده وبشكل كبير : انا محد يرفع صوته علي !!!
سكتت تناظر له من تحت رموشها وعيونها تنزف الدموع : كلي مافي الا الاكل ذا !
ناظرت في الاكل وكان عدس وجنبه خبز : ا.. انا ويني ..
انصدمت من الكف الي جاها ومن قوته حست برنين في اذنها : انا محد يسالني !
تحسست ودموعها تنزل خدها مكان الكف ناظرت فيه وهي عاضه شفايفها خايفه ... خايفه انها تصدر صوت شهقاتها ويضربها اكثر خرج وقفل الباب خلفه
اقتربت من الكرتون وبدات تاكل بهمجيه وكانها ماكلت من اعوام !..
مر يومين وهي بذي الحاله لين عرفت انه ساحر واستخدم عليها احد طقوسهم !
كانت تتسأل ،،امي تدري ؟ ،، ابوي ليه ماسال عنه ؟ ،، قال انه غني وبس ! وانا على بالي بعيش حياتي واسافر لاي مكان كنت محرومه منه .. طيب على الاقل ابي اشوف الكعبه لايمنعني ،، بس هو ساحر ..! T-T
مستحيل بيوافق .
•
•
بعد مرور ثلاث اشهر
وهي على حالتها ذي ماتعرف وينهي بس الي تعرفه انها بمزرعه ماطلعت من الغرفه ذي من شهرين طويله كانت تتعدْب كليوم وفرحت كثير من عرفت انها حامل ..! بس هدم فرحتها من ضربها وسقطت وذي هي المره الثانيه ..
كان بس ياخذ حاجيته ويطلع ويتركها بالغرفه وحيده بائسه وبعض الاحيان يجيب معه كتاب ويقرا فوق راسها وتحس بشعور نار تحرقها ويتركها تتعدٌب مكانها ..
لكن بعد مرور سنتين صرت احبه لانها جاب لي دفتر فرحت كثيير ان شمان جاب لي هديه ماقد احد اهداني هديه او تذكرني الا هو .. كان دفتر صغير ومعه قلم " انا احب شمان واجد " الحين اقدر اسولف مع الدفتر واكتب فيه كل شيي ، اخذت الدفتر باناملها تتبسم له وكانها شايله طفل ،، كتبت اناملها الي عاشته باليوم الاول وهكذا لين .. اليوم الثالث الي تركت هالدفتر وبه نص كلام ولا قدرت تكمله وكانها تركت طفلها جائع بسبب شمان الي بدا بتعدًيبها ..
يجماعه انا اسال سوال .. ليه ماقدر اصلي واسجد لربي ؟ .. ابي اذكره بس لساني يكون مربوط ولا اقدر اذكر من القرآن شي ،، تنميت لو يوم اتوضى واسجد لربي بس انا مسحوره .. ماقدر ماااقدر .. صح اني قبل ماصلي صلاتي بوقتها بس الحين اتمنى لو اسجد سجده وحده لربي ماقدر ماااقدر خايفه ياخذ عمري وانا ماقدمت له شي بعض الاحيان اتمنى امو*ت بس اسال نفسي ،، وش قدمت للاخره ؟
طوال سنتين وانا ماقدر اسجد .. وقت اسجد واتغلب على الشيا*طين الي حولي يداهمني شمان ويبدا يضربني ولا اقدر .. ودي اقرا آيات من القرآن بس ماقدرت لان لساني وكانه مربوط .. بعض الاحيان ودي اصلي الفجر بس وقتها كاني مشلوله ولا اتحرك شبه حركه ، تمنيت احفظ القرآن تمنيــت وبشده لو كم سوره ،، الي كنت حافظته للاسف سوره الفاتحه والإخلاص ..
من شده وحدتي بالمكان ذا ؟ بديت اكتب على الجدران وانحت عليهم لعله احد يجي وينقذني من المكان او يمكن ربي ياخذ امانته ويقبضون على شمان الي عدْبني والحين ماودي الا شيئين صغيره .. اصلي لو صلاه واعطي امي امانتي ..
واخر يوم اكتبه على الجدار كان يوم مو*تي وربي بياخذ امانته " 29/3/1986 " حسيت بسكرات المو*ت وانا بالمكان ذا وبحضني صندوق ابيه يوصل لامي .. بس من يوصله لامي ؟ وانا كل حياتي احلام باحلام ..
•
•
مسح دموعه سعود وبدا يشاهق زي الطفل اول مره يشفق على بنت ويبكي عشانها امه مابكى بمو*تها .. لهدرجه جده حقىٍر وعدًب ذي المسكينه .. وفوقها .. وفوقها ساحر ..! ندم ندم ندم انه بكى بيوم وفاه جده !! مافهمو قول جده وقت كان يشعر بسكرات " ادفنوني بمقبره الكفار " كانو مصدومين بدل مايقول الشهاده قال ادفنوني بمقبره الكفار !!
لكن للاسف للاااسف ..! دفنوه مع المسلمين ولا دفنو ذي المسكينه الي تحللت من 27 سنه ،، اخذ الصندوق الخشبي بيده الحين عرف الامانه ،،، ماباقي له الا 16 ساعه او 15 .. اسم البنت كان حسنه عبيد .
اسم الرجال يعرفه بس توفى ،، الام بنهايه عمرها وتعيش لوحدها ببيت على اطراف الديره ويجونها الحريم ويساندوها .. اسم الام غويلي وقف مكانه واخذ نظره للقبو الي اصدر راحه غريبه وكريهه وانصدم من تفتت عظام البنت وبقى الفستان الابيض .. مسح دموعه بيده وماقدر اكثر من كذا وجلس على الدرج يناظر في الدفتر ويبكي زي الطفل وهو يقرا كلماتها الحزينه للمره الثانيه والي قهره " انا احب شمان واجد " كره جده وبشده كرهه لدرجه تمناه قدامه ويخنقه ..! كره نفسه لانه كان يعشق جده لحد الجنون ،، كان يوديه للبقاله وياخذه بيده  ويلاعبه ،،، الحين راح كل ذا هباء منثورا .
وقف وهو بباله ينتقم من الجن بعد ،، قرا اذكاره وبدا يقرا آيات من القرآن ويحصن نفسه فيهم ،، طلع من القبو وربط ثوبه على بطنه ومخباته الصندوق الي بيوصله لـ غويلي ..!
اخذ الثلاث كتب وهو ناوي يحرقهم مشى للباب لكن تقفل بوجهه نطق سعود بحده وغضب وكانه يخاطب بشري : ورب البيت لا احرقهم و احرققك بالقرآن معهم ان مافتحت هالباب !!
تكلم مع سعود صوته يقشعر الجسم لكن الحين سعود بكميه غضب وقهره : اترك الكُتب ياسعود ورح ومعك الصندوق