« ياقلب دقات الهوى لاعبتني قامت تمايل بالدلع كانه العود »

البارت الحادي عشر

ما اسامح الي يقرون بدون لايك ❗️ 
« بسم الله الرحمن الرحيم »  
•
•
اخذها بيده يناظر فيها : عميرر !
اقترب عمير بعد ماقفل الشبك : وشبلاك ؟
رفع الابره لنظر عمير : ذا انت عطيتها ؟
اخذها بكفوفه يشوفها ، نطق بصدمه : ياولد ذي مسممه للابل ! ليكون تعطيها ؟؟
ضرب راس عمير بخفه : ياغبي ! مستحيل اسمم وحده جابت لي 3 مليون ! ذا اكيد من واحد حاقد
جلس سعود على الارض ماسك راسه بضيق شديد !! ، تنهد بحزن على حال اخوه الي ماجابته امه طبطب على كتفه : معليه معليه بنعرف الفاعل والعوض عند ربي
التفت سعود وكانه فز : يمكن حمد !!
هز راسه عمير بالنفي : لا ترمي كذا تاخذ ذنبه وهو مايسوا ! وبعدين حمد بالسجن كيف بيقدر ؟ الحدث ياسعود صار الفجر اكيد او الظهر قم ياخوي خل نروح سلمان ولا تنسى صقرك شاهين عندهم
بحزن كبير وضيق شديد : شاهين بايدي امينه انا .. انااا خسرت شي كبير يا عمير ! خسرت 3 مليون بيوم واحد
جلس قدامه عمير يبعد كفوفه عن وجهه : تذكر من حاقد عليك ؟
ناظر في وجهه عمير : فايز يمكن
هز راسه بالنفي : فايز ماتوقع كنت معه ليله امس انا وولده متعب !
ناظر في عمير بتفكير : ريان ؟
هز راسه بالنفي ايضا : ريان كان مع مروان و مطحس وبعدين صح ريان عدوك بس بالنهايه ولد عمتك مايصير ياسعود العداوه الي بينكم
وقف بكرهه لطاري هالريان : امحق ..
انخرش عمير من شاف شخص متلثم ورا ابل سلمان وقاطع حكي سعود : ابك عانه ! ورا الابل !!
التفت سعود خلفه وماشاف الا شخص متلثم بشماغ وماتبين الا عيونه وثوب ابيض رافعه ورابط على بطنه ومشمر : ذا منهو !! الحقه لا يندس
اخذ عصا خشب ولحق هالشخص الي كان ورا الابل وسرعان مانتبه انهم انتبهو له وهرب يقفز من الشبك ويلحقونه سعود وعمير من جهه مختلفه واحد من يمينه والثاني يساره !! ، شال حذيانه تحت ذراعه وبدا يركض باسرع ماعنده لا يمسكونه هالاثنين ويمحطونه بالعقال !
ركض والحصى تعوره ناظر لخلفه وكانو باقي يلحقونه رغم انهم بعيدين عن الابل !!
ابتسم براحه من شاف المحطه الي موقف سيارته فيها ، اسرع بركضه برعب من شافهم يلحقونه باقي وصوت نباح كلاب حوله ويمكن يلحقونه معهم !
دخل السياره وحرك سريع قبل يوصلون سمع صراخ سعود وضرب الخشبه على شباك الددسن : وربي لامسكك يالكلب !!

تنهد براحه نفسيه وجسديه صح الحين عاش برعب كبيــر ! ناظر من المرايه سعود وعمير إلي يلهثون فتح الشباك ورمى عليهم قاروره ماء حاره و جايتها الشمس ولكن كانت مفتوحه وقليل الماء الي فيها انتبه لتعابير غضب سعود وبدا يضحك بسخريه عليه ، شرب ماء البارد الي كان حاطه بثلاجه السياره ، وقف قدام بيته يناظر في باطن رجله المتجرح وكان يؤلمه من الحصى كانت فكره سيئه يجي بالحذيان لكن وش يسوي ماكان له خلق يدور !
•
•
سعود بغضب : ابن الذينا !
عمير بابتسامه : واضح بيستفزك ،، استفزه ياسعود وواضح انه خلانا نلحقه هنا متعمد خل نرجع ونروي عطشنا
سعود : ذي هي البقاله خل نشري منها
دخلو البقاله ماخذين ماء بارد : ذا واضح عدو
عمير : ابك ياكثر عدوينك !
ضحك سعود : صدقت بس مادري وش مسوي انا لهم عشان يجوني وشكله ذا الي سمم الناقه
اتصل جوال سعود وماكان الا " الشيخ سلمان "
رد ونطق " وعليكم السلام هلا ؟ " سلمان بغضب " ليه ماصليت معنا ؟ " ناظر في عمير " مع عمير صليت عند الابل وعندي سالفه طويله اقولك اياها وينك ؟ " سلمان " ببيت رزنه " قفل الجوال سعود ونطق لعمير : الوجهه بيت رزنه يلا
عمير بخجل : انا غريب !
سعود بعتاب : انت اخوي ! موب غريب لاتقول كذا وبعدين الوليد بعد مايخلص شغله بيجي معنا ومنها نروح لنخل
اتجهو للددسن يرجعون لبيت رزنه ، عمير : ليه ماتبلغ ؟
هز راسه بالنفي بخبث وخبث كبيــر ومخفي ، نطق بداخله عمير وهو يتنهد " الله يعينك يالي تعبث مع عائله سلمان " ، وصلو لبيت رزنه نزلو الاثنين وعلى نزولهم نزل حفيد من السياره وهو توه راجع من ابها لان شغله هناك : ارحبو
ابتسم عمير : البقى
سلمو على حفيد : لاتتصل ولا تسال ماش ماش شكلها عجبتك ابها ونسيت ديرتك
ضحك حفيد : ابها اجوائها خياااال
دخلو لداخل وهو يسولفون عن اجواء ابها ، رزنه بابتسامه لحفيد : تو مانوووور بيتي ليه ماقلت لنا انك بتجي اليوم !
ابتسم حفيد : ماحبيت اشغلكم
قبل راس جدته الي واقفه عند الباب بعكازها : وين ابوي ؟ رزنه : داخل عاد يويلك اندس من اول يهرج عن الزواج ويبي يزوجك
وضربته بعكازها على رجله : وصدز ليه ما تخطب ؟ بتصير عجوز !
مسح مكان الضربه بألم : جده وربي عكازتس يعور !
ضحك عمير ودخلو لداخل ، رزنه بابتسامه : كيف امك ياعمير ؟
ابتسم يومى: بخير الحمدلله انتِ كيفتس ؟
رزنه : مثل ماتشوفني قدامك بخير وبصحه وعافيه الحمدلله ،، اي صح سعود ترا شاهين غث بنتي
اتسعت عيون حفيد : ياساتر شاهين !! ومع واحد غير سعود !
دق عمير سعود على كتفه يغمز وسرعان ماتالم من وطى رجوله سعود بقوه يسكته ، سعود : انشغلت وخليته عند ابوي
همهم وهو يفكر ،، دخلو المجلس وكان متجمعين فيه الرجال كلهم ماعدا الحريم ، التفتو سعود وعمير بتورط لسلمان : وش صار على الناقه ؟
اشر سعود بابتسامه لعمير : تفضل تحاكى
رمش بعدم استيعاب لسعود : وش احكي ؟
سعود بابتسامه : وش بك يا عمير عن الناقه ؟
ناظر في سعود الي بيورطه مع سلمان المعروف بحبه للناقه ذي : والله شف ياعم ولدك عنده علم مايسرك
التفت سلمان لولده ياشر عليه انه يقدم ، اقترب وهو يجلس قدامه : الناقه تسممت من ابره الفجر وعرفنا العصر ووديناها البيطري يقول ..
سلمان بغضب : وش يقول ؟!
بلع ريقه من تهجم ابوه " سلمان " : مايقدر يساعدها ! بس ترا من فعل فاعل يكرهنا واليوم شفنا واحد متلثم انا وعمير كان متخبي بين النياق
سلمان بصدمه : ابك ابك ابك !!
رزنه بخوف : يويلي سترك انتبه ياسعود لايغدر بك !
نفخ صدره ينطق : ابك انا سعود الي مايهاب احد والي يقرب بكسر له يده واخفي ملامحه
ضحك عمير وهو يربت على كتف "اخوه الي ماجابته امه"
: انشهد ان الكل يهابك لدرجه واحد غدر بك من ورا ظهرك بنياق ابوك !
سعود : قلتهااا من ورا ظهري لو من قدامي توطيت ببطنه
سلمان بعصبيه من برود هالاثنين : وربي لامصطكم بالعقال يا ملاعين اقلكم انقذو الناقه تجون هنا ببرود وتخلون الكلب يهرب !
سعود بتسليك لعصبيه ابوه : يلعن بليسه سريع وربي !
مسك عقاله سلمان بتهديد : ماجربت سرعه عقالي !
انسدح ضحك نايف على وجهه اخوه وقصف ابوه لجبهه سعود لكن سرعان ماسكت من شاف نظرات الشيخ له
طق صدره سعود ينطق : معليك يابوي خلها لولد الشيخ وانت ابشر
عمير بتفكير : ياعم ..
ناظر فيه سلمان : وش انت بعد ؟
همهم وهو يحك ذقنه : موب قلت في شخص امس جاك ؟ و مشيتو للابل ؟
هز راسه بايجاب : اي وبغى يشري بس موب من الديره
ناظر في عمه بشك : كيف ماشرا ؟
سلمان باستغراب من حكي عمير : اي ماشرا !
عمير : طيب كان يبي وحده وانت رفضت لان ذي حلوه ومزيونه
هز راسه وهو كانه توه يستوعب السالفه ، ضرب كفوفه ببعض ونطق : صدقني سبعين بالميه هو الي سممها !
سلمان : بغى يشريها وكانت طايره عيونه عليها ورفضت وعصب وراح بعد ما تجادلنا
عمير : خلاص نقطع الشك باليقين هو ! اتصل عليه وقل تعال لبيت رزنه
اومى له واخذ جواله يتصل " ابو منذر " هلا ابو سعود " سلمان " ابو منذر بقول لك شي تعال لبيت امي " همهم وقفل من سلمان
سلمان : وش اسوي بعدين ؟
ضرب صدره ينطق : خلها علي !
همهم سلمان بابتسامه ،،، سعود باستغراب وتفكير : طيب يا عمير وش مصلحه ذاك ؟
هز كتوفه بمعنى مايعرف ،،، مرت نصف ساعه وذا هو وصل ابو منذر : اعتذر تاخرت
سلمان : لا شدعوه تفضل سعود قم بالواجب !
اخذ فنجال القهوه يعطي لذا ابو منذر بابتسامه ، عمير بابتسامه : والله يابو منذر سمعت انك تبي تشري ناقتي ؟ كم عندك وانا اقول تم ؟
بسخريه : لا ماعاد نبي مسممه
اتسعت عيون سعود وسرعان مابتسم ، عمير بخبث : شلون عرفت انها تسممت؟
ناظر في عمير وتبادلو النظرات لثواني : العلوم تجي وتروح
عمير : بس انا ماقلت لاحد حتى سلمان مايعرف ؟
اتسعت عيون ابو منذر : وش قصدك انت تتهمني يالبزر ؟
رفع يديه وكانه مستسلم : لا حشى ماقلت انت سممتها يابو منذر !
رفع حواجبه ينطق ببرود : اجل وش قصدك ؟!
ابتسم يناظر بعيون ابو منذر يدور اجابه عكس اجاباته شفهيا : اسال ____ كيف عرفت ومن علمك انها تسممت ؟
ناظر في عمير : قلت لك ____ تجيني العلوم !
ضحك عمير بسخريه : طيب لو قلت ان الكاميرا صورتك ؟
ناظر الموجودين لعمير الي جالس يتلاعب بـ ابو منذر ! ، طلع عمير كيس من جيبه ونطق : وعليها بصماتك ؟
ابتسم ابو منذر : وانت متى اخذت بصماتي ؟
رجع ظهره عمير : معلينا من البصمات انت ماتبي تقول ليه سممتها ؟!
بان ملامح التوتر وبدا يتعرق لانه موب قادر يصبر اكثر ! ، ابو منذر : ماسممت احد !!
اطلق ضحكه ساخره طويله : كانك جرذ وانت كذا خايف !  ابك انطق عطني سبب مقنع وانا بقنع __التفت عمير لعمه __ عمي انه يتنازل عنك
غطى عيونه بكفه وهو عارف انها رايح فيها كذا ولا كذا : كنت ابيها لانها تجيب اكثر من ثلاثه مليون وقلت بتلاعب على سلمان بس كان يحبها ووقتها قهرني !!
رص على اسنانه سلمان بغضب : يالكلـ*ـب تبي تعرف ليه غاليه هالناقه ؟! ، لانها اخر ذكرى من زوجتي وانت قتـ*ـلت هالذكرى !!
ناظر في سلمان الواقف والغضب يتطاير من عيونه : اسف .. اســف ! دْبحتني الغيره !
مسك ياقته وكله غضب من الشخص الي وثق فيه : وش اسوي لــك ! انا شدخلني ..! ،،، هالشرها موب عليك علي انا الي وثقت فيك يالندْل بس طلعت انحٍس خلق ربي بغيرتك ! ، ذا كبرك وتغار ؟ وش بقيت للمراهقين !
دفع ابو منذر عنه : باخذ حقي من الحكومه وفلوس الناقه تجي لي دبلها
مسك يد سلمان بترجي : لا تكفى الا المحاكم عندي اهل والفلوس تجيك تجيــك !
دفعه للمره الثانيه : شسوي لك ! لو فكرت فيهم من اول كـ ..
رزنه بغضب وحزن: خلاااص !! مصايب مصااايب كم مره !!
فايز بسخريه : من عذاري انا اقول
التفتت رزنه لولدها بغضب : انـت اسكـــت ! لا تهرج !!
اتسعت عيونه من حكي امه ! ، كان يبين لها الحنون والطيب ومايبي تاخذ عنه فكره سيئه والحين من جت ذي عذاري !! قلبت كل شي ..! .
التفتت رزنه لـ ابو منذر وهي تضرب عكازها بغضب على الارض : لا تتذلل كذا !! القانون راح يحاسبك و يأدبك !!
وقده سعود اتصل على الشرطه وكله روقــان ! : يلا الحكومه بطريقها ..!
اتصل جوال ابو منذر بنص كلام سعود وماكانت الا " حبيبه قلب ابوها " اجتاحه ندم شديــد من تذكرها ..! وتذكر اهله ..! الغيره اعمته ،، رد وكله يرجف : هـ هلا ياحلوه ابوها ..؟