« ياقلب دقات الهوى لاعبتني قامت تمايل بالدلع كانه العود »

البارت الخامس

اقتربت ساره بهدوء : اهلين يابنات
ناظرو فيها باستغراب : ياهلا
جلست ساره بابتسامه لعذاري : ياهلا بعذاري
باستغراب اكثر : ياهلا فيك
كملو سوالفهم مستغربين من ساره : انتم بتروحون الفجر للوادي ؟
هزو روسهم بـ أي ، اشواق : انا يمكن اي يمكن لا ابووي يخاف علي مره وبعد يومين عندنا سفره
الجازي بصدمه : اما يعني انا وعذاري بس ! مايصير مامنكم رجال يقول انا بجي
ضحكت اشواق : كلنا بنات
بسخريه عذاري : اي مابه رجال بالبيت
ساره بغضب : تعقبين وش قصدتس !
رفعت يديها ببراءه : ماقصد شي بس الرجال ينعدون بالاصابع عموما انا بروح انام
اشواق بسخريه وهي تناظر في ساره : اقول انتبهي لا يشوفك فايز باللبس بيقوم البيت
ساره بسخريه : ابوي الي يسوي صح ولا من تلبس هاللبس شوفي كتوفها واضحه !
قامت عذاري وودها بالمحارشه لكن حاليا ماودها لانها مصدعه وبينفجر راسها من الصداع , اتجهت لغرفتها لكن وقفها صوت خالها , ومن غيره ؟ فايز خالها ! , التفتت له : خير ؟
اشر لها تقترب منه لكن مالقى الا قفاها بتمشي لكن قبل تاخذ خطوتها وقفها ماسك كتفها : اذا ناديتس تجين ! 
ببعض الغضب : وش بغيت ياخالي فايز لان عذاري الحين ماودها تشوف وجهك ومتقرفه منه !
بسخريه محاول تمالك اعصابه : وش ذا اللبس ياقليله الادب ؟!
فلتت يدها عن لبسها وارتفعت نبره صوتها : وانت شدخلك ! اهتم بعيالك ليكون على بالك انك بتمشي كلامك علي ؟؟ اسمع يا فايز انا موب منصوره ولا متعب ولا بدره وساره ياليت تنسخ هالكلام ببالك ! لان موب عذاري الي يتحكم فيها !!
ارتفعت يده بيمدها لوجهها لكن وقفه مترك : اركد ! مالك دخل فيها !!
غاليه بغضب : وانت مييين عشان تمد يدك على بنتي !!
ابتسمت عذاري بسخريه لوجهه فايز المحمر غضب ونطقت ببرود : سهل استفزازك
التفتت مكمله طريقها لغرفتها وضحكتها الساخره واصله له : يابنت ظافر ماكون ولد شمان اذا ماوريتس
ابتسم ساخر من وقفت عذاري تلف له والغضب مبين بملامحها وقفت امامها غاليه : معليك منه !
وخرت امها عن طريقها تقترب بسرعه لفايز الي ماسكه مترك : انا مووب بنته !!
اتسعت عيونهم بصدمه من الكف الي هبط على خد فايز ، رزنه بغضب ولاول مره في حياتها : عذاري !!!
ناظرت في كفها بصدمه ووجهه فايز المصدوم يتحسس خده الي طبع كف عذاري عليه ، سرعان ماتهجم عليها ماسك شعرها ويضربها يرجع الكف دبل تحت صراخ عذاري وتعزيز ساره لابوها ،، وقفوه مطحس ومترك بالقوه : يابنت الكلـ*ـب والله لاوريتس !! يابنت ظافر
باصراخ تناظر في فايز ودموعها تنهمر على خدها : موب بنته موووب بنته !
اخذتها غاليه تشاركها البكاء اخذتها غرفتها ، مسحت دموعها بعشوائيه ونطقت بغضب : ماراح اجلس هنا !! لو نمت بالشارع ماراح اجلس بالبيت الظالم !!
حضنتها امها : خلاص خلااص معليك منه
ابعدت امها عنها بعنف ونطقت بغضب تاشر على نفسها : معلي منه وهو مسووي فيني كذا !
تنهدت غاليه تناظر في شعر بنتها : ترا حتى انتِ مخطيه ! المفروض ما تضربينه كف !!
غطت بكفيها وجهها وبدات تبكي : يقول لي بنت ظافر وتبيني اسكت !
اخذت نفس غاليه ونطقت : انتِ مديتي يدك عليه وذا غلط كبير ! ذا خالك واكبر منك
بصراخ وبكاء : اوووه مابتفهموون
قامت من سرير امها وطلعت برا الغرفه تحديدا لغرفتها مقفلتها بالمفتاح على وجهه امها : رووحيييي روحييي دافعي عنه !!
اتجهت للمرايه تناظر في شكلها بحزن كبير ،، بغضب : الله ياخذك جعل يدك للكسر يالحيو*ان يالنجـ*ـس
اخذت المناديل تمسح الد*م الي نزل من جبينها بعنف : جعل يدك للكسر !
رمت المناديل على المكتب وتاخذ مناديل اكثر تمسح فيها جبينها
•
•
•
« المجلس »
دخلت غاليه تاشر على فايز والغضب معتريها : لوو يصير لعذاري شي وربي سمعتك تكون تحت رجلي مثل ماكان ظافر تحتها
بسخريه يمسح على يده : بنت ظافر كانت تبي تربيه
بغضب تقترب من اخوها لكن وقفها مترك يهديها : لاتعيد اسمه وتقول بنته ولا والله لاسوي الي ببالي الي بيخلي الديره تطردك على بالك ماعرف بالي مسويه مع سلمان ؟؟
اقترب والغضب يعتريه : سلمان اخذ جزاءه مثل أي كلـ*ـب
ضربت على صدره : انت الكـ*ـلب يالنجـ*ـس
مطحس بغضب : غاااليه بتقولين لنا سالفه ظافر والي مسويه هالـ**** ولا بنجبركم تقولو
ناظرت في مطحس تحاول تهدي من اعصابها تركها مترك وطلعت لفوق لغرفتها ساحبه على مطحس الي رفع صوته يناديها ومن نبرته وضح الغضب فيها
•
•
•
« اليوم الثاني ~ الجمعه ~ الصباح الساعه 10:27 »
ناظرت ساره في اختها الي تفطر : لو شفتي ابوي وش سوا بعذاري امس ! يوو فاتس
بدره بسخريه : وصلتني الاخبار
قوست شفايفها : يووو كنت ناويه اقولتس بس ان ابونا برد قلبي
ضحكت بدره تناظر في امها الي تبتسم لحكي بناتها : اقول اسكتو انتِ وياها وافطرو
كملو فطورهم مستغربين من سرحان الجازي وتنهيداتها ، دخلت غاليه رابطه راسها بمسفع « طرحه » ، رزنه بحزن : وش صار معها ؟
جلست غاليه جنب امها : رفضت تفتح لي تقول انتِ معه
ناظرو في الجازي الي غطت فيها وجهها عن العيال الي بالصاله وطلعت لفوق عند عذاري : عذاري افتحي
سمعت صوت عذاري : ماني بفاتحه
الجازي بغنج : معذوره افتحي
ضحكت عذاري على دلعها وفتحت لها الباب بسرعه تدخلها وتسحبها : بفتح لك لانك الجازي
لعبت بشعرها ونطقت ببعض الغرور : ولا قوولي ان اعجبتس الدلع
ضحكت على الجازي : معذوره اجل ؟
اومت لها الجازي بابتسامه : شرايتس نطلع للوادي من الباب الثاني محد بيشوفنا
باستغراب : بس هناك بيشوفنا احد من الجيران اقصد بيت سلمان
بسخريه : ياشيخه من بيطلع بعز الظهر البسي مشلحتس انا انتظرس وابي هالجلسه تكون جلسه فضفضه
تنهدت بحزن تعطي قفاها لـ الجازي تاخذ مشلحها المعلق وتركض خلف الجازي الي تحاول تهرب من نظراتهم وتاشر لعذاري تمشي لين تعدوهم وتحركو لخلف البيت ، دفعو الباب المكسور يتلفتو يمين وشمال لكن مالقو احد وسرعان ما ركضو قبل احد يشوفهم كانهم هاربين وهم صدز هاربين ،، وصلو للوادي بعد عناء من المشي جلسو على التراب بعد مافرشو البساط الصغير : والحيين خلينا نسولف بالراحه قبل يطلعون الجنون
باستغراب : جن بالصبح ؟
ضحكت الجازي : تعبير مجازي يابنت اقصد اهلنا
ابتسمت عذاري بوجهه الجازي تنزل طرحتها وتنطق : هممم من وين ابدا وانهي انا اقولك تعبت وربي من الدنيا وانتظر ربي ياخذ امانته
ابتسمت بهدوء الجازي تدخل عذاري لحضنها : الدنيا اختبار وانا اختس قولي كل الي بقلبس يابعدي
وسرعان ماسمعت شهقات عذاري الي كانت تحاول تكتمهم لكن ماقدرت مسحت على ظهرها : قولي يابعدي قولي
حاولت تمسح دموعها لكن ماقدرت : ابوي مادخل السجن عشان ديون ..!
•
•
•
« ~ بيت سلمان ~ »
طل على الشباك وسرعان ماضحك بسخريه من شاف بنتين يهربون للوادي : حريم وش متوقع ياسعود عقولهم صغيره ..! الله يعين ابائهم عليهم
اتجه لابوه الي ينادي : حلال من محطك بالعقال
بصدمه : وش به يالوالد
سلمان : امس ماقلت لك روح عند الحلال ؟
حك مؤخره راسه بتورط : نسيت
رفع حواجبه : وماقلت لك اقهر الناقه ؟
هز راسه بخرشه : انقلع للحلال لابارك الله فيكم من عيال
انخرش من شاف ابوه يشيل عقاله وركض للخارج لددسن يحرك بيروح للحلال قبل صدز ايوه يمحطه بالعقال : يبه اجيب حليب ؟
طلع سلمان : اي جيب انا بروح للمحل
حرك سيارته يراقب لطريق
•
•
•
« الوادي »
ابعدت عن حضن بنت خالتها الي مصدومه ونطقت ببعض الخجل : لاتناظرين كذا
الجازي بصدمه : امتس وش سوت ؟ وكيف عرفت
نزلت انظارها بحزن وخجل من نفسها : عرفت من المدرسه
مسحت على وجهها تحاول تفكر وتعصر مخها موب مستوعبه سالفه عذاري ،، لين استوعبت ان عذاري خجلانه منها ومن نفسها اقتربت منها تحضنها : معليه حصل خير ، ربك بياخذ حقس وتذكري ربنا يمهل ولا يهمل
قوست شفايفها : خايفه امي ماتوديني لرياض بسبب اخوانها الحقاره
ابتسمت الجازي : صدقيني ياعذاري امتس تخاف عليتس اكثرمن أي شي والحين عرفت ليه رفضت تخليس تشوفينه تدرين امس تهجمت على فايز وهددته ومن راحت قلب وجهه بس كانت تقول تقريبا ان سمعتس بتكون تحت رجلي مثل ماكان ظافر تحتها
قلبت ملامح عذاري : لاتذكرين اسمه
مسحت على شعرها : اسفه
قلبت عيونها من سمعت صوت اخو الجازي ريان : وينكم انتم ! البيت معفوس فوق تحت يدور عليكم !
ابتسمت الجازي لاخوها : شوي نجي
ريان بغضب : اقول امشي قدامي ولا تكثرين هرج
قوست شفايفها من اخوها : طيب !
وقفت الجازي تغطي شعرها ووجهها تناظر لي عذاري الي باقي جالسه : قومي ؟
ماردت عليها عذاري جلست الجازي جنبها على بالها انها متاثره لكن سرعان ما صرخت من شافت افعى جنب ساق عذاري !! اقترب ريان بخوف من اخته وانخرش هو ايضا من شاف افعى جنب عذاري الي شوي بيغمى عليها من عضتها : الحيه سامه !!
حاول يبعدها عن عذاري بخوف لين مسكها ورماها بعيد قبل تعضه هو بعد ، التفتت لاخته بخوف : سدحيها وعطيني ماء ومسفعتس
ربطت مسفعها على ساق عذاري بخوف كبير ودموعها تنزل يمكن تحققت دعوه عذاري وقت قالت متى ربي ياخذ امانته ! ، ناظرت في اخوها بخوف : تكفى ساعدها
قرب شفته من ساق عذاري الي تغطي وجهها بحضن الجازي تحس بالم شديد بساقها ،، مرت ربع ساعه وريان يحاول ينقذها ابعد وهو يمسح وجهه بتوتر : سويت الي علي لازم ننقلها المستشفى غطيها بشيلها لامها
غطت وجهها زين وساعدت اخوها ريان الي شال عذاري يركض للبيت
•
•
•
اتسعت عيونهم بصدمه من ريان الي شايل بنت ووراه اخته : وييين غااليه ؟!
اقتربت غاليه بخوف تاخذ بنتها : وش فيها !!!
بتوتر : لقيتم عند الوادي وقرصتها حيه سامه لكن ساعدتها الحين وديها المستشفى
تحسست جبين عذاري بخوف عليها , كانت حرارتها مرتفعه وبشكل مفجع , مسح العرق من جبينه ونطق لغاليه بتوتر : استعجلي مابه وقت بعدين تحضنيها !
ساعدوها محارمها بالوقوف يودونها لسياره مترك , اقترب سلمان منهم بخوف ان امه بها شي : شفييي !
مترك بتوتر : عذاري قارصتها حيه
بصدمه : ومن متى ؟
ناظر مترك لريان : اساله انا مستعجل
تحركت سياره مترك وناظر سلمان لريان الي يدخن بهدوء , تقدم له : اقلعه هالدخان موب زين
رماه على الارض يدعسه : ولدك يدخن
ابتسم له سلمان : سعود دلخ مادري متى يكبر عقله الا وش صار ؟
تافف ونطق بملل : والله لقيتهم هالخبول عند الوادي وقرصتها وعالجتها في الطب البيطري
ناظر في سلمان الي انسدح يضحك : شايفها تسلب ؟
وكمل ضحكه لين استوعب الي قاله ريان وانحرج من خاله : تـ توصي ؟
هز راسه بالنفي ماسك بطنه بيد ويمسح دموعه بيد : سلامتك الله يسعدك مثل ماضحكتني
ابتسم على كلام سلمان وسرعان مانمحت من شاف سعود يناظر فيه بسخريه وبيده سيقاره :  مع السلامه !
دخل بيت جدته وكذلك سلمان الي اتجهه لسعود : كم مره اقول لك لاتدخن ؟
ابتسم سعود لابوه : هي والعود يطفون نار قهري
زفر بهدوء يربت على كتفه : ماقول الا الله يعين ياولدي الحقيقه بتبان ربك يمهل ولا يهمل
تنهد سعود ونطق : بروح للحلال توصي ؟
ارتفعت حواجب سلمان : متى عودت ؟
ابتسم بغباء : من قبل شوي
باستغراب : وليه رجعت ؟
بتوتر : عشان العود
تافف من ولدت يهز راسه بالنفي : ما بيفيد معك انقلع وترا نايف بيروح للمدينه اليوم
اومى له سعود واتجه لددسن وجنبه العود ومابين اصابعه سيقاره : ياحظك يانايف بعيد عن المشاكل رايح للمدينه وانا هنا اكل تبن في حايل
انخرش من اخوه الي دخل من الشباك : بجي معك
ضحك على اخوه : حياك بس ترا في باب
ابتسم نايف : ماله داعي انا شريق
مسك بطنه سعود : شريق قلت ؟ اي واضح الشراقه بتطلع من عيونك
ضحك نايف يشارك سعود : اقصد رشيق الواحد مايغلط عندك ؟
ابتسم سعود بحماس : اي مايغلط والي يغلط خايف من ولد الشيخ سلمان ، نطعس ؟
بخرشه : لا بعد بكره عندي اختبار
بتافف : ابك غيب وش حادك ياولد
بسخريه نطق : انا ابي اصير دكتور مارعى بالغنم
ضحك سعود ونطق ساخر : وبالنهايه طبيب بيطري
ناظر لاخوه : وش فيها عادي بس انا بصير دكتور نساء
طارت عيون سعود : ارفع علومك