« ياقلب دقات الهوى لاعبتني قامت تمايل بالدلع كانه العود »

البارت السابع

« بسم الله الرحمن الرحيم »
.
.
« يوم الاحد في حايل »
مسكت المبخره تبخر البيت نطقت بابتسامه : امسكي يالجازي وبخري
اقتربت بدريه : يمه وليه الجازي تبخر لهم ؟!
ابتسمت رزنه لبنتها تربت على كتفها : عشان اختس بتجي !
عضت شفايفها بقهر وابتسمت الجازي بوجهه امها وبدات تبخر الصاله ، اقتربت ساره من رزنه : انا برتب غرفه عذاري
ابتسمت باتساع رزنه : كفو يابنتي يلا
همهمت لها متجهه للغرفه عضت شفايفها بقهر تنزل : جده الغرفه مقفله 
رزنه بتذكر : يووو عذاري مقفلتها اجل نظفي غرفه عمتس
ابتسمت تومى لها وسرعان ماتحركت وبيدها مكنسه ، دخل فايز وبدا يكح بغضب : وش ذا ليه كل البخور ذا ؟؟
ناظرت الجازي بخجل لخالها : اسفه ياخال بس عشان غاليه وعذاري وولد سلمان
اتسعت عيونه بغضب يناظر بامه : وليكون بيدخلون البيت ؟؟
ناظرت في ولدها بغضب : اي ! لاتخرب فرحتي بهم يا فايز !
رص على اسنانه بغضب وخرج ، الجازي بهمس : بقلعتك
وكملت تبخر ، دخلت اشواق وبيدها اكياس هدايا ، الجازي بفرحه : وااه اكيد جايبه لي صح ؟
ابتسمت بوجهه الجازي : لا ذي لعذاري وعمتي
عبست ملامحها ماخذه المبخره الي حطتها على الطاوله : اي والجازي مايعبرونها ! ابك انا بنت عمتس
ضحكت اشواق : المرات الجايه تهقين ذا اللبس بيعجب غاليه ؟
بانبهار : واااو يجنن ياحظتس ياغاليه !
ابتسمت اشواق لبنت عمتها : اهجدي خليني اوريتس الباقي
اقتربت منها بحماس تناظر بداخل الاكياس
•
•
« المغرب الساعه 6:43 »
وقف السياره قدام بيت رزنه وسعود الي كان نعسااان وبشده ووده بالنوم وسريره ، التفت لعمته : الحمدلله على سلامتنا انا يمكن مابجي بنام مصدع
هزت بالنفي : بتحظر وانا عمتك ! مايصير شف التحظيرات
ابتسم سعود : خلاص بغير واجيكم تقريبا بعد ساعه
ضحكت غاليه : ياخوفي تنام يويلك ترا بكلم لك سلمان
اومى لها ونطق بعد ماتذكر : طيب تبون انزل لكم الشنط الحين ؟ 
التفت لشباك بعد مانتبه لولد عمه : زيوده تعال
اتسعت عيونه يركض لسعود : ياولد لاحد يسمعك وش الي زيوده !
ضحكت غاليه عليه ونطق بخجل بعد مانتبه له : يـ ياهلا بغاليه
التفت لجهتها يقبل راسها : لو تشوفينهم يجهزون من الصبح عشانكم اشغلوني زياد قم زياد جب زياد ود
قرصت اذنه غاليه :يعني ماتبينا ؟
نزلت عذاري من السياره داخله لداخل متجاهله سوالفهم الي بتطول وكذلك سعود الي اعطى المفتاح لزياد : يلا نزل الاغراض
شتم سعود بهمس لكن سمعه : بسوي نفسي ماسمعت
•
•
•
« خلونا نرجع قبل اربع ايام ، الرياض بالتحديد السجن العام »
ابتسم لخويه : وش بك تناظرني ؟
تقدم منه ونطق : مستغرب
بفضول نطق ظافر : وش ؟
ابتسم لظافر : ليه موب خايف ؟
تنهد تنهيده طويله تحكي آلم : والله من داخلي ارتعد خوف من ربي مو*تي بعد ايام ،، ايام تنعد بالاصابع
غطى وجهه بكفيه : والله اني خايف خااايف وندمان قد شعر راسي
نزلت نهايه كلمته دمعه وسرعان مامسحها قبل يشوفها خويه ونطق بعدها : بتطلع بعد بكره ؟
اومى له واكمل ينطق : بعد مانقـ*ـص ؟
تنهد تنهيده ونطق : أي
انسدح على السرير يغطي الشماغ على وجهه : لاتزعل اهلك ترا هم الحين مشتاقين لك
•
•
« يوم قـ*ـص ظافر »
دخل العسكري : ظافر آل****
وقف يلحق العسكري الي كبشله وربط عيونه وقف على صوت عذاري الي تستهزئ به ونطق بابتسامه ساخره : ليه كذبتي وقلتي غاليه ماجت ؟
رصت على اسنانها ونطقت بحده : وليه اقولك ؟
بابتسامه خبيثه : يمكن لان ابوك مشتاق لطليقته
ابتسمت بخبث : السيف مشتاق لـ راسك ، اشوفك هناك يـ ~ نطقت بخبث كبير ~ ظافر
سمع صوت كعبها وعرف انها تحركت ركب سياره الشرطه
•
•
جلس على الارض يسمع التهم الي عليه مربوط العينين والحزن والندم ياكله جدا !
أي اب يبيع جسم بنته عشان الفلوس ؟؟ أي اب !!
بعد مانتهى القـ*ـصاص كلامه نطق لظافر المبتسم بحزن : تشهد ياظافر
•
•
دخلت للبيت وسرعان ماشافت رزنه المبتسمه اقتربت تسلم عليها باشتياق : لكك وحشه رزنتي
ضحكت عليها : مصدقتس
تصدح صوت ضحك عذاري ونطقت : الضيوف جو ؟؟
هزت راسها بالنفي : لا باقي
قبلت راس جدتها ونطقت بحنيه : بروح ابدل وانزل لكم هزت راسها بايجاب وتحركت للخارج تستقبل غاليه قلبها
دخلت لغرفتها بتبدل ناظرت في ساره الي تاكلها بالنظرات وتعض اظافرها بقهر ابتسمت بسخريه ودخلت للغرفه قفلت الباب بالمفتاح واخذت لها لبس بتلبسه عند الضيوف ،، لازم تكلم سعود تكلمه انه مايقول شي عنها ..!
لبست لها ملابس وطلعت عند الضيوف الي وصلو نصهم قبل كم دقيقه ذي ثاني عزيمه تقيم لهم وتحس مالها داعي ، نزلت لتحت انتبهت للبنات الي يسولفون اتجهت لهم واستقبلتها الجازي بالاحضان هي واشواق
•
•
« عند سعود »
لبس ثوبه وشماغه وتعطر من عطره الرجولي طلع للخارج عند نايف الي نطق بأبتسامه : لو اني بنت تزوجتك
ضحك على كلام نايف : اقول تحرك قبل لا يهاوشنا الشيخ
شاركه الضحك وتحرك وهو يعدل الشماغ ، دخلو بيت رزنه وانتابه شعور غريب وقف مكانه وجذب انظار نايف المستغرب له : شبلاك ؟
هز راسه بالنفي وكمل مشيه جنب نايف : ولا شي بس نبي نرجع بسرعه
تنهد نايف ينطق : ترا العزيمه لك ولاهل غاليه يعني بنتعشى بس قبل تدخل شكلي ضابط ؟
هز راسه بايجاب ودخلو للحوش المفروش والمليان بالرجال همس لنايف : وشوله جايبين سامري منجدهم ذولي ؟ تو الرجال مقصوص ! ويجون ذولي
تنهد نايف : فكره فايز واضح بيقهر البنيه واخته
جلس جنب ابوه ونطق له : بنجلس للعشى ؟
اومى سلمان : وفايز وراه كلام يقوله لنا
تغيرت ملامحه من البرود للغضب : وليكون قبلت تتكلم معه ؟!
ناظر فيه سلمان ببعض الغضب : اي اخوي
تنهد محاول تخفيف غضبه : طيب انا مابجي
سلمان بغضب : طرق عن خشمك
عض شفته بقهر خرج للحوش الثاني ياخذ سيجارته يدخنها لعلها تهدي من غضبه وش باقي بيسوي هالكلـ*ـب ؟! بعد سواياه يجي ببرود يقول بكلمك ياسلمان وابوي يوافق !!
بلع ريقه من سمع صوت انثوي والعطر الي هجم انفه تنحنح ووقف ينفض التراب عن ثوبه بيتحرك لكن وقفه صوتها : انتظر !
التفت لها سرعان ماعرف هالصوت وماكان يبين منها الا عيونها والطرحه الي مغطيه نصف وجهها : هلا ؟
ناظرت يمينها وشمالها تتاكد ان مافيه احد يسمعهم ، بلعت ريقها بخوف من الكلام الي بتنطقه : سـ سعود
صد عنها ينطق ببرود بعد مانفث الدخان : هلا شبغيتي ؟
انقبض قلبها بعنف ونطقت بهمس : الكلام الي صار توعدني مايخرج ؟
زفر بملل : وش فيها لو عرفو ؟
رصت على اسنانها بغضب : ماهتميت لكلام العالم لكن الي يهمني امي الي بتتاثر ! لايطق لك عرق النذاله
ببرود شديد : شسوي لكم يعني ؟
شمقت له وتنطق : اتمنى مايطلع ويكون بينا !
ببرود : قدني قلت لنايف
اتسعت عيونها بصدمه وسرعان ماضحك بسخريه : انا موب نذل
تحرك من عندها يدعس على السيجاره " اكرمكم ربي " وكذلك عذاري الي مشت قبل احد يشوفها ويطلعون اشاعات
•
•
بعد ماراحو الضيوف ذا هو سلمان جالس امام فايز ومطحس بهيبه وبينهم رزنه الي خايفه يصير شي وغاليه وبدريه المستغربين وش السالفه لكن اتضح ان رزنه عارفه ومطحس وفايز ، كان الصمت سيد المكان ونطقت رزنه بعد ماعرفت ان ذا الصمت بيطول : ياسلمان مايصير نقطع صله الرحم وتعرف لو انقطعت وانت ولدي واخوهم بندخل نار جهنم لايدخل الجنه قاطع رحِم قطع الرحم حرام من كبائر المحرمات خلنا نرجع عائله مثل اول
لدقايق تصدح صوت ضحك سعود الساخر من كلام رزنه ، ناظر به فايز بحده : شبلاك تضحك والموقف جاديين فيه !!
مسح دموعه الوهميه ونطق : لا بس تاثرت من كلام الجده
رص اسنانه بغضب على كلام ولد اخوه ، نطق سعود بعد صمتهم وصمت ابوه الي وتره : يالجده انتِ مستوعبه كلامتس ؟ لو انتم صادقين ماكان ساندتو هالزفت على المسخره الي مسويها ومثل مايقول المثل القرد بعيون امه غزال !
وقف فايز بغضب ووقف معه مطحس وسلمان الي منكر كلام ولده ، فايز بغضب : انا حاشمك بالمجلس عشان امي ولا انت ماتستاهل ! بس اوريك ياسعود اوريك
اقترب سعود من عمه والغضب يتطاير بعيونه : اقول بتسدين حلقتس ولا اسده لتس يـ الحرمه
اتسعت عيون فايز : لااا زادت ! احترم عمك يالرخمه
نطق سعود والحقد يبين من عيونه : تخسي تكون عمي !
طقت رزنه العصا على الارض تنطق بحزن : بس بس !
غاليه الي كان يشغل بالها ان " ليكون سعود يدري وساتر على فايز ! " بكلامه صارت تشك بس ليه يسكت ؟ يمكن لان ..
قاطع تفكيرها صوت رزنه : انتم ماحشمتوني ! ماحشمت امك يافاير و ماحشمت جدتك ياسعود !!
نطق سلمان بحده لولده : سعوود اعتذر لجدتك ولعمك !
اتسعت عيونه بغضب من كلام ابوه ، يبيه يعتذر !! رزنه ماهتم لكن فايز !!! انا سعود ما اعتذر لذكر ! لابس قناع الرجوله ناظر في رزنه الحزينه : انا ابي نجتمع ونكون عائله نفس قبل
ناظر سلمان بحزن كبير جدا لامه ، يدري ان امه ماوقفت رغبه منها مع فايز ضده لكن قدر الله وماشاء فعل ، تنهد تنهيده طويله يعرف وش بيقولون عياله يعرف وش ردهم لكن ذي امه مستحيل يردها ..! ، بس فايز ؟ فايز ذا نذل انذل خلق ربي كيف تبيه يسامحه ؟ بعد الي سواه ؟ بعد التهام الي جاه من فايز ؟! التفت لغاليه بابتسامه يغير الموضوع : عذاري ماشفتها اليوم ماودها تسلم على خالها ؟
ابتسمت غاليه لسلمان : نفسيتها موب زينه خلها بكره اليوم تعبانه
رزنه باستغراب : وش بها ؟
فايز بسخريه : ابوها وش متوقعه يايمه ؟ الحمدلله فكنا
ناظرت رزنه بحده لفايز الي صاير من رجعت غاليه يتمادى بالحكي ، مطحس بسخريه : الله يحرمنا من بنات تسذا ابوها ينقـ*ـص وتحظر قـ*ـصاصه وبوجهه مبتسم
غاليه بغضب : الزمو حدودكم يامطحس وفايز
اتسعت عيون سعود بصدمه " ليكون مطحس وفايز يعرفون ! " استوعب الي هو به وخرج من المجلس متجاهل مناداتهم له الحين لو نطق بيشتم أي واحد فيهم بس يستاهلون ماجاهم ، خرج برا البيت متجهه لمكانه المفضله بالنسبه له اخذ عوده بيده وبدا يعزف وينطق :
تحمل ياصدري ادري ان الصبر طال
وان الدنيا زودت علي .. بلاويها